嘉多娜餅屋

Open Now

Now Closed

加多利的法式布甸麵包，聞名已久，曾專程去買，可惜已售罄，這天真幸運，竟然被我買到這時段的最後兩個，我還買了店員推介的合桃提子芝士麵包。回到家中，急不及待試吃布甸麵包。把麵包從膠袋中取出，香味撲鼻而來。一口咬下去，布甸很軟很滑，甜度適中，很好吃。只售$15一個，實在價廉物美。不禁想，如果我家有火槍，在布甸上灑上一層糖，用火槍把糖燒成焦糖面，一定會更美味。至於合桃提子芝士包，我是第二天早上用焗爐焗熱再吃的。這包質感似豬仔包，外皮脆，內裏軟得來有咬口。包裏面有葡萄乾、合桃和一團芝士，葡萄乾比合桃多，如果合桃較多，我覺得會更合我口味，芝士微微鹹香，整體來說也好吃。

今日終於輪到大食妹開箱嘉多利餅屋嘅法式布甸麵包啦嘉多利餅屋嘅法式布甸麵包每人限購4個, 一日只出2輪而且無得預定, 大家要食記住check左schedule先去<法式布甸麵包>大食妹將法式布甸麵包放左入雪櫃冷藏, 第二日再焗反熱食麵包係法包外皮, 焗完即食外脆內軟, 配搭甜甜又帶奶香嘅法式布甸, 一試難忘法式布甸麵包嘅布甸份量好足料, 咬開基本上就流晒出嚟, 每一啖都食到法式布甸難怪咁多人走去買, 以後一定會encore

嘉多娜  ~~  都唔知幾時改左個名都係嘉多利順口DD食佢地0既包同酥點就多喇蛋糕係第一次，亦都係最後一次Cream好多，餡好少、生果真實唔多新鮮芒果都已經黑黑地

近排病咗好耐都冇食過好嘢，難得今日屋企人經過加多利餅店，竟然撞到新鮮出爐嘅法式布甸，買咗一盒四個外賣返屋企食，終於有好嘢食加多利餅店嘅法式布甸真係遠近馳名去，過幾次都摸門釘，一定要撞啱佢新鮮出爐嘅時間先會買到，呢啲機會真係可遇不可求法色布甸$15法包底比較厚同脆身，同高級餅店用開嘅酥皮係唔同嘅，不過本身Fatbrown 就唔好酥皮，所以都no difference 重點當然係中間個餡，味道好似食緊法式燉蛋，不過比較濃傑同Creamy，仲有一陣焦香味，真系好好好好味， 食完一個唔夠喉

呢間既布甸麵包相當出名，我地星期日食完lunch 行去碰下運氣,竟然無人排隊！梗係狗衝去食啦。食完有少少失望。無想像中講到咁神。麵包略凍，稍為硬左d布甸食到中後段又d漏，排隊不了

之前有食過佢哋嘅3Q餅同椰汁芋泥酥，今次再去終於買到傳説中嘅法式布丁，緊係要share下啦。記住只係平日先有，1:30pm會派飛，2:00-3:00pm先可以攞(有400個)，到4:30pm都會有少量發售。————————————————🍞 法式布丁，$15（4/5）店舖挖空圓形法包，再喺裏面注入蛋漿焗製而成。個包聞落好大陣雲呢拿味。凍嘅時候個包食落會比較煙韌，有少少咸味同酸味，再配合布丁嘅滑溜，好有層次。焗番熱食嘅話個包就會再香啲同脆啲，更加好食。不過個人認為雲呢拿味有啲太重，唔係好食到蛋香味。————————————————

嘉多利的法式麵包布甸一直都在我的to-eat list，但是油麻地分店的開賣時間每天不同，油麻地店的電話又長期沒人聽，真的很難預時間相比之下，佐敦店真的friendly得多每天的出爐時間穩定，而且電話會有人接，令大家時間也方便。而且，購買當天是平日，4:30pm出爐，但5:00pm去到仍有約20件可買，在這邊買真的輕鬆得多。講返主角麵包布甸先：初看外型純粹覺得蠻可愛，沒甚麼特別。放了隔夜，第二天早上焗熱來吃，才有驚喜烘完之後的麵包香脆，蛋漿非常澎湃是幾乎流心的狀態，吃起來的質感當然是非常滑溜。蛋漿對我來說是偏甜但充滿蛋香，另外亦吃得出淡忌廉的味道，真的有點像吃法式甜品的感覺整體來說，這件麵包布甸真的非常有驚喜建議大家去佐敦店買，會容易一點。

佐敦這分店地點較僻，當天經友人帶路本想是買小冬甩，豈料見到常排長龍的布甸包剛出爐，而且人不多，便立即買四個回家和家人分享。先說size，在social media相片看到的，令我以為有San Francisco  的Clam Chowder個麵包碗咁大，心想，只賣$15咪蝕死店主！現實，買到的就是較小巧，有點像硬豬仔包的大小，當作下午茶也是剛好。用多士爐烘5分鐘，用小匙舀着吃，蛋漿變得液化，頗香滑，略嫌甜了一度，反而法包做得頗出色，皮脆而薄，不會有弄傷口腔的利或硬，有明顯麥香，因布甸液化了，滲入了白色麵包中，故每啖仍能吃到蛋汁，頗美味，確是一款令人吃得愉快又滿足的麵包！

近期大熱的「法式布丁麵包」，因為佢d麵包無落防腐劑，所以麵包店經常要排長龍！「法式布丁麵包」仲要每人限買4個😅，每個只係$15乍😍朋友知道我鍾意食甜品，專登走去佐敦舖頭排隊買比我食，感動🥲朋友送到黎屋企，我第一時間放入焗爐番熱，熱辣辣香噴噴，正🤪法式布丁size 有一個拳頭甘大，法飽質感一流，唔會太厚皮，口感煙煙韌韌，有一陣陣麵包香味🤤入面既布甸色澤好似港式蛋撻既蛋漿，口感似吉士醬又滑又濃好creamy, 雲呢拿味同蛋香味好夾😋布甸份量非常多，仲要係半流心，一路食蛋漿一路流入口，簡直係焦糖燉蛋同法式麵包嘅合體, 作為飯後甜品真係一流💜

朋友唔講我都唔知原來呢間麵包店有咁好味嘅嘢食！美味嘅法式布甸麵包@$15每日指定時間新鮮出爐，我係等4:00嗰轉買嘅，雖然人龍都有啲長，但係速度都好快排到！少少哋買咗四個返屋企試吓，放入雪櫃雪凍食有雪糕嘅，放落氣炸鍋度180度大概5分鐘，法式麵包好鬆脆，然後裏面嘅布甸暖暖地好滑，超正😋好鍾意佢呢種香甜嘅味道同埋滑溜嘅質感！其實呢間麵包店啲出品一向都唔錯，除咗佢哋嘅法式布甸麵包之外，佢哋嘅芝士火腿牛角包都好好食😋！誠意推薦呢間麵包店俾大家！

- 今次有機會試到依款人氣☺️-法式布甸（$15）外形似放大版的蛋撻🌝今次就凍食╰(*´︶`*)╯♡中間布甸幾香滑，蛋味幾重😎唔會過甜幾好食👍🏻不過個麵包食落好煙靭😅同想像中的不同下次試下熱食，可能會有不同的口感( ͡° ͜ʖ ͡°)-Name🏠:：嘉多利餅屋 Kadoorie BakeryLocation📌: 佐敦文苑街1-23號文英樓地下1號舖（港鐵柯士甸站 A 出口, 步行約4分鐘）價錢💰: 法式布甸（$15）

自從前排朋友介紹買左個法式布甸麵包比我試之後就一試難忘，一直想再買黎食，可惜一係就撞唔啱出爐時間，一係就太多人已經賣晒🥲今日經過開佐敦，望見同出爐時間差不多，又走去餅店碰下運氣。1點半去到，可能因為係平日嘅關係所以唔洗排隊，亦無限每人買幾多個🤩 法式布甸麵包🍮 （$15/個）個人比較推薦焗一焗再食，180度焗5分鐘，出嚟個麵包比較鬆脆，布甸餡蛋香味濃，焗左之後亦會較室溫更流心，一路食一路流出嚟，超正😋

.📍嘉多利麵包西餅📍#饅頭去佐敦 #饅頭食甜品 #饅頭食麵包小編某日心熱來潮同朋友講起話想試嘉多利嘅法式布甸，所以第二日就走咗去買翻去大學同朋友開心share。比較得意嘅係，唔知鋪頭係咪準備改名，因為佢哋嘅包裝盒係寫「嘉多娜」。------------------------------法式布甸 ($15/1個)一個法式布甸size有拳頭咁大，外皮厚度適中，法包質感一流，唔係脆硬嗰種 ，氣孔紮實煙煙韌韌咁，但又唔會咬到牙骹痛，帶有麵粉香氣😍。入面嘅布甸色澤好似港式蛋撻嘅蛋漿，但口感似吉士醬般香滑濃稠，雲呢拿味同蛋香平衡得勁好💯，而且唔會過甜，由於布甸份量唔少，加上係半流心狀態，食嘅時候會有啲論盡。Creamy嘅布甸配上煙韌嘅法包，層次好豐富，小編同友人人一致認為凍食都好出眾💓。------------------------------◾包體：4.4/5◾內在餡料：4.5/5🔸整體評分：8.9/10🔸小編回頭率：8.5/10

#佐敦#油麻地成日都撞唔岩出爐時間 或者見到人龍 今日好彩一去到就即買到🤩#法式布甸麵包🥯一人只限買四個 每日150個發售#小貼士 佐敦要拎籌 拎完籌後1:30pm開始拎但唔近地鐵站比較夾攝所以相對易買啲但油麻地就好多人買 4:00pm先開始有得拎

由於我朋友住呢頭附近，所以對於呢間麵包店已熟悉不過呢度既法式麵包布丁🍮大家已不陌生，紅到每個人都會慕名而來不過留意返，以前叫嘉多利，但依加改名嘉多娜餅屋每日400個，以前每日5點都會見到大排長龍，依加改用拎籌方式先叫做好啲，但依然人流不退！新鮮出爐，無添加任何防腐劑、漲粉，布丁奶香濃郁甜度剛好口感細滑非常creamy，重點是賣15蚊一個出賣普通一個crème brûlée都起碼60蚊以上，呢度用料講究，用心出品，價錢親民，想必這一定是他如此爆紅的原因無論係以前定而家食，味道都冇因為佢既人氣而失水準，依然都係非常好味題外話，上年全城撐買蘋果日報既時候，佢地買左一大疊放左起麵包舖，交低一句有需要既人免費自己拎，冇講其他野在心中，一個字，帥氣