金記冰室 (創紀之城五期(apm)) (Closed)

難得放假就到屋企附近APM商場行街，行完街就到金記冰室食返個下午茶☕️喜歡這裏食物有很多選擇，價錢亦合理👍QR code落單好方便。金牌乾炒牛河乾炒牛河炒得很有鑊氣，不會太油很乾爽，色澤炒得很均勻，配菜十足，牛肉份量亦不少，肉質鮮嫩，加入少量辣醬一齊食，更提升牛河的味道。招牌鮮豬潤米粉米粉可以在落單時選擇自己喜好要淋啲或正常都可以，非常貼心，湯底加入了杞子清甜，豬膶切得很薄，入口新鮮爽口。四川重慶口水雞套餐粉葛豬骨湯飲落味道濃郁，調味適中，口水雞味道不會太辣，雞的位置是雞髀所以肉質很嫩滑，雞皮亦都很爽口，醬汁麻麻辣辣很惹味，配白飯一流🤤香滑奶茶奶茶飲落茶味香濃，加入煉奶很幼滑。

下午茶時段叫咗焗豬扒飯 份量非常非常細飯底亦好少唔好話男人 我平時食量唔大 女仔都食唔飽而且太多番茄醬 個飯好濕 完全唔好食價錢來講以茶餐廳來講亦都算貴 不過佢開喺APM 貴啲都可以理解只不過個焗豬扒飯個質素真係好差唔會再返轉頭

在家煲劇後，外出吃晚餐。餐廳位於商場6樓，對於一家冰室來説，餐廳內部裝修算華麗，座位寬敞。店員服務有禮。合掌瓜紅蘿蔔豬肉湯，火喉夠，煲出濃郁合掌瓜味道，咸味適中。粟米魚柳，炸漿薄薄脆脆，魚肉滑，粟米清甜。客家沙薑雞(例牌)，雞件舖在大量沙薑汁之上，每件雞都沾有沙薑汁，雞肉嫩滑，十分惹味。新鮮菠蘿咕嚕肉，外層脆，內層軟，沾上少少的醬汁，酸酸甜甜，配上菠蘿、青椒、洋葱等，十分滋味。金記炸雞翼，香口，肉多汁，帶少少咸味。白飯軟硬適中。綿滑蛋白杏仁茶，熱辣辣，杏仁香，蛋白滑，甜味較輕微。總結：裝修華麗，小菜惹味。

金記嘅沙嗲牛肉真係幾正，沙嗲味夠又唔會話太濃太杰，牛肉夠腍又唔會軟到好似用梳打粉咁那都肉唔似肉，煎蛋不錯，不過，多士唔夠熱，好似係整咗好耐咁。在本人而言，要配埋凍檸檬茶先至夾。至於檸檬茶不過不失，有茶餐廳風味。整體而言不錯👍🏾，我會再幫襯。

今日唔想煮飯，就落咗樓下食茶記，金記簡直係我嘅飯堂，幾乎18區都有佢嘅分店，今日我就食好啲，食咗個鐵板餐，呢個鐵扒餐食到我好滿足，有牛扒雞扒豬扒煙肉腸仔薯條，真係大滿足，最神奇嘅係塊牛扒竟然好正，又鬆嫩，係大件夾抵食自選。而媽咪就揀咗個焗豬扒飯，呢個係好似焗豬扒飯，而且充滿芝士同蕃茄，撈埋啲汁食個炒飯底真係正到不得了，厚切豬扒再加埋上粉炸，撈埋蕃茄汁，真係滿足到100分。最開心係有晚市，都係加$3就已經有嘢飲。

今晚嚟到觀塘嘅金記冰室，我哋嗌左個$168 二人小菜餐，除咗有兩個餸之外，仲有老火湯同埋白飯飲品，好抵食呀～不過我哋兩個太肚餓啦，所以再加咗個小菜。最鍾意就係有老火湯，出街平時都係似忌廉湯多，見到粉葛豬骨湯，就好似屋企煲湯咁，份外親切！新鮮嘅菠蘿咕嚕肉酸酸甜甜，而且外層夠曬脆，鎖住肉汁，唔會有油膩感覺。而客家沙薑雞，睇落都好光澤，一上菜已經聞到沙薑汁好香，切嘅時候嘅雞肉大細都啱啱好，雞肉食落都好滑呀～最後，我哋緊係要叫返碟菜啦，碟XO醬蝦球炒西蘭花，好大碟呀，大大啖蝦球，仲有XO醬嘅少少辣，用嚟配飯啱晒～

觀塘apm廣場內的餐廳大多數價錢也是比較貴，但竟然在6樓找到這間金記冰室，價錢親民質素又不錯。惹味黑椒牛舌粒炒飯看看餐牌上炒粉麵飯這版，見到有這款惹味黑椒牛舌粒炒飯，覺得很新鮮，一般茶餐廳也不會吃到。牛舌粒份量豐富，肉質爽勁彈牙，炒飯粒粒分明很乾身，十分有鑊氣，而且最欣賞的是用鐵碟上枱，溫度保持得很好。日式海鮮雜炒烏冬叫了一個炒飯，另一款便點一款炒烏冬，醬汁及油不會過多，濃度和油度恰到好處，香口又健康。烏冬炒得很乾身，不會一堆堆黏起來，海鮮份量足又新鮮。金記生炸雞髀配沙律這個可算是金記的招牌菜，雞髀不會有重重的炸粉，生炸令本身的雞皮炸得乾身香脆，而且又保持到雞肉的豐富肉汁，配上輕營的沙律可以去油膩感。白灼菜心這碟綠油油的菜心很新鮮，只是白灼已經很清甜，而且價錢真的很親民。凍檸茶當然飲一杯港式凍飲是必須的，多重茶底提昇了層次感，檸檬酸而不澀。

可能因為EASTER 紅假啦周圍都好多人呀今日黎到金記已經1400都仲係好多人等位好彩等左10分鍾到有位了點左~麻辣雞肉米線黎到飲左啖麻辣湯係有少少辣但就無咩麻味呀雞肉就算滑嫰果隻呢個幾讚~午餐炒貴刁原本仲擔心午餐會好HEA點知又有驚喜似係即炒既黎到係熱辣辣味道同份量係正常既有叉燒芽菜火腿蝦仁D蝦仁仲要OK彈牙比平時食果D質素好D蝸總括黎講水準算幾好可以ENCORE~

今日喺apm行街見到金記冰室，記得佢入面係有好多港式懷舊食品就走入去食吓。叫咗美式什扒鐵板餐配燒汁跟意粉，個雜扒有煙肉、腸仔、牛扒、雞扒同埋豬扒，三塊扒都好大塊而且好入味，燒汁倒落鐵板上亦都咋咋聲好有氣氛。另外叫咗羅宋湯同埋老火靚湯，兩個湯都好入味，羅宋湯超多蔬菜料係入面，老火湯就飲得出燉咗好耐。牛油煉奶多士同埋雪山菠蘿冰就好有懷舊嘅味道，菠蘿冰上面加上雪山雪糕係小朋友至愛，牛油煉奶多士就好香濃牛油味加埋煉奶，大小朋友都鍾意食。另外叫咗菜膽雞半隻，隻雞可能係走地雞嘅關係，完全唔肥同埋肉質又嫩，鍾意食雞嘅朋友一定喜歡。

近年港式小菜餐廳更多注重形象和衛生環境，金記冰室更佈置出一份輕奢風，為高質小菜配上合適的用餐場所。晚市小菜套餐有多款選擇，我選了咕嚕肉、沙薑雞都相當唔錯，咕嚕肉外層帶脆，最重要肉質本身新鮮有咬口，內外兼備很有誠意，調味方面甜度適中，我鍾意。沙薑雞的調味薑味適度而明顯，一般餐廳出品我比較怕沙薑粉未混和而食到滿口粉粒，金記做法令人幾滿意。雞肉亦不會令人失望，保留像海南雞一般的嫩和滑。部分菜式不在套餐選擇之內，但個人好喜歡魚香茄子，另加配魚香茄子班塊煲食到津津有味，魚肉焗透入味而結實，茄子醬油咸香微辣惹味，令人食唔停口。最後以一口西多士作結，滿足而帶點罪惡感，細細粒依然做到軟硬適中，兩個人分享最岩。

去食金記真係唔會諗唔到食咩，因為佢真係好多選擇，基本上係都會啱香港人口味今次晚餐過咗嚟，好彩人唔到所以唔使等位直入又有張四人枱，呢度環境幾好又大間，同埋好欣賞金記有晒齊全餐具紙巾係櫃桶度方便客人自己隨便攞，唔使要叫侍應好麻煩。我叫咗個羅宋湯通粉真係好正呢個真係推介，我自己本身都好鍾意食常餐，所以都會去唔同茶餐廳食佢哋嘅常餐，今記呢個羅宋湯唔會好鹹反而有啲辣味，好特別唔錯而且非常大碗！值回票價比$56Honey叫左扒餐，都冇令人失望，你預期好食值回票價仲跟個飯，真係大分夾好食😋而且仲有嘢飲跟埋而且佢呢度仲可以自助點餐，下次可以試吓。另外佢哋嘅服務都唔錯，茶記你講又係連鎖店算真係有培訓畀個like

最近金記真係老是常出現係我日常生活中翻工見到，落樓下見到，去apm行街都見到，擴展程度都幾快，總有一間係左近食過幾次，質素都好平均近住下午茶時間，叫左雙拼烘底三文治🥪以及🐖咖喱豬排飯你望下個蛋幾厚身🤤🤤🤤咖哩豬排個汁勁有椰香，微辣，唔錯唔錯

本來約了姐姐在這商場五樓潮館飲早茶！因為人多所以改嚟呢度...在店門外取票等數張枱就可以入坐！我哋坐四人卡位很濶落、十分舒適！我經常都有嚟呢度幫襯、食乜早餐心理準備好...不需等待員工前來落單。店內取用透過手機掃瞄QR Code即時自助點餐只要一掃QR Code連上點餐頁面，網頁便顯示餐牌...直接點選菜式、早餐、午餐下午茶及廚師推介等等...我們就點了兩份吉列魚柳拼雙蛋及金油脆豬早餐！魚柳炒蛋跟配埋沙律醬上檯，炸得熱辣辣成塊魚柳都好厚肉，成個手掌咁大！薄薄的金黃外層炸到超鬆脆！ 魚肉夠滑且富質感~點些沙律醬汁夠咸香又帶d甜十分美味！炒蛋生熟程度剛剛好、保持蛋汁口感軟滑有蛋香！金油脆豬麵包色澤不錯、濃郁金黃！放耐咗係有少少靭、味道中規中舉！跟餐嘅熱飲姐姐要咖啡我就嗌咗奶茶，茶底都幾香濃喎經常同事來這裡午餐，一來是因為地方大容易搵位！二來卡位多座位也算舒服！三來價錢不貴。這裡有午餐，平均每人六七拾元左右，在這商場算相當扺食。服務都唔錯、佢哋有些兩人卡位試過帶位帶我地坐！我哋要求換大張D都肯同我哋換試過我哋落錯單要求換野都立即同我哋跟進....

收銀員的態度係史上最差的，忙不是借囗，連基本禮貌也欠奉，不能理解你們公司的管理層可以容忍這個員工，本來對你們餐廳印象是非常好的，但经此一次，心中絕對不會再有可能光顧了

假日回老家收拾整理，正好在午膳時間，便邀請爹媽一同到附近商場吃頓簡單的午膳。老媽一向是個知慳惜儉的巧婦，不似婆婆般對生活有點要求，要外出用餐麼？老媽不會要求山珍海味，最緊要性價比。價錢經濟為首選，其次方輪到食材選取。跟據緊密經濟學，要吃真材實料美饌佳餚，坊間的御膳名廚都總會添加了一個高昂的溢價。當然，燈油火蠟不用錢嗎？名氣大廚不值錢嗎？在七除八扣以後，你能吃進肚子的價值在最有良心的商戶都只會得個五成。所以廚藝精湛的老媽不如選擇自己煮。有一個體貼周至的老媽，外出用餐不須特意挑選專貴的餐廳，反而那些平民價格的鋪頭會更合心意。把車子泊進觀塘的APM商場，「元気」壽司雖為老伴所喜，不過老爹卻仇視日本仔的出品，更加謝絕刺身活吃。假日午市商場旺鋪都其門如市，咱們遂轉戰港式口味的「金記冰室」。雖然「金記冰室」也有著排隊的人潮，不過許多食客也是一身買多門，真正在店前守候的食客其實並不太多。而且茶餐廳勝在翻檯快，一行四人沒等多久便能順利入座。雖然是位處商場，「金記冰室」之出品卻仍保留港式茶記的鑊氣，老伴尤其鐘情這兒的炸雞脾雞翼。老媽得悉老伴的喜好，特意點了一客芝士鮮茄焗炸雞脾飯。既可吃到焗飯，又可品嚐雞