金田家 (Closed)

話說同朋友去紅磡行行下街，忽然口痕想食拉麵咁岩又見到有間日式拉麵店，就二話不說捉埋我朋友入去食。入到去地方唔算特別大，裝潢設計都非常企理，好有日本feel，一坐底見到張枱有d 似中學時期嘅書枱，幾懷念。打開menu 見到柚子辛口拉麵呢個名幾特別就叫左黎食，同埋叫多左雅布尼叉燒同大將餃子呢兩款小食。拉麵黎到當然先試試個湯底，口感甘香唔太辣，味道唔算太濃，即刻食慾大增🤤。叉燒入口即溶 好有口感。餃子外層香脆，內層肉嫩多汁🤤。差不多食完唔記得帶紙巾，店員還主動遞上紙巾，服務態度超好👍🏻👍🏻一定會再返黎食😃

突然之間好想食拉麵，男朋友openrice search紅磡都有幾間多好評嘅拉麵店，其中呢間金田家我最想試。門面裝修簡約，店舖不算大，印象中大約可以坐到20人。見到最多人讚係黑豚拉麵和柚子辛口拉麵，一於就揀呢2款try try！黑豚拉麵平時食拉麵，d叉燒都係得2、3片，而呢碗足足有5大片，非常慷慨！湯底是濃度適中的豬骨湯，不過飲完覺得口渴。拉麵麵質最抵讚，麵的硬度我們也揀了正常，入口係爽口彈牙，而且吸收哂個湯底，的確唔錯。流心蛋係另加嘅，的確係做到好流心，$14一隻來說算貴，但對得起呢個價錢。柚子辛口拉麵呢碗只有3大片叉燒，但賣點在於個湯底，非常有驚喜！入口微辛加上柚子香，係其他拉麵店都未食過，真心推介！大將餃子除左個皮煎得香口之外，個餡好空，冇乜肉咁，冇肉汁又冇乜味。

一直都是拉麵控，一諗唔到食咩就係想食拉麵🍜，呢間金田家之前成日晌銅鑼灣登龍街見到，今次嚟開紅磡，難得見到有呢間九洲拉麵晌呢到附近，決定入去一試💪🏻店鋪座位唔算好多，主要以bar 枱為主，但幸好我倆被安排了雙人座，雖然個人最想試黑松露拉麵，可惜售罄，但後來揀咗嘅柚子辛辣拉麵都好好食，先講落order時可根據自己合適度而選擇，其後麵嚟到嗰陣湯底好夠熱，very gd, 湯底濃而柚子味好突出，無畀辣味搶過，加上豚肉同麵一起身，口感同味道都好豐富至於朋友仔叫嘅黑豚拉麵都好出色，豚肉薄身易咬口，豬骨湯底亦都出色👍🏻👍🏻👍🏻另外我地仲叫咗小食，男爵薯餅十分一流，薯餅炸得好脆，個人喜愛嘅係同時有兩款口味提供，一甜一鹹，蕃薯栗子🌰味嘅栗子粒好大粒，有咬口而有甜味；牛肉薯餅鹹味適中。推介嘅大將餃子亦都出色，皮薄餡靚，加埋可爾必思，成餐飯食得非常滿意，值得再食👍🏻

辛子黑蒜拉麵$88本身個拉麵係冇配糖心蛋，所以就追加左一隻（$14)另外仲加咗一份葱(+5)。追加嘅糖心蛋係原隻上嘅，食嘅時候依然有流心效果，仲覺得個蛋黃甜甜地。葱嘅份量比我想像中多好多，加5蚊嚟講都算抵食，鍾意食葱嘅人不妨追加。不過我個人覺得如果係京蔥就會更加好。男爵薯餅$38薯餅炸得好鬆脆，裏面嘅薯蓉好充實，入口唔會覺得油膩，仲食到粒粒粟子，口感豐富。唐揚雞塊$35雞塊大大件，做到外脆內嫩，雞肉又唔會乾身，配埋沙律醬更加容易入口。最重要係，食完呢一餐之後我一直都冇覺得有口渴嘅感覺，證明麵店都唔係賣味精嘢

^辛子黑蒜拉麵 同我想象中嘅黑蒜味一樣，係一個比較重口味嘅選擇要讚嘅係我諗住咁濃味，嗰晚番到屋企應該會渴到灌水啦，點知無^^^豚骨MIX拉麵+溏心蛋($14)Mami覺得食拉麵一定要有溏心蛋，所以唔理價錢都會加貴唔貴見人見智，我要評嘅就只係佢係好食嘅，但唔會令你驚豔囉至於碗麵，同樣係唔錯嘅 PS. 拉麵有得揀軟硬度，我個人偏向比較硬嘅，mami就冇偏好所以tick咗普通，但結果我覺得2者冇乜分別 (應該係普通硬咗少少)^男爵薯餅一份有2件薯餅，一件係牛肉味、一件係紫薯味咁樣影落好似好少嘢，其實好足料，我同mami每件分一半食覺得啱啱好薯餅切忌太油，佢俾我嘅驚喜就係我食落冇油溢味之餘，仲係清楚食得出2款嘅分別!! 所以唔係淨係得面嗰浸炸粉(你地知啦，而家出面好多鋪都係求賣相，其實食落差唔多味咁) =總結=呢個價錢食到呢種質素嘅拉麵，我同Mami一致覺得好OK!!!!!小食薯餅做得幾好，下次會再試其他小食唯獨如果你地係想有多獨特口味嘅話，可能會失望，因為間鋪都只係提供啲大路口味(其實我自己就覺得貴精不貴多)

到了朋友家附近一間拉麵店吃晚餐，店內整潔明亮，地方雖然不算大，但空間感充足，不像一般拉麵小店般壓迫，我們坐吧台，台下有個櫃可以放東西，這樣挺不錯。我點了柚子辛口拉麵，湯底香濃，但不會過份咸，有淡淡柚子清香，加了辣醬不算太辣，令整個湯拉麵提起味來，豬肉不肥不瘦也很不錯，拉麵幼身更容易吸引湯汁。朋友的黑豚拉麵豬肉片佈滿碗邊，份量好多。我們也點了兩份小食，男爵薯餅很鬆脆，吃到餡料有紫薯，洋蔥、肉碎外皮不會很厚粉，沒有炸得過乾，美味～～唐揚雞塊份量也很多，有4-5塊，十分香脆，肉質都仍然嫩滑，咬下流出肉汁。吃拉麵配可爾必思是絕配✌🏻

自紅磡地鐵站通車，便常有機會到以往較不方便的紅磡和黃埔範圍，是晚一訪期待已久、來自九州福岡且自稱九州第一的拉麵店。去福岡旅行時，發現同一商場內竟同時有超過五間拉麵店，當地亦每年均會舉辦拉麵競賽，可想而知九州的拉麵品牌是何其多，競爭何其激烈。香港的金田家店子不大，座位約十個，整體色調是木色的，簡約地以不同大小的白色藤球佈置，很有日式小店風格。拉麵有八款，其中兩款是辛口的，可選拉麵的硬度和蔥的份量。我們選了柚子辛口拉麵和雞白湯豚骨拉麵，大將餃子和男爵薯餅小食，和兩杯calpis乳酸飲品。柚子辛口拉麵吃拉麵當然先嘗一口湯底，柚子味飄香，濃淡適中。我是不能吃辣的，湯底本身的微辣對我來說已經足夠，所以我把在叉燒上的辣醬弄走，免得越吃越辣。麵度選了普通，是我喜歡的彈牙度，叉燒很滑，不會鞋口痴牙，配菜除了蔥外還混入很甜的紅洋蔥，令我們最後都把湯喝光！雞白湯豚骨拉麵（曲麵）曲麵即北海道風格的粗拉麵，這碗拉麵是友人的，所以我只淺嘗了一口。雞湯沒有辣度，所以比柚子湯來得清淡一點，但仍帶豚肉香，至於好味與否，看看下圖便一清二楚了。小食方面，大將餃子以豚肉碎和椰菜製成，肉和菜的比例不錯，煎得香口，但不油膩，配

店內招牌拉麵就有不少種類，如豚骨mix拉麵、雞白湯豚骨拉麵、柚子辛口拉麵、激辛拉麵等，而無辣不歡的我當然首選激辛拉麵。菜單上標明拉麵內的主要配菜（包括豚骨湯、香辣碎豬肉、腩肉叉燒、粟米、芽菜、紫菜、青蔥），十分清晰，讓我對拉麵包含的食物一目了然。店員拿來點餐紙讓我們選，追加的食物有不少都十分吸引，我點了溏心蛋和黑豚叉燒。此外還有自家製辣醬可選，顧及到麵本身有一定辣度，所以沒有點，下次再來一定嚐試。此外有小食提供，如大將餃子、唐揚雞塊、男爵薯餅及芝士年糕等。樣樣都十分吸引，但唐揚雞塊是我這種炸雞愛好者每次必點的，這次也不例外。飲料方面有可爾必思、一般汽水、果汁及日本茶等等，此外更有梅酒、梅乃宿果酒和Mio氣泡清酒等，種類繁多，任君選擇。不久後，一碗激辛拉麵端上來。與我想象中不同的是這間店的分量比以往吃過的拉麵都要多，滿滿一大碗，除了配菜，麵底多之餘，拉麵入口較順滑，口感也非常厚實。值得一提的是，下單時可選麵底的硬度，有軟、普通、硬、超硬可選，我選擇了普通，麵條的口感剛剛好，煙韌的同時也特別有嚼勁。湯底對我來說不算太辣，但勝在非常入味，這一點加分。香辣碎豬肉攪拌開後與湯底完美融合，每一口湯

:放工去食有「九州第一拉麵」之稱的金田家✨原本想試一聽個名就好吸引既黑松露拉麵🍜可惜賣哂食唔到😭最後揀左辛辣柚子拉麵 ($98)🍜食落淡淡清新既柚子味每一啖都幾Fresh唔會油膩🍃再加上有小小辣 好開胃😋🍜黑豚拉麵($98) 一碗有勁多片豚肉 一定岩哂食肉獸👹 黑豚肉香不過少少鞋配料方面一定要加拉麵必定配備的糖心蛋🥚同紫菜🤤餃子🥟煎得金黃色 脆卜卜✨✨⠀.金田家紅磡必嘉街112號紅磡灣中心地下9A號舖

因為同朋友突然好食拉麵，於是二話不說黎到金田家食，份量算扺食，最後我地叫左袖子辛口拉麵，黑豚拉麵加溏心蛋，飲品就叫左可爾必思！先講下個袖子辛口拉麵，我吾算食得好辣，但呢個拉麵既辣度係我可以接受的，而且好開胃，吾會好似好油膩，而袖子味我覺得可以再突出d,不過都有淡淡既袖子香，感覺女性朋友們都應該會幾鐘意。拉麵採用左我個人喜歡既幼麵，麵身容易掛到湯汁，而且拉麵可以自己選擇硬度，而我偏好較為硬身，口感一流！而朋友既黑豚拉麵湯底濃郁，而且豚肉叉燒數量超級夠，賣相都嚇我地一跳，我地都追加左溏心蛋，個溏心蛋好入味，而且煮得剛剛好，必加之選！小食方面，我地加左個男爵薯餅，係有兩款吾同既薯餅，一種係略有鹹味既黃色薯泥，另一種就係帶有甜味既紫薯，兩種都各有特色，風格完全不同，可以一試！飲品方面，就叫左可爾必思，吾算咩特別既飲品，不過就酸酸甜甜，同拉麵濃郁既湯底剛好中和下，整體而言都幾吾錯！

今日係紅磡美食街見到呢間由日本開到黎香港既拉麵店！當然要試下佢係咪真係咁好味啦！！入到都都爆爆地喇，好彩唔洗等好耐就食得。😬有幾款拉麵湯底揀，我就揀左餐廳推薦既:柚子辛口拉麵🍜 再追加左溏心蛋🥚食拉麵一定要叫溏心蛋，先覺得好味。🤭大大碗拉麵好快就黎到喇！湯底香噴噴，熱辣辣。湯底好濃郁既豚骨味之外，仲好香既柚子味，食落都好開胃！麵既軟硬程度可以自己選擇，我就鐘意食軟既，貪佢可以索哂個湯底啲味，更加好味！除左有黑豚叉燒外，仲有芽菜，紅洋蔥紫菜，青蔥。黑豚叉燒好大塊，食落都幾香，好煙韌。都幾好味。呢度既溏心蛋好好味，食落似食緊茶葉蛋既感覺，滑嘟嘟，一咬內裡流心既蛋黃流出，甜甜地好滋味！😍😍朋友叫左黑豚拉麵 另加了自家製辣椒醬。個辣椒🌶️醬又幾好味，加落個湯底度，味道更加好味又惹味，辣得黎帶點香。我都好鐘意個醬😍另外叫左份火炙腩肉叉燒片，厚切加點肥膏，燒完更加香，逼哂啲油出黎，食落好嫩肉。呢度既拉麵又真係幾好味喎！

好友剛去完日本回港，話派手信，當然馬上相約。去完日本，理應暫時不會吃日本菜，估不到她卻揀了吃拉麵....她的確日日豪食，正因為豪食，卻偏偏遺忘了平民美食之拉麵，現在後悔了！幸好，香港也有不少出色的拉麵店，她今晚就了有「九州第一拉麵」之稱的金田家。金田家有數間分店，她揀了黃埔店，門面搶眼，掛上紅燈籠。地方小小，只有一張 “L”形的吧枱和三張二人枱，座位不多，但骨子企理。吧枱上放齊餐具、調味料、檸檬水、牙籤、點菜紙和餐牌，都算齊備。翻開餐牌，有七款拉麵、幾款小食、追加配料和飲料。************************先來大將餃子($30)，一客四件，外皮煎至金黃帶焦色，但不算香脆。內饀份量適中，富有肉汁，肉中沒有混入大量肥膏，而拌入不少菜葉，不錯。************************友人點了雞白湯豚骨拉麵($85)，湯底是混合了豚骨湯 和雞湯，友人話很有雞的鮮香味，正！而麵料有腩肉叉燒、京蔥、紫菜 和蔥花，另再追加一隻糖心蛋($14)。嚐了一塊腩肉叉燒，經稍稍火炙，帶有焦香，半肥瘦比例，肉質稔嫩且入味，好吃！************************而我碗熱辣辣

yo~又係我黎介紹~唔講咁多先整兩枝茶俾大家嘆下先~~燒過既cha燒，雖然唔算好厚，但肥瘦岩岩好，又唔鞋口，最緊要係一D都唔膩，好似我呢D怕肥既人，食多幾塊都冇有怕~記得留黎送拉麵食呀!!!雞湯拉麵柚子辛辣拉麵呢個精華就係呢PAT辣醬仔到~一撈暈佢WOWHO~正呀!!!都係果句淡淡既柚子配辣而我個人就中意柚子辛辣拉麵既湯底，比較結身D~飲上黎更有口感~呢個唐揚炸雞，不得了!!!PI薄得黎，雞肉夠哂juicy 仲好滑溜TIM!!!最緊要係有成四大塊，兩個人食岩岩好~

自從上次食完金田家之後我同b先生就對佢念念不忘 終於黎食多次半open kitchen 即叫即製 👍🏻野食貴精不貴多今次可能夜得制黎 冇晒黑松露拉麵😭😭每人一張紙落單面質有4種硬度揀 比一般拉麵店多👍🏻第一次食柚子辛口拉麵（特硬）黑豚肉上枱前用火槍燒過 油脂特別香柚子味濃帶有微辣 好開胃面質係特硬更有口感 黑豚肉拉麵（硬）湯底濃而不膩 黑豚肉都係咁出色 搞到我地加左個追加黑豚肉黎食面質冇咁硬 相對吸收多左湯底 👍🏻呢個追加左溏心蛋 煮到岩岩好 流心ge感覺 好治癒追加粟米 木耳同黑豚肉男爵薯餅用上牛肉同紫薯再裹上薄薄炸粉炸至金黃色 一d都唔油膩 調味岩岩好 好好食叫左茶同可爾必思清一清口氣金田家好著重客戶意思 而家填意見表仲有機會有50蚊coupon Tim 有時間不妨填一填

之前食過在銅鑼灣的金田家拉麵，味道正宗美味，今晚就同朋友放工過來食下紅磡呢間，係黃埔地鐵站行過黎好快就到。雞白湯䐁⻣拉麵，湯底好濃厚入味，有雞湯的鮮甜味加䐁⻣的濃郁質感，入口香滑，揀咗超硬麵質，咬落有嚼勁，味道入味，加有4塊腩肉叉燒，惹味嫩滑。半熟流心蛋，蛋黃流心晶瑩，鮮甜香滑，而蛋白半熟，入口即溶。濃厚䐁⻣拉麵，豬肉味濃郁，湯底係用上好多䐁⻣煲成，味道好突出。小食，男爵薯餅，係日本蕃薯薯餅同紫薯薯餅，即炸香脆，外皮的炸粉夠薄，入口卜卜脆，蕃薯同紫薯煮得軟稔，香甜美味。