Kami Teapresso (Closed)

放工之後出左TST, 辛苦左成個星期, 點都要歎下既, 趁星期5晚, 黎左呢間由唐素琪同Erica開既日式抹茶店試下。一去到就見到店面貼滿哂勁多明星黎幫襯既相呀!仲見到唐素琪企左o係收銀果位, 介紹緊d野飲比人, 今次叫左個新產品"薄荷碎朱古力卡樂冰"。飲落感覺好正, 好濃既oreo同薄荷味, 涼涼地, 飲落好fresh!呢度可以睇到d員工沖飲品, 好衛生, d野用完就即洗!最重要真係好足料呀, 飲一杯都已經會飽呀!店門外擺左d位出黎比人坐低飲, 唔錯, 可以坐低慢慢飲!呢度有免費wifi比心上網, 一個人黎飲都唔驚悶呀,,哈哈!!坐左咁耐, 都未見老闆娘有抖過, 未停過手呀, 仲有唔少外國人黎幫襯呀!見到其他人黎幫襯叫左熱飲, 睇落唔錯, 聽老闆娘講, 大部分都有冷同熱絕對係黎緊冬天既一個好去處,,嘻嘻。

夏日炎炎, 又食飽野, 梗係要搵野飲, 消消暑~ 在加連威老道行仔找到它, 看大大個餐牌都幾吸引, 便決定飲啦~店面有一張張小單章, 看得更清楚想消暑, 梗係揀抹茶類~ ORDER完, 真的是即叫即做, 見到用綠茶粉煲出抺茶, 柚子蜜加上SODA汽水~第一啖已覺得好清涼, 綠茶味似在日本淺草的檔口飲過的綠茶, 柚子+SODA就甜甜地~ 全個感覺好新鮮(即叫即做的新鮮), 唔似一般台式飲品店的茶是沖/溝出來~邊逛街, 邊飲, 超消暑~

經過尖沙咀GI Mall，如果知地下有間Crumbs既話，都知邊度有好多飲食既鋪頭。有日打算試下呢間Kami Teapresso，試左「朱古力三重奏卡樂冰」個底朱古力味好濃！如果平時鍾意食大約72%既朱古力，應該會鍾意飲呢個。雖然價錢唔算係平，$33，加大+$3，但係絕對係比得上Starbucks咁好飲！我地4個人去，有一個飲芒果香蕉卡樂冰，味道唔錯，係甜左少少，同埋有加奶，如果唔鍾意既，可以叫少甜同走奶。仲有果度既員工同老闆娘都好好人！可以叫佢地推介下有咩好飲：）同埋飲野既時候傾下計咁都幾好：）下次經開尖沙咀都會再去幫襯！

經過尖沙咀加連威老道，好熱，就去試朋友話好正既新派抹茶專門店「Kami」試下，一睇裝修已知完全唔係平價貢茶嗰啲FEEL!!!今次試左店員推介最受歡迎既「宇治金時」，即係有抹茶奶沙冰，仲有紅豆係上面，賣相一流！味道都好好，好有抹茶味，唔太甜，非常消暑！正～

如果你知道尖東比較隱蔽的Crumbs 的位置，你就會見到KAMI，因為也在H8 附近。有日經過見到有綠茶專門店，雖然吃得夠飽的我倆也心思思在店附近看了一回。行近就會感覺到好像是一間少女的房間，我是不應內進的(想多了)。其實有這個錯覺，因為環境潔淨，宣傳的多以粉紅為主色，而且店員很友善和有禮地推介她的飲料，對此店的第一印象直到離開店子的一刻也是好的。可惜，當我飲第一口，就發現中伏。Iced Matcha Konjac 的綠茶以綠茶粉來沖，本身的綠茶味帶輕微的苦其實不打緊的，問題是味道怪怪的，此味道不適合淨飲。而最大問題是點上凍飲，綠茶粉不能溶在水，感覺就如在家中用凍水沖芝麻糊，就算你如何攪它，粉依然沒有溶，所以每飲一口，也有大量細少的沙粒狀物會吸入口內，勁減分。細杯要23元，本就不會和對面平價一半的貢茶比較，但最後得出來味道遜色，就會覺得不值了。包裝可以短暫吸引街客試第一次，食物質素好得可以推介，一傳十、十傳百才是長久生存之道，希望店方明白當中的道理吧。

都好多個月前啦~所以叫史前正式試呢間嘅之前，次次都同友人一齊經過先至醒起呢間飲品店；因為之前每次大家約地點，各自一到TSTE，我都會自走去買鮮榨果汁飲，而朋友就去咗某珍珠奶茶店買野飲，然後先至會經過呢間店，2個每次都係果時先醒起。而我哋2個都會： 唉!又唔記得想試呢間!!(聲音此起彼落果次我朋友喺相方到咗約好嘅地點後，就講：今次可以去Kami Teapresso試下啦~我就要咁Blueberry Dark Chocolate少冰(因為唔肯定原本個甜度，所以無好似平時去珍珠奶茶店咁要微甜\走甜)飲過之後，我始終都係like 30%或甚至更低嘅甜度，不過都係好好味，有機會去買，我絕對會再叫X Dark Chocolate少冰+微甜 X係因為唔記得重有咩生果 太史前 所以數字係幾多已經唔記得lu~

我很少會儲飲品印仔咭,但自從第一次飲過Teapresso,便keep著咭,認定一定會再來。可惜我最欣賞的「皇牌奶茶系列」,似是消失了,menu已換成看似很冰的凍飲。店員說,其實那些「皇牌奶茶/咖啡系列」依依可以做出來(不過就沒舊menu給你參考喇)。沒法子啦,唯有把現有的,改成「茶」吧。咖啡曲奇卡樂冰$30>>茶底。可能因為加了冰粒&cream,稀釋了茶味,但飲得出,她的茶味,是與別不同的。不過始終覺得,熱飲teapresso好飲好多。是次光顧,也另有目的,就是在五月尾新推的佐飲小食(物價飛升,當時$20已漲價至現今$25)。玫瑰形小蛋糕$25,每天不同味道(Earl Grey/咖啡/檸檬),今天是香橙。很香牛油&橙味!不過個子小小,$25…..確是很貴。吃過這普通蛋糕,打定輸數,覺得Brownie都不會怎樣。誰知這朱古力合桃brownie$25,喜出望外的好吃!!雖然質地鬆散一點,但70%Valrhona朱古力味真的很濃郁!!!蛋糕也很幼滑(因為是法國牛油功勞吧)!看來下次要試埋,以糖、麵粉、牛油製造的抹茶/牛油「波兒」啊!

出名雞蛋仔檔附近亦多了些飲品店，以住很少走入這條巷，今天特意看看這些飲品店，看見kami外面的飲品圖片～抹茶牛奶非常吸引，不過天氣炎熱要凍飲解喝，加上take away，便揀了荔枝檸檬茶！看見店內bar枱對上放了些新攪拌器及果汁，好奇的我問店員是否售賣？店員很有禮貌帶著微笑回應說～係吖！大大塊檸檬，紅茶非常清澈見底，少許荔枝味甜度剛好，非常解渴！荔枝味再多加些更好！

岩岩食飽飯行街,見到店前張貼的照片好靚於是決定買返杯黎試下打開catalog睇中宇治金時同綠茶柚子soda因為天口慶想飲d 有氣既野就簡左soda店員態度良好,細心介紹飲品開放式水吧,睇到店員用綠茶粉開水製成綠茶再用熱水溶解幾匙的柚子密然後mix埋玉泉cream soda汽水製成品外表好靚,加上唔會過份多冰一飲!味道怪異到連樣都變埋所用綠茶粉好香好濃,帶有少少苦味再mix埋柚子密既甜味已經怪怪地最後玉泉cream soda味道係酸酸甜甜,所以又甜又酸又苦mix埋就好怪飲左1/5就引唔住掉左,連店員給我的儲點卡都掉埋可能咁岩簡中杯唔岩自己口味既野飲岩岩睇到其他食評話宇治金時好飲下次會試下

今日同男友兩人分享一杯宇治金時,好味到係甘搶住黎飲><雖然價格係貴少少,但絕對值得..見住佢地一路沖都係用真材實料,飲下去對身體絕無負擔.搞到而家一行尖沙咀一定去kami來一杯!

Iced Matcha LatteThis was better than I expected! The taste of green tea was adequate (though could be stronger!), and it was not overly sweet. It wasn’t that smooth and milky, but I guess this was because I opted for skimmed milk? I am definitely interested in trying other drinks here.

有時去開tst行街,都會去kami買返杯野飲,天氣咁熱,消暑一下,,早排試左呢杯叫宇治金時,,見到個價錢牌,,張相好吸引,所以就試下啦,,有蒟蒻,日本抹茶,忌廉,紅豆,,,好好味,,,紅豆好味,甜甜地,,,,蒟蒻好口感,,,+埋沙冰綠茶牛奶,,又真係幾特別同埋幾好飲,,,hehehee呢杯真係要試下另外都飲過凍特濃朱古力+and奶茶珍珠,,,飲飲下又可以咬咬下,,,奶茶仲好滑所有飲品都可以揀半糖,微糖,,,我就揀微糖,,,朱古力都唔會有苦澀味,,,,,奶係用日本牛奶,,,見到佢地沖都會好放心,,,,唔係用d平價珍珠同茶精架,,,,會健康d ^^不過地方就唔算易搵,,,,要行入魚旦檔條巷仔到,,同埋地方大d就好喇,,,多d座位可以坐下飲下野上下網

早排睇左網上短片介紹，先知原來新開既奶茶店Kami就係我公司附近！咁我當然唔會放過啦話說我真是很愛飲珍珠奶茶，可惜知道坊間的奶茶店原材料太唔健康後，便好耐都沒有飲過，所以我決定要試試！當日叫左杯宇治金時少糖，本人一向都好喜愛綠茶製成品。不得不讚，真係好濃綠茶味！少糖的味道仲剛剛好~加上有紅豆同綠茶味jelly，口感相當唔錯！飲到差不多到底時，並沒有好像出面的飲品都變水了，反而Kami這杯仲保持原有好濃的綠茶味！今次真係無選擇錯，仲要係我公司附近！第日可以試埋其他味，可以滿足我咁耐都沒有飲過坊間奶茶店飲品的慾望啦

聽朋友講係尖沙咀有間新開既tea shop尋日終於順路試左喇... 朋友要左Houjicha Azuki.. !!聞落好香茶味呢!!!呢杯我既最愛..Caramel Macchiato... 次次去starbucks都會飲焦糖咖啡..不過呢度比starbucks更香濃..而且平過starbucks啦..絕對可以encore呀順帶一提...呢度位唔多...不過有free wifi呀..行完街係度hea下都唔錯..而且店員姐姐十分好禮貌! 加分!

聽人講KAMI 既抹茶牛奶同奶茶都唔錯, 果日去左KAMI, 但係天氣實在太熱喇！一去到睇下張MENU有咩野飲，就俾個「蜜桃鮮檸紅茶」個名吸引左！正，咁熱，梗係要飲番杯凍冰冰既果茶消暑解渴啦！賣相唔錯，簡簡單單，杯入面有兩至三片薄切檸檬。檸檬片雖然唔多，但係散發住好香既檸檬味，唔酸，清清甜甜，唔似得其他cheap cheap 檸檬片咁篤極都冇味，值得一讚。茶味同蜜桃味現合相宜，蜜桃味冇出現喧賓奪主既情況，試過飲過一d唔好既果茶，好似飲緊糖水咁，但係KAMI呢款絕對係天然之味，蜜桃味唔會覺得假，幾好。店內氣氛好和諧，暗黃色燈光加上輕鬆既氣氛，仲有店員親切既服務，買完野飲都唔會有一種要急住走既感覺，結果O係鋪頭出面仲坐左一陣，慢慢嘆下杯茶！順帶一提，KAMI有免費WIFI提供，如果唔係太趕時間，呢度都幾適合避暑同消閒架！