東京淺草炸雞專門店 (黃大仙中心南館)

Open Now

Now Closed

Had dinner with friend tonight, there was no waiting and we were escorted to our table within minute.The restaurant although is small, but staffs members were friendly and always have a smile on their face. The lady took our order was friendly, efficient and very professional. I had the fried chicken in a set, the chicken was nicely fried, not too dry, the meat was moist and juicy. The taste may be abit blent however the sauces comes along with it enable me to increase the texture further. Never

Situated in a mall in Wong Tai Sin with direct access to the Wong Tai Sin MTR station, this Japanese restaurant has one specialty - Japanese fried chicken. There are a number of different lunch sets available and we got the one with 4 pieces of fried chicken.They were deep fried with a nice crispy coating, while the meat on the inside was tender and juicy. I like how they allowed you to choose 2  from a few sauces to dip your chicken in but it would've been nicer to have 3, would've made the sau

今日同屋企人黎開黃大仙，行過見到呢間炸雞好似幾吸引，咁岩有張四人枱就入去坐低喇。睇到menu啲相都lam lam脷呀！ 我地三個人叫左南蛮他他醬炸雞丼、香辣海老咖哩定食、秘製芝蔴蒜蓉炸雞扒三文治定食。佢地啲野食同啲相出入唔算太大，都真係整得幾靚幾別緻。炸雞件全部新鮮炸起！仲有肉汁㗎！連埋沙津醬食好夾呀！估唔到原來都幾高質素呢個飯個賣相雖然一般左，但係係濃味之選、亦都夠辣既！唯一要彈係個底啲辣油多左啲啲，配菜浸得有啲多油喇⋯兩款飯既配菜都有炸茄子、炸紅蘿蔔、炸薯仔。我地一致覺得炸茄子最好食！三文治餐望落都一樣係靚靚仔仔，雞扒夠大塊，一樣係好juicy! 薯角分量亦都好多！呢度地方細細但陽光充足，野食都幾滿意，食到飽晒非常滿足有機會試埋佢個晚餐先，應該更多選擇。

對這間食肆，心儀已久，但因為經常排長龍，好不容易今天晚上經過，因已過了飯市，所以沒什麼人 輪候， 叫了炸雞定食另加兩隻炸雞翼， 等了大概十五分鐘，食物來了。先吃另加的兩隻雞翼，炸得非常香脆， 特別是雞翼尖， 咬的時候發出清脆的 聲音定食中的麵豉湯，湯非常熱，首先已經合格了 ，味道不太鹹，少少的麵醬味，好飲將枱上的芝麻醬加在生菜上， 酸酸甜甜，非常解膩。 定食可揀選兩款醬汁，我揀了芝麻醋和甜芥辣味； 芝麻醋香、甜、酸，與炸雞是天作之合； 甜芥辣 沒什麼味道， 只覺相當清新； 主角炸雞一共有四件 ，外脆 內嫩， 非常可口。 雞是新鮮炸起的，所以非常熱氣，吃完口腔內好像有一團火。埋單 84個大洋，不可算是平，但亦覺得值。

karayama 淺草炸雞黃大仙分店為香港第一間開業既餐廳，仲記得第一日開業時超過100人於門外排隊，顧客打蛇餅既情況仍然歷歷在目。開業初期，由於太多客人關係未有一試，直到開業後一年才真真正正一試。1. 香炸雞翼及香脆雞腿肉定食淺草炸雞品種上較其他炸雞不同之處在於肉質較一般炸雞嫩滑，肉汁亦相對豐富，而且配搭兩款醬汁- 芝麻蒜蓉醬及果香鹽味醬，更能幾雞肉的味道層次提昇，濃郁的蒜香加強嫩滑的雞肉鮮味，而鹽味則刺激肉質口感，絕對加分！2. 秘製芝麻蒜蓉炸雞飯配沙律沙律飯是分店新推廣產品，相信是因為油炸食品太過熱氣關係，淺草炸雞才會推出沙律定食。與原有定食配搭的椰菜絲不同，沙律是配上生菜及紫椰菜，倒上獨家的芝麻汁非常醒胃。而炸雞同樣嫩滑，咬開一半肉汁流出，非常惹味。3. 白桃乳酸最後套餐加8蚊可配乳酸飲品，選了白桃乳酸，白桃汁味道濃，酸酸甜甜，配搭炸物享用非常搭配。

食炸雞唔一定要食韓式炸雞，日式都得，好似黃大仙e間咁，次次經過都大排長隊，好鬼吸引，今次終於去食左我叫左果香鹽味醬炸雞丼，因為即叫即做所以拎上手果時係熱辣辣，之後係附近搵個地方食，行左大幾15分鐘，到食果時都仲係熱嫁，個皮仲好脆雞肉滑嘟嘟，炸皮唔厚亦唔會炸過龍因為雞肉蓋住白飯，椰菜絲同蘿蔔絲，所以飯的時候會有炸雞的香味，飯都食多幾啖. 個醬好特別，之前從未食過Ｅ個味道，好開胃雞同飯的份量都算多，飯好似食極都仲有咁!!食完真係會好飽

講到韓國菜就係旺角，油麻地，尖咀得的韓燒，石鍋飯，炸雞。但去得多E幾個地方都會悶，所以今次係黃大仙食日本炸雞，每次經過都大排長龍搞到我又好想試，所以今次決心尼到無論排幾耐都要買。我叫左南蛮他他醬炸雞定食，因為係即叫即整所以等得比較耐。一拎上手係熱辣辣，屋企係附近，番到去食都仲暖的，而且Ｄ炸皮仲好脆，炸粉唔會太厚，所以一咬就會食到雞肉而唔係只食到炸粉。雞肉好嫩好滑又唔韌!!真係好好食佢的南蛮他他醬酸酸甜甜好開胃。兩個醬本身都令人開胃，加埋一齊好夾，感覺好融洽，點雞撈飯一流。唔食沙律醬的人可以食佢！飯的份量適中，唔會好腍，因為炸雞係飯上面，所以飯會有少少炸雞的香味

我想，這一所來自日本的過江龍炸雞連鎖店，應是本地差不多唯一主打吃炸雞的專門舖子了....一支公孤家寡人來食炸雞，忽然有一種宅男的感覺湧上心頭....這兒的炸雞定食，定價可說是非常相宜。一份五件炸雞連麵豉湯加白飯都只係六十九大洋，抵食度是十分高....隨雞還附有三款不同醬汁....個人就較喜歡惹香濃味的秘製芝蔴蒜蓉汁。當然若您喜歡可以消膩多一點的醬汁的話，果香鹽味醬會是較妥當之選....麵豉湯出奇地沒有死鹹；喝得出甜味之外還有來自白蘿蔔的清爽以及大蔥香。以連鎖店的水平來講，是相當不俗....至於身為主身的炸雞呢，件頭非常足夠大隻；最重要的炸皮，很遺憾地只有輕微地脆口，原因是我今天的這幾件炸雞，都是屬炸起後被攤涼的次等貨。不過小弟可以意識到，若是即炸即食的話，眼前的這炸物應是不太差的；肉汁方面倒是不缺，這亦可勉強可瀰補到皮不夠酥脆的缺點....但話說回頭，以六十多大洋換來這樣一份炸雞套餐，可算是花得值的....

果日因爲有事要做所以5點先有時間食飯，見到成日排長龍嘅炸雞店唔洗排隊，就決定入去試一試。伙計服務幾好，我一入去就好快有人招呼，笑容又幾好，又即刻放低杯水俾我，感受到少少日式服務的貼心。望左一輪menu，最後決定叫karayama定食（希望我無記錯個名xd)，有4舊炸雞同埋可以揀2款醬汁。見店內得咁少人，我仲擔心左一陣廚師會唔會休息，要等好耐先有得食。出乎意料地，我等左10分鐘左右就上菜喇～炸雞香脆juicy，係傳統日式炸雞嘅口味，醬汁方面我揀左芝麻蒜香醬同芥末蛋黃醬，兩款都好獨特，令我有一種「既生瑜，何生亮」嘅感慨，有少少後悔只叫4舊炸雞，因為個醬實在令人欲罷不能！！

首先要講聲唔好意思呢篇食評只會有三幅相😂因為當日食飯嘅時候已經係夜晚十點幾,做完運動好餓,本身又冇諗住打食評,所以冇乜點影相..黃大仙南館呢邊食日本嘢🍱🍜通常啲人都會去和氣食堂,我哋上次weekend黎經過呢間炸雞店冇乜人,反而和氣就大排長龍,所以我就以為呢間好難食所以先冇人幫襯😛但其實我覺得佢個炸雞係ok嘅~ 尤其係十點幾呢啲鐘數口痕想食啲邪惡嘅嘢,又唔想頹食k記m記果d,呢間都係一個唔錯嘅選擇🤗🤗我覺得最好食佢個招牌炸雞,炸得幾正,d雞都好鮮嫩,最正係佢果三個醬真係好!好!食三隻都正加錢配咗杯白桃乳酸唔算太甜都幾好味,個麵豉湯就一般般啦..🤔我哋仲嗌咗芝士野菜炸雞,哇媽呀好伏😱😱😱d芝士真係唔加好過加,連身為芝士控嘅我都頂唔順..唔知係咪師父太早淋d芝士上去,定啲芝士唔靚, 無論個口感定味道都奇差..😧😧 啲茄子蘿蔔又冇咩味,呢個真係十級唔推薦!!最後講埋服務,都係一個字--差!!首先一開始侍應上錯菜都唔知,仲要我哋 影完相,用隻筷子點左一下啲醬嚟試佢先嚟攞番啲嘢畀前面張枱個客人😑😑 好彩我哋未食咋..同埋臨走賣單嗰時都搞笑, 我哋行到收銀前面等咗一陣都冇人嚟收錢😂 但係明明不遠處

今日去黃大仙中心見到這間日本餐廳, 上網查到在是日本炸雞專門店, 而且當地有17間分店, 在日本開咁多間分店質素應該有保證, 但因為太多人排隊, 決定叫外賣去第二道食, 等左差唔多十五分鐘, 個外賣盤好靚, 應該是日本運過黎, 仲跟左三款汁醬(芝麻蒜蓉醬, 果香鹽味醬, 滋味醬) , 先講炸雞味道都幾好味, 過左十分鐘都仲好香脆, 無咩油益味, 雞肉都不過不失, 值75分, 跟三款醬汁確實有點驚喜, 芝麻蒜蓉醬 最好味, 果香鹽味醬 都可以, 但滋味醬有點咸.總結:如果外賣都跟椰菜會更好.

小秘書好鍾意食日式嘅炸物，欣賞佢做得不油不膩之餘，又不失炸物必有嘅香口味道、同脆卜卜嘅口感🍤雖然聽日係假期，但係呢排香港天氣熱到火爐咁，只好喺港鐵沿線搵嘢食，貪佢近近地唔使廿分鐘就可以返到屋企歎冷氣🤣 唔知點解... 小秘書今日滿腦子都係炸雞😅 而講到🍗 可能大家會即時諗到 KFC 🤣但係小秘書 就會揀「KARAYAMA」喇！無嚟幫襯一排，炸雞細件咗好多，不過雞塊依然juicy同好入味，加埋啲麻醬椰菜絲🥗、白飯🍚一齊食，味道好配合呀！

首先炸雞味道一般，唔係特別好食。味噌湯係用熱水開個d, 無咩味。 d 菜連少少沙律醬都無。明明係堂食但係用即棄木筷。無任何服務但係要加一。連俾信用卡都無。無心做不如執左佢啦。

2018年6月11日, 話說呢間未試過, 睇落去無乜人,咪諗住入去試下囉, 張張四人檯都係得兩個人坐, 咁我就坐左入邊尾二張檯, 坐低左,叫左野食,無端端叫人起身調去搭檯, 非常無尊重過客人感受囉, 咁我就緊係不甘受辱啦, 於是就叫佢取消張單, 起身走人, 點知個店長亳無一點歉意, 仲好快手叫另一班客趕快入座, 呢d咁既垃圾餐廳,坐又坐得唔舒服,服務態度唔專業, 只顧做生意,疏忽戶客服務體驗,理應抵制, 永久blacklist!!!!

炸雞富士山定食 $199 (配白飯及味噌湯)開左好耐，於是終於唔洗等就有位叫左炸雞富士山定食三個女仔食，但其實四個人分先食得晒。咁除返四人份，一人都係50幾蚊，其實好抵呀炸雞外皮好脆，而且入面好有汁好嫩，仲要件件都無骨，真正啖啖肉，無得輸 <3我覺得相比韓式炸雞，呢個日式炸雞更得我歡心呢個定食，炸雞係無特別味，但就跟三個醬比你點 分別係芝麻蒜蓉醬、果香鹽味醬、時令滋味醬表示三個醬都唔差，但最鍾意都係芝麻蒜蓉醬炸雞食到最後都仲係好脆，真心好幸福無收到野飲，店員好好咁定時幫我地加水，表示服務唔差，雖然佢門面明明得一個人一腳踢，抵讚btw 只收現金/八達通，大家記得帶夠錢