神虎麺商店

Open Now

Now Closed

神虎以前有去過大角咀果間咁大角咀同灣仔店d限定成日都會唔同之前去大角咀就係食限定蠔沾麵有一次灣仔店出左限定牛沾麵又係評價唔錯趁住支航里數到期要去支潤大廈換就順便試下灣仔神虎呢間神虎就係大王東街bakehouse格離平日星期三去到點零鐘去到唔洗排隊直入坐左個二人檯位置呢張餐牌其實我就無食過因為今日目標係呢個牛沾果段時間大角咀店係做緊牛拉麵所以緊係黎灣仔店食啦今次個麵太貴我就唔點炸雞或者炸蠔了而個麵都要等十五分鐘左右唔知係限定定點啦牛沾麵上檯果時侍應仲有介紹點樣食牛沾都跟半隻蛋幾好食牛有四塊都有厚度唔算嫩但有牛味侍應話個麵係日本麵同平時果隻唔同比較扁身同透明係更加之掛湯既而個湯同格離黑龍個牛湯唔同係白色既同平時雞白湯一樣打到起泡非常之濃同有牛味係入面不過就無料既食落感覺有d似以前泓一既雞沾再加埋碗麵本身已經有忌廉汁食落真係好似海鮮寬條麵因為個麵真係幾掛汁都唔洗點飲個沾汁食到最後已經淨番好少同埋聽侍應一開始講解個食法係最尾可以加白飯撈埋黎食而唔是加湯飲呢個忌廉湯飯口感幾唔錯食完之後就係超飽個麵收188係幾貴雖然唔洗加一但個價位係香港都算係頂級不過亦都唔係經常可以係香港食到既口味份量亦都比起之

本人食過最鹹嘅拉麵湯底，今次叫咗赤虎拉麵，係好食但好好好好lan鹹，鹹到一個點，要飲勁飲水！要挑戰味蕾可以一試！腎虛就唔好去啦🙂‍↕️無可能可以咁重口味！點解個廚師好似機械人咁樣按比例落湯，完全唔使試味，下午去，未見人龍！不似網上評價第一名！可一不可再！另外叫咗一個蟹白湯拉麵，鹹到更加犀利！兩個湯底都係非常之咁鹹！個結論就係佢哋嘅湯底真係鹹到苦！一碗麵百幾蚊，唔叫好貴，但都唔平！唔明白點解可以做到咁鹹！一個字，鹹鹹鹹鹹鹹鹹鹹！

污嘴狗對拉麵要求都高～試左好多間都係覺得未至於要大大力推薦比大家～但今次終於發掘到好味嘅拉麵，不枉我哋就算交通唔方便都照去試！𝑭𝑶𝑶𝑫𝑺1〉神虎沾麵 $127麵條煮得啱啱好，滑滑嘅口感，加上特製嘅沾醬，味道好突出～醬汁香濃，食落去超級開胃！食完最後飲湯都唔錯～2〉熟成醬油雞白湯 $148（推薦🌟）湯底濃郁，雞肉煮得剛好，肉質嫩滑，吸咗醬油嘅香味，味道非常夠味！白湯清爽又唔油膩，飲落去特別舒服～3〉炸雞塊 $58（大推薦🌟）真係好滑嫩啊件雞！即叫即炸！上枱仲熱㷫㷫，肉質同肉汁一樣咁正！唯獨個外皮可以再改善一下，但整體都好出色！-環境．8/10服務．9/10人均．$130～160污嘴狗覓食指數．9.5/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅行 #美食料理 #美食相機 #美食玩家 #美食小吃 #大角咀 #拉麵

本身都好鍾意食拉麵，今日經過灣仔呢一邊朋友就介紹咗呢一間日本拉麵，入到去都幾多人，我哋係大概19:00去！我哋就每人叫一個拉麵，再加一個小食！海老虎，我就叫做呢一碗，佢係櫻花蝦做主題，主要係櫻花蝦嘅味道再加上洋蔥木耳同埋本身嘅肉丸，成個湯俾我感覺上唔多，不過有少少驚喜嘅係飲落去味道幾rich, 同拉麵都幾卦身，味道係match！ 餃子亦都非常出色，咬落去亦都非常juicy! 兩個人食一份小食就差唔多，啱啱好夠飽！價錢都唔係太貴，鍾意嘅朋友可以試吓！

灣仔有好多拉麵店見呢間有蝦湯底就走咗入去試海老虎 $108蝦味增湯好濃郁，面頭有一堆櫻花蝦🦐，聞落已經好香另外有兩粒自家製豬肉丸，一塊叉燒，少量木耳同埋紫洋蔥🧅叉燒軟熟入味，算係食過數一數二好食嘅叉燒！（個人偏好冧瘦叉燒）麵質反而普通，少咗啲韌勁神虎精選 $140精選有好多料：味付筍、叉燒、豚腩肉、豬肉丸、溏心蛋、紫菜濃郁豬骨湯底，塊豚腩肉大塊到嚇親😱整體嚟講有啲膩，比較啱重口味派🤔唔洗排隊嘅話，可以一試！

今日約左老婆仔響灣仔食lunch, 本身都係諗住食拉麵, 咁就上網搵下灣仔有邊幾間比較出名架啦.結果呢, 評分同埋口味我就揀左神虎. 咁一去到門口都有驚喜, 因為我同我太太都鍾意食蠔. 一見到就諗都唔諗點左呢個拉麵.好彩佢呢間舖頭有果隻保溫水壺, 我地決定唔叫野飲.雖然等個拉麵都需要一定既時間, 但到佢送到上枱果時係聞到幾濃郁既蠔味. 麵質黎講係好彈牙既, 湯底都好重蠔味, 仲有一pat綠綠地色既係"超級"重蠔味, 蠔既size都可以接受, .唯一黎講比較無咁好味既就係果兩舊雞肉, 因為佢本身又吸唔到個湯既味道, 同埋唔係話嫩口果種.仲有一片青檸仔同埋D洋蔥絲, 都幾點綴下既~整體黎講我係覺得呢個拉麵唔錯既, 亦都推荐叫黎試下,  雖然都成$148/碗. 不過以質素同灣仔區加埋黎計算係可以接受.不過可以既話, 加多隻蛋同埋紫菜我會加分...

經朋友介紹，試試呢間响灣仔區嘅神虎麵商店 🐯一如以往，既然係第一次食，直接揀最招牌，最多料嘅神虎精選。《神虎精選 🐯🍜》老老實實，可能因為朋友講到好好食，我對佢嘅期望係頗高的，結果係有少少失望。以下係分析：1. 香味 (2.5/5) - 首先想講，香味係足，不過唔係我喜歡嘅味道，佢似咩呢，中式豉油 + 花生油 + 豬肉燒賣嘅味。唔係話佢唔香，但風味太中式，我唔覺得係日式拉麵應該有咁嘅香味。2. 麵條 (3/5) - 中幼直麵，小麥香一般，配呢款湯我又覺得係適合嘅，我以下講湯時講多 d。3. 湯頭 (2/5) - 湯係濃郁嘅，但致命傷有兩點，一係真心太鹹，二係味道太似即食麵，豬骨味有但薄弱。不過咁，個麵本身唔多掛湯，拉高啜一啖麵嘅濃淡道算係剛好。我食拉麵9成9會飲晒湯，但呢款湯，我係飲剩嘅。4. 配料 (3/5) - 因為揀左精選，料多就梗架啦。先講腩肉，腍，香，幾好食，不過叫得腩肉就一定隔肥隔瘦，我個人來講都係覺得太肥左D。瘦肉部份，係好食嘅，雖然瘦，但都唔算un，可以算係有咬口，肉香係夠。肉丸部份，我覺得不過不失，有陣似香茅嘅味道，總之係有d東南亞風味。好野最後先講，就係溏心隻蛋，嘩

久久未嚐的超正拉麵，趁著假日一於番嚐！長長的燒伊比利亞豬腩肉，油脂神級甘香，一絲絲相間著的瘦肉柔嫩不已，達致極級的梅納效應！每條拉麵都排滿汁，極點之作！說到餃子，較其他拉麵店的大隻，皮是超厚的，不合朕意。反而唐揚炸雞雖則食到滿口油香，竟然令人食慾難止，慾罷不能，好味到爆！回說唐揚炸雞，雖然只叫兩舊，但居然每件都超級大舊，炸皮雖厚但就是應有的態度，雞肉的汁是咇出來的，怎會不愛？今日的我成功地打倒昨日的我！

好久沒吃拉面。經過灣仔 即管試吓 上午十一時半進店不用等位 點咗個黑虎拉麵精選。份量足 面條軟硬適中 流心蛋剛剛好 湯底味濃 .唯獨湯味非常咸 拖夸整碗麵質數 •價錢一佰四十幾。如果控鹽做得好。應該唔錯

拉麵水準ok，但係新出個沖繩手工可樂，完全係冇可樂味，而且冇乜氣。成個感覺飲落去似一杯擺咗好耐嘅可樂。而且店員拎杯嘢出黎時，我地呆咗….係完全圖文不符…（另外佢地係用一支已經開過嘅碳水加已經開過嘅玻璃樽可樂溝埋一齊）

神虎麵商店來自大阪，由日籍主廚坐鎮，一直都未有機會過海一試，今日剛好到灣仔附近辦事，當然要去會一會。午飯時段到達神虎，開業多時依然人龍不絕，排隊差不多大半小時才入內，真係人氣旺盛。神虎每個月都會推出限定拉麵，今個月係醬油昆布水沾麵，今天心情還是想食湯麵，所以點了個神虎精選 。神虎精選係原味豚骨湯底外加伊比利亞豬腩肉，湯底入口濃厚豚骨味，加上背脂，鮮甜而不膩口，無腥臭味。拉麵選用傳統拉麵，味道無甚特色，口感偏淋，掛湯能力不夠。配料有自製魚丸，少彈牙魚味重，叉燒肉相當大份，不過偏柴肉味淡，溏心蛋蛋味同醬油味不足。值得推薦既係伊比利亞豬腩肉，入口有一股脆香味，肥瘦相隔油香肉味濃，係咁多配料中最好食。另外點了份炸雞，外表炸得金黃漂亮，惜炸皮偏厚，肉有微嫩亦有柴口的地方，算中規中矩。食後感係神虎的確係一碗湯底傳統既豚骨拉麵，不過改用傳統拉麵而非九州幼麵，係一碗質素中上的拉麵，下次來應該會嘗試每月限定。

好耐冇去過嘅神虎拉麵，今日見冇乜人入去食返碗。今次食嘅係辣味，味道香濃調味一切都恰到好處，麵條係比較有嘅，好掛汁。唯一缺點就係面嘅份量比較細識煮都係唔飽。餐廳做緊活動， follow餐廳嘅社交平台仲會送一隻炸蝦，炸蝦新鮮熱辣，炸粉亦都唔會特別厚。

來自日本大阪的神虎麵商店，由大阪總店調配（Kimura Mamoru）木村守師傅監製。麵店除了不定時推出限定口味，平日只有五款拉麵和神虎沾麵選擇；而且一定要選擇加量裝「精選拉麵」‼️▪️神虎精選拉麵 HKD140這家拉麵店主打豚骨湯拉麵 🍜 湯底濃郁而不膩；豚腩肉選購自西班牙伊比利亞豬腩肉，肥膏佔7成，滿滿油脂感 🤤 口感肥美嫩滑，肉味濃！溏心蛋亦入味，配搭味付筍、紫菜、木耳、青葱、紫洋葱等十分豐富。▫️ 赤虎精選HKD147喜歡吃辣可以一試，頭湯辣勁湧現，配上紫洋蔥，口感新鮮刺激。拉麵屬於中等粗度，口感彈牙，麵身掛汁。薄叉燒味道中規中矩，偏瘦勝在夠大塊；兩粒豬肉丸亦很Juicy。▪️神虎餃子 HKD45這家出品的餃子比其他店大隻得多，味道不錯，內有薑絲再蘸些少黑醋十分惹味，略嫌皮不夠薄。店內地方乾淨整齊，但日式氣氛感覺不多。店員十分友善，見到 👦🏻 背囊放地雨即刻安排籃子擺放！💛 拉麵店只接受現金付款！

神虎麺商店灣仔長期排隊拉麵店，傳統的豚骨湯拉麵是長期供應，除此之外每月都會推出幾款限定拉麵，環境比一般日式拉麵店寬敞，每一款都是點單後現做，麵條同飯份量適中。黑虎拉麵豚腩肉入味腍身，口感層次豐富！麵底超滑，湯底味道亦剛剛好，唔會過於濃郁份量一個人好足夠。义燒蛋飯义燒好似東坡肉咁，超滑同超林，豚肉丸同义燒都係上乘之作，好耐無食過咁高質飯。炸雞塊 炸雞我覺得有驚喜，對我嚟說一般餐廳嘅炸雞都係細塊 ，但呢間係超大塊 ！炸煮後肉汁仍然鎖在雞肉中，咬落啖啖好味

話說上個禮拜五帶男朋友去食過之後，男朋友念念不忘，覺得好食，呢個星期我地又再去過。因男朋友對雞蛋過敏，又大食，所以就問職員可否將雞蛋換成+一面底，因價錢一樣，係上個禮拜五，個職員就換左俾我地。但到第二次去吃，我地照樣咁樣提出，個戴眼鏡鼻高高的女職員態度惡劣，話從來沒有這樣規矩，仲問我地係邊個同事肯俾我地換⋯口黑面黑，雖然最後都比我地換左，但食個拉麵背脊骨落，態度不友善，但佢行入去廚房又對D拉麵師傅有講有笑，服務性行業黎講真係好差😦雖然碗拉麵好食，但因應咁樣嘅態度都食得唔開心都唔會再去，瞬间覺得扣分不少，氣氛唔好，食得都唔開心😢😢😢