過橋麵檔

Open Now

Now Closed

最近他們開了分店，在看新鋪裝修時，滿心歡喜，因為是他們的長期捧場客，可惜的是，跟幾年前的初體驗，水準真的下跌不少，但既然在家附近，還是有個選擇的理由，意外地一坐下來，就是給人飛個餐牌和餐具（這是新的招待手法嗎？），沒禮貌到一個點，本想起身立刻就走，可是仔仔愛吃這店，說算了吧，再來就是叫奶茶卻變了檸茶，雖然肯換但臉口說我知，是在怪我們先叫錯，（大姐，我唔係用譚仔話叫，你自己覆過一次都說奶茶好嘛！），等飯上枱時，我還是驚那個飛餐牌的侍應把整碟飛過來，還好原來他是會放東西的！可惜不到吃第二件雞時，背後收拾枱面的傳來掟碗碟聲，我就坐在那前面，超驚你飛到回彈出我面前，又是你—-愛掟東西的侍應，就算再好吃，提心吊膽的晚餐，都食之無味，整條街海南都平你十幾蚊，無骨兼啖啖肉，還要回來嗎？！

這家在馬田路附近的餐館, 據我觀察有兩大特色:  第一是此店無論於早, 中, 午市時分, 門外都會有不少食客聚集, 或是等候入座, 或是等待外賣; 第二是這家雖稱為「麵檔,」, 但更多人來的目的是為了--雞.是夜, 在又新街, 西菁街逛了一轉, 但卻還未拿定主意晚飯的著落.   這是身為元朗人幸福的煩惱, 在左思右想後, 還是回到了這家熟悉的館子.  照樣的,  儘管只是一個人, 還是要等了10分鐘才可入座.就座時, 店內仍坐滿了食客.  由於在輪候入座時已在門外選好菜式, 隨即著店員替我下單:  霸王雞菜飯+熱奶茶.  這家店有三款不同雞的菜式:  咸雞, 霸王雞及巴辣雞.  後兩者我之前都已經試過, 巴辣雞我會說的確夠刺激, 適合嗜辣的一食客.  但今晚我選了沒那麼辣, 但同樣惹味非常的霸王雞.大概等了5分鐘, 食物便已上桌.  雞件上面鋪了薑蔥絲及幾粒指天椒, 下面則墊了芽菜以吸收底下的汁料.  雞件由雞胸, 雞脊、雞骴、 雞翼都有,  那些不是太厚的部份, 如雞翼, 雞脊, 都醃得相當入味, 連皮帶肉咬下去, 充滿了咸香,  伴隨蘸了醬汁的薑蔥絲, 芽,菜及指天椒粒同時吃進去,

今日入大棠睇紅葉，泊好車係附近就先醫肚！朋友話呢間食雞正，就試下啦！叫左個霸王雞菜飯雞好大碟呀！有雞比位、又有雞胸位面頭放左大量既蔥同算，又讚左油，未食都睇得出個鼓油汁會好好味雞下面係芽菜，索曬啲汁，好食菜飯都唔失色，唔係求其比啲菜，差唔多菜同既比例係1:1

過橋麵檔我諗元朗人一定食過啦，而佢我鼓油雞霸王料都係最正過麵檔的名菜過橋麵檔出名清潔，而今日種見到老闆係店裹對每一種食物作出試味，老闆的認真絕對係依間店成功的原因平時大家一定食過的雞飯/河而今日講真新選擇就係作新出我滷水鵝飯$60蚊一個，價錢不種是很平滷水鵝飯講真，真心勁入味，而最難得的是佢的鵝係一啲都唔會太老，所以大家行開可以想試一試

係元朗住既人應該都會食過呢間，我男朋友好中意食，當飯堂咁濟。份量好大下，不過d雞冇咩特別，所以我中意點好多好多辣椒豉油食食辣椒豉油個味就咩都變得好正。😂其實野例如車仔麵都ok 中規中矩。

🍚📸#tagnshare元朗篇.......................🆙 食雞梗係叫埋朋友一齊食啦💰 霸王雞菜飯 $56豉油雞菜飯 $56🤤 愛食葱既朋友一定俾佢個霸王雞吸引住啦⋯雞係滑滑既👍🏻份量睇到張相都知幾誇張啦⋯配埋菜飯真係勁抵食😅#識食一定要食配菜 揭開啲雞就係浸左雞汁既芽菜⋯入哂味都好正架! #元朗雞飯 #夜晚食貴兩蚊....……………💁🏻高妹小篇👇🏻地址👇🏻過橋麵檔 (元朗)元朗建德街25號大福中心地下1號舖………………#hkig #hkfood #hkfoodie #foodpics #foodbloggers #香港吃貨 #uhkfood #foodig #相機先食 #相機食先 #香港美食 #foodie

今日去左試下依間雞飯，個個同事食完都話好食好好奇有咩咁好食去到門口等位是必須的等左15分鐘就到我啦入到去好坐都唔係太窄都算坐得落我同朋友叫左一個霸皇雞菜飯一個鹽水鴨菜飯2杯凍檸茶等左一陣有飯食啦霸皇雞飯好野味呀！有好多葱絲係面，又夠大碟，好多芽菜係個底都幾好味呀鹽水鴨飯方面我唔會再食囉⋯⋯好多肥膏骨又多想點呀下次再黎我只會叫雞飯

相約友人入元朗吃，竟是一肚氣。入座有位，不用等候，即叫鹹雞菜飯($85)，友人叫了芒果海鲜炒饭。碟雞一上枱，我一看已心知不妙。面頭只有4件雞腿部份，下面全是背部，而且雞皮颜色有幾件背部是黃色，有幾件背部是啡色，食慾即時大減，$85只有4件可入囗的雞？下面全是骨。我馬上叫了服务員來了解，她竟然説是下庒，沒有胸肉已很好，她便走了。之后，我再仔细看看，兩雞的背部也给了我，這是下庒嗎？我眼里只有火，吃了一件，我沒法吃下去。再叫人來理論，最后，好彩有得取消！食物安排不恰当，服务水準差！其实第—次，她即刻更換便可處理，為何到最后令食客失望和不快呢！

終於終於終於試到呢間霸王雞飯今次特登同朋友山長水遠入元朗就係為左食佢所以我哋都抱有好大期望 好彩最後都冇令我地失望.霸王雞飯..一上枱雞同飯同樣霸王 兩樣都大大兜勁足料主角霸王雞雞肉夠嫩夠滑 食落唔會鞋口🤤面頭有蔥絲 薑絲 炸蒜 辣椒 非常惹味 夾住雞食一流🤘🏿 重口味人士岩曬 🤘🏿墊係雞底下係大量芽菜🤤 爽口芽菜加埋鼓油汁撈飯真係一流另外菜飯比雞更有驚喜菜飯菜嘅比例異常地多. 好足料🤘🏿菜飯正好可以減低雞嘅油膩感.蔥同薑絲份量真係好多 舖滿成隻雞撈飯食真係一流 完全唔會覺得寡！.

溫馨提示 各位想試既朋友 小心上癮！*第一晚 巴辣雞 + 菜飯⋯仲同朋友們Share左個超肥美既炸魷魚鬚！巴辣雞For me 即係口水雞！屬於麻辣！多肉！好味！配菜飯一流！飯既份量都好多！另外兩個女仔朋友都食唔晒⋯建議女仔食記住要小飯！我就食完早餐就直接晚餐！餓到牛都食得落！就清晒既～*炸魷魚鬚 十分肥美！小炸粉 亦唔會好似平時食酒樓果啲炸到乾晒！超。好。味！*第一次試完，我同朋友講「我應該好快會再番黎⋯」*話口未完⋯第。二。日！我真係番黎喇！！今日有個男人幫拖！點埋琴日想試又食唔落既滷水小食！豬頸肉 + 咸豬手 + 雞腎 + 牛脷！喂呀超抵食！好厚切！味道唔算濃！岩我口味！*繼續Encore 炸魷魚鬚！*試埋霸王雞⋯今晚隻雞個部位比較少肉⋯提提鍾意食雞脾既朋友可以俾多少少錢揀（下庄）就保證啖啖肉！*飲品自助任斟！食咁多野先total $218! 抵食！好味！上癮！

星期日經過元朗 就試下好出名的霸王雞飯下午2點左右到達 唔多人 等左5分鐘就入得入到店內 差不多每人係點霸王雞飯雞既份量好多 好大碟 雞肉好滑～啲汁要黎撈個菜飯簡直一流呀 唔會太咸另外再點左個麻辣豬耳小食好大碟都只係$26 不過我同友人都認為可以再辣啲😝😝

堂堂港島人，偶爾在網頁看到呢間餐廳勾起我一定的注意力。確實「過橋麵檔」不是以車仔麵出名，竟然係人人讚好、抵食夾大件的雞而慕名而來，我？當然是下白泥，間接令我踏足這裡啦～～除了霸皇雞，還有另外兩款任君選擇，場內的人少有叫麵，9成都是一碟碟雞！這裡非常多人排隊，侍應卻異常有禮，對人流多的場面完全沒有表現不耐煩的態度！不過，我發現當你食完面前的東西時，雖然他們會眼明手快收起廚餘及餐具，但不會趕走你（雖然你不敢不離開），頗有壓力！😂茶餐廳格局，搭檯是必然，位置是擠逼，但有心思的有勾裝在檯底，方便掛袋。在餐牌上介紹雞的菜式資遠遠多過麵食，我當然諗都唔駛諗就叫霸皇雞！轉眼食物已係眼前。。。首先，本小姐已聞到雞油白味，大大碟雞（如加多少少錢，更可以叫脾位），肉多過骨，這點很滿意！意外地有辣味，夠香，有點滑，質量比我想像中好，而我最喜歡將表面蔥花和雞件下大量芽菜，加少許鼓油撈飯，菜飯既有雞油香，又好餸飯，分分鐘一大玩飯都不夠食！其實一位普通女生一定食唔哂的，男人也會食得飽肚！滿肚而歸！

過橋麵檔, 在元朗的一眾熱愛叫雞者之中頗有名聲, 經常可見排隊的人潮。一碟霸王雞菜飯, 雞件不算滑嫩但也未至於乾身鞋口, 但整體雞味唔突出, 反觀鋪面的大量炸蒜, 蔥絲以及墊底的芽菜惹味好食, 比雞件更加搶鏡, 送飯一流；總括來說其實我覺得一般, 就個人而言覺得這裡的咸雞好食過霸王雞。

響元朗做野，同老闆食飯，佢介紹左呢間叫過橋麵檔嘅餐廳。來到先知原來食霸王雞飯。個雞飯好快就上，來到我真係「嘩」咗一聲。好大碟雞呀，就咁睇估計有超過1/4只。 齋睇賣相真回票價，霸王雞最重要d薑聰，佢好夠多，d雞夠滑，食唔到有雪味。個菜飯同普通食嘅無咩分別，算唔錯！因同老闆食唔知實數，好似架埋杯咸檸7約70蚊多d。

之前友人經常推介我食，有次去到排長龍唔想等所以冇食到，今次好早嚟到，所以等左陣就入座了。霸王雞菜飯其實真係冇乜特別，我覺得白切雞仲好食過佢，始終都係冰鮮雞冇雞味，如果佢用白雞會更加好食，可惜佢用嘅係黃雞，但下面好多嘅芽菜我全部將佢食晒，因為我覺得好味過隻雞😄。巴辣雞菜飯純粹比霸王雞辣一d，都係冇乜特別，元朗其實好多好嘢食，所以唔明點解經常有人排隊，但係個菜飯唔油幾好味。蓮子蛋茶食哂d 飯餸都仲未黎，個個好似好忙甘都唔敢催，蓮子唔係用新鮮蓮子，加上雞蛋係流心蛋，所以我碗野覺得麻麻地。