金鶴拉麵 (和富道) (Closed)

金鶴拉麵 (和富道)地址: 北角和富道6號嘉洋大廈地下A舖電話: 2219987711月了開始穿上外套保暖，冷風吹住人就是想窩在家中，放工趕快回買，買食物躲在電視前做隻懶豬。呢間分店除了拉麵，亦都係擁有最多飯款架，所以我飯癮起都會來呢間買外賣，外賣仲有85折優惠。$128 厚切日本慢煮雞胸飯，個雞胸好滑又嫩，除了拉麵中見到佢身影，配落飯都一樣好味，因比較淡味，所以我都會加醬料一齊食。個套餐有埋小食飲品，唐揚炸雞，就享受了不同烹調方法的雞串燒當加餸，因為有折幾抵食，何況我好鍾意食肉。$128 串燒拼盤有雞軟骨，雞皮，雞腎，免治雞肉，雞翼，秋葵同黑豚串，有7串。黑豚肉串是豬哦，不是海豚，想起 社交平台 單笑料。$12 唐心蛋，老實講我一日可以吃上3-4隻蛋，流心蛋黃真係人間極品。疫症又嚴重左，外賣回家食仲平d 有85折，大家保重注意身體

服務好好過到北角，去食金鶴，用積分換埋野食！好正。星期日入座率不高，一路食都是入了兩台人客。環境舒服，最正係店員，推薦做會員，換野食，最後有埋甜品做結尾，好滿足。.咖哩炸雞飯 $78 😋😋😋😋炸雞好出色，皮脆肉嫩，食落係有汁彈出嚟，好得！配上日式咖哩好夾。.積分送的餃子🥟又熱又香脆，配上醋食落一流！.積分送的汽水一罐🤣🤣.變相整晚好平又食到好多野！和友人分單玩到好多野😂😂😂😂🤣🤣

曾經走過了東京，在寒冷的天氣下吃了一碗雞湯拉麵，從此念念不忘那味道今天我找回了那味道，極濃雞白湯拉麵套餐有五款拉麵或者三款日式飯，小食及飲品，由於位置非常近家，所以外賣回家慢慢享用金鶴雞白湯拉麵，吃當然是吃最好的，所以加了$20轉做極濃雞白湯拉麵雞白湯和拉麵是分開裝上的，如果不夠熱還可以在家中自行加熱拉麵配料有兩塊豚肉還有雞肉，雞肉十分嫩滑激濃雞白湯果然十分出色，濃郁雞香，沒有太稀，有種骨膠原的感覺疫情問題外賣自取有八五折小食點了唐揚炸雞，炸雞三大件十分足料，配上柚子鹽，每一口都非常厚肉另外，點選了一份串燒Set，一客7款$128全部即點即燒絕對是佐酒小吃燒雞皮-雞油好香黑豚串 - 豚肉好香口，加埋醬汁，正雞臀 - 好爽口，每份加少少鹽作味雞軟骨- 每一粒都爽脆海鹽雞翼- 好大隻，加上少許鹽免治豬肉串 - 豬肉串混入有軟骨有口感，不錯秋葵 - 多數都是白灼的，想不到燒秋葵都好吃

主打雞白湯拉麵同蒲燒鰻魚飯嘅日式餐廳🤤北角呢間分店細得黎唔知點解覺得好warm，有啲似日本細細地嘅居酒屋，好有人情味個種😂嚟呢間餐廳一定要試兩樣嘢，分別係白雞湯拉麵同埋蒲燒鰻魚😈.🍜日式雞白湯拉麵醬油味冇乜特別就唔講嚕🤣至於雞白湯，最大嘅好處就係食落冇咁肥膩，但依然保持到好濃郁🥰配料都比較特別，啲炸牛蒡好啱打卡😂每碗拉麵有兩塊雞叉燒同普通日式叉燒，雞叉燒其實係切片雞胸肉但唔會鞋口，不過小編都係鍾意食普通叉燒多啲🤣.🍜生燒蒲燒鰻魚串呢個係跟set小食，不過要另加$30! 鰻魚係用新鮮鰻魚，即叫即燒，腥味較重，但尚算係接受範圍內😋魚肉質地厚實，唔會散修修🤤另外一個小食叫咗餃子，不過就比較遜色，肉餡比較少，而家咸咗啲啲！.🍽味道: 3.7/5🏙環境: 3/5‍👨🏼‍🍳服務: 3/5💧衛生: 3/5💰價錢: 3/5

工作關係又要到北角那邊發現這邊也有金鶴拉麵的分店分店開得頗密，炮台山也有一間這間的午市餐牌與其他的分店不同除了有火炙叉燒外，價錢更是最便宜的特上火炙叉燒豚骨湯拉麵 - $68特上有四片叉燒薄片入口即化肉質偏瘦肉而不柴，脂肪層不肥膩火炙還增添一份烤炙香氣，沒有豬腥味溏心蛋的蛋白凝固，蛋黃呈現類似液狀膏狀，蛋黃味濃郁又香豚骨湯底經長時間熬制，熬出濃稠的骨膠原蛋白，乳白色的湯汁富含膠質，撲鼻而來的濃香誘人口感順滑粘稠、滿口鮮香，喝完後喉嚨不乾、回味無窮軟硬適中的拉麵口感香滑彈牙

近排愛上食醬油拉麵，但香港大部分的拉麵店都係豚骨湯底/味噌湯底比較多。呢間見倒有黑蒜醬油拉麵，同朋友來試下。我們每入嗌了一個一人餐，一人餐有一個拉麵，一份炸雞或者餃子，同埋野飲$128。炸雞好大份有三件都幾好食，餃子都唔錯不過相對下炸雞比較抵食。講番拉麵的湯底，雖然顏色好似好靚以為好濃，但味道其實比較淡，飲落個湯唔夠濃厚，我個人覺得醬油味唔夠重，而且湯底比較油，所以有點失望。隻蛋半熟影相好靚，但係蛋味唔夠香。見到下午茶好似幾抵食，下次再來會試下第二隻湯底嘅拉麵。想讚下餐廳嘅職員幾有禮貌。

雞白湯拉麵真喺整得唔錯，湯底夠creamy 夠濃郁，雞肉夠滑嫩，炸牛蒡絲好脆，成碗嘅味道都好豐富濃郁。除左呢款雞白湯，佢辣味個款湯底都唔錯，辣度適中又夠香。侍應服務態度都好好，會再黎幫襯。

下晝去咗北角一帶探朋友，探完朋友都有啲夜啦，決定買外賣返去！呢間金鶴拉麵都幾抵食，超值套餐2人都係二百零蚊，決定一試。返到去涼咗少少，所以會加返熱，同埋等啲面變林啲！二人餐主食可以叫兩款，有咖喱飯、拉麵等等，呢間主打拉麵，一於叫兩碗啦！佢地分別係雞白湯拉麵 & 黑蒜醬油湯拉麵。雞白湯拉麵湯底白色的，非常特別，雞味香濃，配上嫩滑的雞肉柳，吃下來很不錯，還有豚肉、糖心蛋、木耳等等材料好豐富。黑蒜醬油湯拉麵夠香口，啲湯汁我都飲埋，麵條軟硬適中配料大致上同雞白湯拉麵差唔多，豚肉大大塊，糖心蛋好好食😋跟餐小食 & 單點小食ss跟餐嘅日式餃子（4 PCS），餃子外皮香脆，內裏餡料充足。跟餐嘅燒黑豚肉串（2 PCS），燒得香口，肉質比較乾身，但配上醬汁都幾好食。唐楊炸赤雞（3 PCS）$38，炸得乾身，點上少少鹹粒，味道更止一層樓。餐飲有可口可樂Zero，夠凍，好正好爽🥰整體來講覺得好抵食，下次都會幫襯。

去左北角行街，屋企人打電話黎話有事煮唔到晚飯，等我地買返屋企食，我地就決定食拉麵，知道北角有金鶴拉麵食，上次係土瓜灣同朋友食過，今次就外賣返去俾屋企人試下先。我今次去左北角和富道分店，去到先知原來北角有2間分店，真係好方便呀。去到店門口，囡囡就衝左去自己開門，但因為當時都幾大風，個門有D實，店員姐姐超nice咁幫佢開門，入到又去又慢慢介紹邊D好食，依家好少店員咁細心, 超贊👍講返食物，我地叫左個超值2人套餐，雞白湯拉麵，咖哩吉列豬扒飯，唐楊炸赤雞同埋燒黑豚肉串，就咁食已經好夠食，但囡囡話仲想要埋明太子雞翼，所以就叫多客俾佢食。雞白湯拉麵係佢地皇牌拉麵，味道當然冇得輸喇，雞肉 嫩滑好味道，食完拉麵連個湯都要飲埋👍咖啡吉列豬扒飯，就岩晒我，濃濃既日式咖哩味香但又唔辣，配埋香脆吉列豬扒，食落鬆化，真係絕配😋唐楊炸赤雞，正宗日式炸雞，香脆可口燒黑豚肉串，油脂分佈均勻，一啖咬落去2個口感有齊晒，勁好食最後明太子雞翼，入邊明太子超多，同雞翼夾住食，食到明太子既香加埋雞肉既滑😍佢地外賣仲好貼心咁將主食同醬汁分開上，咁就唔伯返屋企太耐，而令到主食被醬汁浸太耐而影響口感。

每次食拉麵都會即時想起金鶴，因為味道很正宗，而且除了拉麵串燒也很多款式。疫情關係，星期六午餐必定是跟老公一起點外賣。今次各自點了雞白湯跟醬油拉麵，我覺得還是前者比較好味，雞白湯濃郁足料，每次都會喝光光。醬油湯底則比較重味，但間中換換口味也是挺不錯的。基本上最吸引我的還是當中的雞肉，嫰滑無比。可惜是外賣不會有非常吸睛的炸牛蒡，唯有待以後堂食時才可一嘗。串燒我們瘋狂點了很多，有雞腿肉串、免治雞肉串、骨付腸、豬頸肉厚切串和日本多春魚。當中我最喜愛雞腿肉串，因為啖啖肉之餘雞肉又嫰滑。而老公則最欣賞免治雞肉串，因為除了吃到肉，還有些口的軟骨口感。

其實之前朋友介紹個呢間拉麵，曾經堂食，但因為最近疫情都係比較想返屋企食，一於外賣帶回家比較穩陣。餐牌選擇好多，屋企人最鍾意食雞湯，所以就叫咗兩個雞白湯拉麵，同埋一個比較濃郁嘅黑蒜油拉麵。雞白湯拉麵$98因為屋企比較近，帶到返屋企仲係熱辣辣，當然如果覺得唔夠熱其實都可以喺屋企再搵個煲整返熱佢。個雞湯味道好香龍，質感非常滑，麵質彈牙，裏面仲有叉燒同埋慢煮雞柳，味道較為清新，但係清淡得來又唔會好dry，以及有其他配料及糖心蛋，正! 黑蒜醬油拉麵$98味道比較濃郁，鹹香十足，比較貼近一窩蜂味道非常香濃，喜歡吃黑蒜油味的不能錯過！

大嬸十分懷念佢係大阪食過嘅雞湯拉麵，見到香港有得食梗係去試啦！大嬸叫左普通嘅“雞白湯拉麵”，一嚟到即刻試下個湯，umm好味😋！雞味好濃仲有大量嘅蔥，零舍香。店員一上個碗拉麵就提醒個啲炸牛蒡要脆食，所以大嬸就即刻將佢地夾起費事淋哂。牛蒡炸得好脆，食落又好有牛蒡味。碗麵仲配左兩塊肉，一塊雞一塊豬，個雞肉唔錯，雖然係雞胸但係唔嚡👍🏻。大嬸飲飲下啲湯，就覺得個湯陣味好似好熟，發現原來好似大嬸屋企煲個啲雞粥，一樣係雞加埋蔥嘅味道😆。大叔就叫左“黑蒜醬油湯拉麵”，湯底都唔錯，好香黑蒜味，又唔會好鹹。因為佢哋叫咗二人餐，所以仲有兩個小食。“唐揚炸雞”炸得幾好，雞肉好滑仲好juicy。“燒黑豚串”就差啲啦，個醬汁太鹹，大叔大嬸都係食咗一粒就無食。最後，店員仲送左兩粒抹茶蕨餅，今餐就完滿結束🤗。

今日食咗火炙叉燒醬油拉麵，追加炸雞同埋豚肉串👍🏻。個麵幾好咬口，個蛋同埋炸雞都好好食！不過醬油湯有少少普通，下次想試吓其他嘅湯底！我嗌左午市套餐、得醬油同埋鹽味拉麵。食到一半先發現main menu大部份嘢有半價🤣，你哋去到可以留意吓😛。

金鶴之前試過中環嘅分店，水準都幾高。而今日經過北角嘅分店，一於重溫一下。餐廳唔算好大，大約只有20至30個座位左右，有長方枱亦都有bar枱，坐得都算舒服。有套餐選擇，價錢都比較相宜。因為都想試下沾麵，所以叫咗一個套餐，一個散叫。金鶴雞白湯拉麵好濃郁嘅雞味湯底，好似忌廉咁幼滑，清甜但唔膩。牛蒡炸得金黃鬆脆，幾好食而且份量多。再加上雞肉、黑豚叉燒同半隻溏心蛋，好滿足。雞肉入口軟熟，有雞肉香味。叉燒亦肥瘦適中，而糖心蛋味道亦一流。拉麵係粗麵，有彈性，吸收湯嘅精華。燒黑豚串套餐小食叫咗燒黑豚串，炭燒過嘅香味，甜甜鹹鹹嘅味道。而肉質嫩滑而且多汁，肥瘦適中。Bless果汁加$20轉，清新嘅橙味，冷壓嘅做法，都幾好飲。金鶴雞白湯沾麵沾麵愛好者，當然要試一試。細心嘅店員，特意提醒湯可以再加熱。配料同樣非常豐富，而沾麵所用嘅熱湯，味道更加濃郁，配上沾麵自然配搭更好，值得一試。

難得啲女話想試吓食日本拉麵，見評分唔錯，所以試吓...點知仲差過自己屋企煮嘅公仔麵囉，😡個串燒牛舌啲肉係生嘅！😡另外黑椒牛肉粒啲肉係韌的！🤬越食越火🔥以咁嘅價錢，冇理由放得比客人食囉！可能佢真係淨係識煮拉麵，如果佢哋係唔識煮其他食物（小食）麻煩唔好放喺度比客人揀啦，我喺任何餐廳亦從來未食過咁‘過份’的嘢，真係只得D拉麵湯比較正常！我決定唔會再食、亦唔想食，亦會話比所有朋友知道，千其唔好幫襯！