金記冰室 (創紀之城五期(apm)) (Closed)

夜晚APM好難揾位食飯，最後去咗金記冰室，等咗一陣終於有位。超肚餓～～乜嘢都想食，見到有個餐又有公仔麵，又有我最想食嘅雞髀沙律，一於叫咗佢。今日餐單：生炸雞髀沙律即食麵 $62 x 2白灼菜心 $16熱杏霜凍檸檬菜蜜 $3公仔麵、火腿烚蛋沙律、炸雞髀，全部都好好味。我仲叫多一碟油菜，整餐嘅營養都好均衡😬😬飲品方面，我叫咗杏仁霜，屋企人要咗凍檸檬菜蜜。兩杯都好好飲，最重要係成餐價錢好經濟，有咁多嘢食，仲有嘢飲，每人都係大約$70。

同朋友喺APM頂樓睇戲，想食少少野就見到有間冰室，感覺可以輕食咁，就叫咗兩個早餐，有QR codescan 幾方便，叫嘅魚柳早餐40幾蚊，價錢都十分之合理，質素就一般般，魚柳大條但係薄身，真正嘅魚柳並唔厚身，但係都叫做酥脆唔油，就不過不失啦～ 蛋可以選擇炒蛋、煎蛋、太陽蛋，我就叫咗炒蛋，都叫做滑身唔鞋口，冇咩忌廉同奶嘅感覺，蛋嘅味道濃郁。 多士就烘得比較差，唔脆，又唔係好熱，令到牛油冇咁香，朋友叫咗佢嘅豬潤麵，食左一舊，以我呢一個平時唔食內臟嘅人來講，我覺得唔會太苦或者太腥，質地都算幾滑我就都幾接受，朋友都話好食呢間喺APM食嘢來講，純粹醫下肚就算平得來又唔太差，但係講茶餐廳最好食一定係最出返商場出邊食㗎啦～附近間紅茶好食好多 😂😂😂

冰室開到成行成市，金記冰室係觀塘APM，地點方便，自己都好鍾意食茶餐廳。鐵板美式雜扒薯菜 配蒜蓉汁（$102）推介指數：⭐️⭐️⭐️⭐️⭐️介紹返入邊有雞扒、牛扒、豬扒，腸仔同煙肉件件都好大塊！好Juicy，肉質鬆軟。亦都唔覺有雪藏味道。由於太大份 我需要食左上邊果層，先見到下邊有勁多薯條，有一個粟米及西蘭花。無冰奶茶 （跟餐加$5）推介指數：⭐️⭐️⭐️⭐️⭐️奶茶好滑，亦好有茶味。由於無冰既 所以唔會因為啲冰融左而影響奶茶嘅質素。跟餐有紅湯同白湯選擇，我選左紅湯-羅宋湯。有菜、紅蘿蔔、西芹，酸酸辣辣好惹味。真係好大份，CP值高！如果想食扒餐既朋友又多一間餐廳選擇啦😋

記得初開張時, 剛巧在APM睇完戲, 便入去食個TEA醫肚, 見佢人流都不少, 希望新開張能有些驚喜, 點知佢係無心無誠意做生意, 我不知道是當日大廚問題或是公司成本問題而出的意外, 隔了那麼耐我仍心心不愩, 當日我叫了個雞脾下午茶餐, 食物到了枱上後真係估佢唔到, 一件翻炸又翻炸過唔知幾多次至黑朱古力色又硬的外皮, 已炸到縮水無彈性的雞脾, 口感有如柴皮, 即時想起我是在饑荒地區生活嗎, 要食如此劣質的食物?  但價錢又不是特別平, 係見到都唔開胃, 但基於當時我跟男朋友拍拖無耐, 費事做到咁MEAN, 要保持儀態, 唔想比他感覺我是煩人, 我忍氣吞聲下食左去, 但我係用盡我牙力去消化佢, 我諗起我爸講過佢細個遇上打仗時要食機皮的感覺, 我對依間食肆好反感, 從此無再光顧, 甚至隔左咁多年, 所有金記冰室的所有分店我都不敢再光顧,因為經驗實在太差,。 

咖喱豬扒白飯看上來平平無奇食落就知好嘢咖喱味有椰汁係塊面又香又辣夠晒開胃豬扒有兩塊兩塊都係口口的而且煎起上嚟有啲香脆加埋個咖喱天衣無縫整咗個羅宋湯凍奶茶落樓都係$80其實都算係咁啦難怪一去到食飯時間真係要排晒長龍如果係好食嘅話排多一陣又有乜嘢所謂啦下次去可以試吓焗豬扒飯或者炸油比公仔麵望落去非常滿足熱量很高啱晒冬天天寒地凍和一個口福滿足你都咪話唔盞鬼但係咖喱其實佢都有好多種不同嘅選擇例如吉列豬扒雞扒等等等等

星期六商場搵食好難，突然想食茶記當然去金記冰室啦！星期六都有下午茶又多選擇，即刻睇下有咩食，我哋點咗咖喱豬扒飯，咖喱味道似南洋口味有花生香味，好惹味！另外仲叫咗乾炒牛河果然鑊氣十足，味道不錯！而且佢嘅咖啡、奶茶都好濃味，真材實料👍🏻下午茶水準都咁好，值得一讚！

香港的茶餐廳提供快靚正的餐飲，滿足繁忙的香港上班族。去茶餐廳用餐，從來都不抱期望，只要填飽肚子就好。想不到這裡的咖哩牛肉飯還真不錯，咖哩汁香濃稍辣，牛肉鮮味可口，餐後的咖啡也是意外的好。

近排食得多西餐、日本菜🤣所以都會懷念港式食物😋😋唔搵下都唔知，原來apm入面開左間金記冰室，因為平時好少上到6樓咁高🤣雖然我未食過，不過我見佢開咗咁多間分店，食物應該都唔會差得去邊🙈-餐廳嘅燈光都好光猛，而且亦都設有卡位，以冰室黎講都坐得好舒服😌而且佢嘅食物選擇超級多，揀都揀咗我哋10分鐘🤣🤣幾鍾意佢哋用QR code自助落單，喺入面可以根據自己嘅喜好去揀食物，例如牛扒可以揀幾成熟，嘢飲又可以揀濃啲或者淡啲👍-1.四川重慶口水雞(例牌) $70呢個口水雞嘅汁調得好唔錯，唔會話太濃味，而且唔會太辣。雞肉都整得幾滑👍-2.鐵板西冷牛扒薯菜黑椒汁$106牛扒超級厚肉😋大概有一吋咁厚吖～呢到比嘅黑椒汁都唔孤寒，一路食一路點，食到最尾都未點哂🤣估佢唔到啲薯條又炸得幾脆❤️如果上碟嘅時候個鐵板可以再熱多少少，倒汁落去可以咋咋聲，咁就更perfect啦😌-3.鮮茄濃汁焗豬扒意粉$68豬扒都超級大塊吖🤣蕃茄汁偏甜，意粉本身都已經有蕃茄汁，所以都好夠味👍👍-4.金粒西多配雪糕$42西多士超級熱辣辣😋佢包裹左好多雞蛋，所以成個西多都好香蛋味❤️仲有雪糕都好香雲呢拿味😋-真係估佢唔到幾好食😋食物都好夠獲氣👍👍仲

行完apm，還未想到吃什麼的時候，就被老公拉到金記冰室，也好吧～冰室比較多選擇，總有一款啱食。鐵板美式什扒好豐富的一個鐵板雜扒，有牛扒、豬扒、雞扒、煙肉、腸仔、雞翼， 蔬菜......份量肯定夠的，牛扒牛肉味濃， 雞扒嫩滑， 豬扒軟嫩不死實，每塊扒都火候剛好。羅宋湯酸中帶辣，惹味開胃 ，黑椒汁夠香辣，濃稠適中。XO海鮮炒烏冬配料有蝦仁、魷魚、蟹柳、芽菜、 青紅椒等， 鐵板上的烏冬很夠熱度。 XO醬鮮中帶辣，配合炒烏冬，味道已經很出。金記生炸雞髀配沙律聽聞金記的炸雞髀也很出色， 雞髀外層皮脆香口， 內層雞肉嫩滑多汁。配合薯仔沙律，中和一下炸物的油膩感。

🇭🇰 餐廳: #金記冰室 @kamkeecafe▫▫▫▫▫🍽菜式介紹:❝ 低糖雙黃白蓮蓉月餅 208(特價) $318(原價) ❞▫▫▫▫ ▫▫▫▫▫▫🔴食評:金記冰室🔸前身為筲箕灣的大排檔，始創於1967年，由老闆陳伯伯🧓🏻租下筲箕灣舖位後，便開設金記冰室啦! 品牌一直沿用懷舊風格，餐廳裝潢和產品設計充滿時代氣氛，有濃濃的香港集團回憶呢~這盒懷舊雙層巴士🚌設計的 低糖雙黃白蓮蓉月餅 ✨，造型很特別哦! 1盒有4個月餅，每個採用一級湘蓮和油香十足的鹹蛋黄🥳製造，傳統口味，經典不凡，是送給老人家們的佳品。▫▫▫▫▫🎉優惠資訊: 即日起，全線月餅62折發售。▫▫▫▫▫

無飯主婦今晚又再出動！😂喜歡中菜的我，還是喜歡金記冰室，這裏的小菜鑊氣夠，選擇又多👍🏼近地鐵站是重點吧，非常方便。XO醬蝦球炒西蘭花蝦球爽口，而西蘭花都新鮮爽脆，配上XO醬惹味，這小菜不錯🤤京都肉排🥩整到菜都是酸酸的，肉排分量不少，配上洋蔥，令到味道更有層次，這道菜都幾開胃。只需加$15便可配有例湯、白飯和飲品，價錢很相宜。鐵板西冷牛扒間牛扒點了七成熟，成熟度剛剛好。最喜歡是將蒜蓉燒汁淋上西冷牛扒面，味道很香濃。而且配菜份量也很豐富，有西蘭花、蔬菜粒粒，以薯條也是脆卜卜新鮮炸起的💕💕

醒神早餐💛💛金記冰室推介指數:💛💛💛💛今日早咗起身，想食個好正嘅早餐先返工！💛所以就落咗樓下嘅呢間金記食早餐！💛香煎豬扒煎雙蛋坦白講，唔算太大驚喜，本來以為呢度嘅牛油多士會好好食，但係點知牛油唔夠同埋而且多士亦都唔算好香口！💛煎雙蛋正正常常，係好食嘅太陽蛋，有少少燶咗嘅邊！💛至於呢個豬扒都算好大塊，不過就唔算好厚切，整體來講都算OK嘅， $43嘅價錢都幾好！💛

今晚同朋友去apm行街，原來6樓開咗間“金記冰室”，門口已經有人排隊等位，舖頭地方大，環境光猛又舒服，店員有禮貌；坐埋座位用qrcode落單，睇餐牌見到有好多款美食，每樣都吸引，等約10分鐘就有晚餐送到，效率好快 首先叫咗個【自選二人套餐 $168】呢個套餐可以揀兩款小菜，我地揀咗【地道霸王雞(例牌)】肉質非常嫩滑，雞無雪味，醬油有少許甜，仲可以夾埋薑蔥一齊食 【新鮮菠蘿咕嚕肉】呢個開胃餸一定要叫，因為個醬汁撈飯一流，甜甜酸酸嘅咕嚕肉 + 菠蘿 🍍+ 洋蔥🧅 + 紅椒🌶 + 青椒🫑 仲有兩碗白飯 + 兩碗老火湯 - 老火湯清甜好飲，煲得好正 餐食就揀咗【哥喇黑牛】可樂 + 朱古力雪糕 及【白檸鹹檸七】跟餐 +$10 x2 另外叫咗個【揚州炒飯 $62】揚州炒飯真係考功力，炒飯係即叫即炒，炒得乾身，粒粒飯分明，仲夠晒鑊氣，配料夠足料 晚餐要叫埋甜品，叫咗個我最鍾意食嘅【金粒西多配雪糕 $42】炸到金黃色嘅一口西多士，外層脆脆地，咬落軟綿綿，真係邪惡到爆，配埋雲呢拿雪糕一齊食，真係甜到入心 金記冰室 (創紀之城五期(apm))觀塘觀塘道418號創紀之城五期(apm)6樓L6-1a &2號舖

在 APM 找地方吃晚饭，一直走到六楼，最后还是选择了港式茶餐厅。晚餐不是太贵，60-70元已经有交易，在这个商场来说是便宜的。坐下后翻看他们的餐牌，看到有铁板扒餐，已经很久没吃这类港式铁板餐，而且还送餐汤和饮料，与其他套餐差不多价，就点了一份。先上罗宋汤，正常的味道，如果跟一个餐包会更美满。至于热柠茶，只有一片柠檬，谈不上好喝。鸡扒拼吉列鱼，配薯菜和黑椒汁，份量颇可不少。鸡扒腌得不够，味道很淡。吉列鱼的肉比较散，口感不怎么样。虽然不算美味，但以份量和价钱而言，应该可以接受的。

我真係好鍾意去金記冰室食飯，差不多有好幾間分店我都去試過，今晚約好姊妹去觀塘 apm行街食飯，更係去金記喇。金記冰室喺6樓，apm商場能夠食到唔太貴嘅食物又好食真係首選係呢間了，價錢真係好合理而且食物豐富又好多種選擇呢！地方光潔，侍應生友善又有禮貌，冷氣有足夠炎熱夏天坐低真係唔捨得走。我哋女士都係鍾意食清清淡淡嘅嘢，咁就由我發版啦。金銀蛋肉碎浸時蔬$69 好大碗浸時蔬，金銀蛋配白菜仔，白菜湯是清淡嘅蔬菜湯，再有少許肉碎配搭，啱曬女士們食嘅菜湯呀～有湯有菜又可以慢慢飲。韭黃蝦球炒滑蛋$78 呢個我真係好鍾意食，蝦球大大隻好新鮮配韭黃好香，入口啖啖滿滿口感，而且係好多蛋好滑㗎！好有水準，真心推介👍😍鐵板香煎雞扒拼吉列魚柳飯配蒜蓉汁$88 雞扒同魚柳都大塊，倒啲蒜蓉汁嘅時候鐵板咋咋聲熱辣辣，雞扒好嫩滑魚柳炸到好香口，兩樣入口都啖啖肉，紅洋蔥好香甜味。抹茶紅豆特飲$19咁啱我哋兩個都鍾意飲綠茶嘅飲品，天氣又熱熱哋！咁抹茶紅豆冰就啱晒喇。姊妹話下次都要去其他分店金記食飯先。