嘉多娜餅屋

Open Now

Now Closed

呢間餅店每逢接近岀爐時間就會大排長龍，尤其是近日爆紅想食都要碰下運氣，幾次經過都已經賣哂。今日經過佐敦分店見到冇乜人就試下排隊，等咗十分鐘左右終於比小編買到啦！😋麵包碗裝住香濃蛋味嘅布甸，小編揀咗雪凍食，咬落去好creamy滑溜，不過就略嫌甜咗少少，而麵包就可以中和返布甸嘅甜味。👍🏻至於麵包雪凍咗有啲乾身，如果即場熱食應該會鬆脆啲。見到其他食評話熱食會更加好食，下次有機會再買到會試埋焗返熱食！

機緣巧合之下，拎左平日一日假Ps 上網睇話好似星期日公眾假期不售賣所以專程去買法式布甸食🤣🤣見到門口貼住一張告示～4:30有第二輪開賣🤭但我地3:00到左…東張西望之間，被職員睇穿咗我哋為左買法式布甸，即刻話仲有得買呀🤩🤩🤩 之前我地狗衝去買，好好彩買到每人四個☺️因為等緊期間，不斷都有人買呢款布甸….呢種熱賣程度不敢想像！有幸食到真的很興奮🤣🤣🍮 法式布甸 $15外皮煙靭，蛋心好滑好凍L…. 甜度岩岩好🥰不愧係呢區既名物🤩 真係一試難忘😝😝唔知幾時再可以食到呢～～味道：⭐️⭐️⭐️⭐️⭐️（5）衛生：⭐️⭐️⭐️⭐️🌜（4.5/5）抵食：⭐️⭐️⭐️⭐️ （4/5）總分：❤️❤️❤️❤️❤️（5/5）

好多麵包舖都有佢特色嘅招牌產品🥖今次就嚟到呢間好多人講嘅嘉多利麵包西餅店。同一般嘅麵包舖一樣，除咗一般蛋糕同埋麵包之外，仲有蛋撻、老婆餅等等嘅中式糕點，最特別嘅一定係招牌嘅法式布甸🍮好多人上網都話去到成日都摸門釘，就唔啱＂出爐＂時間咁就會錯失左呢個咁好食嘅甜品啦！法式布甸嘅價錢好抵😲，對比起出面郁啲都要幾十蚊嘅甜品或者布甸，佢都只係$15！嗰日我哋食完午餐，竟然見到門口未有人龍，機會難得就每人都買咗一個法式布甸喇🍮麵包店好細心咁將法式麵包布甸包起一個個，一打開包裝見到圓轆轆又脹卜卜嘅布甸，有啲似平時食嘅咖喱麵包咁樣，不過就縮細到好似拳頭咁大。布甸麵包一啖食落去，法包嘅外層啦煙韌得嚟唔會太硬，仲灌滿左好香蛋味嘅布甸，軟綿順滑仲有啲流心添😋不過有興趣試嘅各位，記得要留意佢嘅派籌時間啦，唔係好快就會比人搶哂架喇🤩喜愛程度： 🍮🍮🍮🍮🍮

✨法式布甸 $15雖然話2點係出爐時間, 但係見到收銀裝好咗2個一袋, 到手時已經唔熱,唯有返屋企用焗爐焗返熱我地較左180度焗左5分鐘, 出到嚟麵包變返好脆, 個餡仲係微溫一切開d蛋汁流曬出來, 入面嘅麵包索左布甸變得濕潤, 布甸奶味比蛋味重, 都幾甜下，但真係好滑溜, 雖然有半個手掌咁大, 但一個人都可以輕易食曬!除左法式布甸, 舖頭有麻糬包, 3Q餅都好好味~ 而且價錢貼地!📝總評 7.5/10

等左好耐終於有得食既嘉多利餅屋，之前已經摸左幾次門釘，個法式布甸都賣哂。今次星期六晏晝時間打過去，竟然未賣哂，即刻拿拿林衝去買。一買完，即刻係門口就開餐，食落去個麵包皮係比較煙韌，入面就係好滑而且蛋味好濃既蛋漿，唔會太甜，令到人不停想食。聽人講話用焗爐焗佢，會令個麵包皮脆D，做到外脆內軟，我個人對依種口感就比較有興趣，下次會再買返去焗，睇下會唔會有驚喜。我建議未試過而又想試既朋友，記得打電話去問左有冇先好去，如果唔係好易摸門釘。

呢間麵包店經常要排隊，平時大家都係為左呢個法式布甸麵包去排隊。今日放假去開呢度，我排咗冇幾耐好快便買到，每人最多可以買四個。咁我當然用盡quota，今次終於試到，果然沒有令我失望。布甸好滑，如果唔係即刻食，買到返屋企之後放微波爐加熱會仲好食😋

🍮嘉多娜餅店在佐敦⋄ 法式布甸 $15⋄ 咖啡鬆餅 $7✍︎ 聽過很多人推薦的布甸～沒想到這次誤打誤撞竟然買到了😙 吃前我用180度氣炸兩分鐘，布甸變得有點流心，一開始覺得有點太甜，後來和麵包一起吃則變得剛好～ 氣炸後麵包口感香脆，之前都沒有在其他餅店見過類似的做法，而且價格相宜，難怪長期大排長龍呢ʕ •ᴥ• ʔ✍︎ 鬆餅冷掉後仍然很香，同樣試了氣炸的方法加熱後口感酥脆，內有很多朱古力粒，略嫌有點太甜了～✍︎ 4#852fatboybakery#852fatboy在佐敦

人氣爆燈既法式布甸麵包（$15）朋友準時1330到門口慶幸唔多人排隊仲可以即時買到店家限每人買4個 打開包裝超吸眼球每個手掌咁大個又圓又脹卜卜好可愛咁法包布甸麵包外層係法包然後掏空法包既中心再灌入蛋 ·鮮奶油焗製而成布甸包可凍食或者熱食凍食口感似布甸軟綿感好creamy冷凍左既法包外層有少許煙韌內餡充滿濃濃既蛋香味甜度剛好·不會過份甜膩 熱食我用焗爐160度焗10分鐘（無預熱試過幾次呢個溫度同時間岩岩好焗熱後法包表皮鬆脆布甸微溫呈半流心狀有少少似吉士醬滑lulu咁完全唔洗用力一啜就食到外脆內軟既口感超級大滿足兩種食法比較我鍾意熱食個口感無得彈❤️·慶幸有朋友出手相助唔洗排隊就可以享受到完全體現識人好過識字😉但如果要排一粒鐘就真係未必會買黎食

網上話嘉多利的布甸法包值得試，又話排隊先買到，甚至撞唔啱時間買唔到。有幸我5點幾來到佐敦嘉多利餅店，眼見無人排隊，門面有酥皮和曲奇餅蛋撻，唔見有網上盛傳的布甸法包，原來在店內，而且數量好多，應讓剛剛出爐。二話不說就買了兩個試一試。法包鬆軟，唔似其他法包難咬。而布甸真係值得一讚，香甜蛋味，唔算太甜，但有濃郁蛋味，而且質感超彈。至於價錢，真係平民價，15元一個。眼見其他的麵包、蛋糕都唔貴，而且多款，值得再試！

相信前一排大家都仲好努力咁樣諗住早啲嚟排隊就一定有得買😆😆不過本人當日 係講緊夜晚六點幾去買個櫃同埋雪櫃都依然大把貨🤪🤪見到呢款麵包之前人氣咁高入到去見到仲有貨賣諗都唔諗就買咗一舊返酒店食原本打算新鮮滾熱辣當晚食完飯當甜品咁樣食不過由於晚餐太飽嘅關係最後都係將個麵包放咗入雪櫃先諗住第二日再慢慢品嚐第二日夜晚將佢拎返出嚟味道依然好新鮮 蛋嘅質感非常之滑😍😋😋終於都明白點解啲人會晨咁早去排隊 成盒成盒咁買😆 因為隔咗夜之後都仲係咁好食不過我冇食到個麵包 淨係食左中間蛋嗰部份所以麵包嘅鬆軟程度我就評語唔到🙏🏻趁而家人氣過咗大家想試嘅話 都可以值得一試嘅

好食指數:🌕🌕🌕🌗🌑Cp值:🌕🌕🌕🌗🌑•法式布丁包• $15/1個啲人成日講嘅法式布丁包我終於試到！！！！我個日食 真係食到好creamy!!!!!食落壽嘅口感係好似食緊雪糕麵包咁！以為好實淨嘅布甸 點知係creamyyyyyyyy到不得了！！！好正！未食過咁嘅口感！！！個包就似豬仔包咁！！有口感嘅！！！Ps要早啲去買呀 限定製造！！

法式布甸 $15下午分兩段時間賣 我果日就4點度去到4:30開始賣 賣哂就無架喇平日我諗早15分鐘左右黎到都會買到每人限買4個😬 售完即止我番到屋企用氣炸鍋 180度2分鐘焗到個包脆卜卜 入面就有小小半融流心狀態真係唔覺意就啪哂成個 佢都有成個拳頭咁大架唔怪之得咁多人為左佢排咁耐隊都去買台灣3Q餅 $9外表係一個佈滿芝麻既酥餅入面就有蛋黃 豆沙 肉鬆同麻糬 豆沙味偏重如果肉鬆同麻糬比例多番啲會更好餅一試無防😬咖啡鬆餅 / 提子鬆餅 $7買果陣咖啡味係新鮮出爐 真係超級香入面仲有半溶既朱古力粒 $7黎講真係無挑剔相對提子鬆餅就更為普通 但食落質地都係鬆軟

話說上網睇咗好耐想食，去開九龍於是首先去左何文田分店，見到舖頭面叫做「嘉多娜」覺得唔係好對路，原來麵包布甸（正名法式布甸）名物係得佐敦分店先有。去到佐敦衝咗入舖問店員竟然咁好彩仲有一盒四個，唔洗攞籌排隊上車凍食咗一個，法包既煙韌布甸充滿呍呢拿香有啲甜，都好食既但未到驚艷。返到屋企試用氣炸鍋整咗五分鐘，外皮變返好脆而入面有少少流心又仲有少少凍，冰火交融外脆內軟咁係真係好好味！下次想試埋佢既芝士包同餐蛋包

今次要介紹嘅係一間喺佐敦好出名嘅麵包舖 相信大家應該都有聽過 終於比我哋買到啦（＾∇＾） 咁啱早幾日冇人排隊😭上次星期日去到見到有至少30幾個人排緊隊 條龍超長ಥ_ಥ我哋買咗一盒 入面有四個布甸麵包 一盒$60 價錢都還可以🙊不過真係值得一試 我哋買返嚟嘅時候唔係新鮮出爐所以已經凍哂 凍冰冰食嘅話會有啲硬 但係啲布甸都仲係咁好味🤤好似焦糖燉蛋咁 再滑身啲 仲有好香嘅焦糖味😚又好似好creamy既布甸😛我哋就將佢放咗入氣炸鍋 180度大概2分鐘左右 呢個溫度啱啱好🤩🤩 法包熱辣辣 即刻變返新鮮出爐嘅感覺*^O^* 啲布甸即刻變咗好留心 動L動L~~~~仲可以用匙羹食😗😗除咗氣炸鍋都仲可以放入焗爐㗎❤️經過佐敦嘅朋友或者油麻地都一定要試吓好似係有指定時間新鮮出爐㗎 不過就每日有限定數量!!!回頭率真係極高😋😋經過或者有機會一定要再買 超級好味(≧▽≦)呢個價錢其實都幾抵食

最近似乎有啲食神😂呢個我專登去買兩次都唔成功嘅布甸麵包，今日竟然有人送比我食🥲係呢啲有排都冇假放嘅日子，有好西送上門比我食，感覺開心少少🤏多謝同事～法式布甸麵包建議整返熱食，麵包部分口感類似法包，外脆內軟，中間嘅布甸係好滑溜嘅，我個人覺得有啲似吉士質地～麵包個部分係幾好食，不過呢個布甸就唔係我杯茶！有好多人讚到飛起，不過口味嘅嘢或者真係見仁見智，呢個我就試一次夠😗P.S. 呢個嘉多利餅屋嘅名物，要買到佢真係唔容易！一黎出爐時間、二來產量唔多！排唔排、試唔試？你諗你啦😜