金記冰室 (Closed)

價錢合理的懷舊冰室灣仔出名多好野食，趁有機會黎開會，上網睇下有咩抵食既午餐，見唔少人對呢間冰室有好評，就決定去食。栗米焗雞扒飯 $53：賣相吸引，雞扒焗完後有脆皮，栗米汁也夠甜，飯底乾身，整體味道很好沙嗲牛麵 + 厚多奄列 $47：沙嗲味好香，入口都好濃郁，牛肉有嚼勁。厚多好好食，外脆內軟，牛油搽得好均勻。奄列平凡，蛋炒得不太好。環境舒適，牆上有不少懷舊玩具，別具風味。

今早跟隊去行山，行到中午係山頂離隊，坐巴士返回湾仔。落車後行去天樂里鹅頸橋街市上層清真惠記食咖哩羊腩。點知上到去，見到惠記空無一人，原來間店因農曆新年，仍未開業。時間己到中午钣市，於是落左地面找間荼餐廳食個午餐。刚落街被金記冰室懷舊裝飾吸引。排骨钣 - 整碟钣配汁淡而無味，排骨無肉味，真係好難食。雞翼火腿蛋钣- 雞翼好乾，火腿無味，正係隻蛋送钣。例湯- 更加不值一提。整間冰室裝飾得好懷舊，但食物就差到不得了。

因為公司係附近 所以耐唔時都會黎食午餐其中一樣吸引既都係呢到好似舊香港既裝修午餐叫左肉醬意粉焗出黎肉醬好多 意粉唔會太腍太硬當然最後要飲埋杯奶茶啦奶茶夠熱 茶底夠味但唔苦正！係張台細左d🤭

入咗大埔探朋友,佢話要拉我去佢屋企附近新開張嘅<金記冰室>試下,聽個名就覺得同普通茶餐廳冇乜分別,呢度除咗新裝修所以格局份外乾淨光猛之外,所有擺設同埋餐具都富有七/八十年代嘅港式情懷,令人懷舊一番。嚟到咁老牌嘅港式茶記,當然要一人叫一份經典大廚嘅鐵板套餐滿足一下啦!!!鐵板西冷牛扒餐($88蚊)：鐵板整份送上往往係茶餐廳最令人感動嘅,尤其是係醬汁另上,喺你面前淋落塊扒度"滋滋炸炸"呢幾秒,確實應該係每一個八十後嘅成年人年少時嘅回憶,爸爸媽媽話帶你去食大餐,永遠就係記住呢一個moment,標哂煙,香噴噴嘅一塊鐵板餐實在吸引。牛扒唔係話乜嘢頂級級數嘅類別,不過就勝在size夠大,啖啖肉好滿足,配埋炒香咗嘅意粉仲有荷蘭豆做配菜,女士理應就冇理由唔飽囉~鐵板美式雜扒餐($80蚊)：雜扒永遠都受人歡迎因為就係裡面超級豐富,有牛扒+雞扒+豬扒仲有腸仔同煙肉,配埋薯菜仲有炸薯條食,本身唔係有番咁上下肚餓都真係唔好叫喇$80蚊呢個價錢喺而家咁嘅環境真係好難得,明正言順「抵食夾大件」!!!價錢雖然話係平,但味道又有水準喎,起碼啲肉扒都分別悉心調味過,煎香過,睇嚟我下次都要帶阿肥幫襯一下啦

呢間金記以前要排隊，我都無來過。而家唔知係唔係附近多咗類似嘅食肆，唔再需要排隊，我就來了。入到去，見到啲膠波，蛇棋，算盤 . . . 全部都未見過嘅(扮後生)!?好得意呀！個餐牌亦好有玩味。來咗幾次，食咗幾樣嘢：咖喱牛腩飯($52)：上枱見佢啲咖喱稀唥唥，有啲失望，不過入口又OK喎，佢似乎係一個唔落(好多)椰漿嘅整法，但咖喱味足，牛腩都算夠腍，有少少薯仔少少洋蔥，係嫌個白飯太少。鮮茄濃汁焗豬扒飯($51)：我唔會用好味去形容個汁，但嗰個以前啲茶餐廳先會有嘅橙色汁味，真係好懷舊，而個豬排唔靭又無乸到腍坺坺，仲幾香添喎。麻辣雞片米線($36)：實物同張相差距好大，雞肉幾爽，米線都幾好噍，個湯對我蒞講就太辣，唔知咩味。一定會再來試下佢其他嘢食！

灣仔出名多價廉物美嘅美食，一向都覺得之前可以响呢頭返工係一種福氣。今次倒💩咁早起身去參加港島十公里之後，就黎咗呢間名叫 金記冰室 嘅餐廳食返一個可以補充能量嘅早餐！///呢間餐廳俾我嘅第一個感覺係：佢係同平日食開嘅茶記唔同，至少佢每個用具都有「金記冰室」呢幾個字，加上個裝修都有特色，令我對佢地嘅食物有期待。///今次我叫咗個「沙嗲牛肉公仔麵配火腿奄列及牛油多士」，都只係$33外型方面睇落平平無奇，但食落都頗有驚喜，多士唔會烘得太窿，味道帶點甜味，沙嗲牛肉公仔麵個麵底唔會過硬或過淋，啲牛肉味肉同平日去開其他茶記味道係唔同嘅，比較有牛肉味，奶茶方面，奶味比較重同無平日其他茶記嘅苦澀味，無咗苦澀味嘅奶茶算唔算好就真係見人見知。///呢間係我覺得茶記之中質數比較高嘅一間茶記，大家有機會經過不防試下。

最近好興呢啲懷舊色彩嘅餐廳 ，全部都係用70/80年代嘅裝修，呈現舊有港式嘅情懷。原來呢間金記冰室都唔例外，又係old school野。除咗裝修特別，食物都係普通茶記。不過不失咁啦。

Ordered their signature dish, tomato cheese baked pork rice. It looks enticing and it was flavourful at first. The dish is mainly tomato sauce and it taste great with cheese. Pork is ok here wouldn’t say it’s great. The portion is quite big here.

下午茶時間，今日來灣仔工幹，就附近找一找吃東西，灣仔消費比較貴，難得見到一間冰室，和同伴就進去吃了，很久沒吃茶餐廳，而且是舊式的。餐牌都是普通西多士，炸雞翼，炸薯條，炸魚柳，通粉餐，出前一丁，常餐……唯獨炸雞脾沙律，完全吸引我眼球，另外凍奶茶亦值得一試。因為時間有點緊迫，發現等了一段時間才來。如果不等得真的不要點，相信即炸所以要等……只拍了一張相，就趕著吃。不得不讚幾大隻，中間開一刀，應該是想容易熟，外皮很脆很熱，咸咸地很好味……雞皮完全不油，啖啖肉很邪惡！沙律舊式有薯仔，紅羅白，青瓜，菠蘿……很懷念味道。凍奶茶雖然有冰，但喝下順滑有茶味，和現在改良不加冰，沒有絲毫的分別。本人覺得不過甜，比太興的還要好喝。

公司附近多數都係粉麵店，間唔時都會想食下常餐、茶餐呀，其實公司附近都有好幾間茶餐廳，見金記裝修幾得意又懷舊，就試一試啦。本來一心想食常餐豬潤通粉，但見午餐有焗蕃茄吉列豬扒飯，好似幾吸引，於是就轉軚😂。午餐$50-60左右，價錢响呢區都合理，餐湯叫咗紅湯，即雜菜湯：好濃蕃茄味都好蔬菜，酸酸地偏咸但都幾多味。吉列焗豬：初時我地都諗吉列又點焗？吉列完再放飯一齊焗？咁豬扒咪索晒啲汁會淋？噢～原來係炒底上面鋪上鮮茄汁先焗，上枱時再放吉列豬扒喺面！豬扒好大塊～～～差唔多同個焗盤咁大，吉列嘅麵包糠炸得非常脆，豬扒仲有嫩，無炸過龍，茄汁係用鮮蕃茄整唔會似出面其他用蕃醬蕃膏整，味道無咁濃，有鮮味，炒底雖然有蛋，但唔係幾食到蛋味。餐茶叫咗奶茶：夠茶味，唔嚡口，有奶香，係傳統經典茶餐廳味道。

I recommend the food is "Pork liver Macaroni".The pork livers are not overcooked or undercooked, but just the right texture which is smooth and tender. You can also option for noodles or macaroni.

附帶笑話一則朋友點了沙嗲牛肉麵常餐，最正的是可以加錢配雪糕紅豆冰而家出街食飯選擇真是太多，有時真是不知如何選擇，同朋友在灣仔街頭兜了一個圈，見到懷舊的冰室就被吸引入去一試了店內四周的裝潢真是很具香港回憶，而且場內牆上的畫都是兒時的玩意，並且用生動的漫畫表達很有共鳴而且餐廳的菜色豐富，分量足夠，味道很好，鑊氣十足可惜我掛住影店內的佈置，只影左少量食物相，急急地掛住食就食完趕去上堂了價錢合理菜式好味值得推介

呢個茶餐廳第一次嚟嘅時候係新開張，食晚餐當其時覺得個環境舒服嘅，咁同埋餐牌都好特別！但食物味道未有驚喜！只是很普通啊！今天再來吃個茶餐，個羅宋湯意粉，只有辣味豪無肉味，個蛋也很普通，如超過四十元，完全沒有睇頭！

環境好有童年既感覺，好有懷舊，有別於其他冰室。金記三文治 $38諗黎諗去都吾知食咩好，就食佢既照牌三文治。相比係其他地方食既，認真吾同，佢雖然得4舊，但佢份量都比其他餐廳大好多，開頭我以為係2份黎，但原來係一舊黎，可以得知究竟有幾大份。除此之外，佢相比其他三文治吾同既係，佢食落吾會太乾，佢中間有塗牛油，掩飾左面包既乾，塊午餐肉仲要超厚，物超所值！芝麻黑糖醋骨配白飯 $68其實個人吾中意食芝麻的，原本係叫佢走芝麻的。可能侍應生太高興了，忘記了幫我走芝麻，但吾緊要，芝麻味並非十分重 還可以接受到。呢個飯有跟餐飲同湯，湯我選擇左羅宋湯，普普通通冇咩好特別，係料好足。個糖醋骨我初初以為佢係一下好重醋味一下，好重甜味，估吾到佢可以整到甘夾，每件都吾會話有過多的面粉係面頭。呢樣真的好難得。西炒飯 $49份量夠大，料夠足，廚房炒得非常好。飯是一粒粒的，不會痴在一起。兩個飯可以+$13 配嘢飲叫左個黑牛（朱古力雪糕可樂）初頭俾佢個名吸引左，就決定試下，黎個刻呆左，因為同個圖吾同。岩岩飲冇乜特別，慢慢佢D冰同雪糕融為一體，再加可樂 真係有D似思樂冰。P.S. 輪椅人士可以進入，但要小心前級。侍應哥哥很好

金記冰室在銅鑼灣店食過，感覺不太好。主要是環境比較污穢，這天早上剛好與友人經過，見場面光猛，兩人入內點了兩套餐，職員好快己送上食物，質素好，價錢貼地，性比價高，值得一再重臨