金子半之助 (奧海城二期)

Open Now

Now Closed

當日於晚上七點左右用膳，食客人數不多，座位闊落空間感大而且燈光光猛充足。天丼即白飯上鋪上天婦羅再淋上特製醬汁，醬汁一般以鰹魚煮成，帶咸鮮甜味，呢到既天婦羅用上日本特製高胡麻油炸，胡麻油製成的天婦羅芳香撲鼻及色澤會較深，上菜時聞到好強烈既胡麻油味。迷你天丼配稻庭烏東($118,天丼升級迷你軟殼蟹天丼+$38): 迷你天丼一點都不欺場，有半隻軟殼蟹、腕豆、南瓜等蔬菜，軟殼蟹炸得鬆脆，無腥味。天丼細細碗不怕膩。湯烏東上菜時會配上配料箱，食客可以自由選擇想加入的食材。江戶前天丼($138): 上菜時嚇親，穴子天婦羅長達30cm，手臂咁長，超厚肉身, 肥美軟滑，而且無碎骨，可以放心食。除左穴子，天丼仲有其他配料，加上溫泉蛋天婦羅既蛋液撈飯就完美。整體用餐感覺良好，而且店員有禮貌，上菜時亦好詳盡地介紹食物。

一提到天婦羅，不得不說金子半之助😎一直對這間專吃天婦羅都念念不忘，今天突然跟朋友再次探訪，一解對天婦羅之念😆餐廳提供養生黑豆茶，杯中真的有黑豆及味道濃濃的黑豆香氣。迷你天丼配稻庭烏冬 $118迷你天丼雖然叫迷你，但材料一點也不迷你😆入面分別有炸蝦炸豆炸南瓜炸蛋等天婦羅，先品嘗熱辣辣的稻庭烏冬，麵質彈牙爽口，再食天丼，一個餐食到兩款麵食配搭，很滿足🫶🏻牡蠣車海老天丼 $168一上菜眼球已很滿足✨天丼上面放滿牡蠣和車海老，以及其他配料如莢豌豆、海苔等。牡蠣和車海老炸得非常出色，熱辣辣的外層很酥脆，內裡仍能保持著嫩滑的肉質。再配上外層經微炸的溫泉蛋，流心的蛋黃點上醬油，再一啖丼飯，最後咬一口牡蠣，大滿足感！

喺香港唔係咁容易搵到一間高質嘅天婦羅，今次終於比我搵到呢間連續五屆獲「日本全國金賞」，被譽為日本第一丼嘅餐廳🥰而且價錢仲好親民！.💎 $138 江戶前天丼足30cm長嘅星鰻（穴子），整成天婦羅真係夠晒邪惡😈唔會炸到條鰻魚好乾身，亦唔會好厚粉😋而小柱魷魚天婦羅餅，則外脆內嫩，入面咬落啲魷魚好彈牙，口感味道一流😋.💎 $118 上天丼新鮮熱辣炸出嚟嘅海老香酥鬆脆，入面有滿滿嘅蝦肉，保留住海鮮嘅鮮甜味，同時又有炸過嘅香口感，配上天婦羅汁撈飯食係一流！.💎 $58 野菜天婦羅盛合一次過可以試到菇菌、南瓜、茄子嘅天婦羅盛合，炸得啱啱好，食落有蔬果嘅微甜味，可以中和油膩感。.💎 $12 溫泉蛋本身兩個丼飯都有跟到溫泉蛋，但因為炸過嘅溫泉蛋外脆內流心，實在太好食，所以就叫多咗一隻！

車海老帆立具天丼是一道精緻的日本料理，以其豐富的海鮮組合和精湛的烹飪技巧而聞名。這道天丼包含了新鮮的車海老、帆立貝和小柱魷魚天婦羅餅，搭配莢碗豆、海苔和溫泉蛋。每一種食材都經過細心挑選和烹調，保持了其原有的鮮美風味。車海老的鮮甜和帆立貝的豐潤口感相互輝映，加上小柱魷魚天婦羅餅的酥脆外層，為這道天丼帶來了多重的口感享受。莢碗豆和海苔的點綴增添了清新的風味，而溫泉蛋的柔軟蛋白和流動蛋黃為整道料理增添了豐富的口感。另外，上天丼是一道特色天丼，配有味噌湯和漬物。這道天丼包含了白身魚、海老、小柱魷魚天婦羅餅、溫泉蛋、海苔和莢豌豆。每一種食材都經過精心的處理和烹調，確保其保持最佳的口感和風味。白身魚的鮮嫩和海老的彈牙口感相得益彰，而小柱魷魚天婦羅餅的香脆外層為整道料理增添了層次感。溫泉蛋的滑嫩口感和海苔的風味提升了整體的味道，而莢豌豆的清爽口感為這道天丼帶來了平衡。

老公成日問我點解甘鍾意食呢度既天婦羅丼飯，其實我好喜歡佢既胡麻油的香味，仲有特製，天婦羅係超香。牡蠣車海老天丼老公梗係要食蠔D啦，牡蠣係日本廣島直送， 上次都出過一次，但食唔到，今次食到勁開心。外衣脆卜卜，入面很creamy,肉質厚厚嘅牡蠣，海水味淡淡的。仲有兩隻肉質爽口既車海老，即係蝦呀。上天丼 稻庭烏冬我就食軟殼蟹上天丼配稻庭烏冬，軟殼蟹很肥美大隻，上枱見到佢甘霸氣鋪在飯上面都好震撼。外衣酥酥的，咬落去食到蟹膏，好鮮美。迷你丼天婦羅既醬汁都好香，每件都沾上醬汁，食落去微甜，很有古早風味。

經過過無數次 成日都好多人幫襯今次食過之後真係好難忘價錢親民之餘 食物好地道高質完全唔會感到油膩 好驚喜🥰.▪️江戶前天丼 $138穴子、海老、小柱魷魚天婦羅餅、溫泉蛋、海苔、莢豌豆.▪️上天丼 $118白身魚、海老、小柱魷魚天婦羅餅、溫泉蛋 、海苔、莢豌豆.招牌穴子天婦羅長達30cm 好癲好正❤️超厚肉身 肥美軟滑 好奢華嘅美味😋.原來傳統天丼會將新鮮炸起嘅食材放上飯面再均勻淋上天丼醬汁每件天婦羅適量沾有醬汁 唔似普通天婦羅脆口 更能重現江戶時代風味～.呢餐飯質素好地道 一定會再幫襯！

星期日見咁啱嚟到奧海城,又係晚飯時間,就食咗呢間bookmark好耐嘅天婦羅餐廳.大概七點半,入面幾乎滿座,但係只需等五分鐘就能安排入座 （很好）點左一份江戶前天丼,本身對呢度有一定嘅期望,因為話曬專食天婦羅.但係食物一到,一夾,就知奶嘢.首先肉眼望落去已經見到油溫控制/瀝油有問題,因為我對天婦羅追求就係,乾身,皮漿薄脆,唔油膩.但係肉眼好明顯已經好油膩,唔乾身一夾蝦,咦,真係唔脆喎,一夾就感受到軟雖然佢嘅天婦羅已經有用醬汁喺面度會令粉漿受潮變軟,但係佢軟嘅程度我接受唔到.至於食落去我就覺得過份油膩,食唔出佢嘅芝麻油有咩特別香口,反而感覺係萬年油多d,炸糠既唔特別鬆脆.至於食物材料本身質素冇問題嘅.只係我覺得佢哋油溫同炸糠唔係太理想.天婦羅份量就足夠,飯嘅quality都ok.但係飯既份量就有少少被騙.碗外面睇好似好深,其實好淺.總結,呢間食過一次就夠.

我最近光顧了金子半之助，嗌左期間限定的牡蠣車海老天丼而另一個期間限定係車海老帆立貝天丼，我要讚揚他們的海鮮新鮮度。牡蠣和車海老都是新鮮的，有豐富的海洋風味，而且炸得剛剛好，外脆內嫩。每一口都充滿了鮮美的味道，真是讓人回味無窮。此外，他們的天婦羅技巧也非常高超。而且秘制醬汁配上薄脆的炸粉牡蠣和車海老，炸得金黃酥脆，一咬下去就能感受到它們的鮮美和口感。更令人驚喜的是，天婦羅不會過於油膩，保持了食材的原汁原味。胡麻油制成撲香撲鼻～儘管這道牡蠣車海老天丼在價格上可能稍微高一些，但它絕對值得每一分錢。新鮮的海鮮、炸得恰到好處的天婦羅和出色的服務，結合在一起，營造出了一個令人難以忘懷的就餐體驗。總結而言，這家餐廳的牡蠣車海老天丼是一道令人垂涎欲滴的美食。如果你喜歡海鮮和天婦羅，我強烈推薦你來試試這道菜，相信你也會被它的美味所征服！

我最近光顧了金子半之助，嗌左期間限定的牡蠣車海老天丼而另一個期間限定係車海老帆立貝天丼，我要讚揚他們的海鮮新鮮度。牡蠣和車海老都是新鮮的，有豐富的海洋風味，而且炸得剛剛好，外脆內嫩。每一口都充滿了鮮美的味道，真是讓人回味無窮。此外，他們的天婦羅技巧也非常高超。而且秘制醬汁配上薄脆的炸粉牡蠣和車海老，炸得金黃酥脆，一咬下去就能感受到它們的鮮美和口感。更令人驚喜的是，天婦羅不會過於油膩，保持了食材的原汁原味。胡麻油制成撲香撲鼻～總結而言，這家餐廳的牡蠣車海老天丼是一道令人垂涎欲滴的美食。如果你喜歡海鮮和天婦羅，我強烈推薦你來試試這道菜，相信你也會被它的美味所征服！

今晚約咗朋友喺奧海城食飯佢介紹呢間金子半之助 話天婦羅好食  就去試下 我諗唔到食咩所以揀左貪心之選迷你天丼 同 稻庭烏冬（凍）既組合天丼既天婦羅有菇、海老、南瓜 、紫菜、豌豆 、溫泉蛋一黎到天婦羅勁香 原來係用日本特製高級胡麻油食得特別放心食落好脆口 粉槳薄 仲食到材料既鮮味 最鐘意天婦羅蝦 蝦肉嫩又彈牙 炸溫泉蛋最有驚喜 外面脆卜卜 裡面仲可以係流心 配飯食一流 仲有佢既古早秘傳醬汁淋落天婦羅一齊食 更好味另外仲有冷稻庭烏冬 烏冬好幼身 冷湯清清地 跟芥末一齊食 而家熱辣辣食就岩晒 朋友話佢食過招牌穴子天婦羅又長又厚肉  好好味 但佢今日揀左限定既牡蠣車海老天丼天婦羅 有牡蠣、車海老、小柱魷魚天婦羅餅、莢豌豆、海苔、温泉蛋蠔有三隻 但都好大隻 車海老有兩隻 蝦都幾嫩小柱魷魚天婦羅 個魷魚食落好軟熟最後想講佢地提供既黑豆茶好貼心幫助消脂解膩 所以食多幾次 熱氣野 都唔驚

香港係美食天堂，日本菜式不用去日本都可以品嘗到！今次試試江戶前金之半之助！車海老帆立貝天丼$168期間限定，北海道直送鮮美帆立貝，炸得酥脆又有口感，海老好大隻！好有蝦的口感，啖啖肉質！令人回味😋迷你天丼，稻田烏冬$118感覺唔迷你，鳥冬配上湯，再加上盒子的配搭，喜歡咩都可以放，溫泉蛋半熟、拌著溫泉蛋汁一起進食，真好似返到日本的感覺。天丼配天婦羅🍤炸物都係外脆內保存質感！還可以升級加上其他炸物！最後可以慢慢品嘗餐廳的特色黑豆茶！

今日難得好天又熱熱地，行過去奧海城搵下野食先見到呢間日式食肆，入去試試先💁🏻‍♂️呢間店名金子半之助主打係炸天婦羅丼飯，店面乾淨整潔，坐既位置都尚算闊落講吓叫咗咩先:江戶前天丼-份量十足豐富、有超長穴子、魷魚粒粒餅、海老、炸紫菜等等，最正係個魷魚餅同穴子，同樣外脆內嫩，再配合埋佢嘅秘製醬汁簡直冇得輸☺️上天丼-都係份量十足，赤甘鯛、海老、魷魚粒天婦羅餅，最正係大大條赤甘鯛，可以同江湖前天丼個鰻魚互相輝映總結：呢個價錢對得住個質素，Cp值滿滿，同埋食量大嘅人岩哂，因為一個人食哂成個真係好飽(對我嚟講)

又到牛媽去覓食既時間啦！今次牛媽同牛仔齊齊去左金子半之助品嚐美食！牛仔身為湯面同飯飯達人，當然唔少得叫個Mini 版天丼(軟殼蟹）同稻庭烏冬（溫）啤佢食啦！而牛媽就order 左特選丼車海老帆立貝天丼🍤 每一樣天婦羅等海鮮都非常鮮味十足！天丼上面既天婦羅有別於其他天婦羅口感，不是脆口的，但非常入味！因為用上傳統做法既天丼會把新鮮炸起既食材放上飯面，然後再均勻淋上天丼醬汁，目的是要每件天婦羅都能沾上醬汁😋每一件天婦羅都均勻沾上醬汁，非常入味💗Yummy! 所以天丼上既天婦羅並不會像一般天婦羅脆口，追求既係每件天婦羅都能適量沾有醬汁💕而金子半之助使用古早秘傳醬汁，更能重現江戶時代風味❤️牛仔非常喜歡其醬汁，食哂一整碗飯，非常滋味！仲有金子半之助採用日本特製高級胡麻油, 胡麻油製成既天婦羅更加芳香撲鼻同色澤會較深及豐富，賣相更加靚🥰 打卡影相都好靚📸除此之外，最特別是用來乘載天婦羅既丼碗係運用左源自江戶時代陶瓷工藝，佐賀有田燒來製作，碗底部份特意做成空心設計，為更能保持碗中食物溫度，由外觀賣相到實用性，都是一絕的江戶前味道！😋 牛媽大推薦！👍👍👍

近排成日心思思想食天婦羅，心中即刻諗起金子半之助，之前食過佢嘅天丼真係好好食😋呢排期間限定出咗🍤車海老帆立貝天丼 $168配料除咗車海老、帆立貝，仲有小柱魷魚天婦羅餅、莢豌豆、海苔、溫泉蛋！每件天婦羅都即叫即炸，而且淋上醬汁，酥脆好味迷你天丼 配稻庭烏冬 $118呢個之前我都食過，都有介紹過，水準keep 到！店員會俾個木盒，入面有鰹木魚、蔥花、海藻、天婦羅碎同溫泉蛋，可以按個人喜好隨意添加迷你天丼入面有菇菌、海老、南瓜、莢豌豆、海苔和溫泉蛋。份量都唔少架！之前食過江戶前天丼，佢嘅九吋海鰻天婦羅真係令我好難忘，一於追㗎，好少食到脆卜卜嘅鰻魚，好味我最鍾意就係佢嘅黑豆茶，真係好香好好飲，又健康

今次仍然係奧海城搵食😆想食日式，想食飯又想食烏冬，見到呢間餐廳有個丼飯加烏冬餐，Then Why not both🤣🤣🤣迷你天丼 ＆ 稻庭烏冬 $118先講天丼，本身見到d色咁深無抱有太大期望🫠但原來食落真係超脆😍天婦羅漿好薄身，好脆口，食埋入面既材料比如蝦，真係不得了🤣 下面嘅飯都淋上左特製嘅天婦羅汁，甜甜地，好好食🤤稻庭烏冬我叫左溫，即係熱嘅。上到枱店員話等一等，仲有野未到，我🤨？？ 點知原來係一大盒配料😱入面有海苔，雞蛋，蔥等等，比你可以加埋落烏冬食😆我就揀左蔥同海苔，試下烏冬同湯底味道😚我覺得烏冬雖然扁身較幼，但係都比較滑，湯底都清清地，配上蔥就好清新🤤午飯時間人很多，今次等左一陣就入到😊整體味道唔錯😊