金田家 (Closed)

午餐拉麵篇 見我食評都知我係幾 重口味既人 鐘意熱湯 ＆ 濃郁湯底 🤩🤩金田家係我會定時去既拉麵餐廳之一 ，一黎都好近係TKO , 咁環境又夠衛生舒服 ， 所以係飯堂之一 黑蒜油真係超鐘意， 午餐有LUNCH SET , 咁每次必叫黑辛子黑蒜拉麵 加炸雞 🤩🤩😍 啲雞都係即叫即炸 ， 而且 🤩 加$5 就有 青蔥 湯底濃郁 ， 加上青蔥既量超滿足 😈黑蒜油 加上青蔥同本身既白蔥 🤩完美多蔥 ， 胃口大開， 滿足ING 另外一款就係豚肉拉麵， 係豚骨湯底，個量都係好夠， 咁每次去都KEEP到水準

今日去左將軍澳行左陣donki，記得有朋友介紹過哩間拉麵店，今次就黎試食哩間啦！😆店內裝修以米白色為主，有簡單既擺設，檯係米白色既木材制，櫈係藤製，而且寫明係抗火性，不過我覺得檯同櫈既距離比較矮，雖然坐起來幾舒服。店內有做拉麵套餐，拉麵+小食+飲品，我點左個柚子辛口拉麵，小食要糖心蛋，另外再加左小食既炸雞。（因為拉麵本身係冇跟糖心蛋）拉麵內原本既配菜有叉燒兩塊，青蔥，芽菜，紫洋蔥，紫菜，以及有一茶匙既辣醬。拉麵既湯底係豚骨濃湯，有少少結身，湯內有淡淡既柚子胡椒香👍👍芽菜食落爽口，唔會林哂。叉燒睇落去係梅頭肉制成，雖然好薄但有兩大塊，每塊都有手板咁太塊，而且梅頭肉制成既叉燒好處係冇咁肥，而且唔會乾争争！👍👍😋😋紫洋蔥唔係就咁生洋蔥，係有再加工過，食落味道酸酸甜甜，冇左洋蔥個種辛辣味，非常開胃。拉麵係用細麵，軟硬適中，食落爽滑。糖心蛋浸得非常入色，比起其他店既顏色睇落深色，不過味道適中，唔會好鹹，蛋黃偏熟，流心唔太多。😗另外單點既炸雞外面炸到酥脆，內里肉汁很足夠，而且有淡淡蒜頭香味，非常好味，有啤酒更加好🤤🤤🍺🍺店內環境打掃得好乾淨，調味料配置比較簡單，只有七味粉，牙籤，白芝麻。店內音樂我

十分抵食，午市幾十蚊就有一碗好份量很多的麵，仲要有埋小食野飲。儲埋印花仲可免費食一餐！嗰日食咗黑豚拉麵，麵身同自己食開個隻嗰同，比較幼，但都好吸味！而且餸都夠食！推薦大家去試一試

這間餐廳開了一段時間都沒有去過，一方面覺得位置有點遙遠，畢竟地鐵站或者家裡走過來也有一段距離，另一方面就是日本湯麵也有很多家，如果大家有看我的評論就知道。 不過這家餐廳有分曲面和拉麵，但我不太知道怎樣分。 湯底十分足，兩個人來比較好，因為會送日式炸雞：）我們享用那個午餐時候的套餐，因為本身是抱著一個嘗試的心態，所以不叫主menu的，反正叫了套餐。套餐當中有免費的飲品及免費的小食，但是我們收到一份炸雞的時候都有點兒愕然，不過看起來應該是二人來的優惠。

每次嚟金田家，拉麵都保持水準，湯底夠熱，豚肉不太肥太瘦，份量適中，環境舒適而且乾淨。廚房開放式，餐具都好乾淨，疫情之下，店員會量度體溫確保顧客沒有發燒，還給一個紙袋裝口罩，好細心！ 讚👍🏻

我好耐冇食拉麵啦，所以好想食。望落環境好好，所以就試咗呢度嘅下午茶。呢個係我嘅餐，碗拉麵真係好啱我口味，果然冇叫錯！ 雞白湯好清甜，曲麵索晒湯味，超正！叉燒係普通嘅日式叉燒，味道唔錯。我對餃子（跟餐小食）有啲失望，個皮煎咗之後，都仲係好諗。入面啲肉有陣雪藏味，建議大家嚟食下午茶揀跟餐小食唔好揀餃子。呢個係柚子辛味拉麵餐，拉麵有淡淡哋嘅柚子味同埋辣味，令本身幾膩嘅拉麵湯加咗一啲清新感。呢個拉麵用嘅係幼麵，好似上海擔擔麵嘅麵質，我個人鍾意曲麵（雞白湯豚骨拉麵嘅麵底），因為比較襯日式拉麵嘅湯底。炸雞好脆，加上味道好夠，係跟餐小食一個唔錯嘅選擇。呢度俾我嘅印象都幾好，尤其係裝修。我可能會再嚟，因為身為炸物控嘅我，好想試呢度嘅男爵薯餅，睇相真係好吸引！不過，用 $60-80 食個下午茶真係太貴喇，如果可以更平就好啦～

肺炎個案每日增加，口罩如衣服係必需喺身上出現，但口罩短缺而且貴，好多人都係一個帶全日。每次食嘢收埋口罩都幾麻煩，又要保持乾淨又要用紙巾或信封包好，不過呢間餐廳好細心，每位客人會提供裝食物嘅紙袋比客人放口罩。講返餐廳，客人唔多，清清靜靜，裝飾簡單雅致，和風嘅感覺都幾舒服，拉麵種類唔算多，不過食物質素都唔錯。右下就係提供比客人擺口罩嘅紙袋。午餐小食：大將餃子(2隻)，外皮煎得幾香，都幾好味。升級小食：+$23芝士年糕，無特別，只係好耐無食放題突然間想食。+$ 男爵薯餅配日式蛋沙律，牛肉薯餅及紫薯甘栗薯餅每樣一件，牛肉薯餅入口已經有覺得好味，外面好香脆，裏面軟淋。估唔到紫薯甘栗薯餅更驚喜，加埋粒粒紫薯同栗子嘅甜味，好想食多幾件。麵質一般，豚肉夠淋，入口都有滿足感，如果厚少少當然會好好多，真係好薄吓，湯底幾好，食完無口喝感。辛子黑蒜拉麵。濃豚骨拉麵。雞白湯豚骨拉麵(曲麵)，我哋都覺得呢個好食啲，彈牙啲。+$12士多啤梨乳酸梳打。+$8果汁。

之前都有幫襯過呢間金田家，不過係另外嘅分店，今次同朋友食呢間睇下有無分別。店鋪內唔算多人，地方算幾寬敞，坐得舒服。因為其實香港好多拉麵店都好擠迫，食野果陣隻手總會撞到隔離枱，而依度就顯然無呢個問題。我地叫咗碗辛子黑蒜拉面 ($93)，麵條就揀咗普通的軟硬度，正常蔥蒜，仲加左隻溏心蛋($14)同黑豚叉燒/4片 ($33)。落咗唔洗五分鐘就上菜👍黑蒜油味好香，湯底飲落去都好濃郁，又帶有小小既辣味。而黑豚叉燒都同佢本身個款腩肉叉燒差幾遠，黑豚叉燒係相對口感軟腍同香啲，又無乜肥膏，真係啖啖肉嘅感覺😉。之後仲叫左杯草莓乳酸梳打($24)，平時呢啲都甜到漏，但呢杯真係啱我口味，唔太甜之餘又無假草莓嘅味道，剛好解到黑蒜湯個油膩感。另外我朋友都叫左碗豚骨Mix拉麵($83)配豚肉叉燒4片 ($20)，仲飲左杯巨峰乳酸梳打($24)。整體價錢合理又覺得幾好食，會再嚟。

將軍澳中心一個大裝修，換左好多間新餐廳入去，包括黎緊要推介的日本拉麵店-金田家。係香港有四間分店，必要分享的是黑毛豬豚肉片拉面，一碗有四塊，配上爽口黑木耳，口感配搭一流。 金田家同其他拉麵店一樣，可以自己簡配面的軟硬度，濃淡度同追加；我鍾意比較食硬身嘅面，估唔到都幾有咬口，另外湯底都特登揀咗特濃，湯頭濃郁，食完之後唔會特別口乾，麵條塑曬湯汁幾正。另外今次加左個香芋薯餅，薯餅炸得脆，仲好香香芋味，同追加四塊豚肉，飲品簡左荔枝梳打。 晚餐可以簡套餐，人均$100左右。

將軍澳中心新改革後，愈來愈多新餐廳、新品牌進駐。有拉麵鋪新開，一定要試試。金田家提供多款拉麵，但沒有沾麵選擇。軟硬度、蔥及蒜的多少都可以揀。柚子辛口拉麵 $98 +溏心蛋 $14 + 粟米 $10香氣撲鼻，先喝一啖湯，濃厚豬骨湯加上清新柚子味，再有少少辣，豬骨湯味濃，而且微酸微辣，很開胃，配菜有芽菜加上拉麵一齊食，兩個不同質感的爽口，溏心蛋的醬油味很濃郁，蛋的皮面晶瑩剔透，輕輕一咬就已經流汁。黑豚拉麵 $98+溏心蛋 $14 + 自家制辣醬 $10湯底是很重豬骨味加鰹魚，岩哂重口味既我們，加埋辣醬，簡直畫龍點晴，這碗麵重點是黑豚吧，黑豚的肉及油脂分佈比例適宜，唔會太肥又唔會太鞋。男爵薯餅配日式蛋沙律 $42老公最愛食日式薯餅，外皮卜卜脆，內裡軟綿綿，而且點一點沙律醬令薯餅更滋味。巨峰乳酸梳打 $24酸酸甜甜又有氣，為這餐飯作個完美句號。

首先講下個拉麵，湯汁鮮美濃郁，非常足料，麵條嘅份量又夠多，簡直係非常抵食，值得一嚐。而且個辣度非常啱鍾意食辣嘅朋友仔，非常之惹味，會令人食到停唔到口。加上非常多嘅豚肉，會令你食到非常滿足，一啖肉一啖面，正，食過翻尋味。整體上都係正。到重頭戲就係－海老餃子。睇樣就覺得佢平平無奇，但係一食落去真係忍唔住「哇」出聲。海老餃子唔大粒，大概可以一啖食曬。出色嘅地方係佢個皮夠薄，個底煎得夠香脆，係金黃色。咬落去，係有聲，好crispy，絕對係必點嘅小食之一。海老餃子嘅味道細細品味會感受到置身於大海暢泳一樣，真係值得一試，絕對唔會後悔。飲品方面，我地就叫左2杯水果味特飲，非常解渴。整體而言，呢餐係好好好抵食，一定會再試!

今日去完將軍澳畫完畫之後突然好想食拉麵，見到將軍澳廣場有間金田家又未試過，所以就決定入去試下估唔到又幾好食！我同男朋友叫咗一杯巨峰乳酸梳打同一杯草莓乳酸梳打，開頭以為草莓嗰杯會似藥水味，但飲落唔太甜得嚟又幾好飲，巨峰乳酸飲落比較甜但又唔係死甜，所以兩杯都唔錯之後我地各自叫咗一碗雞白湯豚骨拉麵同蒜子黑蒜拉麵仲追加咗兩份黑豚叉燒同一份山葵蛋黃醬餃子啲麵好彈牙，湯亦係濃得嚟唔會太多味精，食完唔洗係咁飲水，日式連鎖拉麵嚟講絕對係做得非常好！最後兩個人夾埋食咗唔洗$400！咁高質嘅拉麵$400都唔洗真係好抵食下次絕對會再食

今日返工之後就同屋企人去將軍澳附近睇吓有咩食 發現咗一間九州第一拉麵 🍜金田家 好耐冇食日本嘢所以就即刻拉埋呀媽入去試吓兩個嗜辣既人當然要食辣辣既拉麵 我地分別點左柚子辛口拉麵同激辛拉麵 我自己鍾意柚子辛口拉麵多啲 酸酸甜甜又帶點辣 好過癮haha 而激辛拉麵對我黎講有小小太辣 所以我地即刻叫左兩杯特飲 一杯係薑汁 而另一杯係甜甜既士多啤梨🍓 薑汁好有特色 好好飲 唔係太辣又重薑味 岩哂薑味控🤟🏻因為佢地拉麵本身配既叉燒太好食 我地又忍唔住叫咗另外一份腩肉叉燒（4片）同黑豚叉燒（3片）❤❤😋 腩肉叉燒肥肥地，入口即溶超好食！強烈推薦大家要點多份腩肉叉燒食啊😳😳我哋仲另外叫咗啲小食，一份木耳，同埋一個男爵薯餅配日式蛋沙律🥗 薯餅炸得剛剛好超脆卜卜🤟🏻 超好食 最後忍唔住叫多咗份餃子 日式餃子永遠都係咁好食！

this place must have a tyrannical head office as the staf are too afraid to show any flexibility and their loyalty cards which have no expired date on, expire with Zero recompense for the inconvenience. it's a pity as it could be good........

今日同朋友一齊去將軍澳行下商場，經過見到呢間餐廳，見食評唔錯，而且8點幾去唔多人唔需要等位，所以入去試吓。朋友叫咗推介嘅濃豚骨拉麵，我叫咗碗雞白湯豚骨拉麵，我哋都追加左溏心蛋，同埋木耳、粟米，店員好貼心將追加嘅配料用小碗放好，方便同朋友一人一半。濃豚骨拉麵（加溏心蛋）入面配料包括有腩肉叉燒、木耳、紫菜、青蔥，湯底唔算太濃啱啱好👍雞白湯豚骨拉麵（加溏心蛋）入面配料包括有腩肉叉燒、京蔥、紫菜、青蔥，麵係曲麵（不能選硬度），不過我覺得啱啱好，而且湯底好特別，有1/3豚骨湯加2/3雞湯。小食方面我哋叫咗海老餃子（$30/6隻），餃子皮薄肉厚，咬落去香脆同埋有啲汁，欣賞。飲品方面叫咗兩杯巨峰乳酸梳打餐廳有加一服務費，我同朋友兩個人人均消費$163，性價比都可以，特別推介餃子🥟