嘉寶漢堡 (嘉寶大廈)

Open Now

Now Closed

因為係附近整車所以搵到呢間嘢，見都幾多人排隊所以試下，叫咗個雙層芝士牛堡，認真唔錯喎又幾Juicy 個包又鬆脆比起中環個啲過之已無不及，不過坐得幾迫下可能我係一個人去，冇計！係值得推薦小店！

之前已經食過幾次尤其推介距地嘅蜜糖菠蘿芥末豬堡，甜甜地又多汁，食落唔會乾口今次我就食左距地嘅bbq豬堡入面有bbq醬，不過比較普通，無波羅豬堡咁好食，但叫埋粗薯條+汽水埋單都係40-50！好抵而且如果想健康嘅人可以揀叫沙律，價錢同薯條一樣！沙律我都試過，有菜有焊麵包粒！如果想飽d嘅都係叫薯條好d但要留意嘅係距地好多人食有時候排隊都要排一陣，around 15 minutes左右通常。不過店入面位置都多。

Kwai Chung burger:嘉寶漢堡薯條好脆口，厚切所以食到好多薯肉😍岩岩炸起熱辣辣有點燙口，之後一啖接一啖食唔停環境：擠迫，不太舒適可考慮外賣 都好食的.

之前試過尖沙咀店的嘉寶漢堡，記得主打港式漢堡，以慢煮方式作招徠。原來在葵涌買小食起家，其後才發展成今日的漢堡店，甚至拓展到尖沙咀開分店，可見深受食客歡迎，而且出品一直亦備受好評，贏盡口碑。葵涌總店空間感十足，有落地玻璃窗令整體感覺更開揚，加上擺設以木材為主調，設計簡單舒適，有別於一般的港式漢堡店裝潢。【烤菇芝士牛堡】漢堡份量十足，夾層用上大啡菇和慢煮牛肉漢堡，同樣相當厚身，非常多汁，配上特製醬汁和芝士，口感和味道層次更加豐富，相信平常對漢堡沒有太大興趣的食客都會一樣喜歡～【蕃薯條】單點漢堡可以另外自選升級套餐，以多加一款小食及一罐罐裝飲品，非常划算！蕃薯條即點即炸，又香又酥，亦不失蕃薯本身的甜味。【鴛鴦炸燒賣】鴛鴦燒賣即魚肉燒賣和豬肉燒賣各本，一樣是即點即炸，份外香脆。炸豬肉燒賣比較少見，口感比魚肉燒賣實在一些，另外還保留少許肉汁，反而能減輕一些油膩感。

整體來講，如果唔係住附近，又或者對食有份執着嘅話，都唔係好推薦專登嚟試。😂港式漢堡好受歡迎，但未必人人岩嘅，我唔係好鐘意太逼，排同等都比較耐，食完要自己收野。唔係差，但個人覺得有更岩食既選擇。大家都係選擇自己喜歡的💖香辣煙肉蛋羊$45，好岩食，惹味！雖然個包麻麻地，但孜然羊肉幾突出，夠晒厚，加左煙肉蛋，更吸引！之後會再黎食羊堡麻醬雞堡$27，抵食！真芝士ok，大大塊雞，比唐記蒸雞飯靚，去買麻醬都幾開胃，出面比較少見。黑松露芝士牛$45，無論係黑松露定係牛肉都有啲失望。食落口就知夠晒咸，但唔夠邪惡。如果自己買塊漢堡扒煎，加黑松露醬同芝士，相信會香啲。小食水準正常中上。唔太淋或者炸到勁深色。

嘉寶漢堡，好本土嘅餐廳名～但啲漢堡包就好正宗，好好味！超讚！烤菇芝士牛漢堡 $50原隻大烤菇上，無菇腥味喎，啖啖菇肉，非常juicy😋😋 鍾意食姑姑嘅人一定都試丫！ 黑松露芝士牛堡$45好多黑松露好香！ 配搭牛味香濃嘅牛堡簡直係絕配丫😋😋 食到舔舔脷加$13可以升級至套餐，可以揀一款小食和飲品！ 呢度嘅薯條和薯格都非常出色！ 薯條粗過隻手指～勁薯👍🏻👍🏻 至於薯格，炸到勁脆～咬落去chok chok聲🤣 好味好味～

説嘉寶是新一代時新漢堡, 這對兩者也不公平, 因為時新主打的是舊式的快餐漢堡, 追求的是懷舊風味, 對漢堡扒的要求和現在的不盡相同, 做法也較簡單直接, 而嘉寶嘅漢堡包種類十分多元化, 有牛, 豬甚至是羊肉漢堡. 牛肉漢堡扒以慢煮處理過再煎, 牛味更濃口感更軟糯, 而且肉汁更豐富. 黑松露醬份量很多, 和沙律醬混在一起, 味道鹹香帶甜, 相當可喜的味道. 要是說可以改善的, 也許就是麵包的口感, 我喜歡的是鬆軟口感的. 煎香過的麵包固然能帶出焦脆的口感和焦香的味道, 但就是個人口味不是最喜歡的那一種.

多年前好友露比介紹吃過的嘉寶漢堡，由小小轉角位小店，至今搬大舖到開尖沙咀分店，漸漸成為小人氣食店。那個時候我這個朋友已就看好嘉寶了。😁今日下午再過來一試，門口已有等入坐人群，店鋪擠得滿滿，跟以前只有幾桌坐位分別很大。《芝士牛堡》$31 自己先買飛再取食物，可能要等齊食物關係，漢堡拿到上手的時候，只剩下餘溫，吃來有感是港式西式的合併，不是M記的那種機械式，但又沒有美式那種超靚免治牛肉加巨型到放不入口的模樣。就是中規中矩，有自家的特式。《香辣煙肉蘑菇芝士牛堡》$42 無辣不歡的朋友可以一試，微辣有點惹味。套餐配《薯條及蕃薯條》$13 & $17另加飲品 。薯條比較扁平大塊，番薯條炸得比較香口。追加《原味雞翼》$10 外香脆肉滑，火喉剛好，略嫌味道冇乜特色。PS. 快食完時托盤有蚊滋。😒PS. 這裏是自己先買飛，然後坐低等攞餐，食完,亦須自己自行, 把托盤、漢堡包籃、和 汽水罐…自行分類倒垃圾清理，當感受一下m記企lobby同事之辛勞。

嘉寶漢堡烤菇芝士牛堡 $50 + 漢堡套餐 $27 （蕃薯條$4）+（烤芝士$8）+（紅棗茶$2）我個日叫左烤菇芝士牛堡 🥰同我鐘意食既蕃薯條及想試下既烤芝士。 首先講下佢地既漢堡 漢堡包皮有煎過亦有小小牛油香 🙈 個個漢堡扒食落好多肉汁，而且嫰口。蕃薯條外脆內軟，唔洗點茄汁都好好食，烤芝士食落就麻麻。芝士牛堡$31+漢堡套餐$17（薯格$2）+（茉莉花茶$2）芝士牛堡同上面既烤菇芝士牛堡差不多，漢堡扒有肉汁，唔會嚡， 而佢既薯格就普普通通正正常常。👌🏼

之前係呢頭咁岩學完車，就開openrice搵到呢間漢堡店。咁佢個價錢的計法就好似mos burger咁，先單叫一個包，再加錢轉做餐咁。咁我今次就叫左芝士牛堡($39)，令我驚喜的係佢係即叫即做，見住店員收到order再即刻煎個塊牛個時真係流曬口水，漢堡食落好juicy，而且個汁同個牛亦都幾match，配埋D生菜一齊食真係幾正，係有心機之作。咁跟餐就可以選薯餅同薯條，我見好多人都叫薯條所以就決定試下，佢係粗薯個種，而且外脆內軟，岩曬我呢D薯魔怪。

上星期去開葵涌幫細妹攞圖書，聽講呢度有間黃店做港式漢堡包而且又抵食，所以就走去試吓。佢間店離地鐵站都有一段距離，大約行十分鐘左右，但都易搵嘅。去到都排左5分鐘隊先落到單，佢俾個食物叫喚器我，跟住我就去雪櫃自己拎嘢飲然後搵位坐，等食物煮好。可能全部都係即叫即煎、煮，所以都要等10分鐘先攞得。我order左一個蜜糖芥茉菠蘿漢堡，塊扒同片菠蘿超厚身超正又多汁，個醬酸酸甜甜好開胃👍🏻而啲薯條就大大條，好香口熱辣辣超好味！最緊要係價錢非常相宜👍🏻💯漢堡包只係$31，而加多$13就可以升級做套餐有薯條同埋汽水。餐廳仲有香港90年代嘅廣東歌聽🤩

一直有聽聞呢間漢堡包店性價比高，但因為地點不便，一直未有機會試，今日出開荃灣，就特意過來一試。 叫咗一份惹味辣醬蛋雞堡，加芝士食落第一啖有少少辣醬味，陣辣醬味唔係好辣，但第二啖就無咗；雞堡個雞做得唔錯，都juicy；蛋係流心，外面煎脆；而個漢堡本身有配生菜同蕃茄，可balance 返成個包，所以個漢堡唔會好乾。 不過個包唔算好出色， 雖然夠軟熟， 但烘得唔夠脆， 烘多陣會好好多， 前幾日食豬仔包間cafe 好過佢，同埋加錢塊芝士好細塊，真係唔係好覺食咗。另外加左14蚊轉套餐，食炸甜蕃薯，飲伯爵茶跟餐炸甜蕃薯好甜，似係自然甜味，炸得唔會太油而且份量好大份同埋一杯伯爵茶，茶包，無特別仲加左份小食，炸豬肉燒賣（因為魚肉燒賣賣晒，所以無得叫鴛鴦燒賣）看外表，炸得唔會太乾咬一啖，真材實料， 不是全粉團同肥豬肉同炸甜蕃薯一樣， 唔會油林林總括， 可以一試， 這個價錢，這個質素，性價比高。不過， 今日係無咩人可以直接入去，但如果係要排長龍，咁就不值得了順帶一提， 佢哋道趟門好有問題， 我走時， 因為開頭拉唔郁道門，最後大力少少拉，就夾到我隻手指爆血。希望你哋搞搞道門

Happy Fatty Holiday❤️尋日放假享受左一日拍拖日👫🏻晏就避開左人多嘅時間去嘆返個肥仔肥妹餐😆.📍嘉寶漢堡.🍔B7. 烤菇芝士牛堡套餐 ($65)-超級勁爆juicy!!!烤菇多汁唔乾牛肉又唔dry!仲有2塊芝士夾係入面🤤簡直可以比美貴價漢堡💯套餐叫左一份薯條同一杯凍檸茶(走甜懶健康🤪)🍔P1.蜜糖芥末菠蘿雞堡套餐($44)-🙆🏻‍♂️又為左增肌於是食雞堡~夾左菠蘿中和口感好fresh好正😆雞唔會太乾味道啱啱好~套餐都係叫左薯條同健康到爆嘅熱齋啡🍢炸魚肉燒賣($12)-好新穎😆炸到外面脆但入面係煙韌魚肉~點埋個辣豉油🥰🥰正啊

水準大跌，黃店又如何？  態度差又漏野今日5月3日， 中午時份我叫了兩份餐打電話去叫外賣自取，新來的妹妹，"慒慒性性"算吾怪佢，但d 態度已經好差叫左芝士牛堡、烤蘑菇芝士牛堡到達店到，出面好多人等緊，我地入去取外賣時，個妹妹覺得我礙住佢反入櫃台，係我後面叫我「吾該借借」，字面上係好有禮貌，但d 態度真係好差，好心你地吾好打著黃店旗號，就可以比d 甘差質素服務態度既員工入黎做啦，我諗住入黎買個漢堡姐，點知要受你呀姐氣！嬲我明白做野有時會做到火，好多麻煩客會加單問e 樣問果樣，但係你地d 服務態度可否專業少少？如果受吾住就吾好做服務性行業啦！拎外賣反到屋企，發現個漢堡又漏左個蕃茄、又吾記得比竹簽、最離譜個啡蘑菇細到係個漢堡包既一半體積，我食左一半個包都未咬到個啡蘑菇。你地再係甘，食物質素又下降、員工態度又差，我自己都中意幫襯黃店，但今次對嘉寶漢堡真係好失望，就算黃店又如何？ 唉

嘉寶漢堡一向都好多人排隊，所以一直都無機會試。見今日早左小小放lunch就同埋一班同事去搏下運氣睇下食唔食到去到之後店舖雖然都係好多人，但我地好好彩馬上搵到位比個建議大家，可以係去之前用GULU 手機app 拎定飛先，咁就可以減少等位時間講下環境先，嘉寶漢堡雖然店舖唔大，但十分之乾淨企理。食漢堡好多時d 汁會流到成枱都係，張枱會痴立立，但嘉寶完全無依個問題，值得一讚店員服務態度都好好，落單時仲同我地講下笑，十分之熱情野食方面我自己唔係好大食就叫左一個經典漢堡跟套餐。食完無令我地失望，非常好食，真正既平、靚、正味道方面先講個漢堡，雖然我只係叫單層漢堡，但個包黎到十分之厚，証明十分之足料！一拎上手d肉汁已經係咁滴出黎咬落去啖啖肉，而且好juicy，一食就知唔係雪藏味，令人食到停唔到口跟餐可以揀一個小食，我揀左炸燒賣。本來以為跟餐應該得兩三粒，點知一開見到有成八粒咁多味道都十分唔錯，唔會炸到過哂龍，保留返燒賣既彈牙最後埋單我一條友成個餐只係40蚊，有包有小食有罐裝野飲，真係超級之抵！除左多人排之外可以話無得輸，各位有時間經過荃灣依頭記得要去試下，包你食過返尋味