金子半之助 (利東街)

Open Now

Now Closed

週一原本約咗表妹去飲Happy Hour放題啤，點知收得工黎已經過哂鐘，兩口子見肚餓就決定喺附近搵食，結果就行咗入去金光閃閃嘅「金子半之助」。天丼專門店置身於利東街上，交通四通八達，重建之後戶外商店街尤其光鮮，真係連空氣都清新咗好多。地舖以木為主嘅裝潢和風味濃，門外簡單貼出熱門優惠詳情以吸引顧客。小店嘅開放式廚房設於正門右方，食客可一覽無遺，師傅仔個個帶哂口罩同手套，地方企理衛生得很；意外地飯前飯後都冇乜油煙味，明顯抽氣系統有返咁上吓！室內光線充裕，樓梯級上及廚房邊有兩排吧位，抗疫期間均有膠版隔開。原來內側仲有幾張四人散座，建議非高峰時間可以揀坐入去，私隱度高啲，而且多啲空間。埋位時，哥哥仔即送上兩隻內含黑豆嘅茶杯，並告知黑豆茶營養價值高，除咗美肌補腎，更有助清熱消脂，明顯係暗示食多多天婦羅都唔怕油喎，認真識做生意！點菜全面電子化，只需掃掃二維碼即可自助落單。餐桌上亦有擺出彩圖餐牌供貴客參閱。另附有正確品嚐天丼嘅教學方法，果真夠專業。雖然話有任飲黑豆茶，受西方教育嘅兩老表依然難敵引誘，嘆咗兩輪「金裝三得利生啤」（$48/杯）解一解暑。以托盤呈上嘅晚餐都包有味噌湯及爽脆醒胃嘅漬物。最愛食

利東街金子半之助餐廳雖然比較細但有兩層頗為整潔及乾淨必食熱門「天丼」天婦羅超高水準粉漿很薄很細果然是天婦羅專門店食落口不會覺得太油膩軟殼蟹，天婦羅蝦，魷魚肉質鮮嫩，保持鮮味，十分有咬口份量亦算很大配合白蘿蔔，昆布薑更加惹味開胃Cp值超高

今日嚟到灣仔利東街見到呢間餐廳出面排長龍所以想試一試究竟係咪真係咁好味呢間餐廳主要係食天婦羅飯餐廳係自己用電話掃QR code落單 好方便每一台仲有一個食用指引俾大家建議大家點樣去享用呢個天婦羅飯我叫咗期間限定嘅車海老軟殼蟹天丼有海老, 軟殼蟹, 溫泉蛋, 海苔, 魷魚非常豐富而且好香 雖然樣樣都係天婦羅但唔會太膩亦都嗌咗呢間店好出名嘅江戶前天丼有一條好長既穴子overall 味道都好味 份量好大份好飽 我食左一半都食唔哂 亦都會想再光顧多次

今晚自己一人去咗呢間食，雖然舖頭細細，但感覺好乾淨、舒服。佢有高低兩層。同埋我叫咗一個迷你天丼 & 稻庭烏冬 (冷)。另外，再叫咗一碟小柱魷魚天婦羅。其實我甚少食冷烏冬，總覺得熱騰騰嘅烏冬先至好食。今次又貪得意試吓冷烏冬，但個感覺又唔錯喎，烏冬非常之滑。迷你天丼有菇菌、海老、南瓜、海苔、莢豌豆、溫泉蛋。其實初初見到外貌，我都會覺得會唔會好熱氣😂。因為真係全部係炸物。但食落去，唔覺得好肥膩，又唔算好熱氣😅。無論菇菌、海老、南瓜、海苔、莢豌豆、溫泉蛋，甚至係另叫嘅小柱魷魚天婦羅都好好食，食得出裏面每樣食物嘅味道。同埋其實只係平時晚上，並唔係星期六日，但不斷都見有顧客光顧，可見生意不錯，口碑應該亦都唔差。依間係值得一試。

🍱車海老赤甘鯛天丼 💰133->130.1 (Openrice外賣自取85折)穴子 海老 小柱魷魚天婦羅餅 海苔 莢豌豆 🍱上天丼便當 💰113->96.1白身魚 海老 小柱魷魚天婦羅餅 海苔 莢豌豆 🍱天丼便當 💰93->79.1菇菌 海老 小柱魷魚天婦羅餅 海苔 莢豌豆 疫情期間唔敢堂食 本身擔心買外賣返到嚟食會淋晒唔好味 但打開發現仲熱辣辣 而且天婦羅仲依然好香脆 🍤三個級別嘅丼飯差別在於個海鮮嘅唔同 但我哋都覺得就算最平嘅菇菌都整得好好食😍菇菌雖然炸咗 但仍然保持到入面嘅汁好juicy🤤其他嘅天婦羅都好新鮮 炸粉唔會過厚亦唔會好油膩👍🏻仲有醬汁撈飯 三兩下子就扒晒成盒飯 好飽😋外賣都可以食好啲系列😊

寒冷落水天氣🥶凍到不想煮飯、又不想出街食，唯有叫收工後的爸爸出動，順道到灣仔這間以往排一直都排長龍的《金子半之助》日本料理餐廳點餐，提取他們幾款最出名的《江戶前天丼便當》丶《迷你天丼&稻庭烏冬》及《天丼便當》快速駕車回家！到了家時便當還是熱騰騰丶香噴噴的😋，外賣包裝美觀丶穩陣丶衛生👍🏻，美味可口的Tempura，雪白的珍珠米粒粒都煙煙韌韌，我們不到20分鐘就清晒🤪！我極力推薦，值得再幫襯😘

Previously saw a lot of people queuing outside the shop, so thought to give it a try today. Arrived around 12nn, but maybe due to the rainy weather and omicron situation, there is no queue. 1st table to be seated, slide my way to the table over the greasy floor, scanned QR to see a couple of options, ended up ordering a small tempura with a bowl of Udon. Food arrive after around 10-15 mins. Tempura not too crispy, rice is quite soaked with soya sauce, the soup of Udon was very salty. Sorry but I

🎈#cathlife_yum 金子半之助⛳️🌸過江龍炸物丼飯🌸🌸超長海鰻🌸🌸流心炸蛋🌸════════════════════🔸 「江戶前天丼」(̆̈$̆̈1̆̈3̆̈8̆̈)̆̈🌟超長海鰻🤩肉質鬆化，沒有特別調味，味道不算突出🌟喜歡吃炸魷魚的話，這個丼飯裡的小柱魷魚天婦羅餅也推薦，口感不太韌［內有：海老、小柱魷魚天婦羅餅、穴子、海苔、莢碗豆］.🔸 「上天丼」(̆̈$̆̈9̆̈8̆̈)̆̈🌟白身魚肉質會腍啲，炸完不會好乾🌟這個配合和份量與價錢合理［內有：海老、小柱魷魚天婦羅餅、白身魚、海苔、莢碗豆］💬店內有參考食法，亦附有醬汁💬—————————————————————加一服務費❌訂枱服務 👉🏻滑到最左看餐牌和價錢牌📋.💞回頭指數：5/5💸人均消費：～HKD150•🈶∎ 金子半之助（灣仔）📍灣仔皇后大道東200號利東街地下G16號鋪🚉灣仔站B出口，步行約3分鐘☎️餐廳電話： 22679922🕰營業時間：11:30-22:00&🈶 ∎ 金子半之助（葵芳）📍葵芳興芳路223號新都會廣場1樓107至108號🚉葵芳站A出口，步行約3分鐘☎️餐廳電話：26618212🕰營業時間：11:30-22:00

the tempura was disappointing and very soggy especially given it cost almost hk$130 for a bowl of noodles and a small bowl of rice with tempura, not worth the money at all, expected tempura to be crispy at least.moreover, the floor was so greasy that I almost slipped. quite dangerous!

🇯🇵幾年前去日本旅行嘅時候係東京幫襯過嘅天丼，之後做過江龍黎左香港開舖都一直未有機會品嘗，今次平日難得行開利東街，一於入去搵一搵翻日本嘅感覺先😝🍤天丼 $➒➑有食過嘅朋友都會知佢嘅天丼都分左唔同嘅level，價錢由$98 至$158 不等。今次先試試佢最受歡迎嘅標準天丼，價錢係幾款裏面最平，但食物嘅質素一啲都唔差㗎，有2隻細細嘅蝦、2紮菇菌、一隻小柱魷魚天婦羅餅、溫泉蛋、海苔同埋莢碗豆。咁多款餸就以🍄菇菌天婦羅最impressive。咬落去入面嘅菇爽口同juicy，外面包住薄薄天婦羅炸漿。炸物淋上秘製醬汁，珍珠米飯索左啲汁就更滋味，彷彿食翻日本地道嘅風味。飯碗有少少欺騙嘅成份🤣因為佢個碗底勁厚，眼睇同真實份量差左30% 左右😆不過以男仔黎講食呢碗天丼都有7-8 成飽，畀定個會畀欺騙嘅心理準備大家先🤣📍金子半之助灣仔皇后大道東200號利東街地下G16號舖

見fd子食過我又探下店先～ 睇相佢地d 天丼大大碗好鬼吸引🤗 鋪頭用手機落單，枱頭有教你點食天丼，而且係用黑豆茶招呼你～食左期間限定“車海老赤甘鯛天丼”，真係好大碗，上菜時唔太脆，但隻蝦夠大，配料一絕～赤甘鯛好好食～欣賞佢既炸魷魚天婦羅餅，一啖一粒好正，重有炸溫泉蛋𤏪飯一流😎食後感覺呢間CP值幾高，大大碗又多料，係香港算係咁啦～😄😄下次recommend大家叫烏冬，上菜時有埋配料架俾你夾下玩下🤗

去會展參觀完展覽後去醫肚。好掛住日本，所以選吃日本菜！上次路過見到排長龍，怕怕！今次早了一點到，不用排隊，二話不說直入😁一打開menu，便看中這條30cm長的大尾穴子，wakakaka😁😋，立即下單。🍱 江戶前天丼（穴子、海老、小柱魷魚天婦羅餅、温泉蛋、海苔、莢豌豆）$138⭐️⭐️⭐️⭐️⭐️和朋友二人坐吧枱，看著廚師煑，超開心！師傅炸工了得，炸漿薄而脆，食材又新鮮，穴子超長，啖啖肉，正！海苔和温泉蛋有驚喜，後者炸後裏面仍是半熟，勁！好好味！小柱魷魚不硬而juicy！飯的醬汁好好好好好味！🍱迷你天丼配冷稻庭烏冬（海老、菇菌、南瓜、温泉蛋、海苔、莢豌豆）$118⭐️⭐️⭐️⭐️稻庭烏冬凍食，温度恰到好處，入口清涼、又彈牙，好味喔！分量多得很，二人分享飽得很，幾乎吃不完！

同老公拍拖去，想去囍帖街影下聖誕樹，順便搵間近近地既餐廳食晚飯，就搵左呢間食天丼，哇！真係大伏😭.我地兩個都叫上天丼 HKD118 (白身魚、海老、小柱魷魚天婦羅餅、溫泉蛋、海苔、莢碗豆)餐附味噌湯及漬物.味道 ★ ☆ ☆ ☆ ☆去到舖頭先醒起我地食過東涌分店，個陣既感覺係差既，個間既天婦羅係超級油膩！諗住比多次機會佢，可能利東街分店好啲？原來仲差過東涌分店😖一分係比個飯，個飯係ok，唔係爛飯，汁都足夠，食飯飽哂。一上枱，我地見到d天婦羅炸得咁深色都深感不妙。六款天婦羅，得白身魚係微熱，其他都係凍🤷🏼‍♀️海老係好明顯淋哂，一夾起就彎左，唔記得影相🤦🏼‍♀️仲要蝦肉係「鞋」，唔新鮮唔好食！塊紫菜都係軟奶奶，全部炸物炸定哂，之後先上碗裝飾，但我地由order到上菜都等左一段時間，原來唔係即叫即整🤷🏼‍♀️。我地去食既時間係夜晚，仲要排隊先入到去，都係等一兩張枱，唔係好墟冚，都唔洗炸定咁多放係到攤凍…整體黎講係唔好食同埋佢都唔多款式比人揀.環境 ★ ★ ☆ ☆ ☆其實佢唔多位，同埋d枱都舊舊地唔算好乾淨。.服務 ★ ★ ★ ☆ ☆.價錢 ★ ☆ ☆ ☆ ☆CP值低到一個點，完全唔值118🤦🏼‍♀️

每次去利東街經過呢間舖頭都有好多人排隊！今日平日放假去以為會少d人排隊點知未夠一點都排成10個 😅 排咗成大半個鐘先有得入去！原來呢間天婦羅專門店大有來頭、係攞好多獎喺東京過嚟嘅！一坐低店員就送上黑豆茶！聽聞黑豆茶滋補美顏又可以減肥！仲要係自助我梗係唔執輸咁多幾杯！黑豆味都幾濃！每一杯都有幾粒黑豆 😹天丼都有好多款、花心想試多啲唔同款式炸物嘅我就揀咗「江戶前天丼」、因為呢一款有日本人稱為穴子的星鰻，相比起一般的鰻魚，穴子的脂肪較少，肉質更甘口鮮嫩，炸後酥而不膩。本身都鍾意食鰻魚所以想試吓！因為即叫即整嘅關係都等咗兩三個字先有得食！穴子目測有十幾cm！咬落去確實比一般嘅鰻魚口感滑啲林啲！重點係完全唔油膩！穴子上面仲有啲柚子皮口感好清新 江戶前天丼仲有兩隻炸蝦🍤天婦羅粉漿好薄、果然係天婦羅專門店 😹 炸蝦都唔細隻！魷魚天婦羅食落去非常軟熟容易咬開！炸蔬菜口感好特別、我食唔出係荷蘭豆定係枝豆！但係又幾清新 😹 第一次食炸豆天婦羅 😹珍珠米口感煙銀、份量都唔少！再配合埋甜甜地嘅醬汁真係越食越多 😮‍💨炸蛋口感外脆內軟、一咬濃郁嘅蛋汁爆曬出嚟！當然係日本蛋！配菜有漬物白蘿蔔、同埋昆布薑！食炸物配

我夜晚6點入座食，天婦羅炸出黎既色係深免色啡色，一睇已經覺得唔對路。相都唔想影。食落口我完全想拍枱走人，因為我以為我去左大家樂，個天婦羅淋既，係淋過林峰個隻淋喎，佢應該係放左好耐熱飯搞到淋哂，個蝦係雪味蝦，完全幼想唔車海老😒😒😒。之後，插對筷子入碗了飯，我當場呆左，個碗底原來裝假狗係中間就完，如果正常男人計係唔會夠飽。我真心覺得有10架直升機係頭頂。伏伏伏伏伏。158蚊一碗 8連賞既天丼💀💀💀，我真係呆到伏伏聲。我好少寫食評，今次唔寫搞唔掂。