金田家 (Closed)

將軍澳中心最近開咗好多新餐廳金田家都有份在內心情好興奮將軍澳既朋友有口福啦又唔駛出去同人爭都可食到美味既拉麵揀好野食同野飲就馬上送上冰凍解渴飲品拉麵即叫即製慢慢飲住杯凍野嘆住咁等零系可樂原支咁上玻璃瓶係充滿氣加上雪到冰凍咁先夠正另外叫左薑汁柚子梳打都幾夠薑架但唔會好辣豚骨拉麵份量適中追加左 一粒溏心旦豚肉肥瘦均勻切到薄薄的面嘅軟硬度揀咗普通果然都好標準每條麵與麵之間都可沾湯底嘅味道另外朋友就叫左碗黑豚拉麵黑豚肉圍繞住碗邊咁放好似成朵花咁食都食得開心再追加溏心蛋蛋係必定要追加唔加就會後悔大將餃子煎得比較乾身左d 偏向多肉如果鐘意食肉既朋友可以選擇呢款餃子不過個餃子汁會令人回味仲叫埋個 海老餃子海老即係蝦啦勁鮮味好食到我覺得要 encore 入面好多海老雖然餃子體積比較細但食到啖啖蝦肉一口一隻回味無窮

呢日因為工作關係，所以黎到將軍澳中心搵食。記得好耐之前黎過呢度個商場仲裝修緊，原來而家已經多左甘多食肆。心血來潮想食拉麵，見到金田家有位，環境又好似唔錯，所以就試吓。裡面裝修充滿日本特色，最難得係位與位之間好闊落，因為平時去拉麵店都坐得好迫，呢度就完全冇局促的感覺。點左佢地嘅招牌濃豚骨拉麵，湯底有點奶白色，豬骨味非常濃郁，麵條夠彈牙爽口，恰到好處，叉燒大大塊非常鬆軟又唔會太肥。另外追加了溏心蛋及紫菜，蛋黃啱啱好唔會太熟，流心嘅口感好正，非常推介！小食方面點了大將餃子，皮簿又夠脆，上枱時仲熱辣辣，所以自己一個人都可以K.O.左四件！最後配返個玄米茶，清清喉嚨同腸胃，非常完美的一餐！

今晚同太太想食Light D, 就去咗重新裝修嘅將軍澳中心逛逛。見到金田家有人幫襯同環境幾好，就入去坐低。坐低週圍望，裝修真係幾舒服，又好日本feel,好 like. Hehe. 雖然話咗想食Light D, 都叫咗吾少，黑豚拉面，菗子辛口拉面，加溏心蛋同芽菜，山葵蛋黃醬餃子，海老餃子，巨峰梳打。拉麵可以揀霖D定爽啲，我就鍾意食霖D，黑豚拉麵擺得好靚，黑豚肉都OK好食，我最鍾意嗰糖心蛋，真係好好食。菗子辛口拉麵好清新唔係太辣，真係要試一試。兩個餃子我就鍾意山葵餃子，鍾意佢啲沙律醬，海老餃子裏面全部都係蝦，幾得意。巨峰梳打我哋走冰哈哈原來唔係好凍嘅。好滿足，會再去嘅一間店。

香港人一向都好鍾意食拉麵，而我當然唔例外，將軍澳近來都開咗唔少拉麵店，呢日約咗朋友食飯，就嚟到將軍澳中心新開嘅金田家。餐牌上有唔同口味嘅拉麵，包括魚介豚骨拉麵、柚子辛口拉麵、辛子黑蒜拉麵等等，客人可以跟據自己口味，揀選拉麵嘅軟硬度同走唔走青咁。先嚟嘅辛子黑蒜拉麵，我追加咗三塊黑豚叉燒同糖心蛋，拉麵賣相唔錯，黑色滿滿嘅黑蒜油，味道香濃，拉麵份量亦好多。拉麵嘅麵身爽口彈牙，而配菜味道唔錯，爽脆嘅木耳絲同香口嘅紫菜，令拉麵有唔同嘅口感。而追加嘅黑豚叉燒比普通豚肉叉燒更香口而有肉味，略燒過嘅表面，添上惹味嘅焦香。糖心蛋嘅蛋味好香，外面有醬汁味，咸香軟滑。大食嘅朋友就叫咗魚介豚骨拉麵，追加咗芽菜同替玉，魚介豚骨拉麵上面有唔少魚仔，比普通嘅豚骨拉麵更加特別，不過就好濃郁魚介味，中意淡口少少嘅人就未必鐘意，但朋友就覺得唔錯。海老餃子煎得好香，入面唔少蝦肉，非常Juicy，而且一啖一隻，好啱女仔食。另外仲叫咗兩杯梳打，分別係生薑柚子乳酸梳打同士多啤梨乳酸梳打，我就比較鐘意士多啤梨，酸酸甜甜，好醒神。食物質素都唔錯，價錢唔算貴，下次再試下其他口味嘅拉麵。

將中裝修之後開咗好多新食肆，金田家係其中一間 ，日本拉麵不嬲間唔中我就會食下。入到嚟見到好多拉麵舖都會見到嘅凍水壺，仲有芝麻，同埋七味粉。拉麵舖嚟講佢選擇算係幾多。我叫咗一個黑蒜拉麵，蒜香味好重，湯底都好濃郁。 因為本身個拉麵筋嘅係腩肉叉燒，所以我叫多咗個黑豚叉燒，諗住兩隻肉都試下味。啲叉燒肉味好香， 同埋作為腩肉叉燒嚟講，佢唔算好肥。不過 如果厚切啲，同埋可以冇咁乾就應該更加juicy啦。溏心蛋係一流嘅！雖然十幾蚊一隻，但我都覺得係值得加嘅！好好食！蛋黃超級香！ 同埋完全做都溏心嗰個效果！質地非常好，出面嘅蛋白亦都好彈。要讚一讚佢呢個炸雞炸得好食過kfc 真心高質！出面嘅皮唔會好厚，完全做到炸香，裏面嘅肉好juicy，嫩度啱啱好。 而且佢仲要配咗三隻唔同味道嘅粉，包括係綠茶粉，梅子粉，同埋咖哩粉，點三隻都好好食，味道有唔同嘅層次！老公點咗個柚子辛口拉麵， 我想講個湯底真係勁有柚子香味，同埋酸味，好開胃！勁鍾意！下次嚟我都會點呢一個！總括而言佢都係我食過幾好食嘅拉麵店，軟硬度有得揀，蒜多蒜少有得揀，油多油少都有得揀！ 香港人最緊要有得揀！

難得入將軍澳與住這邊的朋友食飯，就試一試她選的這家金田家。黑豚拉麵｜湯底一點也不會油膩或者過鹹，原汁原味。拉麵質地軟硬適中，不會浸得太長時間而軟掉。黑豚肉質鮮嫩，份量很多。值得一提的是溏心蛋非常好食，值得添食。柚子辛口拉麵｜小辣的辛口味，可以嗅到每一口湯底有淡淡的柚子香氣，兩者配合起來卻一點也不突兀，值得一試。海老餃子｜煎得很香，裡面有蝦和豬肉，鮮味十足。薑汁特飲｜薑味偏濃，不會太甜味道特別，食完大餐飲最適合。士多啤梨特飲｜味道甜甜的，淡淡的士多啤梨味配上有氣的梳打水，在拉麵中有不錯的解膩作用。

今日同朋友去開將軍澳嗰頭就去咗食金田家！聽人講呢間野係日本嘅過江龍，所以感覺上應該會幾好味！由於太肚餓，今次我哋一人叫咗一個拉麵，仲追加左黑豚肉同溏心蛋。辛子黑蒜拉麵拉麵有得揀軟硬度，今次揀咗個適中嘅。湯底好濃黑蒜味，超級香，配埋半肥瘦嘅腩肉叉燒，好正。黑豚拉麵呢個係最傳統嘅味道，香濃嘅豬骨湯底配上高級嘅豚肉， 令人回味無窮。另外我哋仲加咗黑豚肉，超豐富！佢個溏心蛋，食落甜甜地，中間蛋黃流心，好想叫多幾個食！海老餃子入面真係有原隻蝦，外皮煎到好脆，值得一試！最後帶咗兩杯野飲。一杯係薑汁柚子特飲，另一杯係巨峰乳酸梳打。薑汁柚子就比較refreshing 而巨峰乳酸梳打就好fruity, 兩杯都好好味，唔會好甜！

辛勞了一天，放工就即刻約埋女友搵下有乜好嘢食！在將軍澳中心行了一圈，最後決定選了這間金田家！當然 環境乾淨整潔也是我們選擇它的原因之一，可以暫時放下忙碌的心情去享受dinner!好！入返正題先，今次我地點了2碗拉麵、一客小食和兩杯特飲柚子辛口拉麵+溏心蛋感覺非常特別，柚子味道清新醒胃，辛口的辣椒醬不算太辣，輕輕刺激味蕾，還加入洋蔥粒，增加口感，而溏心蛋也是一絕，半熟程度處理得非常好，肉不肥，整體配合得很好吃👍🏽黑蒜豚肉拉麵+溏心蛋這碗非常適合口味較重的朋友們，我今次點了多蒜，啖啖熱湯都充滿著濃郁的蒜香，再配上不會太肥的豚肉，正！店內還有各款調味以供大家增添口味配搭當然 只食一碗拉麵已經滿足不到我們，今次我們仲追加了一客黑豚叉燒、腩肉叉燒和海老餃子。其中最令我驚喜的就是海老餃子，皮煎到微脆，啖啖蝦肉，正！最後想講一下這裡的特飲，左邊是薑汁柚子梳打，右邊是士多啤梨乳酸梳打，感覺清新，不會太甜，非常建議大家食完麵品嚐一下👍🏽整體來說，我和女友都非常滿意今次的dinner，已打算下次再來試一下這店的其他美食😄

辛子黑蒜拉麵因為我係重口味人士🤗所以好多時見都黑蒜都會想試下。湯底極度濃黑而且濃郁，蒜香味好重，真係重口味之選。。黑豚拉麵：濃郁的湯底而不會過咸，呢個湯底比起黑蒜更上一層樓🤩兩款拉麵都是配豚肉，食肉獸的我也再追加左兩份肉🤭豚肉有兩款，黑豚肉比較瘦，肉嘅份量多啲；一般豚肉相對起來油脂較多，半肥瘦。大家可以因應自己鍾意食肥瘦的程度去選呀！黑蒜拉麵配的是一般豚肉來的！麵有4個唔同的硬度供選擇，今次一個麵選了普通，另一個麵選了軟麵。拉麵本身比較幼細，軟麵的粗度明顯因爲煮得比較耐少少而粗一點，但都唔會煮得過淋而影響咬口。。男爵薯餅，一個係甜的栗子紫薯餡料，另一一個係牛肉餡料。推薦大家一定要點這個小食！栗栗紫薯味的是超級香口，餡料豐富，栗子軟腍。🤤。環境方面，有別於一般拉麵小台，金田家的鋪面闊落，重要用淺木色作主調，感覺光猛。

將軍澳中心終於優化完成，不少市民都期待已久，商場除了匯聚咗多個國際品牌及本土小店外，還有不少新餐廳進駐。上星期終於抽到時間去行下，順便在場內覓食。上次試咗間台式料理，今個星期決定再接再厲，而今次的目標就是這間來自九州福崗的拉麵品牌「金田家」。為了避開午市人潮，所以特意待至中午繁忙時間過後才到達，果然一如所料，毋須輪侯，便可以即時入座。餐廳環境簡潔，以淺木色為主調，內部格局寬敞，絲毫沒有局促感。用餐區擺放了多張二至四人的方檯，而最入位置就設有一列 L 形吧檯位，配合牆身上的擺設，裝潢雅緻骨子，充滿日本風情。拿起店員送上的餐牌，拉麵共有 8 款口味可供選擇，定價由 $83-$98 不等，另外亦有 10 款配料可以追加。至於小吃和飲品方面就有炸物、餃子、佐酒小食、梳打特飲、汽水、日本茶、果汁、啤酒及梅酒等。我揀咗柚子辛口拉麵 ($98)，並且追加咗粟米 ($10)，而愛吃肉的老公就點了黑豚拉麵，另外再追加咗黑豚叉燒 ($33)、豚肉叉燒 ($20) 同溏心蛋 ($14) 各一份。我選嘅柚子辛口拉麵率先送上，趁熱先呷一口湯，湯身非常順喉，清爽不膩。拌入少許辣醬後再嘗一口，辣醬嘅辛辣，再結合柚子

將軍澳中心商場裝修後第一次去行街，見到開左唔少食肆，仲開左間金田家拉麵，聽聞喺日本九州好出名，見時間尚早，未到晚市時間，餐廳唔多人可以唔洗等位，就入去試吓呢間拉麵！可能係平日，而且我地未夠6:30已經入座，所以餐廳內未有其他食客，自己㨂位坐，坐得好寬敞，又夠靜（早食飯最大好處係唔洗等位😂）員工好有禮貌好有笑容，上餐速度都快，餐具同地方都好整潔！我叫左一碗濃豚骨拉麵，追加溏心蛋同芽菜，老公叫左一碗黑豚拉麵，追加溏心蛋同粟米，我地另外叫左個芝士年糕小食，同2杯特飲！餐飲方面，我叫果杯士多啤梨特飲好好味，唔會太酸，老公叫果杯巨峰特飲，我試左啖，覺得淡左少少，老公就覺得味道啱啱好適中！拉麵方面，濃豚骨拉麵個湯真係好濃郁，拉麵硬度適中，唔會太林，保持口感，溏心蛋好好味😋芽菜相對普通左少少，下次會叫第二樣！芝士年糕熱辣辣上枱，唔會好油，芝士味夠，又唔會太漏，都幾好味！

之前落樓下食飯決定試一試呢間拉麵店唔使等位就有得入枱面仲提供芝麻、醃菜同七味粉咁我哋就叫咗兩個黑豚拉麵 $98 🍜追加左兩隻糖心蛋 $14🥚一個黑豚叉燒三片 $33🐷一個腩肉叉燒四片 $20🐷一份男爵薯餅配日式蛋沙律醬 $42🥔嘢飲我哋叫咗一杯蘋果汁 $20 🍎同埋一杯薑汁特飲 $24🍹首先，要讚一讚嘅係個豬骨湯好濃同埋好香就算就咁飲都好好味黑豚肉大大片唔會好肥而且好易咬至於個腩肉好肥美真係做到入口即溶嘅效果兩件男爵薯餅係牛肉同埋紫薯味外層炸得好酥脆裡面嘅薯蓉入口即溶宜家諗返起都流晒口水啱啱炸出嚟好熱辣辣食嘅時候真係要小心辣親兩杯嘢飲甜甜地可以中和返個拉麵嘅味道特別係杯薑汁特飲唔會太甜而且仲有少少薑味同拉麵真係好搭

難得halloween 又封呢又封路 唯有係商場食野 經過金田家 成日都見倒呢間野 又真係未試過 就試下大約8點 都好少人叫左個Ramen Menu 上話係周年慶嘅系列 叫雞濃白湯拉麵 等左超級耐 應該有成半個鐘 明明咁少人 都咁耐 唔通真師傅真係咁講究 咁好啦照等 點個黎到又唔係好surprise 既味道， 雞肉是slow cook 口感唔錯，只係真係凍得濟 可能係我唔識食 之後個麵就正常 湯底有少少杰 真係mama tei 仲要等咁鬼耐希望真係改善下個上菜速度

早幾個月來過將軍澳中心，當時還在裝修，原來現在已經裝好修了，更有不少食肆進駐。之前吃過銅鑼灣的金田家，記得他的拉麵味道不俗，他在將中也開了新店，裝潢很舒適，決定進店再吃金田家的拉麵。我點了黑豚拉麵，這裡的拉麵麵條較幼，感覺比天使麵僅粗一點點，喜歡這湯底淡淡的，同時間卻很creamy。有5大塊半肥瘦黑豚叉燒，叉燒份量比一般拉麵店的多。愛蛋人士必定追加的溏心蛋，蛋黃未完全熟透，好像有一層薄薄的蛋黃油在表面，又靚又好味。辛子黑蒜拉麵的湯底很特別，真的有濃濃的黑蒜味道，剛嚐會感覺好像有點辣，但這感覺會漸漸消失，慢慢會愛上這營養豐富的湯底。山葵蛋黃醬餃子，餃子煎到金黃色，很香脆。士多啤梨乳酸梳打，飲料底下有些士多啤梨小顆，吃到酸酸甜甜的士多啤梨好開胃。

咁岩起將軍澳有嘢做所以踏足呢片平時好少去嘅領域xd做完嘢之後隻梗係要睇吓有咩好西好食啦。見到呢間由九州開到黎香港嘅拉麵店，相信品質都唔會差得去邊所以就決定去試吓拉麵選擇算多，有選擇困難症嘅我哋就決定揀咗佢嘅推介−黑豚拉麵同柚子辛口拉麵，另外仲各自追加左流心蛋，黑豚叉燒同芽菜☺️拉麵份量勁大，黎到嘅時候真係嚇親😂黑豚拉麵湯底係濃濃嘅豚骨湯，口感好厚，唔會過鹹；豚肉冇騷味最正係個流心蛋， 一睇就知好正😭😭本身唔太諗到柚子點同拉麵配搭，但出到嚟成件事都幾新鮮。由於辣味同豚骨湯都屬重口味，所以食到用柚子醃製嘅紅洋蔥就為口腔帶黎一股清新，中和油膩感，係一個唔錯嘅選擇追加嘅豚肉叉燒，脂肪比例會比黑豚叉燒高，所以口感亦提升咗。芽菜好爽，而且量好多，足夠兩人分享男爵薯餅，即係牛肉薯餅同紫薯甘栗，好好味！外脆內軟綿， 配埋自製嘅沙律醬，正！🤤值得推介草莓同巨峰乳酪梳打都幾唔錯，酸酸甜甜