金山海鮮酒家

Open Now

Now Closed

枱密麻麻， 座椅非常唔好坐，坐墊已經冇曬 承托力。 好生意生財工具應要更換新。 都係通病老牌酒樓 熟客優先生客你慢慢等。 蝦餃34.8冇筍 澄麵多得滯，用雙筷子夾起爛溶溶， 蝦入口冇腥味，蝦腸冇挑走。 黑椒爽肚，入口有硬有軟， 處理上問題30.8。 最好'反而係蘿蔔，蒸和煎，都唔差，內裡都有一條條蘿蔔條，26.8煎蘿蔔糕。茶位每位10元，不接受1人，1人飲茶寫明收你2位茶。飲茶食點心是享受，環境衞生乾淨也是因素。鐵觀音茶葉唔夠味道，可以叫待應加多些。

很久沒有來這間金山海鮮酒家了。從前，一班朋友，上到來的時候， 如果沒有預先訂位，都未必有位。 今晚上到來的時候，不少枱是沒有人客的，都吃完離開的時候，也還有不少枱。菜膽南北杏燉豬肺， HK$118，非常抵吃，雞腳豬肺，點上豉油，美味無比。蒜粉精密特大元貝， 整得過火了，配上蒜蓉粉絲，也還可以。雞蛋焗魚腸， 比想像中好味， 如果可以加多些油炸鬼就好了。今次我們吃得慢了點，所以吃到後來，雞蛋焗魚腸涼下來，有些腥，下次可以的話，要吃快些才行。砵酒焗美國桶蠔， 中規中矩，只有五隻蠔，有大有小，有些沒有味道，有些有蠔的鮮味。最後，酒樓送上一客蛋散作甜品， 可算是 一個小小的驚喜。總括來說感，食物的質素不及從前，價錢卻算抵食之選，水準也有不少進步的空間。

平日中午，同屋企人去咗金山度飲茶，環境都唔算華麗，勝在唔洗等位，每位茶錢10蚊。1.咖喱蒸魷魚呢個咖喱蒸魷魚好好味，魷魚好爽口，同埋啲咖喱汁都好香，又唔會太辣，底有兩舊白蘿蔔，亦都好入味。2.流沙奶皇包趁佢啱啱上菜嘅時候食，仲好熱辣辣，咬落落去都仲係流心。3.鮮竹牛肉球呢個牛肉球意外地好食，加上好大粒，食到佢係用嘅牛肉都唔錯，而且入邊仲加咗好多芫荽，加埋喼汁就一流。4.鮮蝦腐皮卷腐皮卷表面都好脆，入面都食到有一兩隻蝦，食落口都合格。5.燒腩仔飯燒腩仔嘅表皮都好脆好香，瘦脆部分都合宜，加上白飯好大碗，可以兩個人share，不過係條菜心比較油。

同事離職寬鬆晚餐我哋揀咗食海鮮揀咗金山之前都食過幾次海鮮又平又抵又新鮮又住得好味價格公道星期五晚上到唔限時而家好難得搵地方食嘢可以坐到唔限時慢慢傾偈我哋一台四五個人叫咗好多嘢食食到好飽好飽真係好抵食仲有幾樣餸掛住食都唔記得影相四個人先食咗1900百幾蚊好抵食上菜速度又快又唔會拖而且價格均真惜才處理都好好而且好抵食有一啲孖寶或者三寶套餐都好抵食不過買咗龍蝦伊麵龍蝦啲肉比較林好似唔夠大眼好似唔算係好新鮮㗎但係都好好食賴尿蝦巨型大賴尿蝦就更好食不過賴尿蝦唔記得影相難得疫情下咁耐今生緣都保持水準以後都會繼續嚟幫襯你一晚食得好開心希望同事以後都工作順利

今日配媽咪飲茶，食吓點心!我们點了乳鴨，椒鹽九肚魚，燒賣，糯米卷，叉燒包，蝦腸等一般會點的東西，點知見到menu,竟然有好耐無食過砵酒焗魚腸，現在肯難找到，仲要中午時段!特別想講，燒乳鴨燒得好靚，好好食，仲有椒鹽九肚魚，賣相好得，而且好惹味!之後到我最祈待的焗魚腸，上枱時仲有剛焗好出來起泡的感覺，食落去外脆，魚腸好新鮮，唯一美中不足係蛋不夠香!但整體都ok!糯米卷也是很出色其它點心都是ok!下次會再試

😋好耐冇同朋友敘舊朋友💕今日朋友揀咗佐敦呢間金山海鮮酒家食晚飯🥣第一次嚟呢度食，環境都算幾舒服，因為今晚人唔係好多，正整地幾個朋友可以傾吓計飲下酒。...🥣醉香豬腳仔 $88❤️酒味好香，豬腳仔啖啖肉好正👍..🥣蟶子皇 $200/5隻❤️好新鮮整得啱啱好👍必食！..🥣金山燒鵝王 $248..❤️朋友次次黎都必食嘅燒鵝，我自己食完就覺得肥咗少少但係都係好食嘅😋..🥣生炆班翅 34両 (魚類) $612..❤️朋友自己揀嘅，又大條又新鮮又好味😋..🥣菜膽南北杏燉豬肺 $98..❤️我自己最鍾意飲☺️所以我覺得好好食😋..🥣蒜蓉豆苗$85❤️冇乜特別就OK嘅...🥣銀山砵酒焗𧐢 $148..❤️有特色👍焗得啱啱好🍴必食👍..🥣大蝦球伊麵 $138..❤️啲蝦好大隻👍唔會好濕，炒得幾好😋..🥣乾炒牛河 $98..❤炒得一般，炒得太肥膩，可以唔叫..🍾開瓶費每支$30❤我哋帶咗兩支白酒去飲🥂..☕️茶錢$12一位，我哋五位=$60..💰$2736 / 5人(晚餐)

疫情關係很久沒來光顧這餐館，今次令我和老公都很失望！我們叫了份三寶（$308）：蒸頭腩、鍋貼小棠菜、油鹽水大蜆，另加一個我經常會叫的（石本）酒焗桶蠔（$148），幾個菜式份量之細不在話下，餐牌上沒寫明2人份量，蒸頭腩及小棠菜可以接受，油鹽水蜆細隻又唔新鮮，很多隻沒開口及有些蜆肉勁腥！湯底淡而無味！最離譜的是桶蠔，打開錫紙竟然只得4隻，（$148+10%）以前的份量有6-7隻蠔，心諗如果一枱5-6人，那麼如何分好？！我們沒有投訴，只知疫情期間生意難做，相信不會再去了。

今朝同幾位長輩飲茶，整體而言，評價只有兩個字：難食。經理推介豬膶燒賣，誰知豬膶硬到咬不開，而所謂燒賣只不過是一粒肉丸其他點心，包括鳳爪、蒸排骨都係一陣雪藏肉的味道，而且非常咸。燒腩仔（唯一叫做食得入口），漏單干燒伊面，再漏單唔會再幫襯

呢間酒家傳聞燒鵝相當有一手想試好耐，撞啱今晚同老婆落佐敦，一於去會下佢上到去已經20:30，估唔到under咁嘅疫情都可以爆場爆到咁，我都仲要等枱招牌燒鵝：新鮮燒起脆皮有肉汁，相當夠味，鵝肉有咬口之餘唔柴唔乾，個人認為比海港有過之而無不及酥炸鮮蝦小堂菜：炸得幾夠乾身食晒成碟都唔覺好油，蝦膠彈口小堂菜亦多，質素可與萬發比美。因為本身已經係蝦膠已經好彈所以顯得中間啲鮮蝦變得好似多舊魚鮮茄旦牛肉反：牛肉本身有底味而且夠淋少筋（無錯，都係有少少筋），蕃茄洋蔥就無乜好講，芡汁夠酸夠甜幾開胃，我平時食反都要扣底呢碟可以清晒旦散：免費送每枱都有一碟，炸得夠鬆化亦無油，但可能一早炸起左所以已經凍晒，略嫌比起四點金差少少

因家人情意結其實每年最少也會去食數次，從上年開始廚房烹調質素已經每況愈下，經過埋今次發生的事，一定唔會再去食，真係超級難食又浪費金錢，味精多口渴不突止，直頭當我哋水魚搵我哋笨。明明食材咁新鮮，廚房竟然煮得咁難食，地獄廚房，如果想失望嘅大家不妨一試！樓面似熟賣熟，利是照收，話俾佢聽個廚房煮啲嘢唔好食，魚都蒸唔熟，竟然就係一句今日好忙啊唔好意思包容下！仲推介我哋龍蝦泡飯好好味，肉用嚟花雕蒸，出到嚟係無味，唔知食緊咩，成餐飯冇一樣餸菜係正常架！慶幸家中長輩醒覺了，主動話以後唔去呢度食飯，真係受夠了，終於唔使再受罪了！

復活節假期，出去食個飯，未到6點，原本想去11樓，點知冇訂位就冇位，咁是旦就揀了呢間，點知有意外收穫。好耐冇寫食評，睇返openrice睇下點解最初冇諗過食呢間，原來係因為太耐冇食評，所以一早排除了，咁就等我寫個簡單嘅食評啦。原本冇諗住寫，所以冇影相，只有張單所有餸都幾好食，孖寶係燒鵝＋焗蠔，油雞＋煎蝦，座位都舒適，環境亦不太嘈，服務員都親切。講返個意外收穫，就係送嘅甜品……蛋散 超開心 其實，如果之前睇咗呢度嘅食評就會知佢一向都送的，唔知就超驚喜 賣相同之前嘅食評啲相一樣，想知就睇其他食評參考下啦！最後聲明一下，人數5位係分兩張枱嘅，食完7點，全部枱都坐滿了，應該好多熟客，唔駛靠睇食評

父親節，其實都唔知而家係唔係疫症嘅高峰，但反正就係父親節都少咗人出街，我都係到最後先至決定真係出街食一餐飯。父親喜歡食海鮮，然而我哋平時鍾意去嘅都已經滿左， 所以就第一次嚟呢間金山海鮮。唔使入到去老鼠洲、西貢就可以食到海鮮，響呢啲大家唔想走太遠嘅時候，都係一個好嘅選擇。真心講，蝦仁嘅質素就普普通通，但個上湯伊麵就非常好食。唔知點解，除咗燒臘舖，好多海鮮酒家嘅燒鵝都做得唔錯，呢間就係其中一間，雖然我哋只係叫咗一個例牌，但都已經好大隻好足料。砵酒蠔好大隻，好鮮味，加上port wine香香甜甜嘅味道。椒鹽賴尿蝦相對就比較普通，肉質唔講得算係極度好，但都算合格。其實我哋比較喜歡先切開然後炸嘅味道，但呢度嘅賴尿蝦係整隻炸炸完再切開。唔使錢冇缺點，呢個送嘅蜜糖蛋散揸得好鬆脆，配埋蜜糖嘅香味，為晚餐畫上完美總結。另外我要講嘅係雖然今日係父親節，但都唔使食嗰啲唔抵嘅拾九父親節套餐，實在太好了。

今早去佐敦上課， 同友人於平安夜第一次去金山海鮮酒家晚飯，見網上推介雲英雞, 雞蛋焗魚腸，黃金墨魚餅就試試菜。雞蛋焗魚腸又稱砵仔焗魚腸，是一道順德菜，以鯇魚腸、鯇魚肝、雞蛋焗成，通常以瓦砵盛載。雞蛋焗魚腸亦是不少老香港愛吃的菜式，工序繁複， 但吃起來的甘香滋味叫人難忘。金山啲雞蛋焗魚腸果然名不虛傳，雞蛋焗到金黃色， 充滿住濃濃嘅蛋， 魚腸又肥又唔會腥， 時間掌控得非常好， 乾濕度恰到好處， 值得讚賞。雲英雞產地廣東，廣東人把未下過蛋的母雞稱為“雞項”，“雞項”過去曾稱“雲英雞”，有些高雅的餐館還保留“雲英雞”這個菜名。此店雲英雞雞味濃， 雞肉嫩滑， 有水準。金光閃閃的黃金墨魚餅， 夠搶眼，一層香脆炸皮內包住了彈牙的墨魚 ， 新鮮炸起， 香脆可口， 加上墨魚鮮味濃郁有驚喜。

收工想近近地食海鮮，想起久違的金山海鮮酒家，打電話預約7:30的位子。到達後跟以往人山人海的景況不同了，坐位隨意挑選，或許跟最近的交通控制所影響友人立馬點了蒜蓉粉絲蒸蟶子皇及椒鹽賴尿蝦，剩下由我決定。先來的是君度香橙骨，雖然熱辣辣，但仍有點失望，味道偏甜，香橙味微弱，還有點油。是唯一吃不完的一道菜。椒鹽白飯魚，正。佐酒一流。炸得酥脆，一點酒膩感也沒有。椒鹽比例做得好，沒有太咸或太辣。蒜蓉粉絲蒸聖子，蒸得剛好，聖子也鮮甜,蒜香濃，唯獨豉油重手了，粉絲吸收了大部分，所以很咸。賴尿蝦大大隻，外殻炸得脆脆，蝦肉富彈性，而且有膏的。砵酒焗蠔一般般，蠔是很大但就是不夠惹味整體而言食物：蒸及炸的火喉控制得不錯，海鮮也新鮮，價錢相宜服務：以往侍應們都忙得沒時間招呼，現在不爆滿，服務快速又細心環境：傳統酒家格局

家人想出外食飯聚ㄧ聚，所以找來老字號「金山海鮮酒家」跟他們ㄧ起食過夠。酒家地點很方便，地鐵站出5分鐘便到。到了店內時間還早未滿座，待應殷勤的奉上熱茶和餐牌給我們慢慢看。其後我們決定㸃六個菜式慢慢食。紅燒脆皮乳鴿外皮燒得好脆，鴿肉又嫩滑，味道剛好，不會過咸。家人食到舐舐脷。瑤柱琵琶豆腐豆腐混入金華火腿和香茜，經油炸後，外層香脆，內層軟綿綿，再淋上瑤柱汁，碟底還墊了幾棵白菜，真係拌飯ㄧ流。韭菜花蝦乾吊片大量爽脆芽菜和韭菜花，配而大大隻蝦乾，吊出咸香鮮甜味道，再加上新鮮吊片ㄧ齊快炒，食得出這道菜鑊氣十足，口感清爽。招牌雲英雞(半隻)$128 不得了!好久沒食過這麼好食的雞，外皮不油膩，肉質好嫰滑，好有雞味，碟旁還有雞腎。我們食完半隻雞後，真係有衝動再叫多半隻來食。銀山砵酒焗鱔球$108 又ㄧ佳作，新鮮鱔球經油泡後，用乾葱和砵酒煎炒，再用錫紙包好焗ㄧ焗，令醬汁香甜味透入鱔球中，咬落肥美，令人食慾大增。雞蛋焗魚腸$78每次見到都會點，因家人甚喜歡。上檯時熱騰騰，割開後飄出陣陣雞蛋香，砵內有好多魚腸，還有魚肝，甘香可口。但ㄧ定要熱食。我們食到尾聲，侍應還送上ㄧ道蛋散作為飯後甜品。家人和我都十分滿意