甘牌燒鵝

Open Now

Now Closed

This restaurant was recommended to me as I could no longer stand going to Yuck Lok. The service and staff are friendly and efficient. The roast goose is absolutely yummy and meaty. the skin is glistening and delicious. There's a long queue during peak lunch time so the first time I tried, I ordered takeaway. They served the soup separately to ensure the noodles don't get soggy. It was so good that I had to go back the next day but I made sure I got there at 11.20am for the 11.30am opening which

香港有好多平價米芝蓮，今日經過灣仔見唔洗排隊，馬上入去過下口癮先😋🛎 $74 燒鵝拼燒味飯燒鵝既皮好脆！真係要忘記減肥先，唔食對唔住自己😭燒鵝唔會好膩，大大件而且肥瘦適中有少少油流落啲飯到勁香口🤤平時加餸都係揀白切雞，今次雙拼就試下油雞😏啲雞都幾滑，唔會鞋口正常發揮👍🏻🌐 環境/服務燒味店黎講，呢到好乾淨企理🫡座位闊落～

甘牌燒鵝來頭好勁，有中環名店鏞記出身嘅師父後人加持，仲連續攞咗幾年米芝蓮名氣唔少。奈何少於灣仔附近工作所以久久未嚟一試。😊今日終於得償所願喺灣仔附近做完嘢👏🏻👏🏻👍🏻，即刻諗起可以過嚟食燒鵝正😍😍😍。唔想食咁肥所以嗌咗個上庒， 隻鵝大大隻所以砌出嚟大大碟聞落去好香，皮薄唔油不過唔夠脆唔香口，可能擺耐咗少少暖， 有D肉汁味道ok不過鵝肉嚡口唔嫩滑。😔😔😔😔😔抱住期待嘅心情慕名而來，不過名過於實失望而回😔

一間連續四年蟬聯米芝蓮一星嘅餐廳🌟，食個午飯套餐竟然可以$100有找??😨😨😨講緊既就係#甘牌燒鵝 。佢個午飯套餐就當然係好平，所以佢長年都有條長龍要排，如果得一個鐘午飯時間既話，真係唔洗諗會食得到。🤭🤭最近有日咁岩兩點半係灣仔做完野，經過見門口唔多人就衝左入去😆😆😆甘牌燒鵝飯套餐🦢 $74一個套餐，包左燒鵝飯、自選前菜、中湯。前菜揀咗黑木耳，正正常常。中湯唔似味精湯，算幾好飲。至於主角燒鵝🦢，皮燒得好脆，有陣柴香味，而且唔油膩。鵝肉好入味，而且內質頗滑帶汁。有水準😌😌燒鵝的質素值唔值米芝蓮一星? 🤔我覺得好難答，因為佢係有水準但未至於驚豔。😙😙不過係灣仔用$74就食到，我就覺得超值得!!😛😛😛🍽 環境 ⭐️⭐️⭐️🤵🏻‍♀️ 服務 ⭐️⭐️⭐️😋 味道 ⭐️⭐️⭐️⭐️💵 CP值 ⭐️⭐️⭐️⭐️🤓 Overall ⭐️⭐️⭐️⭐️😇 回頭度 ⭐️⭐️⭐️⭐️📍 # 甘牌燒鵝灣仔軒尼詩道68號新禧大樓地下A號舖

Wish list ☑️一星🌟燒鵝得甘牌同一樂。深愛一樂食物但服務同收碟速度每次都想想就算了。話說冇試過甘牌，因佢長年要排隊🤣有日經過未見長龍就試吓先啦燒鵝脾賴粉 $116係一個餐，前菜揀咗滷水豆腐同中湯。燒鵝皮好脆，有陣香味。鍾意呢種烤得乾身嘅口感，燒乾咗啲fat, 唔油膩。鵝肉入咗味，彈牙👌我最鍾意係師傅切鵝肉的方法，方便咬落去 ，好過大多數燒鵝個賴粉也好爽，係我食過最好食嘅賴粉🙃服務都收貨，有少少人情味。見好多街坊婆婆好似熟客咁🤣一定回訪🥰下一站…甘棠？

幾年前見依間有米芝連推介，就專登去左灣仔試。記得個時想入去堂食仲要排長龍，最後叫左外賣攞走食。印象中個時都唔算平，但味道的確係唔錯的。早排心血來潮再度回訪，有啲失望。發覺比起之前差左好多。仲要本身價錢唔算平，難怪拍哂烏蠅。🫤〰️甘牌燒鵝（下庄1/4）$200肉質有點乾，有點柴，仲要無咩肉。 〰️脆皮腩仔 $95三樣嘢入面最好係依樣，外皮夠脆，肥瘦分明比例剛好。〰️滷水豆腐 $15豆腐夠滑，無咩滷水味，根本未夠入味。最後講句真係一啲都唔值😪〰️〰️📍 甘牌燒鵝 (灣仔)灣仔軒尼詩道226號寶華商業中心地舖

甘牌燒鵝飯套餐$74真係完全冇諗過一間連續四年蟬聯米芝蓮一星嘅餐廳會差到咁😫😔😡係勁勁勁失望‼️‼️‼️仲要特登生長上水遠搭車去灣仔食午餐···就算一間普通嘅酒樓都好食過佢🤷‍♀️燒鵝係完全冇乜肉👎🏻得啲骨🧐賣相又唔見十分吸引👎🏻而肉質又比較乾身同韌👎🏻咬極都咬唔斷👎🏻跟餐會有一個小食送 我就揀咗手拍青瓜🥒嘩⚠️一上枱嚇親我 點解可以小到咁⁉️得幾粒😳呢個價錢完全係唔抵食同唔值👎🏻唔會有下次🙅🏻‍♀️

試過一次 有點失望…沒有達到心裡預期的感覺感覺適合做遊客生意 不適合本地人其他無名氣嘅燒味舖可能味道仲好.同埋無咁貴..所以相對來講我唔會太推薦尼件餐廳！如果遊客嘅話就無所謂

平時本身食開灣仔黃金燒味，今日心血來潮走咗去食呢間甘牌燒鵝。我外賣叫咗個，燒鵝拼叉燒飯$65攞到上車一打開心諗應該好吸引。點知比骨頭燒鵝，同瘦叉，超失望冇下次😄！都係黃金燒味世一！

之前都有幫襯開呢間名店，堂食又有外賣又有不過大多數都係堂食一路食開都覺得唔錯，特別係燒鵝同腩仔，兩樣質素都好好同保持到水準但最近經常咳所以唔敢食燒鵝，就叫咗叉燒拼腩仔但返到去一開個蓋真係火滾，啲叉燒一望已經知係瘦到爆嗰隻，果然食落去又乾又韌，𡁻到口都攰！個燒腩又係乾爭爭咁，好在個皮仲脆，但都冇平時嘅水準🤨雙併米53蚊但仲難食過大家樂真係要諗諗仲去唔去幫襯，起碼人哋啲叉燒唔會乾到柴皮咁仲要平過你啦

路過店前，見此貴為米芝蓮一星食府，雖然吃過早餐不久還是想進去試試，以燒鵝作招徠的食肆不少，但認真已很久沒吃過好吃的燒鵝了。有套餐配搭的，我只是單點一客燒鵝瀨粉試試，吃第一口燒鵝已覺得這燒鵝皮是非一般的香、脆，不枉為米芝蓮一星，不過燒鵝肉相對上較為遜色，不過不失，可能被皮的香味蓋了。瀨粉也是很好（其實很難吃到差），只是若然湯再熱一點會更好。整體還是非常滿意。

甘牌燒鵝地址: 灣仔軒尼詩道226號寶華商業中心地舖電話: 54087740🔹🔹🔹🔹🔹🔹🔹🔹🔹🔹🔹🔹呢個餐廳疫情之前充斥住各國旅客，門口永遠有條龍排到去小學門口，起誇張， 見到都卻步，所以從來無諗過去食。依家我終於有機會食喇！我地12點到餐廳門口，唔洗排直入。（注：走果陣一點左右，門口都排咗十個人左右）午市套餐六十幾至七十幾蚊。我揀咗💫甘牌燒鵝飯（$74）鵝皮好脆好香，肥瘦適中！唔會好乾好柴皮。鵝肉唔鞋口，不過未至於嫩。啲鵝油流落飯度好好味，搞到我成碟飯清底。白飯好夠熱，只是分量略少。💫鹵水豆腐（套餐跟埋一碟小食）一碟三件，豆腐好滑，新鮮唔老，唔會得個咸字，有鹵水味。💫熱奶茶合格有餘👍🏻👍🏻$74 你話貴定平呢？睇你點睇啦。我覺得出面一個例牌都百五啦。 七十幾蚊食鵝喎，分量都唔少，價錢都算好合理。整體好食指數：🌕🌕🌕🌕🌕🌕🌕🌕🌑🌑（8/10） 🔹🔹🔹🔹🔹🔹🔹🔹🔹🔹🔹🔹

疫情之前, 這間米芝蓮店鋪經常人山人海, 搞到唔太想食(懶排隊) , 現在不用排隊當然吸引我再度光顧當日下午時間(已經過了午市), 但竟然仲有午餐, 咁就抵食好多午餐的小吃, 鹵水豆腐可以, 皮蛋沒有怪味, 不錯燶邊肥叉, 叉燒ok, 夠香夠肥, 但可以燶d太子撈麵, ok夠爽但鵝油味不太夠油雞燒腩, 不差見到有呢d新鮮出爐邪惡嘢, 當然忍受唔到, 但味道太正燒鵝一定要啦(因想食下裝)(所以午餐沒有叫, 但午餐是有燒鵝揀的), 皮脆肉香, 不柴, 品質keep 到, 雖然沒有遊客但本地客人都不少, 食物質素keep到, 難怪可以維持星級

香港人生活咁煩忙，一日三餐好多時都係，匆匆忙忙食個lunch就算數，食得最多應該除咗茶餐廳，就係食燒味😅。燒味之中最吸引我既就係燒鵝，因為好食既燒鵝，係有一種獨有既香味。呢間米芝蓮既平民餐廳，當然值錢一D都唔平民，好彩都有套餐🥰，咁就試下燒鵝瀨粉先。燒鵝雙拼瀨粉 $76 除咗鍾意食燒鵝，叉燒都係我另一個至愛😋😋。果然D燒鵝係佢哋既招牌之作，皮燒得香脆，夾雜住鵝油既肉汁，流晒落D湯度，再配上半肥瘦濃邊既叉燒，真係好好食😍。雖然價錢比一般既貴，但都值得一試😊。

行過見到一間唔使排隊，但係裝修比較高級嘅燒味舖頭。見佢有套餐，就入去食。基本上所有燒味，佢哋都有。我就揀咗一個雙拼嘅燒鵝，加燒腩肉嘅飯。佢哋套餐配埋老火湯和一個小食。餸菜好快嚟到。首先啲燒味同飯都唔係太熱。係得個老火湯先可以。咁食落去，個味道呢燒鵝嘅肉都比較滑，但係就少咗一浸深井先食到嘅炭味。而佢嘅燒腩肉半肥瘦，肥瘦均勻，食落去都好夠味，佢亦都會提供兩款醬汁俾你，啲白飯唔算太多醬汁，你唔夠嘅，都可以加豉油，不過個人認為都已經夠味。