金記冰室 (黃大仙中心南館) (Under Renovation)

同事帶左我去哩度食lunch 終於食到喇 嘿嘿 我地大約1點20分到達 好好彩唔洗等位又有卡位😉☺️實在太好了😄😀最後還是點了午餐的馬來咖哩牛肉飯 賣相好吸引喎 而且還是飯餸分開 幾好幾好 咖哩汁很入味 牛肉份量好多 多到真係食唔哂 肉質好淋 容易入口 不過略嫌薯仔只有兩細舊 如果多少少就好喇😍😆其實薯仔都煮得好好 勁有咖哩味道又淋 伴飯一流👍🏽😋午餐配羅宋湯 哩度啲羅宋湯真係唔hea 真係有好濃郁嘅羅宋湯味道 味道適中 沒有過淡 很好 我飲哂成碗呀 小妹本人都幾好欣賞😍😍熱咖啡 熱飲不用加錢 熱飲杯也很有特色的咧😄味道方面 熱咖啡較多奶 少了咖啡的苦澀味 沒有太多奶會較好吧

見到金記冰室係黃大仙新開分店，而且都好多人食，今晚一於來試下金記冰室的小菜。好好彩坐到類似卡位的位置，竟然有個位可以俾人差電，相當實用體貼。餐牌選擇都唔算少，另有扒餐同咖喱等可選擇。中湯 - 比較重味精，但味道唔錯。海南雞套餐- 海南雞全部都係雞胸，而且雞胸肉又硬又乾，真係唔抵食。清炒白菜仔 - 白菜仔分量好少下，味道不過不失。京都肉排 - 肉排落得太多鬆肉粉，冇左應有的鮮味；醬汁味道偏酸，菠蘿味道唔錯。熱菜蜜 - 通常茶餐廳用DD厚身杯特別夠熱同好飲，果然冇令我地失望，熱菜蜜好清甜，而另一杯熱檸水都好飲。整體而言，價錢都唔平，其實飯的分量都幾多下，但就同小菜的分量成左反比。味道來講小菜質素麻麻地，反而飲品幾好飲，下次可以試下D扒餐，應該會好過D小菜。

有時未想好想食咩好, 點算好? 最好有得多野食, 坐低先再慢慢想!呢間店, 就絕對可以做到咁! 咁多菜, 除左波板糖形Menu入面的好多餸菜之外, 仲有另外擺開嘅推介晚餐同小菜, 真係包有款啱你同埋朋友話款款都幾高質想多無謂, 食多會滯, 最後同朋友兩個人就各叫咗一款再share!鮮茄豬扒意粉 $52豬扒外脆內軟, 肉質嫩滑又香脆, 幾隻意粉都好爽口黑椒牛柳粒 連飯$78大獲, 就黎食完先記得要影相, 不過得返粒都要影下, 無圖又點有真相呢雖然得一粒, 都睇到肉質好鬆軟, 紋理鮮明牛有牛味，口感軟滑, 正

外母都喜歡食茶餐廳，之前食過銅鑼灣金記冰室佢都話好食，咁黃大仙商場開咗一間，所以約外母一齊去食下午茶。原來黃大仙金記有5款不同特色小食，點了冰鎭秋葵($28)同上上簽-串燒半打($38)，還點了金記三文治($38)同地道鮮茄焗沙丹豬扒飯($52)，一杯凍檸茶(跟餐+$3)及一杯凍西洋菜蜜($18)。冰鎭秋葵，炎炎夏日熱辣辣食完透心亮，冰凍爽口，沒有太多草青味，不錯。上上簽-串燒半打，只有鷄串燒可以點，鷄肉算嫩滑，不會過老，表面燒得香口，沾了沙爹汁更美味；是不是因為對面是黃大仙廟， 所以有此小食名？金記三文治，即是公司三文治，有鷄蛋、午餐肉、火腿、番茄、芝士、生菜等，已經烘底，一開四件，除生菜比較少食外，全部都喜歡食，金記三文治熱辣辣又美味，最後食了3/4件。地道鮮茄焗沙丹豬扒飯，其中一樣我喜歡的金記食物，已經做得不錯，鮮茄夠新鮮、加上焗到半溶的芝士，不會太酸，豬扒夠淋身，炒飯底又夠乾身。飲品繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。凍西洋菜蜜，酸酸甜甜的，勝在夠凍。

金記係我同老公整日都會去的茶餐廳， 最近知道係老公司附近的黃大仙中心都開左， 以後唔想煮飯都可以去食~ 七點幾去到已經幾乎滿座，呢間有多款d特色小食添 包括我最愛的秋葵，仲係<冰鎮秋葵> ， 平時通常食燒秋葵或者天婦羅秋葵， 冰鎮都係第一次，冰鎮大大條， 咬落冰涼爽口，岩晒夏天食~ 之後點左個中式小菜晚餐<芝麻黑糖醋骨> ，奉送白飯、例湯， 老公話個俄羅斯羅宋湯味道濃，正~ 我就好鍾意個芝麻黑糖醋骨，d肉唔會太肥， 醬汁酸酸甜甜好開胃，仲有陣陣芝麻香味，送飯一流~ 因為我夜晚唔食飯，點左<無骨海南雞> 半隻， 食白肉健康d又冇禁肥，份量都幾多， 雞肉肉質幼嫩d會更好~ 仲有我次次必點的<雪糕紅豆冰> 紅豆多，椰汁又香濃，仲有香滑的雪糕~

近排因為工作『煩』忙既關係奶油包成日都食無定時仲有連星期六日有時都要做野係上個星期日奶油包就要去到黃大仙做野做完野之後肚餓搵野食咁岩俾我見到黃大仙中心南館地下竟然開左『金記』唔理三七二十一即刻去食個TEA先可能因為已經過左LUNCH HOUR奶油包唔想食咁HEAVY就叫左個流心西多士食一上台就見到個西多金黃色好吸引睇落已經加晒分之後一野切開件西多嘩...D漿流晒出嚟唔講得笑...甜甜地好好食D漿既甜度真係岩岩好食完一件真係勁想encore當然有野食就要有野飲奶油包就揀左杯西班牙咖啡咖啡味好濃上面D cream好tasty雖然唔知係唔係正宗既西班牙咖啡但係真係勁好飲奶油包俾呢個下午茶85分下次要夜晚嚟試試

港式茶餐廳引發作。見到金記又鐘入去食。老婆叫左個三文魚意粉。三文魚都ok, 有d 似酒店buffet級數，香味都夠。 我叫左個和風牛飯，超香又軟， 好大件。最特別係蛋白杏仁茶。真係大大粒蛋白。 杏仁茶吾似開粉，似係煮出黎， 好飲， 試得過。

為左尋美食，幾遠都去。此乃覓食格言啫。今次跟幾位友人到黄大仙中心金記冰室嗜美食。之前唔認識金記，原來港九都有唔少分店，集團經營所以食材貨源新鮮多樣，以至打開乒乓波拍餐牌㨂野食時，都有些選擇困難症徵狀出現。樣樣都想試之下，今次就以是日餐牌推介試下先 : 煙三文魚伴野菌意粉 - 表面平平無奇既意粉，原來估唔到咁好味。仲有個乾炒牛河，惹味，河粉軟滑，又唔太重口味牛肉軟腍惹味串燒有牛豬雞，不過牛豬賣哂得返雞不過無蝕底，雞肉好爽滑幾好食喎下次再幫襯先

通常連鎖茶餐廳水準都麻麻，但呢間我覺得算唔錯（雖然我唔知邊間係總店）～ 乾炒牛河有鑊氣但冇燶，唔太油膩，亦唔鹹。份量方面，大約係傳統茶記嘅九成，但我平日喺茶記要扣底嘅，所以啱啱好。蛋白杏仁茶係足料嘅，口感好滑，夠熱。我個人就不太熱愛呢味野，只係因為乾炒牛河冇飲品送，咁反正都係加錢，索性就叫杯潤啲，企圖抵消返個熱氣牛河⋯⋯。如本身喜歡杏仁茶，不妨一試（不過就冇餐飲喇）。值得一提嘅係牆上有USB差電口（目測係部分卡位先有）。

放工同朋友去呢間好有懷舊感覺嘅冰室食飯，餐牌係個乒乓波板，又幾特別嘅😁叫咗個干炒牛河，唔太油，份量適中雞肉串肉質唔太乾，都幾好味但個芝士海鮮飯，冇乜芝士味，唔係我想像嗰款😅

這晚和同事搏殺完收工找地方食飯，有人提議就去了這間黃大仙金記據聞新開不久，食物質素不知如何既然廚師推介當然要支持下，叫了俄國牛柳絲飯$55及和風小牛扒$68。接着又ORDER了雞串燒半打$38，竟然叫上上簽呢，相當好意頭俄國牛柳絲飯$55，好正掛住食，都食到尾聲才記起影相，以致影得不好但圖中亦可見牛柳絲切得均勻，又不會靭。和風小牛扒$68，和風果然不同些，牛扒相當軟腍又惹味雞串燒到了$38，見到已經想食旁還有個咖哩醬，可自行點決定想要的醬份量肉質都夠香脆有口感希望下次來時可以在不用上班壓力的日子，攸閒地慢慢度過更ENJOY

平日間中做facial前也會去金記冰室食飯, 但自從不在港島區返工後, 就少咗去, 直到知道金記冰室係黃大仙開咗分店, 九龍區終於有, 我就放工後約了友人去了. 出地鐡站後, 一踏入商場便見到, 非常方便. 坐下後, 我先點了一個鮮牛肉雞蛋三文治. 平日多數食咸牛肉, 較少見到鮮牛肉, 怎樣也要試下. 牛肉幾大塊, 而且肉質夠嫩滑, 完全不覺得乾和硬, 與蛋好夾, 味道調教不錯. 見到附近的食客點了一個香噴噴的鐵板餐, 我地也被吸引住. 最後, 我地決定點鐵板美式雜扒配白飯. 也可以選擇配意粉. 醬汁可以選洋蒽汁, 黑椒汁和照燒汁, 最後揀了黑椒汁. 美式雜扒上枱. 份量都幾多, 當中有煙肉、腸仔、牛扒、豬扒、雞扒. 店員會在客人面前淋上醬汁. 淋上黑椒汁後, 香味撲鼻. 三款扒的肉質也算稔身, 當中我自己最鍾意食雞扒. 再配上黑椒汁, 特別惹味和醒胃. 另外, 跟餐加錢配了金記特飲 – 熱生薑鮮檸茶. 食完咁多肉類, 要飲番一杯含有檸檬的飲品中和一下. 入口除了有薑味外, 檸檬味十足, 幫助消化.

因為黃大仙中心reface工程期間，摺咗好多食肆，搞到得50分鐘食lunch嘅我成日無啖好食，貪佢响工作地點附近，又好似裝修得幾靚，所以十分期待佢開張大吉。話說今朝早去試食早餐，佢都係果啲早餐=午餐=常餐……沙嗲牛麵呀，雪菜肉絲米呀，再搭個煎雙蛋呀，火腿奄列呀咁囉。咁我叫個乙餐：沙嗲牛麵跟奄列，熱華田。我想轉雙蛋唔要奄列，落單話得，轉個頭聽到佢問另一個侍應就話唔得，餐牌寫咗係咁就係咁（真巴閉），咁無所謂咪照食囉。食物上枱，餐具放响枱板下要自取（係無講比你知，放低行開，自己尋寶），點知拉佢個柜桶拉到就跌都淨係見到一堆“柄”，根本分唔到刀、叉、匙（其實係有一粒豆豉咁大嘅字黐咗响角落頭）。即時覺得個擺法好蠢，向出唔得咩？第一：要個客拉到個柜桶咁出先揾到合用嘅架生，失敗。第二：拉到個柜桶咁出阻住條本來已經唔闊嘅通道，戇居。第三：如果個客拉得太出成個柜桶跌落地，整傷整爛，濕滯。點知到lunch時間，同事話要試，又幫襯，就真係經典啦。有個所謂“主任”上菜，咁拎餐具果時好聲好氣，笑容滿面（街坊街里，朝見口晚見面嘛），順口講句：點解啲餐具向入放㗎，好唔方便攞喎……我都未講完，佢就高八度回應：唔得㗎！!

由第一間位於屋企附近嘅金記開始，到到現在就嚟18區都有，我讚美水準仍然保持。今日過嚟黃大仙同老師食飯，選址佢主動話要食金記，我話好呀佢個乒乓波拍餐牌真係好得意。先點左個鹹牛肉雞蛋三文治，好蠢呀唔記得咗烘底，始終夜晚食三文治呢一類食物，有啲驚嘅就係麵包擺咗成日會硬，點知嚟到嘅時候送院無比，同早晨食嘅毫無分別，老師問我點解一定要食鹹牛肉炒蛋，我話因為其他嘢我都識整，唯獨是我唔知係邊度買鹹牛肉，自己整唔到喊牛肉雞蛋三文治。然後佢話哈哈你真係一個準師奶。都係架！今日有一啲特色小食賣，我點左呢個上上籤，其實呢就係串燒，雞肉串燒配上沙嗲汁。沙嗲汁十分之香，唔會太辣。30幾蚊有六串好抵食。另外一個小食點左涼瓜煎蛋，我十分之鍾意食涼瓜，陳奕迅嘅苦瓜呢首歌"苦過後更加清"就係我喜歡食苦瓜的原因，我好覺得獨特嘅地方係，呢一個小息根本上係一個餸吧。好鬼大碟，雞蛋煎得十分之香，配有足料嘅涼瓜。好抵食！老師點左個海陸空雜扒，其實係美式集扒，分量超多，牛扒豬扒雞扒各一片，仲有好好食嘅腸仔同埋煙肉，好想問吓嗰個腸仔究竟係咩牌子。呢種腸仔嘅感覺一定要係舊式嘅西餐廳先至搵到。呢間咁幾嘅裝修又特別有懷舊氣息，我覺得同黃大

今天獨自午餐，之前見過呢間，都想一試，就黎試下啦！去到好快有位，當然都係先講服務，侍應服務算可以（畢竟是茶餐廳），我落單時，佢入錯單，侍應唸都唔唸，話即刻跟！所以我覺得👌🏻！到個湯，因為我叫午餐，跟湯跟熱飲！個湯我叫咗羅宋湯，好似酸咗d。蒸排骨，味道適中，又夠彈牙！唔會實得滯，都唔錯！凍檸茶少甜，有茶味又唔太甜（我叫咗少甜架）環境以懷舊做主題，明顯有心思設計過，幾好！值得一提係，佢地枱下面放銀器，如果慣咗「橋」腳的話，會好唔慣！整體：環境👍🏻、食物👌🏻、服務👌🏻，但價錢😭一個午餐由$48-$52凍飲+3