金沙角美食小厨

Open Now

Now Closed

最近去咗沙田圍嘅「金沙角美食小廚」食大排檔小炒，依間餐廳好旺場，設有室內、室外座位，小菜款款都鑊氣夠、份量多，大大碟，啱曬一大班人約埋Share一齊食，餐牌食物款式多，價錢合理，略嫌飲品費用為獨立計算收費，而需另外繳付有關金額$24。芝士焗桶蠔烏冬底（單點$238），表面鋪滿水牛芝士，採用美國桶蠔製作，桶蠔好大隻，肉質肥美，略嫌口感食落有點類似蠔豉，烏冬口感煙韌，容易掛汁，配以水牛芝士、芝士醬食用，味道濃郁。椒鹽鮮魷拼九肚魚（單點$133），椒鹽鮮魷，炸皮口感薄脆，魷魚口感爽彈，食落好新鮮，配以椒鹽、炸蒜食用，食落好香口；椒鹽九肚魚，口感外酥脆內嫩滑，味道鮮甜，配以喼汁食用，味道清爽。懷舊煎蠔餅（單點$108），份量大，表面鋪有芫荽，蠔餅炸得金黃酥脆，口感厚身，蠔仔、粉漿比例適中，蠔仔肉質飽滿，食落鮮味十足，配以魚露食用，味道更佳。金銀蛋浸時蔬（單點$88），表面鋪有肉碎，菠菜口感爽嫩，採用三色蛋製作，包括有皮蛋、鹹蛋、雞蛋，鹹蛋味道鹹香。巴侖氏清熱菊花飲（單點$12），飲落帶有花香，味道清甜。道地鴨屎香檸檬茶（單點$12），味道酸甜，略嫌鴨屎香茶底茶味不夠突出。普洱（跟餐$0），茶味

今日同同事食海鮮盛宴呀 ，佢帶我去佢屋企樓下嘅 街坊小炒店，但鑊氣十足，價錢親民，簡直是我地呢d打工仔的晚餐救星！ 招牌小炒王材料豐富：爽彈的魷魚、鮮甜的蝦肉、香脆的炸豬肉，配上炸腰果和韭菜，口感層次分明！腰果炸得金黃酥脆，豬肉帶點焦香勁脆口，韭菜增添清新感，整體鹹香惹味，超級下飯仲可以送酒“正”！ 古法椒鹽豆腐外皮炸得薄脆，內裡豆腐嫩滑如布甸，椒鹽調味恰到好處，勁開胃！ 椒鹽白飯魚 唔係度度都有嘅椒鹽白飯魚，白飯魚炸得酥脆，椒鹽香氣撲鼻，咬下去「咔嚓」聲不斷，又一停唔到口嘅作！ 椒鹽海中蝦蝦身大隻新鮮，炸得殼脆肉彈，椒鹽風味濃郁，連蝦殼都可以一齊食，香口惹味！ 青島啤酒🍺 冰凍啤酒配小炒，完美中和油膩感，爽！ 金沙角美食小厨 地址: 沙田博康邨熟食中心地舖

今天在一家餐厅用餐，整体体验中规中矩。首先谈谈菜品，感觉比较一般，没有特别令人惊艳的地方。我们尝试了几道招牌菜，例如和，味道都属于正常水平，食材新鲜度尚可，但烹饪手法和调味上缺乏创新，未能留下深刻印象。可能更适合追求口味稳定、不求惊喜的食客。然而，餐厅的服务方面还是值得肯定的。服务员们都很积极主动，无论是点餐、上菜还是后续的添水加茶，都能及时响应，态度也比较友善。在用餐过程中，服务员还会不时询问我们的用餐体验，让人感到备受关注，这一点做得很好。至于价格，我觉得是非常合理的。考虑到菜品的份量和用餐环境，人均消费在的区间，对于日常用餐来说，性价比算是比较高的。如果不是对菜品有特别高的要求，只是想找个地方吃顿饭，这家餐厅倒是一个不错的选择。总的来说，这家餐厅在服务和价格上表现出色，但菜品方面仍有提升空间。希望未来能在菜品创新和口味上有所突破，这样一定会吸引更多回头客。

位於博康邨熟食中心這間「金沙角美食小廚」出名份量大，小炒又夠鑊氣，深受街坊喜愛😋好耐冇去大排檔～今晚叫咗幾個小菜都好有水準！［豉油王海蝦］，足有半斤。好夠鑊氣，醬油香氣撲鼻，蝦肉結實超彈牙，勁鮮甜！［蠔仔粥］大碗到嚇親😍，蠔肉超大隻，份量極多，潮州粥底加上芫荽好鮮味！［酥炸大腸］又係大大份⋯⋯外皮炸得好脆，絕對係邪惡之選✨［啫啫豬潤田雞煲］啫啫煲上熱辣辣，田雞大大件又滑又入味，仲有豬膶，簡直係絕配！［涼瓜魚雲煲］涼瓜片炆到入晒味，泡過油嘅魚雲/魚頭，風味十足，唯有大排檔先做到啫啫煲上嘅效果。清熱解膩嘅菊花飲✨雖然係大排檔setting不過冷氣都好足夠👍🏻

一放暑假，有小孩嘅朋友終於可以解放，久違了大半年嘅2人組，即刻約埋去博康邨熟食中心嘅金沙角美食小廚聚聚。我哋坐喺廚房出菜位，見到一碟碟色香味俱全、份量十足嘅小菜，真令人食指大動，口水直流。我點咗蒜蓉開邊蝦，蝦肉鮮甜，蒜蓉嘅香味正好唔會掩蓋蝦嘅味道，口感一流。碧綠海中寶用咗西蘭花，配上帶子同花枝片，色彩靚，西蘭花脆口，海鮮嘅鮮味更添層次。薑蔥炒蟹真係超新鮮啖啖肉，勁多蟹膏，薑蔥嘅香味提升咗整體風味，超正。呢間餐廳嘅小菜真係值得一試，色香味俱全，份量大超足料，服務又好，適合同朋友聚餐。下次再約埋多啲人一齊嚟！

去搵沙田區嘅朋友聚一聚，食飯時間當然要搵間餐廳醫下肚，沙田友二話不說就帶咗我去呢間大排檔，佢話呢間大排檔响沙田區出哂名夠鑊氣份量足。🥢西蘭花炒花枝帶子$145花枝及帶子嘅份量超多，帶子又厚又大粒，花枝爽滑，炒得好有鑊氣，仲有好多西蘭花墊底。🥢蔥油雞半隻$108芫茜蔥嫩綠新鮮，仲有薑絲及辣椒絲，半隻雞嘅份量比預期中多，雞肉爽滑，點埋附帶嘅薑蓉更加好。🥢涼瓜班腩煲$108煲仔上滋滋聲非常有氣氛，班腩啖啖肉完全無骨，啱哂想食魚但唔識噒骨嘅我。🥢豉汁蒸大鱔$168大鱔肉質爽滑，啖啖脂香，配合濃郁豉汁，下飯一流。 🍚白飯12大大碗

金沙角美食小厨是一間具有懷舊風味的正宗港式大排檔。店內空間寬敞，有室內外座位，氣氛熱鬧且舒適，適合朋友聚餐。柱侯茄子斑腩煲味道濃郁香口，茄子的軟滑與斑腩的鮮嫩，融合柱侯醬的濃郁鹹甜醬汁，是一道香氣四溢、口感豐富的煲仔菜。脆皮炸大腸外層酥脆，內裡則是軟糯而帶有豬腸肥油的甘香，口感酥脆又嫩滑。紅燒乳鴿王外皮酥脆、肉質鮮嫩多汁，味道香濃且帶有滷水的醇厚鹹香。鴛鴦炒飯：一盤炒飯分成兩半，一邊是紅色的茄汁雞肉，味道帶有鮮甜且稍微酸香，濃郁中帶有番茄的鮮味。另一邊是白色的白汁蝦仁，口感香滑細膩，帶有海鮮的鮮味和奶醬的濃郁。芝士焗生中蝦伊麵底：鮮甜的蝦肉和濃郁芝士的完美結合，加上洋蔥的提味，醬汁濃稠滑順，伊麵完全吸收醬汁，口感豐富且回味無窮。

街坊食堂鑊氣大排檔🤩同屋企人喺附近探親再搵下場食飯行過見到熟食市場好墟冚一於試吓！果然冇失望每碟嚟到都嘩嘩聲勁大碟好扺食！來都來了！三個人叫咗六個餸樣樣都好吸引好想叫😂分別叫咗1️⃣豉椒炒鵝腸-豉椒惹味，鵝腸新鮮肥美，口感彈牙飽滿！2️⃣炸蠔餅-每台必叫之選，大大份，乾身脆口，但唔會炸得太乾，蠔仔數量十足，配上魚露邪惡，但唔叫會後悔嘅選擇！3️⃣薑蔥魚雲煲-份量十足靈魂單只係喺魚雲，佢嘅薑蔥爆得好香好好食！大概有成九舊，肥嘟嘟炸咗面，朔汁一流！4️⃣豬潤啫啫雞煲-豬潤大概有五片，雞煲份量十足，雞肉嫩滑，調味惹味5️⃣金銀蛋浸莧菜-湯底奶白色，莧菜幼嫩，食完菜會連啖湯都飲埋6️⃣肉絲炒麵-呢個份量超十足！私人推介大家一定要加紅醋同辣椒醬，會將味道昇華提先，肉絲炒麵底香脆，撈埋芡汁，不得了！去到開飯時間七點開始全場爆滿有室內同室外嘅座位大排檔風味得來亦唔使日曬雨淋價錢合理 性價比高係多人聚餐嘅餐廳選擇！

可以自己沖茶，一邊食點心，一邊食鑊氣小菜，一次過滿足2個願望，紅燒乳鴿皮脆肉嫩，爆飲汁，煎蠔餅，一出現就極度吸引眼球，味道好好，蠔仔仲好大隻添，水煮雞，微辣版，有薯粉底絕對係加分位

今日朋友介紹食一間係沙田圍既大排檔，叫金沙角美食小廚，估唔到平日都坐都滿哂，好彩岩岩好有位鹽香五層腩 $118呢個腩仔個皮好脆口，肥瘦均勻，口感好正紅燒乳鴿皇 $75乳鴿新鮮炸起好大隻，啖啖肉，個味都調得好好，入面都好juicy. 沙嗲金菇肥牛煲 $105呢個煲超級夠份量，肥牛同金菇既配搭好mtach,個沙嗲汁香濃惹味炸大腸 $100炸大腸十分香脆，洗得都好乾淨，唔會好肥，好有咬口菜遠排骨炒麵 $85呢個炒麵好大碟，排骨林身份量多，個麵都好脆

👬兩條麻甩佬最啱食大排檔 呢間係正沙田圍站外面 仲有戶外位揀🌃 一入去 人山人海🥺香港仲有咁場景 真心🤩前後叫咗4️⃣個餸 每一碟都好夠份量😋腐乳🐷頸肉炒蓮藕 豬頸肉大大片 爽口 蓮藕爽脆 汁香濃 小重口味 男士黎講配啤酒好夾😎薑蔥桶🦪蠔煲 蠔有6大隻 真係大既 薑蔥數量超超超多 掩蓋晒啲蠔😂 鐘意食既人會覺得好正 唔鐘意食會覺得好浪費椒鹽🐠鯇魚腩 一如其他菜式 大份量 魚肉大舊 件數多 炸得燙口 粉薄 魚肉新鮮 椒鹽粉調味😋金沙苦瓜 係一道香口😈邪惡同時又清新健康菜式🤣 鹹蛋黃香口 苦瓜少澀清新 小編第一次食 覺得唔錯haha

今日有朋自還方來，我就帶左佢去樓下好出名（金沙角美食小廚）大排檔，依度出名價廉物美，貨真價實。6點鐘到左，開始陸續有人入，我地一行幾人叫左一大堆野食。小炒王：好大份，又夠鑊氣，蝦🦐干超大隻，蝦仁🍤好大隻，韭菜嫩綠鑊氣足，椒絲銀魚仔鹹香畫龍點睛。蜆芥鯪魚球：手打魚肉彈牙，陳皮香提味，外脆內軟。點蜆芥醬更鮮。簡單好味！ 啫啫炒魚鰾：魚鰾夠爽口，醬油爆得香噴噴！熱辣辣咁炒，加啲薑蔥，食落仲有少少焦香，配飯食真係冇得頂！枝竹炆班腩：班腩炸到外脆內嫩，枝竹索晒啲汁！個芡汁濃得嚟唔膩，送飯真係一流，食到lam lam脷！菜遠魚鬆飯：魚鬆香口又鬆化，菜心夠爽甜！撈埋熱辣辣白飯，簡單但好滿足。Ps:雖然係屋村大排檔，但一d都唔會比大酒樓差，可以話更勝大酒樓，又好食，價錢又公道，唔怪之得，晚晚爆場。

而家香港舊式大排檔真係買少見少，難得仲喺沙田博康邨仲有冬菇亭大排檔，仲要夜晚真係好旺場👍◾️脆皮燒鵝併腩仔｜$178燒鵝真係外層酥脆,，內裏肉質鮮嫩多汁而燒腩肉質唔會好肥而且又軟嫩，外皮則烤至金黃酥脆▫️懷舊煎蠔餅｜$108真係超大塊！！！份量起碼4個人食都得而且平時食開嘅蠔餅都係蠔仔黎，但呢到嘅蠔餅嘅蠔係大大粒架仲要好鮮甜添😍蠔餅亦炸到好香脆✨️▪️生啫黃鱔煲｜$138黎大排檔當然要食個啫啫煲啦🍲黃鱔每件都大大件，仲要有成十幾件口感好爽口👍仲要配埋大大片豬潤和洋蔥一齊去啫😍香氣飄逸👍▫️芥末美果牛柳粒｜$128牛柳粒肉質鮮嫩，配上蜜糖合桃和青瓜一齊炒，甜甜地又清新，加埋芥末辣辣地，可以中和牛柳粒嘅油膩感▪️干炒牛河｜$85干炒牛河食落係大排檔先有嘅焦香嘅鑊氣牛亦都十分嫩滑✨️成碟牛河唔會太油膩推薦✨️👍▫️總結：我地叫咗4碟餸1碟炒河都係6百幾蚊，3個人每碟都食唔晒🤣，全部打包🫢份量真係超多👍每款都好食👍呢間大排檔真係越夜越多人，啱晒吹水傾計飲啤酒🍻

前排同foodie朋友去左沙田一間屋村大排檔食晚飯～人氣旺盛☺️啲小菜炒得好有鑊氣🥰正宗地道本港風味😛餐廳環境好有港式風味～紅燒乳鴿王乳鴿的肉質非常嫩滑，入口即化～食得非常津津有味😂鮮豬膶啫啫雞煲雞肉具有嫩滑的口感，十分鮮美～肉汁豐富～潮式蠔仔粥蠔仔保持了鮮嫩的質感😋粥底煮得非常細膩，口感滑順，容易入口～懷舊煎蠔餅是一道經典懷舊的菜式～它的口感外脆內嫩，咬下去時可以感受到外皮的酥脆和內餡的鮮嫩🥰乳香炒藕片藕片外表微微酥脆，保持著脆嫩的口感～豉椒炒鵝腸鵝腸經過炒製後，外表光滑且彈性十足，口感爽脆😙

經過博康邨見到呢間大排檔，都幾懷舊，前身係冬菇亭，依家執過下但都仲有果種大排檔風味。叫左三個海鮮，全部都水準好好豉椒炒蟶子蟶子夠鲜味，豉椒香味濃郁，唔會太油太咸，所以蟶子甜味仲係度，好平衡。芝士焗生中蝦伊麵底估唔到有10隻大蝦咁多，隻隻都好鮮味伊面底吸收左海鮮既精華，而且芝士好夠，好滿足豉汁蒸白鱔鱔味濃，蒸得啱啱好，每片都厚身又肉質嫩滑總括黎講真係大件夾抵食既，呢啲冬菇亭依家買少見少，真係要好好珍惜。