東京淺草炸雞專門店 (黃大仙中心南館)

Open Now

Now Closed

這家來自日本東京淺草的唐揚炸雞店，它剛到香港的時候，我便好奇的排了差不多一個小時的隊去試試這過江龍。今天第二次回來光顧已是九個月之後，特意來看看它能否保持開店時的水準；我這天沒有上次那麼魯莽地點了六件炸雞的套餐，只點了四件炸雞套餐，因為每件炸雞也有如小孩拳頭一樣大，倘若你不是飢餓至極，也不一定吃得下整個套餐。由於今天顧客不算大多，我等了十分鐘食物就好了，除了四件炸雞和椰菜絲沙拉外，套餐還有白飯、麵豉湯(略鹹)和三款醬汁；吃一口炸雞，不覺有任何脆漿，雞皮很脆，雞肉仍然鮮嫩多汁，應是用上了雞腿肉來製作，水準仍在，非常好！雖然近年來韓式炸雞相對流行，因它的味道款式較多；但我個人仍較喜歡傳統的日式唐揚炸雞，因為它多選用雞腿肉，雞皮上沒有多餘的脆漿和醬汁，讓炸雞的味道毫無保留地呈現在舌頭上。

話說，呢間炸雞舖，一開張果陣排勁長龍，果陣貪新鮮但又唔想排隊，所以買左外賣返屋企食。果陣對佢嘅印象係：好食😋但貴💸今次行過，見到佢完全唔使排，就決定試下佢嘅堂食。一入到去，店員叫我隨便坐。坐低之後好快俾左杯水我。落左單之後勁快，5分鐘左右就上菜。選擇困難嘅我揀左呢個餐，一次過滿足兩個願望。啲雞呢。第一件食落口，雞皮炸到脆卜卜，內裡熱辣辣，一股雞嘅香味同肉汁湧埋黎，一個字，正👍。可惜，質素未能做到統一。多汁嫩滑嘅炸雞中間居然夾雜左一件乾身鞋口嘅失敗品。但係唔好誤會。即使佢無咁好食，都已經算係一件中上嘅炸雞。另外果3件簡直拍得上日本水準！另外，提提大家要盡快食。我食得慢，最後一件雞嘅皮淋左，好食度即減20%原味雞固然好食。柚子胡椒雞都唔錯，但偏鹹。最重要係果3隻醬。完全係畫龍點睛。時令滋味醬有啲似炸豬排醬。果香鹽味醬有啲似牛陣魔法鹽。蒜蓉醬有濃濃嘅蒜蓉。正！飯呢，一般，有啲太多水。椰菜呢，超大份，但味道都一般。麵豉湯，都一般。食到9:30，店員叫我埋單先，但可以繼續慢慢食，有道歉，態度良好！人龍消失嘅原因好多。熱情冷卻，地理位置當然都係好重要嘅因素。又唔係米芝連3粒星，邊個得閒特登黎黃大仙

老實說去了日本那麼多趟，吃過不少吉列豬扒とんかつ，但沒吃過炸雞像とんかつ加椰菜絲吃，也在日本沒聽過見過這店。喜歡試新東西的我，還是一來。首先，我喜歡雞胸多過腿。這裡用的都是腿。肉沒有醃味，或有總單調的感覺。我重口味的，還是覺得KFC 的香一些。但無可否認它的皮是炸得很脆很透。那三個汁，份量實在太少了，給予我一種寒酸的感覺。飯和麵豉湯也一般而已。如果加上價格，我覺得性價不高。雖然不會拒絕再來，但亦不會有衝動再來。

遇上今天情人節,當然也和情人齊齊慶祝,想花少少心思,不想食茶餐廳,但又沒有太多的金錢,都是找一些不是旺區的食肆,會容易搵位,也不會太昂貴。今次來這間黃大仙的KARAYAMA ,之前都看過雜誌介紹,知道它是日本的炸雞專門店。內裡所有餐單都是和炸雞有關。我就點了野菜芝士炸雞定食,除了有味噌湯和白飯之外,我也額外加了8元配了白桃乳酸飲料。炸雞比較細件,濃郁的芝士完全覆蓋有炸雞,不過炸雞的肉質略嫌不夠滑,但勝在沒有雪味和容易咬開。至於飲料就粒粒大塊的冰,味道就偏淡,整杯凍飲也差不多全是冰,實際可以飲的白桃乳酸並不多。

每次晚餐時間經過都會有很多人排隊，難得今日早收工，6點半去到不用等位就可以入座。這間是日本過江龍的炸雞店，第一次必吃的當然是它的招牌炸雞我點的是KARAYAMA定食（竹），有4件炸雞、3款不同醬汁，跟飯和味噌湯，因應食量可以點5件或是6件的炸雞都幾大件，而且相信是即炸，因為落單後都等左一陣。咬落去皮脆肉嫩，係有肉汁的！配埋佢附帶的三種醬汁非常好吃。個人比較喜歡配果香鹽味醬，另外的時令滋味醬和芝麻蒜蓉醬都唔錯。

來自日本的炸雞，真的很滑。滑蛋炸雞丼（3件）：它的三件應該是切開了，下面還有飯的。端上時滑蛋還生生的，之後撈下就變熟，喜歡這種滑蛋炸雞也不錯，粉不算厚，炸得不算油，也很滑很嫩。Karayama定食（竹）：有味增湯、五件雞，有三款汁，但醬汁很少也不能添芝麻蒜蓉醬：這個沒有太大芝麻味，主要嚐到的是蒜蓉味果香鹽味醬：這個反而是清新甜甜的味，挺特別時令滋味醬：是普通的日式醬料分量來說，女生可能會足夠，但男生未必會飽，不過它有不同的分量可選擇。

住係黃大仙附近，見到有間新開炸雞! 仲要係日式炸雞，平時都少見，膽粗粗走左入去試。可能平日關係, 人流唔多, 等左幾分鐘就入左去。餐牌只有清一式炸雞, 不過勝在款式多~呢度既炸雞，炸得脆而不油膩。不過雞本身既調味真係比較淡喇..首先係一份南蠻他他醬炸雞，多沙律醬，令到本身乾身既炸雞更容易入口,不錯!另一份係KARAYAM 定食。梅(最細) 都有4舊雞。正常食量已經好夠飽! 3個醬有芝麻醬，蒜蓉醬，仲有1款唔清楚。味道偏濃，不過夾埋原本淡味既雞就啱啱好!另外菜絲加埋芝麻醬真係好正!係一間性價比幾高既餐廳!

[ 香港都食到 | 東京淺草炸雞店🇯🇵]••呢間係東京既連鎖店都黎左香港一段時間，但我一直都無機會去試😩仲要男朋友已經自私食左幾次！仲要佢次次都影相比我睇！👊🏻之前佢話都排好長龍，但我地今次去食都唔使排lu😙-🔹鐵板南蠻他他醬炸雞定食($68)⭐️6.5/10超級熱辣辣上枱，有5大件雞🐔外層炸得好脆好脆，由於我個日箍牙覆完診，啲牙無力😖男朋友幫我好似小朋友咁每件一開三咁食👧🏻入面雞肉都尚算嫩滑，最好食係配埋他他醬，食落無咁乾爭爭，都唔錯👍🏻睇落好細份，但最後我都食唔哂，要人執手尾🤪-🔺男朋友食滑蛋炸雞丼🐔佢餓到唔比我影相😂不過我覺得麻麻地...都係南蠻炸雞好✌🏻🔺仲有香港限定口味🇭🇰鐵板七味花椒炸雞，怕會好辣，我又唔食得辣，就無試喇🤷🏻‍♀️--

朋友話想食炸雞但又唔想食咁貴就諗住openrice下有冇啲平炸雞見到黃大仙有間日式炸雞店都有啲人氣價錢又唔算貴就決定去試一試去到既時候係平日晚上7點幾都開始有條人龍但裡面既人都食得好快食完就走所以都係等左10分鐘左右入到去2個人都決定揀karayama定食（竹）想一次過試哂佢3款醬汁落單5分鐘後就上菜炸雞係新鮮炸起但食落有啲乾就算沾左醬汁黎食都仲係好乾食到一半會唔想繼續食落去但個醬汁係幾好食最鐘意芝麻蒜蓉個隻埋單每人70蚊晚餐黎講都唔算貴但試左一次應該唔會再想食

就算已經是過左剛剛開鋪的時間但是錦外還是長期有人排隊無論排堂食或外賣,門外都是一推人所以我決定都係買外賣食,雖然食唔到堂食的炸雞基本上3種口味的炸雞都買左黎食其實都係個醬唔同主角的炸雞沒有失望雖然過左一陣,外皮仍然係脆卜卜而入面的雞肉裹是嫩嫩的,係好食

本人對炸雞非常熱愛, 所以之前在網上睇到介紹 , 講到非常好味 , 又多人排隊,  所以路經見到冇人排隊就去試下我點咗個 Karayama 便當 (竹) , 都算係幾期待, 不過份餐一到, 賣相OK的不過夾起就感覺中伏.... 因為夾起會睇到, 其實肉都幾薄, 我將皮分開了之後, 係剩一塊好肉的雞肉 , 咬落仲有D似雞肉乾 , 因為肉太肉, 又炸得久....好乾.... , 開初以為一塊係咁, 不會塊塊都係, 冇錯, 其他有3件不是非常薄, 但亦非常乾...好鞋...仲要係冇味...仲衰過自己買雪藏雞扒唔調味就咁炸....唯一係個飯 , 質地都算OK 好失望...非常失望

早前已得知黃大仙開了KARAYAMA炸雞專門店，但礙於怕大排長龍，事隔一段時間終於決定來店吃個午飯！可能是週末，用餐的人很多，店又不大，需要在外排十多分鐘才被安排入座。我們被安排坐在店門旁，輪候的人能清楚看到我們用餐，是有點尷尬，座位也有點擠，是空間設計上的不足。飢餓的我倆早已在門外選好了食物，我們點了 KARAYAMA定食（梅）和鐵板七味山椒炸雞定食，定食包括了炸雞件，白飯和味噌湯。等了約十分鐘，先送上來的是KARAYAMA定食（梅），這個餐是有四件大件炸雞，用來點三款秘製醬汁：芝麻蒜香醬，果香鹽味醬，時令滋味醬。炸雞很香脆，略嫌皮有點厚，炸粉佔的部分還可以吧，肉質也算鮮嫩，但有少許乾身，點一點附上醬料更惹味，不點其實也夠味。味噌湯的份量多，熱騰騰，不會過咸。椰菜絲有點失色，不太新鮮。然後我們吃鐵板七味山椒炸雞，由於是用鐵板上枱，此炸雞比剛才的更燙口熱辣！不過味道有點過咸，七味的感覺不太突出。此家炸雞算是不過不失，可以一試，不過暫未有要再吃的衝動。

每次經過黃大仙中心 門口都大排長龍加上佢又無得拎籌 一定要排門口 所以好令人卻步咁岩 今次經過門口 仲要係星期六 人又少 排左5分鐘已經可以入座抱住好期待既心情試d炸雞既然出名 當然與同行友人一樣 都係點炸雞今次無影相 sorry🙏🏻🙏🏻🙏🏻炸雞上枱都keep住係熱 值得一讚但可惜d炸雞好硬 雖然炸皮好薄 但實在都好硬😓😓😓但點炸雞的三種醬汁 係不錯 頗特別試過一次就足夠 之後都不會再試唔值得排咁耐隊去食一餐炸雞飯😓

8:30晚飯時間，兩個人唔洗等位.Karayama定食送飯同味噌湯。味噌湯唔鹹，做得幾好。飯無特別。炸雞大大超出預期，炸粉落得少，外脆內嫩，有肉汁，非常好食！堂食跟3種醬——芝麻蒜蓉醬、果香鹽味醬、時令滋味醬，好滿足 😋.他他醬似蛋醬，不過都好食嘅

見到新開炸雞店，聽聞係日本係數一數二出名，想試試但無奈好多人排隊，所以決定外帶拎番屋企食！我同友人叫左1個竹同一個炸雞便當，番到去滿心歡喜試味之際，發現炸雞炸粉勁厚，醬汁勁少，佢係有3隻味比你選擇，不過個汁得個咸味，味道一般，同炸雞一點都唔夾，不過都係果句，個人口味泥，人人唔同既！另外有一點，覺得唔均曾係外帶就唔跟麵豉湯，成個飯真係好普通，炸雞厚粉又無味，而且個飯定晒型偏硬，完全唔好食，真係唔會再試！😰😰😰