金田家 (Closed)

今晚想食熱辣辣拉麵🍜，決定試下將中的金田家，餐廳內部裝橫吊上一盞盞紙燈，有心思又特別有風味。豚骨拉麵呈上熱辣辣的豚骨湯，傳來陣陣豚骨香，湯底香滑醇厚，腩肉叉燒肉質鬆軟嫩滑，香甜美味，唯一可改善的是叉燒實在薄得可憐🥺如果厚身d會更好。魚介豚骨拉麵由魚介湯和豚骨湯組成，魚乾風味濃厚獨特，魚鮮味甚出，又不失豚骨湯頭的鮮味，口感濃稠順滑，配以辣魚乾、魚粉、紫洋蔥，增添一份辛辣味，推介特別喜歡試新口味拉麵的朋友🙂。

平日喺銅鑼灣嘅金田家都有幫襯下，去到將軍澳又有啲想食拉麵，冇乜idea去邊食，所以就都係揀返穩陣嘅金田家。將軍澳分店面積好大，而且裝修仲好有心機添！除咗日本拉麵燈籠🏮，仲有西式嘅波波燈泡，兩者想映成趣。餐牌供大家參考一下。我要咗黑豚拉麵追加咗一隻溏心蛋同埋木耳。黑豚拉麵分量十足，光是叉燒就不下六大片，一個人吃絕對足夠！而且叉燒心嫩口，叉燒邊又燒得微焦，十分香口惹味！拉麵是比較幼的，但微曲的麵條彈牙有質感之餘，更重點是可以適量的掛上一點濃郁的豚骨湯，兩者配合絕佳。溏心蛋已經放喺拉麵入面，溏心的蛋黃口感黏糯，蛋白則是滑不溜口，醬油味道深入蛋白蛋黃，十分推介。木耳絲是另外上的， 十分爽口，感覺清爽健康，加入豚骨湯底同食，更添風味。另外要咗山葵蛋黃醬餃子同埋薑汁柚子梳打。餃子煎得十分香脆可口，加上山葵蛋黃醬真的非常特別，絕對是有新鮮感之作！薑味柚子梳打不算很辣，柚子味卻是豐富的，非常清新，令人十分喜歡。

咁岩喺將軍澳附近，所以就想問下附近有咩食，之後就搵到呢間金田家分店！之前都試過食紅磡所以今次就試下食將軍澳呢間啦。一入到去環境都算寛敞，燈光明亮感覺都幾舒服。黎得拉面店緊係食拉麵啦，呢度一共有八個拉麵可以揀，我同朋友分別揀左黑豚拉麵同辛子黑蒜拉麵，依家都好貼心有得揀麵嘅軟硬度，有得揀要唔要蔥同蒜。另外我地仲加左流心蛋，粟米同埋豚肉，仲加咗份海老餃子。首先就講左黑豚拉麵先，啲黑豚係圍住個麵，好滿足，豚肉好香口，薄薄地，好易入口，啖啖肉，值得一讚嘅係湯底，好香好濃，完全停唔到口！要講下成個面最鍾意嘅野。就係佢嘅流心蛋，金田家嘅流心蛋係我最鍾意食嘅，好入味。朋友既辛子黑蒜拉麵，一食好香蒜味，啲面好快就入晒味，麵體好有咬勁，湯底亦都好濃味，不過我自己係比較鍾意食黑豚拉麵！最後叫咗一個海老餃子，我覺得好足料，雖然細細舊但咬落去好多蝦！又香口，下次都會再叫呢個！整體來講都好食，會再有下一次👍🏻

將軍澳中心其實真係幾多野食，去到一樓果條食街，成行都係食肆，仲要睇落都好好味！咁啱想食拉麵就走左入來啦！舖面設計都簡約舒適，因為到果陣已經係八點幾所以都無咩人係到😂去到先發現原來星期一至五做緊套餐，套餐價真係抵好多！最衰食果日係星期六😭😭1.激辛拉面🍜一睇唔知點解有種泰國風味🤣好多芽菜同肉碎，仲要好多蔥同粟米！好豐富！辛辣味夠再加埋濃濃既湯底，仲加埋幾塊腩肉，正！2.黑豚拉面一上枱就見到四大片肉。黑豚肉同腩肉感覺好唔同，肉味濃D但係肉質會實好多，有少少鞋！鍾意食無咁肥既叉燒既人可以簡呢個！哈哈食肉獸唔夠肉仲額外追加仲有追加埋一大咋粟米另外叫埋個男爵薯餅，係牛肉薯餅同紫薯薯餅。兩塊都炸得好香脆，炸皮又薄，熱辣辣咁上菜！個人認為牛肉薯餅相對出色，而紫薯薯餅入面有粒粒粟子！食落都幾飽肚架！最後加埋梳打，食飽飽！

今晚去咗金田家拉麵到食嘢。首先，一行到入去鋪頭裏面，到處都係日本嘅風格，有好多日本風格嘅燈飾同壁畫，令人置身於日本嘅居酒屋。本身就好期待嚟金田家食嘢，因為聽聞呢間係喺日本都好出名嘅拉麵店。今次就點左比較特別嘅拉麵，係柚子辛口拉麵，將水果口味融入拉麵度真係好創新，而味道好清新。湯底又濃郁之餘帶一陣柚子嘅香味，又有少少嘅辣味，呢個拉麵真係好特別。係碗拉麵追加左黑豚肉同腩肉叉燒，黑豚肉好大塊，而腩肉又有火炙嘅味道好香好好食。除咗拉麵之外仲有叫小食招牌嘅男爵薯餅同埋山葵蛋黃醬餃子。薯餅有兩舊，有兩種口味，一款係薯蓉同牛肉，令一款係紫薯同栗子。兩款都好好食，外皮炸到香口鬆脆，而且佢個沙律醬係特製嘅，用嚟點薯餅一流！而餃子嘅特別之處就係嗰醬係有Wasabi味嘅蛋黃醬，同餃子好夾。飲品就叫咗特飲嘅薑汁柚子梳打。有好多柚子蜜，都好好味㗎！

對於拉麵，本小兔和獅子老公有著一種無法解釋的情有獨鍾， 所以只要經過未嘗試過的拉麵店 都必定會入去一試今天在將軍澳中心看見這家由日本九州來的＜金田家＞，當然絕不能放過嘗試的機會＜金田家＞ 在他的故鄉贏了很多殊榮，來香港開店絕對說得上是過江龍🐉🐉🐉進店後不禁暗暗吃了一驚，店內的裝修一點也不馬虎天花掛滿高低不一的波波燈，簡單卻極富美感也放了滿滿優雅的裝飾擺設 ，可見店家在環境方面非常用心衛生方面亦十分滿意，無論餐具水杯和紙巾也擺放得非常整齊乾淨＜薑汁柚子梳打＞淡淡嘅柚子香加上薑汁獨有的辛辣感， 甜度和辣度互相平衡 ，再配上有稀氣疏打，感覺清爽＜山葵蛋王醬餃子＞菜肉比例適中的餃子煎至外面非常香脆，再配上帶有微微wasabi 味道的蛋黃醬一起吃， 滋味無窮＜雞白湯豚骨拉麵（曲麵）＞最期待的主角終於華麗登場， 雖然豚味濃郁的 豚肉叉燒香滑得嚟又不失咬口，但單單幾片是絕不能滿足我的，所以還貪心的加了入晒味既溏心蛋急不及待的熱辣辣呷了一口雞白豚骨濃湯， 味道濃郁厚實，口感香滑順喉， 應該用了很多材料經長時間淆製才有這個效果吧靚湯底下當然也要配以靚拉面才算完美，這款拉麵是配以曲麵，口感順滑之餘比普通幼

之前下午2點去左食，可能因為比較晏嘅關係所以唔洗等位就有得入。我地就叫左個辛子黑蒜拉麵同埋一個柚子辛口拉麵，追加左兩隻糖心蛋同埋兩份腩肉叉燒。首先講一講個黑蒜湯，相當濃郁嘅黑蒜味，就咁飲可能會有少少太鹹，但係係少見嘅黑蒜湯，幾特別。而另外個柚子辛口拉麵就更加特別，平時好少食到柚子嘅湯底，而且有少少嘅辣味都好夾，係出乎意料地好食。另外就仲叫左個男爵薯餅配日式蛋沙拉，因爲新鮮炸出黎嘅關係所以好脆同好熱，而佢兩塊薯餅都唔同味，一塊係紫薯另一個係沙拉蛋，一個係鹹味一個係甜味，但係兩個都咁好食，而我個人認為紫薯甜甜地同拉麵嘅鹹都好夾。

將軍澳中心近排翻生完畢就行下街睇下有咩新餐廳啦! 同朋友行到大約兩點半左右，就開始搵嘢食，果然不負我所望開左一間新既日本拉麵店! 見到有間拉麵鋪門口有人排隊，走過去望下餐牌，覺得都啱食所以試下。餐廳裝修風格，跟我從電視看到的日本拉麵店差不多，半邊卡位都算闊落。 餐牌係用填紙式落單，可以選擇面身嘅軟硬度，蔥同蒜既分量海老餃子表皮鍊煎得夠香脆，燒汁方面比起平時食開嘅燒汁相對冇咁甜， 由於汁嘅份量唔多所以我覺得味道方面啱啱好。黑豚拉麵有豚骨湯,黑豚叉燒,木耳,紫菜,青蔥。呢個係食肉獸嘅首選， 上到枱有點嚇咗一跳， 滿面有燒黑豚叉燒， 塊塊都一樣厚身， 塊塊豚肉都夠入味， 夠淋， 豚肉應該係用五花腩嚟做成， 肥瘦適中， 豬骨湯底味濃，夠熱， 麵身浸咗一段時間都唔會太淋。我朋友就叫左辛子黑蒜拉麵有豚骨湯,腩肉叉燒,自家製黑蒜醬,木耳,紫菜,青蔥,京蔥。中意重口黑蒜既朋友仔一定要叫依個!而且腩肉叉燒半肥瘦剛剛好。2碗拉麵再加唐心蛋先至係真實食梗既拉麵! 再另追加黑豚叉燒同腩肉叉燒, 真係食到lam lam 俐!!!最後叫左薑汁柚子同巨峄乳酸梳打飲!

今日收工去將軍澳中心，經過一間日本餐廳，知道係日本正宗拉麵，自己身不由己，離開唔到香港，去唔到日本，但都想食下日本嘅拉麵。打開份菜單，見到有唔少款式嘅拉麵揀，而拉麵亦都可以有唔同嘅硬度選擇，可以揀超硬、硬、普通、或者軟。我揀咗款激辛拉麵。呢款激辛拉麵，最好食嘅，除咗係佢啲叉燒之外，更加重要係佢嘅肉醬，佢啲肉醬唔太鹹，但非常有鮮味，肉香搭上稍微有花生醬味道的湯底，非常濃郁。佢嘅面，硬得來非常有質感，10分推介。我貪心少少，額外追加左一份黑豚叉燒，黑豚叉燒係呢度嘅經典，必試。佢啲肉一啲都唔硬，反而稔得來又有質感，叉燒味亦都非常香。之後嚟咗一份餃子，沙律醬配上餃子嘅肉香感覺一啲都唔油膩，非常好食。最後飲品嗰度，我叫咗杯梅酒，梅酒清甜，梅重從而酒味輕，非常適合女性。

聽朋友介紹話將軍澳開左間新既拉麵店，身為拉麵控既我地當然唔可以放過啦！正所謂踏破鐵鞋咩咩雪，係地鐵站大概行左7-8分鐘終於到達今日既目的地，金田家！同一般拉麵店既感覺有少少唔同，呢間拉麵店既燈光好充足空間感亦都好足夠可以舒舒服服咁坐低等野食坐低無耐侍應姐姐就俾左個Menu我地，主要都係揀湯底同toppings，用支筆係上面直接mark低自己想要既野食，方便又環保近排喉嚨唔太舒服所以叫唔到d特色飲品 不過輕呷一口茶清清喉嚨，反而可以更加品嘗食物既真味叫左個wasabi蛋黃醬餃子黎開胃，果然有效！香香既蛋黃醬加上少少刺激既wasabi令到成件事無咁熱氣，真係食完一粒又一粒拉麵方面，最後揀左黑豚拉麵同埋柚子辛口拉麵，算係又試下d大路既又試下d新口味咁啦柚子味既拉麵真係第一次食，酸酸甜甜既湯底加上少少辛辣既醬料產生意想不到既chemistry 好味道 追加左客豚肉，有驚喜！肥瘦均勻加上煎得香，送麵一流黑豚拉麵，顧名思義梗係要有黑豚啦，不過估唔到既係有咁多同咁大塊！d豚肉食落都幾有味，不過如果再 juicy d就更perfect池！大合照 大滿足(順帶一提) 拉麵既份量剛剛好，大食既朋友記得叫替

將軍澳已經今非昔比，記得數年前的餐廳選擇少得可憐，每逢假日更是大排長龍。現在餐廳多了，選擇也多了。拉麵店也有很多選擇，在其他分店吃過金田家，如今在將軍澳開店就來捧捧場。餐廳面積不小，燈光明亮，大地色的木製桌椅，整體乾淨利落。⭐️唐揚雞塊$38賣相雖然一般，但入口香脆，雞肉嫩滑，不乾柴。⭐️雞白湯豚骨拉麵$88湯頭清淡，麵條粗度適中，叉燒有厚度，加配糖心蛋味道更好。⭐️草莓乳酸梳打$24草莓果醬配梳打味道不錯。⭐️薑汁柚子梳打$24薑汁柚子梳打味道清爽。⭐️黑豚拉麵$98嚐一口湯頭，湯底偏淡，容易入口。我最喜歡幼麵條有韌性，吃起來很爽口，加配糖心蛋十分香醇，蛋黃呈溏心狀，很美味。薄切叉燒偏瘦一點，薄薄一片，不肥膩。配上追加的木耳絲更加爽脆！▫️整體不過不失，沒有驚喜，也沒有失望。

將軍澳中心裝修已七七八八，聽聞有不少美食進駐。今次俾我發現了日本九州第一拉麵店「金田家」在香港開業，所以一定要試試。門面好可愛，遠距離已經見到個招牌大叔，好易認。店內裝潢亦不錯，有好多波波燈，我鍾意！餐廳食物款式不是太多，但每款看來都好吸引。這店用marker畫在餐牌上，不用點餐紙，好環保呢。拉麵點了我非常喜愛既黑蒜味「辛子黑蒜拉麵」，另外試試「柚子辛口拉麵」。黑蒜拉麵有濃郁既黑蒜味，食完齒頰留香，刷完牙都還有黑蒜味，哈哈！柚子味有驚喜，估唔到柚子味特出，不油不膩，是健康之選。這店大部分拉麵用上幼而直的拉麵，有些用曲麵，可以迎合不同人士既口味。另外加配了溏心蛋，好好味哦，直得encore!本來食完加底拉麵已經好飽，但見到山葵蛋黃醬餃子賣相吸引，所以點了。這款醬同餃子味道好夾哦！最後試了這裡的梳打飲料，不會太甜呢！

將軍澳中心裝修完，就去咗呢度shopping行下街！一樓好多野食，行到最尾，見到呢間由日本引入嘅餐廳就打算試下。黑豚拉麵超多黑豚肉！薄切岩岩好！肥瘦就適中。個湯底超濃郁，不過就鹹咗少少。啲麵都可以自己揀普通，軟，硬。本人最鍾意多蒜！！所以，一定會剔多蒜！賣相都好靚，好似花開咁！柚子辛口拉麵呢個好特別，吾係間間有呢個菜式！個湯底嗰啲似飲緊柚子蜜咁。之後有啲辣味，好惹味同好開胃！兩個麵係吾夠食嘅！所以就加左溏心蛋！！超級流心。職員話放係湯入面係特別好食，而且會令到佢暖啲！果然冇令我失望⋯⋯粟米就普通，無乜特別，如果加少牛油，可能會好食啲！紫菜都好夠脆！巨峰梳打吾算好甜，如果加啲啫喱，可能口感會更好！環境都好乾淨，服務員有禮貌，會再吃多次！

日本總是我們很喜愛的旅遊熱點！當中吸引之處當然是因為日本到處都有著我們最喜歡的日式美食！壽司，拉麵當然是我們最快想起的道地美食。上次到過日本福崗，令我念念不忘的就是當地的金田家拉麵。濃郁的豬骨湯底是他最出色的賣點。還多次奪得日本拉麵大獎！九州第一拉麵之美譽！這次走到將軍澳搵食，在將軍澳中心就突然偶遇這間來自九州福岡的金田家！就忍不住拉著男朋友進店啦。當時大概9點，商場已不多人，此分店很舒服企理，光猛又乾淨，店裡客人坐了著5，6張枱。枱面有著自己添水的水壺和杯子，最喜歡這樣自己不求人的模式，餐具，紙巾，調味料一目了然。餐牌也是自助用筆選擇的。這樣環保又清晰，拉麵更很貼心可選軟硬度，拉麵來說，我們都是門外漢啊，就跟從Normal的軟硬度啊。只是很心急想試試他們主名的湯底。我們點了一人一杯飲品。就是巨峰及草莓味的乳酪梳打，總是愛去冰的我們，就在餐牌上寫了走冰，店員就替我們奉上了去冰的飲品。汽泡不停卜卜卜向表面散出來。味道很好，口味不會太假，也不會太甜，另外我們也追加了兩個拉麵小食，黑豚叉燒和粟米。薯餅！是我最愛在日式食店點選的小食。這拉麵店竟然有這男爵薯餅，我就必定會點啊。一件是薯餅，一件是

日本過江龍拉麵店金田家進駐將軍澳中心後，一直都想搵機會品嚐。今日終於去咗食lunch，門口望落以為餐廳細細間，入到去先知原來咁多座位，咁闊落。囡囡自己揀咗豚骨mix拉麵，加糖心蛋同粟米。豚骨mix即係三分一雞湯同三分二豚骨湯。我就揀咗雞白湯豚骨拉麵，係三分一豚骨湯溝三份二雞湯。兩款我都有試，雞白湯湯底濃郁，有雞嘅香味同時飲到豚骨味，配上曲麵，湯底掛麵很好吃。囡囡嘅豚骨mix拉麵係幼麵，因為豚骨湯底比例高啲，所以豚骨味濃郁，而且飲到有少少蒜蓉嘅蒜香味。小食我哋揀咗男爵薯餅配日式蛋沙律，有一件紫薯餅，同一件牛肉薯餅，炸得香脆，熱辣辣上桌 ，沾上沙律醬，十分美味。