金子半之助 (奧海城二期)

Open Now

Now Closed

朋友想食天婦羅，去左有幾間分店的金子半，隔離枱係日本人，跟佢哋叫餐😂車海老帆立貝天井-有兩大隻車海老，肉質爽甜，炸後完全冇過熟-帆立貝3-4大粒，十分有驚喜！鮮甜十足。-小柱魷魚天婦羅餅，魷魚厚切粒後加埋小柱一齊炸，有鮮度有口感。-佢唔係傳統的天婦羅的脆口，而係炸後會淋上天丼醬汁，令每件天婦羅都能適量沾有醬汁，係江户時代的風味。迷你天井+稻庭烏冬-迷你天井一啲都唔hea場，有海老南瓜菇海苔同重點溫泉蛋天婦羅。-溫泉蛋天婦羅戳開後滿滿的蛋黃汁，完全可以餸哂飯。穴子-招牌穴子有30cm長！肉身肥美, 嫩滑。-真的食到穴子的魚鮮味

今日陪同事去大角咀睇樓, 睇到夜左, 由於唔熟哩頭, 唯有係奧海城食飯.鍾意食日本野O既我地, 就揀左間日本野入左去裝修都幾靚, 充滿和風色彩原來哩間野係食天丼, 天婦羅丼飯.. 唔怪得知入面充滿住炸野O既生鮮味道, 入到去已經食指大動等左一陣, 個飯好快就送到上黎, 我就嗌左江戶前天丼, 朋友就嗌左迷李天丼 加 凍稻庭烏冬個江戶前天丼真係好誇張, 天婦羅鋪滿左個飯, 有穴子, 有蛋, 有紫菜, 瓜之類佢個天婦羅係炸完之後蘸左汁, 所以好夠味, 又唔會太乾, 特別係穴子, 真係勁正的, 食落有魚油香得黎, 入面D 肉又夠嫩食到一半, 再破開隻半熟蛋, 蘸埋D 蛋汁一齊食, 又係第二種享受另外就嗌多個天婦羅蔬菜拼盤, 飲食要均衡丫麻哩個天婦羅就脆D, 夠香口, 有菇有菜有瓜咁, 佢仲有多個汁比你蘸咁就唔怕唔夠味睇真D, 原來哩間野都有好多分店, 足料得黎又唔太貴, 下次要ENCORE 先!!

喺奧海城想食一餐美味又穩陣既飯，金子半之助係我嘅不二之選😎每次入到去，都已經聞到香噴噴嘅味道好想快啲食到佢哋嘅天婦羅車海老帆立貝天丼每次嚟到都會首先睇吓佢哋嘅特選天丼，因為會轉換款式，可以食到季節性時令美食😎今次就係帆立貝！有三粒咁多啊！真係好滿足，厚身！鮮甜！配上巨型嘅海老同樣係海鮮，但口感就好唔同成個飯真係勁豐富☺️☺️屋企人就揀咗迷你天丼+稻庭烏冬嘅組合可以同一時間食到烏冬同埋飯烏冬可以選擇凍或者熱我哋就揀咗熱嘅烏冬，飲啖熱湯，個人都舒服啲☺️☺️點咗烏冬嘅客人，都會收到一個木盒，裏面有一隻雞蛋可以打落去碗麵度，仲可以自己自由添加蔥花、海帶等等嘅配料，令到烏冬嘅口感層次更加豐富，又加添一啲清新嘅感覺最有驚喜嘅係迷你天丼入面嘅依一件菇菇味非常香濃！外脆內軟，好好食！

迷你丼拼烏冬$118:份量不多 味道一般 左面個碗好細as expected (迷你丼) 右面個烏冬亦很普通上面嗰啲餸係佢俾一個盒你，自己夾落去的迷你丼拼烏冬升級雞丼$136:沒收了飯上面嘅海老同蛋一開始以為d雞未上原來碗上面左上角嗰塊深色野已經係只係一塊葉包住一塊1mm厚既雞塊野大概3隻手指面積😑搵笨⋯⋯完全唔夠飽 要去老麥加雞仲有QR code手機落單 又要出去counter俾錢 仲夠膽收加一人均消費$145

今日晏晝去到奧海城嘅金子半之助，一場日式天婦羅盛宴開始啦！雖然選擇唔多，但每款都想食，最後揀咗"江戶前天丼"、"迷你天丼"同埋"野菜天婦羅盛盒"。餐廳環境舒適，非常適合同朋友聚餐。江戶前天丼4.7/5⭐️穴子、海老同小柱魷魚天婦羅餅，外脆內軟，味道恰到好處。配上溫泉蛋、海苔同英豌豆，每一啖都係一種享受。穴子鮮美，海老彈牙，小柱魷魚帶點脆口。特別要提嘅係溫泉蛋，綿滑得黎仲帶少少香濃，整個江戶前天丼更加美味可口。迷你天丼4.5/5⭐️菇菌、海老、南瓜等食材經過精湛嘅油炸技巧，變成令人垂涎三尺嘅迷你天丼。各樣食材嘅特色都完全保留，海苔同英豌豆都為呢個迷你天丼增色不少。南瓜腍度適中，菇菌鮮味十足，海老則為一切畫上完美句號。野菜天婦羅盛盒4.3/5⭐️茄子、南瓜、菇菌等經典日式天婦羅，呈現出一道細緻嘅野菜天婦羅盛盒。茄子炸得恰到好處，入口即化；南瓜經過天婦羅處理後，口感變得更加豐富。總結：金子半之助絕對係一間值得一試嘅日式天婦羅餐廳。每一道菜品都充滿驚喜同美味，令人回味無窮。下次仲會再嚟試下其他款式嘅天丼同拼盤。

剛剛從日本旅行返嚟只係一個星期就掛住日本，想尋回個種味道，就嚟食金子半之助既丼飯同烏冬，不過午餐時間去要排隊半個鐘。餐廳奉送任飲黑豆茶，好有益，可以改善睡眠質素、降三高。👍（冷）迷你天丼＆稻庭烏冬：雖然話迷你，但我覺得份量都唔算少，可能有烏冬又有丼飯。溫泉蛋一切開爆漿撈飯食真係好食到不得了。烏冬麵條係幼身，點湯汁時好吸味，麵條口感煙韌。海老肉新鮮，炸皮脆薄。超滿足呀

今日去探朋友來到大角嘴奧海城，佢話想食呢間，但每次都要排隊，難得今次有時間等。我揀咗：上天丼/丼飯有赤甘鯛、海老、小柱魷魚天婦羅、溫泉蛋、海苔、莢豌豆，仲有麵豉湯。炸物睇落去感覺上食落應該好硬、粉漿好厚咁，但原來！唔係！ 炸漿係好鬆軟，薄薄的，一點都唔覺得有負擔。溫泉蛋超正，外皮輕輕炸過，裡邊仲係流心，用嚟撈飯一流。赤甘鯛甘香，魚油豐富。丼飯食到底下都仲有醬汁，不會齋食飯淡而無味。

今晚和朋友來奧海城品嚐日本過江龍天婦羅丼飯店金子半之助，七點多來到還有位，接著就有時候需要等位，因為餐廳受歡迎而且不算太多座位。這裡的天丼天婦羅用上傳統做法，將各種食材新鮮炸起放在米飯上，然後再均勻地淋上天丼醬汁，令每件天婦羅都沾上醬汁，吃的時候不需要額外沾醬，所以天丼的天婦羅並不是脆口的啊。另外，餐廳採用日本特製高級胡麻油製作天婦羅，胡麻油製成的天婦羅會較深色及較香，不要誤會它是炸得過火呢。車海老帆立貝天丼$168滿滿的材料鋪滿丼飯上，包括有車海老、帆立貝、小柱魷魚天婦羅餅、莢豌豆、海苔、溫泉蛋，全部新鮮炸起，薄薄的炸漿粉令咬下去即能品嚐食材的原味，因為喜歡海鮮而選了這期間限定的天丼，車海老是大大的蝦隻，有兩件，它口感實在鮮味，很有蝦香，而不像其他同類的蝦通常都是空虛感及淡味，這個蝦很讚呢！帆立貝亦很新鮮，而且肉感嫩嫩的，不會過火，小柱魷魚十分特別，口感彈牙不靭，吃到一半將溫泉蛋爆破，更添滋味，我們發覺天丼醬汁在飯底，攪拌後吃份量剛好。迷你天丼&稻庭烏冬$118一個女生的話，吃這個餐也不錯，有海老、菇菌、南瓜、海苔、莢豌豆、溫泉蛋，海老同樣的新鮮但比車海老小隻，其他素菜類也很對味，特

不用排隊的小確幸｜日本過江龍天婦羅店是我吃過最豐盛的天婦羅🍤不用配醬汁也可以炸的香脆 內裡的肉汁也保留還有飯 真的捧住肚子飽了一整個下午平日大排長龍 昨天中午去到不用排隊呢🍀杯內有豆，沖茶喝，很濃豆味，好喝，消濟解膩。環境舒適本來門外看 以為是吧台 吃烏冬拉麵之類但原來是有四人枱 可以跟數位朋友聚餐不錯的選擇當然有得book枱會更方便gathering!價錢也很合理下次再來想試下車海老呢款👆🏻今次就是吃了這款

想食炸物天婦羅「金之半之助」係我首選。甫進店內已傳來陣陣油香，環境當然是以日式料理設計，簡單舒服，坐低慢慢再聽到日本江戶時期音樂，真有如置身日本江戶年代，係欠缺身上一件和服。🤣餐牌選擇不多，主要集中天婦羅定食，有飯及溫/冷烏冬。🥢（溫）迷你天丼+稻庭烏冬嚴選芝麻油炸成天婦羅，香脆可口入口即化一點都沒有油膩感，實屬美味佳餚。日本稻庭烏冬，清爽幼滑盡吸湯汁，同樣是滋味無窮。

又到牛媽去覓食嘅時間啦！每次經過呢間餐廳都會見到大排長龍，天婦羅嘅種類，亦都非常之多，有海鮮類、蔬菜類等等，任君選擇！軟殼蟹天婦羅係牛媽必點嘅！最特別嘅係佢哋嘅天婦羅汁，加入米飯，甜甜地，非常美味！！！

在餐廳門外看餐牌時覺得很吸引，入座後2個人都叫了軟殼蟹丼。上餐後很失望，首先，天婦羅炸粉不穌脆，顏色不是金黃色，好像是千年油炸及擺放太久後才上餐。然後炸物不飽滿及没有海鮮的味道，口中只有炸粉味。再來，飯量原來只有飯碗的1/3 高度，飯碗設計是2/3 實心的。最後，差不多$175 一個天婦羅飯，而且味道真的很一般。後來發現是日本top 1 過江龍，真的名過於實及很失望。不會再光顧。

卜卜脆又香又唔油用黑芝麻油調配嘅醬油鮮香味甜令人食過返尋味餐廳以日式木系裝啲潢感覺溫暖舒適每枱都會設有黑豆麥茶味道香順養生😌🔸江戸前天丼（$138）有超大條星鰻，口感綿密。仲有海老、小柱魷魚天婦羅餅、溫泉蛋、海苔及莢豌豆，炸得好酥脆！黑芝麻醬油咸咸甜甜，好香！附有味噌湯、海藻子薑都好好食😋🔸天丼（$98）有菇、海老、小柱魷魚、溫泉蛋、海苔、莢豌豆，將半熟流心蛋伴飯，配上美味醬汁，煙韌蛋牙嘅日本米飯，一碗食哂話咁易！🔸帆立貝鱿魚天婦羅餅（$28）最愛❤️每次必加點！帆立貝粒粒彈性鮮甜，正！🔸PREMIUM MALT'S （$48）🔸可樂（$13）

淋嘅tempura, 除咗特製豉油同啲飯好味之外，真心失望😞 價錢都公道，但以為日本過嚟開會有保證，點知。。。☹️ 希望餐廳睇到啲負平會改善啦！希望下次嚟會有進步。

有時放工鍾意向下奧海城，地方大又唔係太多人，而且仲有好多美食，巴士站旁邊近門口位置就有一間我很喜歡的日本店 金子半之助，當年喺日本橋一試愛上。最喜歡追加小食，赤金鯛 、帆立貝魷魚天婦羅餅，百吃不厭，再嘆番杯黑豆茶，開胃等食天丼。江戶前天丼必食推介！陣容強大，江戶前天丼、味嚐汁、漬物，望落去整體感覺好完美。穴子、海老、小柱魷魚天婦羅餅、溫泉蛋、海苔、莢豌豆，全部口感鬆脆，外脆內軟。當中最令人心動的就是穴子，這裏的招牌菜式之一，穴子天婦羅長達30cm，打卡神器。穴子即是 「星鰻」，肥美軟滑，肉質纖細，口感相對緊實，30cm 長大尾穴子，原汁原味非常滋味。一邊食一邊聞到好香嘅麻油味，來頭不小，金子半之助 用的是日本特製高級胡麻油，令天婦羅芳香撲鼻，加上色澤會較深，味覺和視覺的享受。迷你天丼, 稻庭烏冬 (溫）這裏吃溫暖的稻庭烏冬非常有儀式感，每次來我都要吃一碗，大大的木盒，五種不同的配料，加上溫泉蛋，蛋汁沾上烏冬食，味道層次，更加豐富。迷你天丼，細味當中的古早秘傳醬汁，傳統做法的天丼會把新鮮炸起的天婦羅放上飯面，然後再均勻淋上天丼醬汁，每件天婦羅都沾上古早秘傳醬汁。雖不像一般天婦羅脆口，但金