活一鮮

Open Now

Now Closed

啱啱搬來大角嘴無耐，呢間居酒屋已經變成飯堂，刺身壽司一流，熟食還好，但繁忙時間可能要等一等，服務盡力了，因為好明顯根本唔夠人，食過幾次，都係嗰兩個男仔，好似冇其他同事一樣，疑似樓面經理個個，又要介紹Menu、清酒，又要帶位執枱清潔落單，我每次見佢停低喺收銀，先有得飲啖水，真係望到佢都攰，點解唔請多個人？或者電子落單呢？佢有樣嘢幾好，無論忙到面無表情都好，埋單嘅時候，佢都有笑容同啲客講拜拜。呢排見好多小店都關門大吉，連那個都堅持唔到，希望佢哋都撐得到啦，唔係嚟緊又要搵飯堂。