蟹家鉄板燒 (Closed)

一早打去訂枱，去到間餐廳無咩人，佢將所有食客安排係入門口既一邊，得番最後一張枱就比較逼叫我地坐落去（心諗：咁洗鬼提早訂枱咩）我就話想坐第二邊，個侍應都話好，我一行入去係到望下有咩枱可以坐得舒適d既時候，個經理見到即刻問：你係到搵咩呢？（態度極差）我見有兩張鐵板枱，一張已經坐滿人，而另一張就無人坐，我就話想坐鐵板枱，個經理即時話：得，你想坐邊咪坐邊囉，但係唔會有師傅係你面前煮野架喎（態度極差），坐底左之後我睇下個餐牌，之後再問個經理，如果我叫鐵板咁會唔會有？經理又再話：唔會呀，因為而家得一個師傅，佢唔會走黎走去架喎（態度極差）最後叫左兩個餐，$480 左上圖，個2條蟹腳仔（乾既，一d都無鮮味）大既蟹腳都ok既壽C都ok蟹蓋蒸蛋（上面個少少蟹膏無乜味）高級蟹扒燒（佢個牛油溶左一齊食味道十分好食如果無牛油我諗就無乜特別）白灼毛蟹（有膏既，d膏好好食）刺身（夠凍，拖羅好好食）和牛鵝肝（和牛一般，鵝肝好食）銀雪魚（好滑），帆立貝（好有口感），蝦（鮮甜），露荀（好食既）佢話得一個師傅唔會係我面前煮，最後多order ,咪又走多個師傅出黎煮整體黎講野食就一般，但個經理態度極差，令我好唔愉快，最後埋單

話說今日係傻妹豬自己既八歲生日仔 蕃薯仔就比左個小驚喜比傻妹豬 帶我黎蟹家呢到食大餐!! 回味一下兩年前大阪既味道先講一下店內環境先喇~店內環境都舒服,有足夠既空間自成一角傾下計可以既話可以選擇望到海景既窗邊位又或者想熱鬧d既 可以選擇鐵板燒旁邊嘅位置睇住大廚大顯身手 至於我地呢 我地就坐左四人卡位 都勉強望到大廚同海景 同埋張檯夠曬大可以一次過放曬d食物 滿足! 講下d食物先 我地叫左個套餐仔同埋散叫左4樣野~ 蟹蓋蒸蛋~ 蟹扒燒~ 三色蟹肉軍艦~ 同埋椰汁芒果特飲~ 個套餐總共有9樣野食嫁👀 炒雜菜炒 + 蟹棒 + 牛肉薄燒(5成熟)- 炒雜菜: 普普通通 唔會話有太大驚喜- 蟹捧: 都ok 好多肉 不過同蟹扒燒d蟹捧相比 就真係兩個level- 牛肉薄燒: 原來有d香口野係入面 輕輕炸過既蒜泥同埋生洋蔥 建議個牛肉可以叫7成熟 可以逼下香料既香味 同埋口感應該會再分明d- 三色醬汁: 食落似胡麻醬 西柚醬 同照燒汁, 個人幾欣賞個西柚醬 清新得黎好開胃 牛肉點呢個醬都幾match 簡直可以將成個牛肉薄燒既味道昇華鯛魚刺身- 本時食鯛魚 有時會覺得偏腥 但呢個真係清得黎好鮮甜 正燒

是咁的~~一年一次同我女朋友仔慶祝生日 梗係要食豪d食好d啦大半年前同班同事黎過真係一試難忘 加上短時間內同唔到女朋友仔去旅行 於是就黎番餐港版蟹道樂啦！提早左個幾星期book定枱 驚星期日會爆爆地 不過去到個場都真係冇咩人（時間係八點半）唔理咁多啦 上次食過真係幾好食 一定要同女朋友仔黎食！！蟹家選擇好多 價格都屬於中上 有好貴嘅套餐亦有抵食嘅餐 亦可以散叫 按個人喜好而定 咁果晚雖然都肚餓 但因為食完晚餐仲要同女朋友食個甜品作為完滿嘅終結 所以最後決定叫一個一人餐再散叫幾款野食 咁就應該啱啱好喇叫左個三百幾四百蚊嘅一人餐 入面有鯛魚蟹腳刺身、燒日本蠔、炸蟹蓋、牛肉薄燒、炒雜菜、燒皇帝蟹腳、銀鱈魚西京燒、蟹湯同蟹肉飯燒日本蠔兩隻 上枱嘅時候未食得住 要俾佢燒多陣 睇住佢燒可以睇到d蠔有幾咁juicy飽滿 再慢慢收番d水入去 燒呢個唔需要熟曬先食 會搞到咁靚嘅蠔老曬d肉質唔夠滑 所以喺啱啱好熟左果陣食就最perfect 蠔味濃充滿肉汁 口感都好creamy冇金屬味 個人唔係咁鐘意金屬味重嘅蠔 真係好新鮮好好味呢個叫蟹扒燒 並唔喺個餐入面 係散叫嘅 記得咁樣就好似要二百蚊 但呢個真係必叫

The quality of the food and taste was just okay. Don’t expect too much and the waiting time was extremely long. Rather, what disturbs me most during my visit was the service by the manager and front line staffs. Some of the staffs was very polite. However, there was a young staff and a store manager that was terrible. The incident was there was a staff that was trying to sanitize the bench and table that was next to our table by spraying some chemicals which sets off some toxic smell. The staff

今天老公生日，所以訂了蟹家和他慶祝生日。我兩星期前預先book位，特別要求窗邊位置。侍應真的安排了，要是沒有要求，其實不預訂位置也可，因為我們吃完整餐飯，餐廳也只有得幾枱。我們叫了兩個餐一起吃，其中一個主要是食蟹的，感覺就像在大阪的蟹道樂。食物新鮮，個人比較推介蟹棒及鵝肝和牛，的確很好吃。我們另外叫了一個蒸蠔，好鮮甜，唔鯹。

5個人去食,4個食晒都仲差一個飯未到,追半個鐘,同第一個後生著西裝嘅追,睇都唔睇話嚟緊,15分鐘後年紀大d果個著西裝嘅問到齊未?同佢再追,又冇聲氣,到同個後生白衫哥仔講,佢先有回覆,其後果兩個著西裝先識講話而家炒,4飯1麵一齊叫,竟然話因為要排隊,其他都食晒啦,條隊點排㗎？由佢啦,叫左一個鐘嘅飯,追左半個鐘,個飯終於嚟到,3個人食都覺得好咸,都唔知係咪有心,最後仲比💰果時有coupon送,唔駛💰都唔會再嚟呢度食啦

朋友看了食評如此吸引，好想來試。於是book咗今晚我地三個女仔試下，一心來食餐廳的主打~北海道雪場蟹。點知order時，侍應說無來貨雪場蟹叫我地試下毛蟹講真，毛蟹能夠同雪場蟹相比嗎最終我地點咗一人份量($480)的蟹餐兩份，同散叫咗d串燒&廣島燒。老實說，蟹的分量已經唔多，呢個我地都預咗。但因為唔太好味，我就覺得收呢個價錢真係唔值囉！最離譜係果件細到迷你裝的蟹柳壽司，d蟹柳居然用凍肉店買的平平蟹柳真係嬲呀！超失望..總結，食物非常麻麻，無乜誠意！咁嘅價錢，直頭覺得被搵笨

在facebook看到介紹，剛巧約了朋友吃飯，於是就訂了位。食客很多，於是被編排到角落小房，有點可惜，因為並不是在窗邊，可以看夜景的位置。叫了$480的蟹餐 ，及$480的和牛鐵板燒餐，由於上茶的次序沒有固定，來甚麼就吃甚麼，所以如果不看餐牌，是分不到食物屬於那個餐的，因為和牛餐也有蟹，蟹之家，怎樣也有蟹的。蟹肉也足，款式則一般，聽到旁邊食客說這次食物比較咸，似乎水準不平均，和牛是薄燒牛肉捲，合格，但叫了5成卻變了9成熟，餐中有蟹肉炒飯，飯乾欠蟹肉，有點可惜。如果說食蟹，合格，但價錢實在貴了一點。

今日係雞年架 last working day, 去左 world trade 9樓食 lunch，叫左個燒牛肉定食，5成熟，好 juicy , 炒菜都好夠火候，唔會話半生熟就拎出黎。不過可能餐廳人手不足，服務員都忙個不停，等杯餐茶都等左10分鐘。下次都唔好在煩忙時間幫襯。個餐廳 view 係唔錯的。

unfortunately , don't expect too much from the staff , shorthanded and not friendly , except one .it seems like a problem with the upper management than first line staff .the food was somehow up to standard , tasteful and fresh . 

星期六Lunch time 去，通常都有位，坐得舒服。lunch set 包咖啡茶。我叫咗個蟹炒飯定食同牛薄燒、蝦、三文魚及帆立貝定食。佢嘅蟹炒飯好香，蟹肉好多，葱粒好香。飯質彈牙有咬口，湯係蟹肉味增湯，入面有一隻蟹鉗，湯底清淡，味增味比蟹味重。牛薄燒、蝦、三文魚及帆立貝都好好，牛肉薄燒餡料好足，多蔥係重點，牛肉味香濃，燒得啱啱好，唔會太老。 蝦肉彈牙爽口，唔似一般雪蝦。三文魚就熟左少少，無咩魚汁。帆立貝比較細仔，食落一般，仲有啲椰菜，炒得好香，唔會太淋。咖啡就麻麻地。蟹炒飯定食 $98 +10%牛薄燒、蝦、三文魚及帆立貝定食 $168 +10%.

我是被朋友的圖片吸引來吃的，餐廳的環境不錯，如果能被安排到靠窗位置，景觀是很不錯的。不過吃物方面卻有點普通。而且上菜很慢，感覺不夠人上班🤔🤔🤔🤔刺身新鮮，但份量少。吃蟹宴當然想更多蟹刺身，不過好圖所示，蟹肉就這麼一點點毛蟹伴著醋吃，味道還可以，只是說不上驚喜。燒蠔很大隻，爐也很精緻。賣相很好，可惜味道一般，沒想像中好吃同樣問題，蟹肉太少了。都不夠拌飯吃也是賣相好，味道很普通。總括而言：如果不是坐窗邊吃環境，其實不用花這麼多錢來吃蟹奉上其他食物照

蟹家午餐套餐有好多選擇。其實午市係開12點，雖然早咗到都可以比張枱我地坐坐！今次兩個人食咗牛肉火鍋定食同埋蟹及海膽雜錦魚生定食。定食好大份，又好好食。仲有熱飲嘅餐飲！牛肉火鍋雖然嚟到係十分熟嘅牛肉但係都好味。火鍋裏面其他冬菇豆腐蔬菜好入味。魚生飯好大碗，又有沙律好豐富！跟餐有蒸蛋，裏面有一粒白果，可能有芯所以苦（但係本人喜歡所以冇所謂）。伴餐亦有味噌湯，普通（咪就係味噌湯噉囉！唔須要形容，大家都明架啦！）。地方比較靜，食落覺得好休閒結論：好食！！！午市套餐大分夾抵食。非常適合食一個悠閒的午餐

話說我公司個頭QUARRY BAY 唔係有好多野揀， 要食開心lunch 既話有時會去cwb. 呢間都唔差ga. lunch 百幾蚊有蟹食，已經好開心喇！！！推介蟹鍋烏冬壽司定食, 好多蟹咁, 148蚊.. LUNCH 有蟹食!!! SUSHI 分開上, 當日用餐時, 店裡只有5成FULL, 可是人手不足..全店好像只有一個店員招呼人客, 見到都替他難過....另外個石燒蟹雜炊湯飯刺身定食 都係148蚊.. 相對就好似少左D蟹咁LOR..好似食UDON 會開心D~

[ 港版蟹道樂 | 頂住先🦀]••每月30號，男朋友都會同我食好小小🤗自從上次去日本食完蟹道樂，男朋友竟然無再抗拒食蟹😮今次呢間餐廳有80%似蟹道樂🦀(睇餐牌相)，都貴貴地，但都平過日本啦🤑-🔹蟹づくし 一人前($480)⭐️8.5/10有蟹腳、蟹刺身、蟹蓋蒸蛋、蟹扒燒、炸蟹忌廉餅、三色壽司、皇帝蟹鍋🍲其實真係好豐富😍蟹腳好鮮甜，我唔太識分點為止靚蟹，但好食就得啦🤗最正係蟹蓋蒸蛋，超滑呀🤤面頭鋪滿哂蟹子，蛋入面又有蟹肉👍🏻蟹扒燒都好正，點和牛d汁👅-🔹御殿套餐一人前($590)⭐️6/10無睇清楚就嗌🤷🏻‍♀️大部分都唔係蟹類，無咁合我口味，覺得$480個餐好好多🤔有毛蟹、4款刺身、和牛鵝肝、炸雪場蟹海膽、燒海鮮、蠔菇飯🍚刺身幾好，和牛鵝肝都正，其他都唔太鍾意😕-🔺侍應服務非常好，食物擺位都好有要求，真係幾似蟹道樂🦀🔺窗口位，我個晚仲睇到幻彩泳香江😂🌃--更多食評ig: hungrykays 🌸