Video
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
Public Holiday
12:00 - 15:00
18:00 - 22:00
Above information is for reference only. Please check details with the restaurant.
Lunch黎見到都多人，不過唔洗等好耐，就入去食啦！.我同朋友都叫左三色丼，每片三文魚都厚切，啖啖都滿足😌海膽都新鮮.好玩嘅係食飯仲有得抽獎😂我就抽到壽司🍣朋友話見過隔離枱抽過碗丼飯😂👍抵玩💯
continue reading
啱啱搬來大角嘴無耐，呢間居酒屋已經變成飯堂，刺身壽司一流，熟食還好，但繁忙時間可能要等一等，服務盡力了，因為好明顯根本唔夠人，食過幾次，都係嗰兩個男仔，好似冇其他同事一樣，疑似樓面經理個個，又要介紹Menu、清酒，又要帶位執枱清潔落單，我每次見佢停低喺收銀，先有得飲啖水，真係望到佢都攰，點解唔請多個人？或者電子落單呢？佢有樣嘢幾好，無論忙到面無表情都好，埋單嘅時候，佢都有笑容同啲客講拜拜。呢排見好多小店都關門大吉，連那個都堅持唔到，希望佢哋都撐得到啦，唔係嚟緊又要搵飯堂。
continue reading
汁燒豬頸肉組成一個美味嘅丼飯☺️豬頸肉煮得剛剛好，肉質嫩滑多汁，同時又有一啲嚼勁。當汁燒猪頸肉同白飯結合時，米飯會吸收醬汁嘅美味，令每一口都充滿滿足感。猪頸肉丼上配上一個溫泉蛋☺️增添口感同風味,攪拌入丼飯中，令飯粒更加滑嫩😊😊
continue reading
今日約埋老友食生日飯，佢先前建議黎呢間活一鮮食日本料理，所以今日就出遠門黎到大角咀食飯啦，小店坐位較少所以最好就book左位先，我地5點55分到仲準備中，等到6點就岩岩好開門入得啦。小店落單方式係寫點心紙，落單後我地叫枝清酒飲下，叫酒要由經理介紹各款酒既味道睇我地鍾意邊款，最後選擇呢枝鳳凰美田，有果香味入口都幾醇，幾易入口。蔥吞拿魚腩飯老友話黎親都要食，就先叫一碗黎，其實就係吞拿魚蓉飯，面頭鋪左好多魚干絲，我覺得比較普通。鮮壽司拼盤 銀鱈魚干銀鱈魚干燒得香脆，作為佐酒小食一流，壽司拼盤有10件壽司加2件玉子燒，壽司既食材都新鮮，軍艦既紫菜都脆，不過要即食，擺多一陣好快腍了。燒牛脷 牛油焗雜菇燒牛脷有2串，薄燒口感都正常，牛油焗雜菇有d驚喜，主要係金菇，但好香口，推薦一試。燒茄子 牛油燒日本甜薯燒茄子略為失色，燒得唔夠仲有d生，茄子肉仲癡皮，而且無乜調味只係加左d木魚係面，比較單調，麻麻地，燒甜薯就正常，燒過既甜薯會更香口。芒果炸蝦卷特別卷物，但芒果同壽司又真係唔太夾，都係分開好食d。厚燒玉子（甜） 燒日本松葉蟹膏玉子燒加左高湯，口感軟滑仲幾甜，燒蟹膏幾正，仲有少少蟹肉，值得一試。炸雞軟骨 吉列生蠔炸物叫左雞軟骨同炸蠔，炸物香口野正常發揮。魔鬼魚魚翅干食左咁多野其實都飽，但仲有d酒就諗住叫個佐酒小食黎送下酒，就叫呢個魔鬼魚翅干，不過太鹹了，鹹到好似食左成口鹽咁，每人食左一條就放棄，唔知係廚房重手左定係點。整體黎講小店水準我覺得正常發揮，高質稱不上，食物質素有好有唔好，食材用料幾好，燒物方面有進步空間，服務方面算唔錯，價錢唔算太貴中規中矩，另外一提就係晚上7點半前離座有85折。
continue reading
住喺大角咀區的朋友仔，今晚特別帶我來到大魚咀區內人氣小店。剛到餐廳門口，已經見到等待入座的食客sssss。朋友仔推介必點的鮮壽司，有10零款壽司，有海膽、吞拿魚、三文魚子等等，款式都算大眾食客鍾意的口味。食壽司，我好講求食材是否夠新鮮，再靚的擺盤但碰上不新鮮的食材，完全係0分，不過呢邊的壽司都幾鮮美，而且性價比高，相當抵食。另外亦試咗清酒煮蜆，味道其實都幾好，不過相比起出色的壽司，不期然變得黯然遜色。
continue reading