過橋麵檔

Open Now

Now Closed

吃雞無得輸，好好味有時放假，又或者下班，可能會去元朗街市，替媽媽買菜，讓媽媽煮飯。不過，昨天媽媽和爸爸要去深圳一天遊，沒有在家。所以我唯有和朋友一起外出吃晚餐。元朗有一間餐廳，叫做過橋麵檔，他的霸王雞 和巴辣雞 都是很美味的。可能這只是我個人十分喜愛吃他的雞吧，所以每次和朋友去元朗，如果是食雞的話，這一間過橋麵檔，一定是我的首食之選 ，哈。過橋麵檔 的霸王雞 和巴辣雞，大件又抵食 。巴辣雞，又香，又辣，最適合喜歡食辣的我 ，辣得很過癮 。而不食辣的我，可能就好像我朋友一樣，叫霸王雞 來吃，這個就不辣的。而且 ，醬汁甜鹹適中，肉質又嫩滑。所以我每次如果剛好想吃雞，剛好又在元朗，就通常都會來這一間餐廳。我帶朋友來吃，她吃過後，都說雞又嫩又好味。而且，吃到飽着肚子走。

自從朋友帶我黎食過呢間之後，我就著迷了，我唔會話好好好好食！但係又真係幾好食既，我食過新店，覺得都係呢間舊店好食d!雞係真係特別滑架，我最中意食既唔係霸王雞，而係豉油雞，好入味！另外個鴛鴦炒飯同炸魷魚鬚都好好食～

今次朋友帶我黎呢間鋪食雞飯，我地晚餐時段黎就要拎飛等位，要等5張飛但好彩鋪出面會有櫈比我地坐係到等，大約等左15分鐘左右就入得啦我自己都無睇清楚呢間鋪係食咩為主😂朋友就打開餐牌到雞飯個版，就話有幾種唔同味既雞食，睇下我想食邊種但我地落單之後都要等20分鐘先有得食可能人太多巴辣雞+菜飯$58（雞既份量都算多而佢既辣好香好好食會愈食愈辣底會有牙菜仲辣但會比較偏油）霸王雞+米粉$58（上面既蔥加埋乾蒜連同雞一齊食都好食雞肉都好滑）

元朗人一定識既過橋麵檔霸王雞菜飯！你隻霸王雞巴閉到吸引到唔少香港九龍嘅朋友專程入嚟識佢！首先份量好大份！雞夠滑配上香蒜同埋蔥絲簡直一流！豉油既味道岩岩好，唔會過鹹，鋪底嘅係一大堆芽菜！我夠膽話呢個配合係天衣無縫！未食過既朋友仔，一定要黎試下！

本來想食彩拉麵，可惜有落場時間，要到1800再營業，只好放棄。走來走去，又去了過橋麵檔。以前都食過佢的雞飯套餐，都好抵食。但今次一上桌，嘩……雞的份量近1/4，會不會太多？非常適合兩個人share食……巴辣雞口感嫩滑，雖然有滿滿既辣椒紅油，不過味道還好，不太辣但味道太咸，不知道鈉含量超標幾多倍……菜湯味道不俗。

一直都聽聞過這間過橋麵檔的雞飯是超有名的，但一直都未有時間去嘗試到，今日終於去左食啦🤩🤩原來真係幾好味，佢個巴辣雞超正，辣度剛剛好，食到津津有味。另外個霸王雞都好好味，咸咸的。所有食物味道都剛好，很喜歡❤️

每一次都系專登去總店食🏡 夏天行過去真系好熱好曬🌞🌞 但系值得既！！雖然經常滿座 但都好快有位 因為啲人都食得好快 食完就走🚶🏻‍♂️我去過敢多次都唔洗等位 好好彩💁🏻‍♀️💁🏻‍♀️專一既我靜系食過霸王雞米粉🍜或者霸王雞菜飯🍚就無食過其他😹因為每一次都系為呢個雞而黎食🐣🐣雞既份量好多 我多數都食唔哂 就會分啲俾男朋友👦🏻 啲雞系好滑好入味 上面仲有好多炸蒜 我超鐘意！！！ 雖然米粉個湯淡淡地 但因為啲雞已經好夠味 仲有啲醬油俾你點 整體黎講真系好好食☺️☺️味去過既 真系推介你地值得一去😋不過因為人多 所以經常搭枱 唔好太介意啦~佢開到好夜 當宵夜都得👍🏻👍🏻

好多次黎食 都會見到有人排緊隊今次帶埋身為九龍人既我爸媽去試下五十幾蚊一個雞飯 + 野飲都係8蚊我爸爸嗌左牛腩飯 都只係四十幾蚊佢地大叫好食同抵食 份量都唔少不過媽媽話下次帶我去試下另一個又係霸王雞飯甘樣既 佢話比較下wo最鐘意食霸王雞既炸蒜同蔥

聽說只要是元朗人就一定聽過過橋麵檔我比較孤陋寡聞 一直以為過橋麵檔是吃麵的地方原來這家最出名的是吃雞但我來到的時候 也有不少的顧客是在吃車仔麵的反正我兩個都沒有試過晚餐當然吃飯比較耐飽.平日晚上人流也算多9點多來到 居然還看見小人龍要在門外取票等位 雖然人多 但等的時間不算太長大約10分鐘就到我們了.霸王雞菜飯 $58蔥和薑絲的份量有點嚇到我了基本上職員會堆成一座小山才會拿出來底下墊了一層芽菜清甜爽口 但也要避免在醬汁中沉醉太久要不然就會變得太咸雖然雞上面有點辣椒 但是雞並沒有辣味雞的味道雖然不是太濃 但是勝在夠滑嫩皮下面有點脂肪 我通常都不會吃最上面的炸蒜不會炸得過火 沒有苦味.豉油雞菜飯 $58有點太咸 雞也保持嫩滑先有點甜 然後咸的味道就會衝出來最下面也是有芽菜作為加持.菜飯中的菜量算多每顆飯都吸收了菜的味道而且也保持了菜的爽脆飯中加了一點點油飯屬於細長形 較乾身和飽滿粒粒分明.自選拼盤5餸 $63牛脷牛脷不會太薄 算是厚切不需要沾任何醬料都已經很夠味牛味突出.豬耳在外面吃的豬耳一般較爽脆這裡的卻有點不一樣豬皮有膠質感 較軟彈與中間爽口的豬軟骨形成一個對比.鹵大腸大腸的味道濃郁

店家雖叫過橋麵檔，但眼見大家點的大多是雞飯，而非麵食，實在有趣。決定入鄉隨俗點了覇王雞菜飯和豉油雞菜飯。等了一會，以托盤盛裝的雞飯端了上來，滿滿的一碗菜飯，以及份量十足的雞。先嚐覇王雞，嗯，的確好覇道，調味完全蓋過雞味，咸味偏多且帶微辣的，雞尚算滑。往下一撥，原來雞下墊了一大堆芽菜，趁還未吸太多油膩的汁前先夾到飯內，芽菜清甜爽口，唯菜飯略濕。再嚐豉油雞，微甜的滋味，沒有驚為天人的感覺，底下也是墊了一堆芽菜的。

霸王雞配菜飯。甫一進店，會發現所有人都清一色吃雞，說明這裡的雞極其有吸引力吧！雞的份量很大，部位有胸、背、髀位，即使是雞胸肉質也是軟腍呢！當然髀位就更滑。配上蔥絲、薑絲、炸蒜、辣椒、豉油，帶動鮮味，令人食指大動！不過它的雞都是大肥雞，皮下脂肪不是一般的厚，就算像我這個喜愛吃雞皮的人也不敢全吃掉，否則吸收滿滿的脂肪和膽固醇，大家要注意啊！雞底下舖滿爽口的豆芽，加上菜飯，甚為健康！整個飯是男生也才勉強吃完，真的很大份呢！

喺某個Facebook page見到介紹，而嗰個page又唔係咩雜誌個啲，所以相信應該唔係廣告來嘅，就跟住佢去咗搵食啦。位置都有啲偏僻，好彩係揸車去所以都可以拍埋一邊我哋叫咗一碟霸王雞同豉油雞，兩個都係配菜飯。叫兩碟唔同，希望兩樣都有得試，不過本身文章係介紹霸王雞嘅～🐔最後出到嚟霸王雞係超正！佢上面再加左一堆蒜，超級惹味，對比之下豉油雞就渣好多，而且霸王雞嘅雞肉的確嫩好多。如果大家都去食，我建議所有朋友仔都一齊叫霸王雞

好搞笑雖然店名係叫過橋麵檔但係最出名嘅係霸王雞同滷味LOL霸王雞雞件上面鋪滿蔥絲姜絲同炸蒜加上少少辣椒同大量豉油食落好香好惹味；雞肉嫩滑有彈性而且黃油比例啱啱好唔會太油膩；雞肉下面墊左大量芽菜爽爽脆脆啱哂撈飯滷味選擇都算幾多；除左基本嘅豬耳、紅腸、雞腎、滷大腸同雞蛋外仲有較少見嘅豬頸肉、牛脷、素鵝同咸豬手；味道方面相比起霸王雞算普普通通雖然多數要搭枱坐座位逼啲而且嘈雜但係野食質素啱錯份量價錢都幾公道

星期六晚上黎到元朗都幾出名既平民飯堂 大概8點幾左右到 仍然坐無虛席 好彩等位不算太耐細佬叫左霸王雞飯 $56（晚市價）好大碗又好味 價錢親民 但比較重口味偏鹹我吃了兩舊 其實真係唔錯 雞肉嫩滑 最欣賞雞肉同配菜份量多 足料抵食我叫左大什麵 清湯 豬紅蘿蔔係我最愛湯底亦都好鮮味 叫左兩個主食加一杯凍檸茶 埋單都只係$101 食到飽 質素又唔錯 果然係無令我地失望 下次試下食佢個oreo西多士先 有同事話好好食不過就只有下午茶時間先有。

聽過霸王雞好耐, 最搞笑係, 佢餐廳名叫麵檔, 但人人都是食雞。我地都唔執輸, 叫左霸王雞飯同豬手。霸王雞飯: 原來都幾大碟雞, 足料WOR, 有脾位,有雞胸, 上面鋪左好多炸蒜同蔥絲, 我首先淨食雞, 食左脾位, 好滑!!! 堅滑!! 入味得黎唔咸, 連埋D 炸蒜一齊食更香! 下面墊左好多芽菜, 索哂D 汁, 又係好食! 菜飯一滿碗, 好多菜, 夠健康。酒釀豬手: 酒味欠奉, 不過有好多豬手, 豬手太硬, 完全唔林. 但都算多肉, 麻麻。因為太多人太多單, 呢度D 阿姐有時會黑面, 同埋坐得迫d,但食物重要過一切。