鰹烏冬 (LT Tower) (Closed)

🌟鰹烏冬🌟 ⁡呢間手打烏冬店每次經過都人山人海今日終於食到啦😂烏冬冷熱都好多選擇但只係午市有啲都已經賣晒下次encore 嘅話要再早啲先🤣⁡🎀 <魚湯豆乳烏冬$51，骨付雞$36>果然主打手打烏冬烏冬好煙韌 好有咬口值得一讚👍湯底味道清淡豆乳同魚味唔算好出🐟但啱唒健康人士☺️另上咗天婦羅碎可以加埋烏冬更有口感⁡骨付雞大大件 有成隻手掌咁大🐔雞扒面上好多七味粉醃得好入味😄難怪差不多枱枱都嗌啦😆⁡🎀 < 夏一烏冬 $56>夏日炎炎食嗰冷烏冬呢款烏冬真有驚喜配料好多好惹味有紫菜、煙肉碎、青瓜、生雞蛋、芝麻等撈埋一齊又fresh 又消暑❄️比起豆乳魚湯 更鍾意呢嗰配搭👍⁡骨付雞咁好食於是不約而同又order多份🤣下次無咁多人都試吓其他烏冬先⁡🌠環境：7/10👄味道: 7.5/10 💰價錢: 7/10 👍性價比指數: 7.5/10⁡*☼*―――*☼*―――*☼*―――*☼*―――*☼*鰹烏冬 📍牛頭角創業街31號LT Tower地下及1樓3A號舖📞3751 7589⁡ ⁡⁡

已經食了好幾次這餐廳早餐 一直也覺得不錯 明太子碎蛋三文治很好 但之後試下餐牌上寫明是出前一丁公仔面 點完後上枱 原來只是普通公仔面配上他們的湯底 說實話鏗鱼跟烏冬是好味 但跟公仔面感覺不太夾 我食了一點已經放棄

返工做到攰一攰，最想搵朋友飲杯啤酒之餘，還可以有野送酒食。呢間鰹烏冬除了烏冬好食外，晚餐都有另一選擇，可以一路傾一路食。食物份量絕對足夠，豚肉鍋，炸雞，炸魚，大份又好食。炸雞大大件，炸到外脆內嫩，還保留到肉汁；炸魚唔好睇佢大大件，每一啖都是肉來的😍😍😍；豚肉鍋以一人份嘅量來講，真是很足夠，最重要好食，豚肉肉質唔錯，蔬菜又足夠。想與朋友聚聚，這裡是不錯嘅選擇。

今日非常之熱！35度高溫，再去食啲熱嘢真係頂唔順。所以同事想食冷烏冬。由於我哋喺觀塘做嘢嘅關係，知道駱駝漆分店一定等電梯等好耐，所以我哋就揀咗呢間近牛頭角既分店。太陽囇到爆，好熱，好彩去到餐廳唔使等位，就可以入座，我哋一行七個人。咁我就叫咗夏一烏冬配炸雞烏冬應爽口彈牙，冷麵汁有少少酸，可能係柚子味道，另外仲有啲紫菜芝麻碎，仲有烏冬都幾好，因為一解熱悶胃口，雞其實係雞扒剪成，都幾好，因為炸粉算薄，脆口，雞扒好嫩店員嘅服務態度都好好，因為我哋冇叫飲品，然後店員都主動幫我哋喺自助區攞水俾我哋。另外同事叫左咖哩烏冬，清湯鰹魚烏冬配骨付雞，鯖魚，同事話都正常。附圖俾大家。不過唯一覺得麵配肉有啲貴，食一餐都$80-95，都唔會經常嚟食，相反可能丸龜製麵比較相宜，大家可能考慮吓。

🔸素豆乳烏冬 $46 8/10湯底呈乳白色, 帶有淡淡嘅豆乳味味道相比餸類較為清淡😋適🈴️中意飲豆乳嘅朋友, (細細聲話你知) 小編差啲飲哂成碗湯🫢🔸鰹魚半湯烏冬 $47 8/10🈶蔥, 薑, 海帶, 嗚門卷, 天婦羅脆脆半湯= 湯量較少, 湯汁濃度較濃 (同湯烏冬比較)🔸關東煮🍢 +$26 7.5/10🈶日本雞蛋🥚, 蘿蔔, 蒟蒻, 豬肉菜卷, 竹輪卷食親關東煮最愛食佢舊蘿蔔！😚索哂啲汁, 勁入味🤪湯汁都偏咸少少🙈🔸骨付雞🍗 +$34 6.5/10🦴骨付雞喺呢間舖嘅名物！🤩香煎雞髀🍗 表面灑上七味粉🧂外皮香脆 肉質嫩滑多汁略嫌醃得咸咗啲啲🙈🥢呢到嘅烏冬✅可選擇粗/幼; 凍/熱; 湯/拌烏冬彈牙煙韌, 有嚼感🤩份量十足, 加配埋啲餸菜, 再飲埋啲湯, 飽到傻咗了🤣~~~~~~~~~~~~~~~~~~~~~~~~~~~~~~🤤食物：🤤🤤🤤🤤🪞環境：🪞🪞🪞🕴🏻服務：🕴🏻🕴🏻🕴🏻🕴🏻🔙回頭草: ☘️☘️☘️☘️抵食👻：👻👻👻👻10% service charge: /

不嬲食開觀塘個間，經開牛頭角記得開左新分店，就過去食返個早餐暖下胃位於鴻圖道嘅新商廈要行樓梯上一層，裝修相當唔錯坐窗邊位，一坐低店員就比熱茶同QR code落單，揀左和朝食B餐，跟餐可以揀蕃茄汁或果汁(應該係Kagome)睇落好豐富，熱辣辣嘅烏冬一如既往地煙韌有口感，食到有蔥香，醬汁湯底亦唔會過份調味，豆腐上嘅薑蓉我好鐘意，薯泥亦好惹味，其他部份我覺得可改善：-玉子調味過甜-芝麻醬過多，想好好地食粟米同菜都唔得🥹早知我會叫佢分開裝/走芝麻醬-兩條多春魚過於乾身，令內裡苦味更顯著，如能喺魚身掃上醬汁會更好有蕃茄汁送埋，我覺得呢個早餐價錢好合理不過下次都係叫返烏冬啦！

見評價好似唔錯，上星期就叫左個咖喱烏冬（+骨付雞）外賣試試，喺openrice12:20落order,之後12:35分上到去見好多人排隊，唔緊要，企埋一邊等（不過走廊等果個位真係好焗好熱）點知等到12:45分都未得，但openrice app顯示已經ready。期間見到有兩三個上到黎先叫外賣嘅人都已經拎得野走左。之後我就企入間舖出外賣果位等，我張單係T7，見到隔離有個T8單嘅人都好心急，大約1點鐘，佢就追問職員得未，然後佢就直接show張單俾廚房位嘅職員睇，果個職員就周圍望望，喺一堆盒中搵到T8果個外賣盒，執兩執就交貨俾T8果個人⋯我見到咁嘅情況，當然都照做，show單俾廚房睇，佢又搵一輪，執一輪就俾我，時間已經係1:12分。最慘係件事仲未完，我攞到番公司，一開，得個淨烏冬，件雞唔見左，即刻打上去問，個職員就問我仲要唔要件雞，但要起碼等到2點⋯大佬，我唔駛番工咩，就話唔要，佢就話安排退錢，仲話之後叫人聯絡番我。但到左呢一刻，都無人搵我，就係咁，我俾左$81，等左接近成粒鐘，只係得個淨烏冬。

Lunch time大約12點嚟，未算好多人，但一晏左就開始好多人等位同等外賣。用QR code落單，所謂套餐其實又無野飲又無小食，都係要再追加，如果唔係得碗淨烏冬都幾寡。豆乳湯烏冬，都好多紫菜，同埋有兩片薄嘅薄魚蛋。豆乳湯味道比較清淡，無咩味。好彩有追加一份骨附雞，如果唔係真係冇餸食。雞髀都算大隻，但面頭落咗好多七味粉，我本身食唔到辣，所以起咗皮之後係咁浸湯，都仲係好辣🥲另一個鍋仔烏冬就多番少少餸，相對價錢都貴啲。呢個味道比豆乳湯濃啲，貼近正常人口味。烏冬係彈牙嘅讚岐烏冬，可惜呢個價錢嚟講整體味道唔算好驚艷。

CP值🆙 滿意又滿足😋😋Lunch time外賣自取7折，好抵食！嗌咗月見熱烏冬加配天婦羅雞件，烏冬份量充足，煙靭有咬口，湯底味濃而不膩，雞件有4大件，最後食唔晒🙈，建議可以2個女仔share一份！👯‍♀️外賣包裝分湯，唔會浸淋啲烏冬，天婦羅都保持到脆口！同事嗰份烏冬漏咗關東煮，致電翻餐廳後，即刻安排人手送過嚟公司！整體嚟講，食物、服務、環境都唔錯！（外賣自取真係應該check好齊野食先好走😂）之前食開駱駝漆分店，次次都人山人海，而且工廠區環境始終壓逼感大啲，但牛頭角舖有大玻璃望馬路，身後廚房整齊、內部裝修舒適，又冇咁多人吵鬧，lunch time想望下街景，曬曬太陽休息下，又食到好野，係幾好嘅選擇！

🎖簡單已經好好食烏冬🤤.呢個烏冬由觀塘工廈食到去長沙灣，再翻返嚟而家牛頭角，都仲係咁好食😋彈牙又有口感❤️鰹魚湯湯底，就咁叫唔加餸就已經好正💕當然冇加配料就離飽有啲距離😂.心情唔好個陣加番佢個骨付鳥又真係幾正，又滑又多汁🤤不過加埋都上$80 對烏冬黎講係有少貴，但相比起拉麵又正常😂下次黎要試到佢既豆乳湯先得！！！.#fatfat4ever_牛頭角 #唔熱氣推介 #鰹烏冬 #fatfat4ever

新店都幾大間 以一貫日本風格為裝潢Qrcode落單 茶水同餐具是自助形式的建議大家唔使專登加嘢飲因為可以出去斟茶喔～.烏冬有十幾款 冷熱可選 淨係烏冬已經揀到眼都花埋😶留意返記得嗌套餐 平過單點好多desu有6款配料可以揀 唔好比單點個價呃到🤭.▫️月見烏冬+骨付雞🍗 $85 😋👍🏻：👅👅👅👅.7/5分試左三次都係覺得第一次試嘅組合最正😆見到溫泉蛋已經心動左一半💕超治癒的 撈埋烏冬一齊食更加滑溜😚湯頭是普通的昆布湯 加左啲葱花唔算好濃味 鹹淡適中仲有啲脆脆加落烏冬一齊食 增加口感然後到超邪惡的雞脾😳 見到咁大隻雞髀真係嚇親 微微烤過 帶點微焦 再落左少許七味粉調味 好惹味一切 油脂同肉汁一齊喼出黎 你話點抵擋到🥺🥺 啖啖肉同油香滿溢好好吃的雞脾果然是無得輸🤤.▫️鰹魚湯咖喱烏冬 + 天婦羅雞件 $91😋👍🏻：👅👅👅👅.4/5分第二次試咗咖喱湯底滿滿都是咖喱汁 味道好濃郁 每條都卦到汁 岩喜歡濃口味既朋友再來就要說主角天婦羅雞 好吃耶～～估唔到咁有驚喜件件都好大粒 炸衣恰到好處😍仲相對無炸雞咁油 外脆內嫩雞件仲依然咬到有肉汁😆好滿足.▫️黑胡椒粒拌蛋烏冬 + 味噌焗鯖魚 $79😋👍🏻：👅👅👅.