金記冰室 (創紀之城五期(apm)) (Closed)

今日朋友收工過黎觀塘搵我食飯，本來大家心情都好好。諗唔到食咩，間間餐廳都好多人等。最後揀左金記冰室食。諗住叫餸食飯。一入黎，見到2張椅有飯粒，叫待應抹，佢抹一張唔抹一張。座位算闊落，但環境有欠整潔。我地叫左個2人餐。湯同2個餸，都好味精。個XO醬虾球抄西蘭花，咸腥味加味精，初時同朋友都一下諗唔起佢係XO醬，我話係咪好似虾醬個d咸腥味。😅個咕嚕肉偏酸，味道都唔係咁好食。只可以話比西蘭花好少少。😓只可話破壞好心情既一餐。

與友人與apm晚餐，最少人等位又未食過金記，所以就試下啦🤭一入到餐廳見到有卡位，問職員可否轉坐卡位，不坐圓枱；職員表示繁忙時間，無得選擇🙈點左二人餐：餐湯非常稀，有少味精；XO 醬蝦球炒西蘭花，個汁令我想不起是XO 醬，而且好腥味😳鮮菠蘿咕嚕肉；個咕嚕肉脆口，配菜正常😉飲品：谷古及奶茶，淡味😅😅最得意令我最驚喜係杯野飲會"多謝"我飲佢🤣🤣最後環境真係好一般，地面既清潔有侍改善😂而且坐椅會有之前客人食剩既野，仲見到呀姐抹枱與抹椅係同一條毛巾🤦‍♀️OMG應該唔會有下次了😝

今晚同老公來到APM ,齊齊找點吃的,看到金記冰室，排長龍呢！必定是非常抵吃，上網一搜尋，性價比頗高🤤星洲炒米最喜歡吃的是星洲炒米，這裏的炒米很有火喉，材料又足🥺，有火腿、叉燒、洋蔥、蝦仁、蔥花、芽菜、辣椒🌶️，真是有圖有真相😀！還可以選擇少油或少鹽👍🏼👍🏼👍🏼京都肉排🥩最喜歡酸味味的菜色，今次選了京都肉排，肉排的份量不少，有菠蘿和紫洋蔥，更加惹味❤️🤤抹茶紅豆店員推介這新出的抹茶紅豆冰，價錢也很實惠，紅豆粒粒飽滿又軟綿綿，甜度足夠，配上抹茶的清新，個人都幾喜歡🥰白灼菜心另外加配的菜心，想不到份量都幾多，菜心新鮮翠綠，值得一點，清清地也不錯。

同班frd去觀塘玩，lunch就諗住是旦搵間茶記食，跟住喺apm搵到呢間金記，叫餐嘅時候見到價錢都唔係好貴，算公道就嗌咗呢個西多士，食嗰陣覺得好好味，對得住個價錢，d員工嘅服務都唔錯，下次都會繼續幫襯

晚上和兩位朋友來到位於觀塘APM的金記冰室吃晚飯。金記冰室歷史悠久，近年轉以集團經營，在各個地區也開設分店，原本只是想着簡單吃一個便飯，想不到食物相當有驚喜。鹹牛肉炒蛋軍艦，一道非常有創意的料理，把平日常見的熱狗升級進化，加入港式茶餐廳常見的鹹牛肉炒蛋。牛肉味道略帶鹹香，而且配上滑溜的炒蛋，十分合拍，簡直稱得上是新一代港式fusion菜。鐵板西冷牛扒配薯菜黑椒汁，西冷牛扒非常厚切，五成熟，切開的肉呈粉紅色，肉質嫩而且牛肉味重，絕對對得起價錢。由於是鐵板上菜的關係可以保溫，但隨着時間過去牛扒會變得越來越熟，所以要把握時間，剛剛上菜時吃就相當好。金記炸雞脾，外皮炸得非常香脆，沒有裹上太多炸粉影響口感，內𥚃的雞髀肉質非常嫩滑，而且入味又多汁，實在相當邪惡，但久不久吃一次，也沒太大關係吧。鮮茄汁焗豬扒飯，豬扒非常厚切大件，焗飯炒底份量多，絕對足夠三個人share，調味配菜用上鮮蕃茄片，而不是罐頭蕃茄粒，所以味道不會過鹹，誠意十足。抹茶紅豆特飲和抹茶豆腐花特飲，又是另一個港式fusion的表表者。以紅豆冰作為藍本，將傳統日式抹茶融入紅豆或豆腐花之中，味道仍然保留抹茶的濃厚茶香，但卻加入綿密的紅豆

無聲絕境2都上畫左一段時間。今日終於有時間去睇，一於喺隔離超方便既「金記」醫醫肚先🤤————————————————————————其實佢全名叫金記冰室，啲裝修都有啲懷舊Feel架🤣————————————————————————我哋真係去食個茶餐，所以唔係食好多嘢。睇到張單，你會發現其實佢好細心，好多唔同嘅口味程度都有得俾你揀，啱晒嘴刁叼嘅你哋🤫————————————————————————先試下佢個招牌豬潤。大家睇到我轉左麵，因為我麻麻哋通粉😂其實所有嘢個賣相都OK，啲豬膶好好食，唯一缺點就係個面好似太細碗，不過算啦反正都係茶餐🤝————————————————————————再嚟就係佢個麻辣雞片米線🐔啲雞片全部都大大塊，而且個湯底亦都好好味，不過就唔係話好辣，所以鍾意食好辣嘅朋友可以喺落單嘅時候mark番加辣🌶呢個米線嘅雞片係出色嘅👍🏻————————————————————————簡簡單單又一餐，如果去APM睇戲食金記就最方便，而且質素亦都唔錯，快啲去試吓啦👍🏻👍🏻

原本想同朋友行去food court 揾好野食，點知成層封左，係極餓嘅情況之下我地上多層食金記我同朋友都係食肉獸，一見到有肉就好想食！我叫左個set dinner，雜扒餐配意粉跟羅宋湯。朋友就叫咖喱雞肉意粉。我地都叫多左碟菜心，睇落健康啲首先黎左羅宋湯，味道酸酸甜甜一啲都唔辣，好開胃。好搞笑我同朋友都叫意粉，但係雜扒餐嘅意粉就用茄汁炒過。雜扒有牛扒、豬扒、腸仔、雞翼、同埋煙肉，勁豐富。大食嘅我都要分一半俾我朋友先清得哂 張單寫住白灼菜心，但係唔知點解又會有豉油，好彩落得唔多同埋豉油冇乜味，都算健康啦。

今日出開觀塘，APM商場見到這間茶餐廳環境不錯，就入咗去叫了兩款港式下午茶餐都幾方便，因為用手機Scan QR code落單👇🏽芝士西多士 飲熱奶茶$40多士size比較細件，但因為夾住好多芝士，所以如果太大件會膩，整體外脆內軟，唔錯唔錯👍🏻奶茶比例ok好飲😃深海吉列魚柳配薯條🍟 飲可樂$45吉列魚柳有兩小件，食到有魚味，炸得剛剛好，薯條是波浪粗薯，熱辣辣上碟，好味😋餐廳裝修幾新穎，算寬闊，坐得都舒服

去觀塘apm睇戲，成日都見到金記好多人排隊，睇過menu食物都好似好吸引，今次再去睇戲時決定食過晚餐先。🔸自選小菜二人餐 $168套餐可選兩款小菜+兩碗白飯+中湯+2杯飲品，價格非常優惠。我們點了兩杯特飲，也只是需要加$3，十分優惠。凍荷蘭谷咕 - 選了濃味，真的十分濃，飲到朱古力的苦甜，喜歡。凍檸可樂 - 罐裝的可樂，吃小菜飲可樂都幾爽。中湯附贈的中湯味道也不錯地道霸王雞(例牌)  (二人套餐小菜)雞肉雖然不是新鮮雞，但沒有雪味，肉質非常嫩滑。醬油略帶甜味，配上薑蔥一起吃下，別有一番風味。XO醬蝦球炒西蘭花 (二人套餐小菜)蝦球份量很多，而且大大隻，肉質Q彈，同樣沒有雪味。西蘭花爽口清甜，加上XO醬惹味下飯。🔸新鮮菠蘿咕嚕肉 $75另外再點的小菜，咕嚕肉酸甜酸甜，酸度適中可以接受，全是無骨豬肉，啖啖肉就是爽。份量十分多，最後飽住努力下才清完(不可以浪費食物呀)，不過略嫌不夠脆口，但也是十分下飯。🔸金記生炸雞脾 $33雖然知道可能點得有點太多，但來金記就是想吃生炸雞脾！！ 雞脾大大隻，而且炸到外脆肉軟，一口下去雞肉的雞油流入口中，雞皮有調味過，所以十分好食。環境：座位寬敝，光線充足，坐

金記分店都唔少，試過幾間水準都十分穩定，而且價錢親民，連我媽都話：蔗渣價錢燒鵝味道適逢apm一田超市減價，我們血拼完就準備晚餐，成個apm最經濟既餐廳應該非金記莫屬餐牌選擇多，鐵板、小菜、炒粉麵都有，我們點了個二人小菜套餐，$168兩餸＋飯＋飲品，還點了一個鐵板什扒羅宋湯幾夠味熱檸水、熱菜蜜椒鹽豬扒份量十足，夠曬大碟，豬扒夠淋又夠鑊氣夠惹味沙薑雞肉質嫩，口感偏淋身，沙薑味超正，下飯一流！鐵板是第一次食但十分驚喜，賣相豐富吸引配薯菜個底有勁多粗薯條每塊扒也不會過乾保留到肉汁及嫩滑！蒜蓉汁就夠曬蒜味加$16重有菜心，份量都唔少，而且幼嫩又無渣這間服務不錯，相當主動有禮，坐位亦坐得舒適，整體滿意

週末同屋企人係附近行街炎炎夏日的下午茶想飲奶茶，於是食金記冰室，聽聞佢的奶茶出色，果然有茶香奶滑 配搭返個公司三文治🥪，絕配！三文治餡料都十分足，分別厚厚一層餐肉同雞蛋！

對於金記，相信大家絕不陌生，可以話係總有一間係左近。今次我黎到觀塘apm呢間金記食晚餐。今次和友人先叫左個薯條，薯條外脆內軟，作為粗炸薯條，食落更有口感！之後，黎到冰室點會唔試下經典嘅炸雞翼，生炸雞翼嘅外皮香脆，雞肉卻仍留有肉汁！就幾十蚊嘅價錢而言，實在是難得！主食方面友人叫了麻辣雞片米線，實不相瞞，呢個麻辣雞片米線真係驚喜之選，要我去金記大多都係叫餸食飯，但呢個麻辣米線嘅味道十分之符合香港人口味。麻味香口，唯一就係辣度偏辣，唔係食開喇嘅朋友可能要要求小辣。但十分推薦！至於我就叫咗兩個餸加一碗白飯，雞蛋炒蝦仁睇得出廚師嘅功架，雞蛋嫩口冇炒老，蝦仁仍然保持鮮味，再加少少韭黃，配合得好好。至於拍薑菜心炒牛肉，亦是水準之上。菜心炒到斷生但爽口，牛肉片鮮嫩可口，再加少少薑片中和返個味道！正叫兩個餸送飯係一流再加杯嘢飲就仲好。 呢杯雪山雜果冰，入邊執果捉鳥而且夏日嚟講消暑解渴，可以一試

今日約咗朋友去apm， 揀咗頂樓近戲院嗰間金記冰室食嘢，因為實在太肚餓，諗住食餐飽嘅先。 環境，好舒服卡位很寬敞。魚柳雞扒鐵板餐一貫的作風份量十足，大大塊魚柳同雞扒舖喺鐵板上 ，我叫了薯菜， 薯條分類非常多， 鋪滿在底部。雞扒肉質十分嫩滑，而魚柳炸得鬆化好味，魚質新鮮。蛋白杏仁熱飲金記招牌熱飲呢親一定會嗌，杏仁味非常香濃，加埋蛋白感覺好美顏養生。公司三文治(外帶)之前食過好好味，特登拎走 拎番屋企，材料豐富， 用了新鮮，塊麵包烘得超級鬆化， 份量十足， 值得推介。

一早去金記食早餐，價錢有少少貴，大約$45，不過食物質素中上，所以輕微貴少少都可以接受。熱奶茶好滑好好飲，好正宗，超級推介。滑牛肉公仔麵都好食，牛肉份量算多，仲有少少薑絲。可惜雙蛋個蛋黃好細，對於喜歡食太陽蛋的我，有少少失望。用手機點餐，好方便，每樣食物都可以另外選擇自己喜好，可以點選一個屬於自己喜歡嘅早餐。其實期間有個小插曲，有隻小曱甴爬咗去我個手臂，可能衛生需要少少改善。二人座位確實有點窄，要貼住牆邊坐，旁邊又好多人等位。

今日去咗APM嘅金記冰室嗰度嘅環境比較一般嘅茶餐廳寬敞，燈線亦都好充足食咗個下午茶🥰食咗無骨海南雞套餐入邊就包埋啲基本野例如油飯飲品同埋老火湯啦嗰雞真係值得一讚好嫩口，雞嘅脂肪比例好平均，雞味濃，好食，連皮食仲好食，超邪惡！之後就嗌左一口西多士加雪糕同埋炸雞翼佢嘅西多士炸得啱啱好！咬落去軟綿綿，蛋漿唔會太多，配埋個雪糕真係一流個雞翼冇咩特別同平時食嘅差唔多，吾會太乾身，咬落去外脆內嫩！正今次叫咗個特飲白雪公主同埋懷舊黑牛懷舊黑牛大家都知係咩啦即係可樂加朱古力雪糕咁白雪公主就係雪碧加雲呢拿雪糕我自己就鍾意白雪公主多啲飲得太多凍嘢想飲番杯熱野可以考慮飲埋熱茶走佢哋嘅茶走，落煉奶嘅份量啱啱好茶味又淡淡嘅奶香味真係好好飲金記室全港好多分店，總有一間係你附近，不妨試一試或者有個新驚喜