金記冰室 (創紀之城五期(apm)) (Closed)

星期六放假同事行APM商場~肚餓揾地方食嘢～之前在金記食過,覺得出品麻麻！份量少得起嚟食物又好似整定~因為附近幾間食肆都要排隊！而見到這金記冰室有吉位！最後都係選揀金記！有卡位坐而且好大張感覺有安全感~呢間要用手機掃Qr code 落單！我地落完單就等食,而飲品先到~咖喱魚柳意粉！賣相就麻麻,汁另用碗仔分開上！咖喱汁算係多,魚柳就得兩片~但魚柳大片,而且吉列得嚟熱辣辣好脆口！汁内有薯仔幾件,意粉略偏乾少少！撈埋咖喱汁都好開胃！另外焗海鮮飯賣相吸引,份量足夠！有青口、蜆、魷魚同埋兩隻大蝦！上面嘅芝士焗到金黃色,好香底下嘅飯完全吸收咗海鮮嘅精華 ！飯生熟度煮得啱啱好 凍檸茶有四片檸檬,冰俏嫌太少！唔夠凍總結上枱嘅食物喺熱，食物非常足料！好明顯冰室係有改善。整體上，食物質素比我預期之好！應該話本身對金記冰室期望唔太高啦！

今日難得收早趁疫情仲未好嚴重就決定試吓公司附近嘅餐廳，突然之間好想試吓平民嘅餐廳所以就喺觀塘地鐵站行過去大概3分鐘就到，由於比較肚餓都排咗好多嘢食，佢哋點餐都幾特別係蘇二維碼落單嘅，跟住就嗌左咖喱牛腩，海南雞套餐，粟米斑塊，仲有我至愛嘅椒鹽豬扒，上菜嘅食物速度都幾快先講吓椒鹽豬扒份量都多而且好香蒜頭同埋辣椒味豬扒唔會太林咬口適中，粟米斑塊魚塊炸得好香口，加上粟米汁配飯一流簡直無得輸，咖喱牛腩方便係我鍾意食嘅咖喱味道唔會太辣，而且份量都好多薯仔同埋牛腩嘅比例都啱啱好牛腩唔會煮得太過林，又係送飯一流呢次真係肥唔少，而套餐佢都會跟兩杯飲品分別點左兩杯凍檸茶，茶嘅清澈非常徹底，加上味道唔會偏甜係我鍾意飲嘅味道。而且呢度嘅服務質素都好好點樣好有禮貌解答你每一個問題。

今日嚟到觀塘行街，就嚟到聖誕節同屋企人買完報置飾物後就係APM頂層茶餐廳坐底食少少野休息。一入到門口完成探燒&用消毒酒精搓手液後坐底，大約1點多入座，由於是lunch time繁忙時間，幾乎爆滿要等位，我同屋企人叫左牛肉炒河&雞扒炒公仔麵。大約等左10-15分鐘後就上枱，肉片大塊量大，而且炒河鑊氣夠，係茶餐廳嚟講一定屬於必點菜式，再加杯凍檸茶解除油膩感。唯一敗筆是炒河有點冷卻，唔夠熱。雞扒炒公仔麵，雞扒切件後同公仔麵一齊炒，同炒河同出一轍，一樣夠鑊氣，若果唔食牛的朋友，轉雞扒也不錯的選擇。

身為香港人，冰室茶餐廳是每星期也會來吃飯的地方，傳統的茶記給人印象是比較骯髒，但位於apm 6樓的金記冰室卻是乾淨企理，讓人安心。店內燈光明亮，座位闊落有足夠社交距離，設有透明膠板阻擋飛沫。老火湯吃晚飯又怎少得一碗靚湯，套餐送的老火湯絕不欺場，湯料豐富絕無味精，健康又美味。鹽焗雞（例牌）點了一個2人小菜套餐，其中有我最愛吃的鹽焗雞，沙薑味濃郁芳香，鹹淡度恰到好處，雞肉亦很嫩滑，沒有雪藏味。韭黃叉燒炒蛋另一款小菜則點了韭黃叉燒炒蛋，炒蛋炒得香滑，本來已經惹人垂涎，加上沾滿惹味醬汁的嫩滑叉燒，提昇了口感的層次感。金銀蛋肉碎浸時蔬點菜時可問問店員有什麼菜可選擇，我們選了白菜仔，白菜仔煮的時間掌握得好，菜葉吸收了湯的精華之餘亦能保持菜莖爽甜，同時金銀蛋及肉碎的份量配合得宜，令湯底更清甜。

中午一點半去到，啱啱有位。用app叫野食，記得上次幾個月前去個app 有bugs ，今次去好明顯enhanced 咗，幾好幾好，十分方便。叫咗個餐，有黑松露炒蛋，d蛋勁滑。蒜蓉多士也脆，有一粒車厘茄。雞絲麻辣米線，個app已經有曬多辣少辣選擇，我選了多辣，好正，雞絲好滑，雖然明顯雪藏雞絲，但個種滑好正。最驚喜係，有谷咕飲！！！真係而家好少有！app上仲可以選轉煉奶，多奶少奶⋯⋯好正呀喂！為了谷咕再去食絕對合理！埋單六十幾，又多野食，米線又可以大辣，仲竟然有谷咕！上乘也！

聖誕節將到，趁有時間就同老公和女兒去觀塘APM行吓，買聖誕禮物，之後上咗樓上的金記冰室食晚飯。餐廳裝修充滿香港情懷格調，用手機下載程式落單，既快捷又環保。鐵板海陸空：配薯菜和黑椒汁，有豬扒、魚柳、雞全翼，份量十足，熱騰騰用鐵板上枱。豬扒和魚柳都好大塊，肉質嫩滑，雞全翼亦炸得好香口，薯條香脆，配黑椒汁甚惹味！扒餐配有餐湯和飲品。鮮茄濃汁焗豬扒飯：招牌焗飯當然要試吓，飯焗得香噴噴，豬扒和炒飯粒都沾滿著醬汁，豬扒入味不鞋口。芝士鮮茄焗炸雞髀意粉：大大隻雞髀是生炸的，非常香脆又入味。醬汁混有鮮茄和芝士，沾滿每條意粉，十分惹味！星洲炒米：用料有火腿、蝦仁、蛋、洋蔥、芽菜等，米粉爽口帶少少辣。白雪公主：七喜加雪糕是款口感豐富的清新特飲。

🎫趁着戲院仲未受到限制之前，過咗嚟觀塘APM睇戲。但係而家唔可以一路食🍿爆谷一路睇，咁唯有食咗嘢，打咗底先入去睇戲。🙈就喺戲院門口前邊就有😍金記，毫不猶豫就入咗去。金記開咗好多分店，自己都食過好幾間，👍🏼覺得佢嘅質素幾好，價錢亦都合理。所以都幾鍾意呢一間冰室。🥰⭐️麻辣雞片米線🐔呢一個係我之前食過好食今次都推薦左我媽咪食。🌶但係我媽咪唔食得辣，所以揀咗小辣，佢都做得好好，唔會冇咗麻辣嘅香味，母親大人都十分欣賞。⭐️經典嘅沙嗲牛肉麵餐👍🏼賣相一流金黃色嘅蛋同多士。配埋杯熱咖啡。⭐️金記生🍗炸雞髀配沙律 + 公仔麵好少地方有得食生炸雞髀🍗，難得有得食梗係唔放過呢個機會！真係好正，雞髀炸到外脆內軟，仲可以俾我加配公仔麵！😛⭐️金記三文治🎉小朋友們就share 食三文治🥪，個個都勁開心🥳，又好味又多餡。⭐️金記西多配雪糕🍦我諗佢哋開心嘅原因應該係呢個，🥰一粒粒方便小朋友食，仲有雪糕比佢哋。我自己都攞咗佢粒西多嚟食，好好味，入邊應該有蛋，😋咬落去好似吉士餡咁，同出面茶記嘅西多唔同。👍🏼

喺觀塘行完街，去咗APM睇戲，睇完戲有d肚餓，見到戲院附近有間金記冰室，就毫不猶疑入咗去。餐廳依個好先進，每張枱都放咗個QR code，可以用電話掃一掃就可以自己落單同加單，仲可以check下自己落咗咩單，唔洗驚人手寫錯單，省時又方便。餐牌有好多野食，叫咗個海南雞套餐，有油飯或者白飯可以揀，再加老火湯，仲可以加半價既飲品。海南雞份量都唔少，雞既肉質好嫰，有兩種調味可以加。再加咗杯依度招牌既蛋白杏仁茶，好香杏仁味，好滑，杯入面有好多蛋白。仲有一杯薑檸樂，一絲絲既薑，好暖胃。

觀塘上班的伙伴除了每天會一起塞巴士、搶早餐、還會齊齊排午飯隊，一些美味抵食的餐廳總是排出條條人龍，絡繹不絕，其中一間就是金記冰室。沙嗲牛肉即食麵整體有點像大排長龍的敏x冰廳，不過金記的更偏近沙嗲與沙茶的綜合品，味道濃香稠密。牛肉厚片柔軟，即食麵彈牙有韌性，建議盡快享用，否則吸湯脹後會微失口感。配香滑炒蛋 及 牛油多士炒蛋香滑水潤，配搭香脆多士，高質港式常餐。午市套餐馬來咖哩香煎魚柳飯咖哩入口微辣帶香甜，濃稠度適中，適合配飯。魚柳大片薄身，香煎後肉質柔軟軟腍，再搭配咖哩汁，開胃。蛋白杏仁茶杏仁茶熱騰騰呈上，杏香濃郁撲鼻，質地細膩幼滑，蛋白絲甚似啫喱狀，甜度適中。地道霸王雞打算買份例牌回家餸麵，雞皮薄滑、雞肉香嫩多汁、柔軟香口，不錯。總括來說，價錢便宜、食物不錯、環境新淨、值得再光顧。

今晚約咗一個好耐冇見嘅朋友去觀塘APM嘅金記冰室，附近太多嘢行，早到變咗遲到。我哋大家都叫咗鐵板餐，星期五放縱啲啦。我叫咗鐵板西冷扒餐，朋友就叫咗鐵板蘋果豬扒餐。大家都係跟薯菜，我都幾鍾意佢哋嘅粗薯條。西冷扒肥瘦適中，特別係鍾意佢一啖食到晒牛筋同牛肉。順帶一提，我哋係用QR code電話落單，所以牛肉幾成熟，用乜嘢汁，乜嘢配菜，都可以清楚選擇。講吓朋友個鐵板蘋果豬扒餐，我未見過，所以覺得放蘋果落去鐵板，特別新穎。感覺亦都健康啲。朋友叫咗無冰奶茶，其實我都想試，但係因為係晚餐，怕飲咗奶茶瞓唔着，所以叫咗綿滑蛋白杏仁茶，非常滋潤。同朋友嘅對話不外乎公司嘅人事複雜，工作環境氣氛，當我抬頭一望，即使餐廳非常繁忙，但係店員服務都非常殷勤友善，係喺呢一個艱難嘅時間，值得表揚嘅工作態度，令我特別鍾意呢一間金記！

嗌咗個常餐 通粉冇味 個包搽咗唔知咩醬 甜嘅又冇烘底 地下好污糟 常餐都難食都幾難做到🤫點解評分咁高 埋單52 食到心情唔好 咩嚟㗎 唯一就係杯嘢飲係正常嘅 又貴又唔好食 。。。。。。。。

黯然銷魂飯？滑蛋叉燒飯？黯然銷魂飯？滑蛋叉燒飯？黯然銷魂飯？滑蛋叉燒飯？😵媽～～ 我好亂呀～～～平民的浪漫，叉燒滑蛋飯！識食一定食依個啦緊系！一間餐廳D食物出唔出色，其實真係好簡單，越簡單嘅食物都整得好食，就最考廚師嘅功夫啦～所以今次叫左滑蛋义燒飯～🤪呢個滑蛋+半肥瘦叉燒～真係不敗組合！超班叉燒飯～蛋超香，味道濃郁！每一啖飯都食到豐富蛋汁，正呀！但今日師傅係咪賭錢輸左？ 點解好似鹹左小小嘅？😎不過不過...已經比坊間不少茶記優勝架啦！滑蛋的確有功力，嫩而香，火喉準確呀加埋杯紅豆冰～ 真係畫完完美句號🥰好滿足呀⋯⋯而另外呢點左金牌常餐～開心食常餐～唔開心食常餐話明「常餐」～就是常伴你左右的餐雪菜肉絲通粉加多士 ，腸仔加多粒太陽旦喂～睇埋落去呀～真係唔好以為好似平平無奇無特別呀！我好鍾意佢d通粉～細細粒，爽滑彈牙。湯呈黃色～ 有忌廉香～味道好調味剛好👏🏻多士厚厚～烘得夠熱～牛油香豐富～多脆內軟～好有彈性～好好食😋 放假食飽飽Lunch ～ 相信是放假節奏的好開始❤️但好可惜我唔小心刪左d食物相無相放

難得有個空閒既星期六🤣黎觀塘行陣街同隻豬嘆下茶記一番啦☺️☕️鮮魚湯肉丸子菠菜煮豆腐(配白飯)濃郁鮮魚湯底既煮豆腐🐟🐟🍜拌埋菠菜煮夠哂健康之餘又可以清清腸胃😋一舉兩得😛😛沙嗲牛肉米粉(配炒蛋多士)牛肉肉質鮮美滑嫩之餘😋再配合秘制沙嗲醬汁更帶出麵底配料鮮味🍜🤩另外加配既炒蛋多士🤤但因小肥最近熱氣所以被叫齋包🥺🍞以及配合牛奶炒香既奶滑炒蛋🤤🥚絕對係常餐既Perfect Match☺️🍴

朋友誠意推介呢間個麻辣雞片米線，所以就來試下。見係招牌推介的其中的一款，唸應該都唔差。一放低碗米線真係哇左一聲，估唔倒$40有咁大碗！個樣好吸引！d雞超多， 食極都有，仲好大舊的。雖然係爽口雪藏雞肉，但主要都係食個湯底，真心唔錯，滿足哂我想食辣雞米線的癮。另外朋友就哎左晚餐的酸辣海鮮炒烏冬，都幾特別幾好食，仲好足料顏色滿分。食完想哎d甜品，見倒推介有個金磚西多配雪糕球就哎來試下，不過有點失望，因為口感好油唔夠鬆脆。下次來想試下乾炒牛河，因為見隔離枱哎左好靚仔。

今晚黎到 APM 6樓嘅金記冰室食晚餐餐廳門口列出每日嘅防疫老火湯今晚 Order 左個 2 人自選小菜餐, 包 2 碗老火湯、2 碗白飯、2 款小菜 & 2 杯飲品 (凍飲要加 $3)老火湯是日老火湯係蜜棗西洋菜煲陳腎湯, 材料十足, 菜味香濃, 唔錯唔錯霸王雞例牌雖然只係例牌, 但份量都非常大碟, 雞肉夠晒入味, 啖啖肉, 肉質都算嫩滑, 大愛韭黃叉燒炒滑蛋同樣都係大大份, 聽落去好似係一道簡單嘅家常菜, 但其實好考大廚嘅功架 !! 雞蛋煮到夠滑, 蛋味香濃, 叉燒絕對唔少, 韭黃更令香味加以提升