金輝麵食

Open Now

Now Closed

黑椒牛扒飯黑椒汁味道香濃，牛扒煮得啱啱好，輕易咬開又唔會有好多筋位。個黑椒汁好啱送飯。咖喱雞扒飯咖喱汁係港式咖喱汁，辣度相當足夠，都係好啱送飯，雞扒煎過，雞皮煎過充滿油香。奶茶好飲食物種類很多有不同配搭，醬汁調味10分好都係好啱撈飯食，雞牛豬扒都係煮得很好，係招牌菜。性價比高，$4x 包熱飲。餐廳位置相當隱蔽，環境衛生有待改善，座位偏窄。比較適合外賣食。金輝麵食 (葵涌)葵涌和宜合道82A號地舖#香港美食 #葵涌美食 #碟頭飯 #黑椒牛扒飯 #咖喱雞飯

呢間算係非常隱世嘅餐廳，雖然喺出面睇平平無奇，位置又少，但只要你喺度試過佢哋嘅絕世牛扒或者無敵豬扒，絕對會因為佢嘅味道而忽略咗所有其他因素😂😂❇️絕世牛扒加煎蛋（黑椒汁）首先，第一個佢嘅飯係煮得好靚，米粒粒分明又熱辣辣，個黑椒汁係微微香辣，配上煎香脆嘅牛扒，口感一流。當然啦，呢度啲牛扒唔係好靚嘅質素，始終價錢咁平，就係普通嘅薄薄地嘅牛扒。但味道嚟講，真係唔輸出面好多餐廳🫶🏻長期都有街坊幫襯，仲會送埋老火湯，寫到呢度，我已經有啲掛住呢間牛扒，遲啲要搵日再去食過😙

最近工作需要經過葵涌，身為一個美食獵人，當然要即刻發掘地區美食😼🍴。今日見到有一間鋪頭，出面掛咗簡陋海報，大大隻字標榜「無敵豬扒」、「絕世牛扒」。雖然入邊裝修雖然好古舊，感覺好似返咗去70年代咁樣。但係不停有本區的食客入去，憑着我嘅直覺就知道系好嘢了終極牛腩飯🤩（$36）餐牌上有一個好醒目嘅菜式，叫做「終極牛腩」👀。想再嘅時候，係成碗牛腩上，入邊有菜膽，所有材料滲滿醬汁，成碗牛腩肉漆黑色。醬汁已經完全深入牛腩之中😋，牛腩肉、牛筋已經 炆得好琳，牛腩肉，質地變成好棉，而且有適量八角嘅味道調味。尤其是牛筋，絕對可以形容為入口即溶咁誇張🤤！好明顯，餐廳花咗足夠嘅心思時間先可以整到。一大碗白飯，好快又可以食得晒😋另外，豬扒經香料調製個，一樣非常好味，上班一族或者遊客，如果你有機會經過記得試一試！

店面與食物質素係兩個世界今次試粟米豬扒飯，主角當然係豬扒，食到店家既用心。下次會試豬扒治。應該更有驚喜。之前試過無敵牛扒，但豬扒味道比較好。如果鐘意食辣，可以試黑椒汁，辣度係合理範圍。

金輝麵食🍜如非住在附近或經常在葵涌葵芳出沒應該都不容易找到😂位於24小時麥當勞那個小斜坡聽說以前很威水有大大個banner寫上"無敵豬扒，絕世牛扒" 無敵豬扒如何無敵？粟米豬扒飯((HKD $32 跟熱飲)) 腸仔另加＄4🐷🐷🐷雖然這次無敵豬扒和絕世牛扒都試過😂我只能說豬扒的確比較無敵😂😂😂🍴雖然樣子平凡如一般茶餐廳的扒飯不過的確是有內涵之作😳👍第一次覺得這種豬扒如此鬆軟可以用匙羹輕易切開雖則味道算不上很有層次也不是很花巧不過就是簡單的美食比起外貌和味道，不如說更愛牠的口感店內的裝修，是沒有裝修還保持着很舊式的茶餐廳？麵檔？風味店員亦不會很有禮貌枱櫈亦不會非常乾淨反正來吃的人都不會介意還有一台小小的電視，很久沒有見這種15吋的電視了吧👀 播着下午劇場陳年TVB劇，的確特別有風味👍 絕世牛扒如何絕世？黑椒牛扒飯((HKD $32 跟熱飲))🐮🐮🐮單單一個黑椒汁已經足夠送飯牛扒很薄而且嫩口，可算是高水準茶餐廳牛扒🍛不過對比上來豬扒的口感更有驚喜😛👍👍以個人喜好可選擇多汁或多飯經過這頭不妨一試

最近係石籬黎邊做野, 因為一年先黎一次,上黎Openrice搵下附近邊度有得食午餐,自己本身鍾意食豬扒, 係Openrice搵到呢間店係豬扒出名,於是就決定今日午餐係度食!間店唔係大街和宜合道, 係橫街入面,個門口仲要好細, 如果唔係特登上Openrice睇飯店,根本就唔會搵到佢, 不過, 佢間店叫金輝麵食, 但佢唔係將鋪頭名對住大街,而係 "無敵豬扒, 絕世牛扒" 八個大字對正和宜合道!第一眼見到呢八個大字, 心諗有無咁誇張行到埋去之後, 見到間鋪頭係鋪頭仔一間,非常之up dup, 絕對係遲d會比人加租趕走既特色小店如果唔係特登上Openrice睇飯店, 你係行過都唔會入去果種鋪頭我地2個人行入去, 係鋪頭入面只係有3-4張台, 但鋪頭外面就有5-6張台,因為我地早左去食Lunch, 所以一入到去就有位, 唔使等。我地叫左煎豬扒米同豬潤湯飯煎豬扒米塊豬扒好鬆軟, 睇落似係用人手搥仔自己dup到咁鬆軟, 唔係用粉"拿"到咁, 而且煎到好香, 即使浸係湯入面, 都唔會話無哂味同浸到好淋豬潤湯飯d湯就唔係好咸, 唔會飲完好渴果種, 而豬潤就其實一般般, 無咩特別,我就將所有飯倒哂入碗湯,

街坊一名 , 以前在附近上班, 都很少過來幫趁 !原因是午飯時間是無可能有位的 .... 第一因為間店係細到你唔信 ... 裝修就更加唔好有任何幻想 ... 差得都幾 .... 不過你唔好理 , 你食過一次 ... 都係會番去食的 ... 因為價錢同質量 ... 係你拒絕唔到而要低頭的 .... 由其是食肉獸 ~ 就好似今個星期六 , 我又忍唔住去拜訪下 d 絕世豬扒 好啦 ~ 介紹番 ... 呢度最正係 ... 豬扒加咩汁都得 .... 但 ...呢度我估最好的汁及最絕配的是 "沙爹汁"又講番個飯 , 豬扒極度 , 軟 , 淋 , 嫩 , 滑 + 入味 原因呢 ... 我唔知 ... 不過我睇過佢開雪櫃 ... d 豬扒永遠都一大盤入面入味嗱 ~ 又講番最 update 既價錢 ... (如圖)豬扒飯+ 沙爹汁 + 凍飲 ... 都係 ... HKD$30 大元

同事住係呢邊,打完牌落街搵野食,黎左呢間環境差,地方又窄既茶餐廳..一黎到見倒佢大大隻字寫住『無敵豬扒』『絕世牛扒』..同另外兩位同事已經笑左出黎..行入D仲見倒『無雙雞扒』『終極牛腩』..笑到趴階見佢個豬扒講到咁勁就叫左個豬扒三文治..凍檸茶.....凍檸茶都OK等左兩個字,無敵豬扒送到..睇落去冇咩特別..食落口..一啖..兩啖..先發覺..正!!小女食好多豬扒,但呢度D豬扒真係VERY GOOD..仲試左少少同事既牛扒同牛腩..都係非常正..唔怪得佢可以大大隻字咁出位寫D咁既野0.0食完真係頂唔順,叫多個豬扒三文治外賣拎走食

好少短期內番一間食肆,呢間例外,因為好想試埋佢地嘅所謂無敵豬扒,咁就食番個煎豬扒湯麵同奶茶.先講奶茶.用厚瓦杯,樣就正宗,飲落都唔錯,豬扒都係即叫即煎,等咗一陣,終於上檯,將兩大塊薄身嘅有骨豬扒切成四五小塊,方便食,有心思.同牛扒一樣非常淋但又幾好味.D肉一定有處理過但係完全無梳打味,又醃得好入味都算佢好野.雖然係唔係無敵就見人見智但以一間小店嘅出品都可以打敗金X又或者花X等所謂大餐廳,都抵佢咁誇.

午飯時間響和宜合道徘徊,正在躊躇唔知食乜,突然睇到有張橫額寫住「無敵豬扒,絕世牛扒」,嘩!咁誇!行近一睇,真係笑死,一間up dup到行過都唔會望多眼嘅食肆.唉!你以為講得誇張就有人幫襯咩?但又真係坐滿人噃.好,就俾廿零蚊睇吓有幾無敵,絕世.叫咗煎牛扒米粉,凍檸茶($25),價錢幾平.飲品一到就要扣分,叫凍檸茶就嚟咗凍奶茶,,唔好抝,經驗話俾自已知,響呢D地方抝就攞嚟衰,算啦都幾好飲.出菜都幾混亂,一路等一路見好多人追單,好彩我碗好快到,牛扒用黑椒醃得好入味,好淋但完全無梳打味,好嘢,比起今朝響花園餐廳食嘅牛扒好食十倍,又一次証明小本經營尢勝大集團.誇張好多人都會,但真係有你咁誇,冇你咁正.

奇貌不揚,唔好話無靚裝,完全係地格局,但很有自信地寫著「無敵豬扒,絕世牛扒」,搶眼過招牌.豬扒飯咁係主打,可加餐腿腸蛋,汁有茄咖哩沙爹粟米豉油及支竹,任溝.豬扒肉質軟淋,切開一小塊一小塊,汁首選茄汁或咖哩,完全發揮港式精緒,加隻蛋同D汁撩渾,掂呀...牛扒也切成一小塊一小塊,且較薄身,肉質亦軟淋,但似牛肉多過似牛扒.還有秘密武器~牛筋腩,排骨及豬手,完全媽媽style,煮到入哂味.食完飯,飲埋杯奶茶,完全港式精緒.