鰹烏冬 (LT Tower) (Closed)

一共有4間分店，分別位於觀塘、牛頭角、長沙灣、佐敦。牛頭角分店係要行樓梯上一層，而且店空間都大，lunchtime有時要排隊🔸海苔竹簾冷烏冬💲53 評分(5星滿分): ⭐️⭐️⭐️烏冬黐埋咗一舊比較難夾，而且食唔出有海苔味，但質感煙韌好有咬口🔸骨付雞💲37 評分(5星滿分): ⭐️⭐️⭐️雞肉醃到好入味，外皮少脆肉質好淋好juicy，七味粉蒜蓉份量正常，唔會令到雞肉太辣，但整體比較油🔸吉列竹筴魚扒(1件)💲25 評分(5星滿分): ⭐️⭐️⭐️魚算大塊，有少量骨，炸粉唔算多服務質素: 無收加一，斟水/玄米茶都係自助回頭率: 🌕🌕🌕🌑🌑

同同事lunch黎試吓，見到烏冬款式叫做有好多款揀。但一睇價錢，哇，50幾60蚊得個烏冬底🙂 要有餸仲要再加錢，叫咗個豆乳烏冬+骨付雞，埋單接近$90，仲要冇野飲，咁就睇下值唔值…好啦，我地成枱人都落晒單，個個嗰份都到齊晒仲要食完，坐喺度等我，但我嗰份都未到🙂 問咗幾個姐姐，催到第4、5次，連後過我地黎嘅幾枱人都食完走埋！好似唔對路喎！我再問，先聽到佢地同廚房講起咗我嗰碗先，我唔知佢地之前有冇幫我跟，無從判斷～🙂黎到一睇，連我一開頭同佢地講走青都冇走到，算啦，我自己搞，費事同佢哋講又唔知要再等幾耐😬 就算我個lunch time唔趕，我相信出面等位嘅人都好趕啦 哈哈。講返個餐先，豆乳湯底都ok嘅，有味，因為我聽同事講鰹魚湯底係超清淡，冇咩味。但烏冬，講真，食落好普通好普通，煙韌彈牙？手打？唔覺囉。就咁單麵都要賣$50？烏冬要滑唔係基本野咩？骨付雞就好多人吹捧嘅，味道都幾好，好多七味粉同醃料，所以我覺得夠味嘅，特別係塊皮，係七味粉聚集地方🤣 另外，雞肉唔嚡，食落有肉汁。總結黎講，成餐lunch食到又趕又一肚氣，事後睇返啲人食評，原來錯單漏單都唔係得我一單…

🍜鰹烏冬鰹魚半湯烏冬(冷)·骨付雞·吉列魚扒烏冬爽口彈牙煙煙韌韌勁好食😜同鰹魚湯一定夾👍骨付雞次次黎都會叫🤣小編覺得好好食～新試過魚扒～切開出哂煙😍咬落勁香魚味～炸粉亦唔會太厚盛惠💰$1xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:試另一分店·味道仍未變😉依間可能好多觀眾食過～不過小編仍然推介大家黎食🤡真係好好味～鐘意食烏冬更加要去會一會佢😎

•ᴗ• 鰹魚湯烏冬 + 骨付鳥 雞腿肉質鮮嫩，口感柔軟，不柴不老，而且肉汁鮮美，不會過於油膩。烏付骨應該燉了一段長時間，骨頭酥爛，可以輕鬆地從雞肉上剝離下來。烏冬口感富有嚼勁，吃起來有咬勁，彈性十足，不會像乾硬的麵條。而且烏冬口感豐富，不僅有自己的味道，還能吸收湯汁的味道🤤🍗🍜🍗🍜🍗🍜🍗🍜🍗🍜🍗🍜🍗🍜好味指數：4.5/5回頭指數：4/5

平日星期五差唔多一點去到，我一個人大約等咗10分鐘左右，驟眼睇一直都要排隊，想食真係要預番啲時間。間舖頭係要上一層，所以唔好以為門口冇人排隊😂😂😂上到去記得問店員攞籌先再排隊。我叫咗一個稻荷腐皮鰹魚清湯烏冬，骨付鷄同一罐蘋果汁。烏冬有咬口，同平時嘅讚岐烏冬一樣，反而我覺得湯底比較清淡，淨係食到少少鹹鹹地嘅味，冇乜鰹魚味。本身個烏冬連埋天婦羅脆脆，如果連埋天婦羅脆脆一齊食嘅話，口感都幾特別，有脆有韌。去到重點嘅骨付鷄，一切落去啲汁標晒出嚟😋😋，食落勁juicy，加埋個雞皮煎到脆脆地，調味又夠，勁好食！同埋超級嫩滑！呢個lunch食咗$100 ，都有少少貴，不過下次會再食

他們外賣自取超垃圾又做錯了 ，湯都沒有上一次外賣自取已經試個 三文魚子烏冬冇三文魚子，又要跑番去店，自己汁錯又唔送貨，態度又極差，好似佢系老細咁。自己汁錯貨仲串，汁貨個d成日潭仔話都知恐死梗，點知今次又汁錯，熱湯突冇，干食。 呢d咁的店仲開到真系奇蹟。大家要小心check貨。佢打電話又唔通。又唔會送貨。外賣自取又唔減價。仲要食干野。又成口雪味。我叫個餐已經叫到最貴。佢地仲要系咁服務。堂食試過一次仲要趕客。大家小心呢間店

稻荷腐皮鰹魚清湯烏冬 $58******************************久仰鰹烏冬大名見店名有鰹所以揀左鰹魚清湯嘅烏冬🤭第一啖湯覺得冇咩特別因為好淡好清但係一食腐皮覺得不得了！甜甜嘅腐皮+淡淡嘅清湯超正又唔會過重口味😍強推腐皮!!另外有加點骨付雞其實即係雞脾(?)唔記得加點係幾錢😂肉質嫩滑，調味不錯🤭中午12點黎到好順利有位之後一路到13:30走嘅時候都係排緊長龍好彩早一步入餐廳😂

🇭🇰香港- 牛頭角].期間限定 - “叉燒馬姐撈烏冬”叉燒夠厚身, 配料好豐富 同醬汁調到好惹味重點係有得熱食! .🔻🍽 鰹烏冬📌 地址: 牛頭角創業街31號LT Tower地下及1樓3A號舖.#tummysreadyatngautaukok #tummysreadyforcafe #tummysreadyforkorean

今日襯lunch time去試下依間係牛頭角好出名既烏冬🍜 lunch hour都人山人海 我差唔多排左15分鐘先有位呀 不過座位好逼狹 唔係坐得好舒服🥺一睇價錢牌 覺得佢價錢都唔平喎 一個烏冬本身無配餸 要另外加$40-$50先有得配 我今次就叫左魚湯豆乳烏冬+天婦羅雞件 🐟🐥💛魚湯豆乳烏冬 ($51) 份量好大碗 試下個湯先 熱辣辣 嘩 真係好鮮甜 唔係味精個種湯底 魚湯比豆乳味重 鍾意魚湯既fans一定要試下 烏冬好煙韌好彈牙 真係自己手打出黎個種 極有口感 真係食得出唔同出面 👍🏻👍🏻👍🏻💛天婦羅雞件 ($42)有4大件~ 炸到好脆 但入面既雞肉又好嫩滑保留到肉汁 正呀~ 👍🏻👍🏻👍🏻我建議可以同朋友每人一碗烏冬 再一齊share一個餸 因為d份量真係好大份 會食唔哂🤣

日日都唔知食咩好，每日都要諗呢個問題兩次🤡突然醒起之前有間烏冬太多人等最後去左其他地方食一直都無再去過，咁今日就再去多次…同事早左去等位，所以去到就有位😂😂😂.鰹魚清湯烏冬 + 骨付雞 $86 ($47 + 36)烏冬本身係無任何餸要另外加錢配，不過佢啲餸都唔平，都三四十蚊起跳，我就加左個雞脾，烏冬比想像中大碗，但係味道無乜特別無話好好食就係普通烏冬，雞脾用七味粉同蒜蓉醃過好香好入味，肉質嫩滑多汁都幾好食，不過加埋價錢少貴所以未必會再食。

呢間烏冬係觀塘都算出名，係牛頭角又開左分店都一段時間，趁今日lunch出去食就試下。 覺得佢價錢唔平，一個烏冬本身無配餸 要另外買 幾十蚊幾十蚊，個午餐就$8x味道正常 唔覺特別好食，不過份量好多 好大碗，男仔都食唔哂一碗🤣🤣

喺觀塘駱駝漆嘅鰹烏冬🍜開咗咁多年都大受歡迎，越開越多分店。今次我去嘅就係牛頭角新分店，特登揀星期六夜晚去，小人啲，唔使等位，因為相信呢度平日嘅時候，都同觀塘一樣，排晒隊😅呢度嘅烏冬選擇有好多款，有唔同湯底嘅，或者係冷烏冬，我就揀咗最Classic嘅清湯烏冬，再加一隻骨付鳥🐔幾乎每次去食，我都係呢個配搭嘅🤪烏冬依然好出色，湯好清甜但夠味，入口仍然很濃郁，而且份量好多🤤而骨付鳥肉質好嫰滑，仲好大隻tim，雞皮係重點，好香脆，成隻調味唔會過咸，啱啱好🤪

午飯時候, 要先拎籌入座, 不過都係等10分鐘就安排到座位, 店內係烏冬同餸自選配搭, 比較彈性, 可以隨意選擇自己喜愛, 天氣熱熱地, 簡醬油冷烏冬唔錯, 個餸就簡骨付雞, 個烏冬份量好大碗, 骨付雞原來係一隻雞脾, 隻脾用七味粉醃製, 好香, 而且製造方法令隻脾好多肉汁, 味道唔錯。

午餐＆晚餐食得多，牛頭角店還有早餐食，當然要食烏冬啦～我叫了雞扒加炒蛋烏冬，大大碗，烏冬依然都這麽好食，以價錢及質量來睇，的確係較吸引的。😋😋😋👍🏻👍🏻👍🏻

經過朋友們嘅極力推介，滿腔期待去試呢間烏冬店😚，可惜可能👧🏻+同事叫錯食物啦，都幾失望下🥹，大家要試呢間烏冬記得要叫凍烏冬，唔好好似👧🏻咁蠢叫熱烏冬🥲。🌟半湯鰹魚烏冬 配 天婦羅雞件半湯烏冬比起普通鰹魚湯烏冬比較濃味+少湯，不過👧🏻就覺得唔算特別濃味，所以叫左普通鰹魚湯烏冬嘅同事就更加悲慘😵‍💫，湯底淡如無味。烏冬用熱湯上，上菜時已經輕輕浸腍咗，唔算太彈牙，更何況浸湯越耐，烏冬質感變得更軟身，食到尾段試過一夾即斷😵‍💫，呢個絕對唔係買一碗$40幾蚊淨烏冬應有質素。其他配料eg: 魚片、昆布、天婦羅碎，表現正常。至於天婦羅雞件🐣更係成餐飯嘅敗筆🤪，雖然雞件Size極大，但外層炸衣質感並非合格天婦羅質感，濕𣲷𣲷重麵粉質感，雞肉極度重胡椒味，唔知係炸雞特色還是意圖掩蓋雞肉雪藏味😩，真係唔太討好。平心而論，試咗同事骨付雞(用七味粉、蒜蓉🧄醃嘅雞脾)，味道唔錯，Juicy又嫩滑，難怪係餐廳嘅招牌菜！最衰當日最特別嘅茶味/海苔/柚子冷烏冬全部暫不供應，否則唔會咁失望🥲。