火山石石鍋手打烏冬專門店 (Closed)

跟朋友2個一齊都係睇中蕃茄湯底我要海鮮,朋友要雞扒兩碗烏冬一嚟到,嘩,好吸引,熱辣辣,不過真係要小心個石鍋.個豬手終於出現,極愛肥豬油的我倆,真係愛不釋手,入味到呢仲要好淋,10個正.我諗我係會為個豬手而再來的....

夜晚七點來到已爆滿，幸好我一條友去，先有位坐，烏冬是招牌，實要食拉，又見到好特別豬扒，外層舖滿黑芝麻，外黑 內白賣相別致，但味道一般，反而烏冬幾彈牙，但要小心石鍋，真係好熱，隨時手都熟，見住 它滾下滾下就知幾熱拉:-D

同朋友C難得有時間去旺角行行敍舊, 行到攰就求其Openrice搵到呢間餐廳食。九點黎到, 店面唔算大, 坐到9成滿 (好彩唔洗排隊)。位唔迫, 坐低就叫左兩個烏冬。朋友C叫左呢個咖哩烏冬, 原本都唔預計呢度既豬扒會好食,但結果出乎意料, 吉列豬扒鬆化, 而且好嫩。咖哩算係超超超小辣 (對我黎講係無辣味), 但黎到好香, 烏冬唔太"林", 而且烏冬唔係普通既街邊貨。第二個係豬骨湯底既烏冬。豬骨湯底好濃郁

星期六約咗朋友係旺角食飯，我1:45pm去到，只有三四枱客，我坐底無耐，朋友仔就到咗。朋友一號要了豬骨湯海鮮烏東朋友二號要了木魚湯薄切豚肉烏東小妹要了木魚湯厚切豚肉烏東豬骨湯海鮮烏東與豚肉鳥東的價錢只相差幾蚊，但餸菜卻多很多，算是值回票價，但所謂豬骨湯底卻很淡，莫說與正宗的日本豬骨湯底比較是無得比，就連一般香港日式拉麵店的豬骨湯底都能勝它一籌。是為了迎合一眾想食又怕肥的香港女士？點餐前在好奇何謂薄切豚肉，何謂厚切豚肉呢？我們估計薄切是好像肥牛般切到超薄，而厚切就是一般日式义燒吧！薄切果然是切到超薄的豚肉片，但所謂厚切，竟是一粒粒五花腩……。雖無被騙的感覺，但三人同時無奈苦笑。雖然和想像有出入，但從好嗰方面諗，一粒粒上容易啲咬走啲肥膏 。因為調味後才煮，所以啲五花腩清淡得唻都有啲味，但份量就唔係咁多，得四、五粒左右。食後感：用石鍋裝住啲野食，啲食物真係夠曬熱。烏東夠彈牙但要$50碗出面有好多選擇。食物味道偏向清淡，唔算難食但亦只屬一般。可以再去但唔會特登再去。

老公知道呢到有呢間野,見到好似幾好食咁WOR,就去試下啦明明時間尚早,但係都好多人排隊囉,要等成粒鐘呀,真係陰公,企到腳仔軟.唯有周圍行打發時間啦,終於等到叫我地個NO.啦.就好開心咁入去.我地入到去睇完餐牌,就叫左豬手烏冬,同海鮮烏冬,小食就有凍豆腐同埋炒雜菜.在等候食物期間,見到間鋪周圍都好迫,枱同枱之間好窄行唔到一個人,好迫呀~~~~~野食黎喇,黎左個炒雜菜先,我食落去覺得好似有D酸酸地,有D(叔)既D菇,之後就淨係食D菜,菇就掂都唔掂下,但老公就話D菇冇問題WOR,食鬼柯佢個凍豆腐好好食,可能有D目魚絲既關係,可以釣下味,但個汁其實唔OK海鮮烏冬個湯底真係好好味,D料又足,烏冬熱辣辣好野味呀,又彈牙浸住都唔淋豬手有點咸,我覺得味道太濃了,份量好多,好夠飽天氣凍果陣好想再食

晚上九點多去, 好彩岩岩唔使等位就入去試下呢間,入座率都有九成, 侍應循例式講只可以食一小時,無問題~ 心諗食個麵都唔會坐得耐既, smile女友叫了一客燒牛仔骨飯 $45牛仔骨 "快餐廳" 水準.. 太腍..汁都唔錯既.. 不過D飯太普通..如果珍珠米會好D.我叫了海鮮手打烏冬 - 辛辣湯 $65烏冬食唔到有幾彈牙煙韌, 有D一夾就散, 湯好重麵豉湯味&得個咸一D都唔鮮, D 海鮮就淡而無味.. 好失望! 加埋一 埋單 $121. 可能今次水準有D參差, 不過我都未切必會再試了.

火山石把韓國的石頭鍋和日本的烏冬放在一起，效果非常好，石頭鍋保溫的特質把烏冬保持在熱騰騰的狀態，烏冬既可以維持彈性，湯底因為保溫鎖住鮮味。和朋友叫了一碗海鮮濃湯烏冬和豬骨濃湯炸豬排烏冬分享，海鮮濃湯非常香甜，和海鮮配料搭配得很好，豬排炸得不錯，不會太肥膩，豬骨湯稍嫌太淡，不過不嗜重口味的人應該更喜歡。烏冬非常彈牙，充分吸收湯汁，個人非常喜歡。二選一的話，我會選海鮮烏冬。熱盤料理夠熱的話，一般都會很加分；火山石的烏冬，我覺得石頭鍋是它不可或缺的搭檔。

今日心有靈犀同個friend一齊諗起試呢間野,都係抱住平常心, 唔會expect太多, 但結果比我想像中好食好多呀!7點到都未駛排隊. 我就叫左碗黑芝麻烏冬, 我覺得真係好好食, 個湯好濃好正! 好香黑芝麻味, 一D都唔奇怪!D烏冬就真係好彈牙!! 不過好熱, 要小心, 因為真係滾住上!我friend就叫左碗豬手烏冬, 要$96 一碗, 不過D豬手真係好好食, 勁入味, 炆得好稔好入味!!正!!我地有叫小食, 因為有下埸食糖水. 下次一定會再去試其他野!! 黑芝麻烏冬都會再食!!

久仰火山石大名, 今日終於有機會試下!!!7點就去到唔洗等位,烏冬真係名不虛傳, 口感一流, 好煙韌又夠熱!食到最後都重熱架!湯底都好濃, 整體黎講值得推介!只可惜店員服務態度不佳.......真係要改善下!!

火山石位於女人街近家樂方向,沿沙嗲王直行就到。之前嚟過幾次，知道客人唔算少，大約7點就會開始要等位，所以都會刻意6點半左右到，不過今日收工後去都成8點3左右，門口依舊有7-8個人等緊，所以我同朋友拎完號碼就去旁邊睇下精品先，不過一睇完就立刻有位啦，仲要好似我地個號碼過左一兩個，個店員都好好人照俾返我地入。上次嚟食過個海鮮湯鳥冬真係好好食!! 不過今次賣晒，所以我地叫左其他湯底，雖然冇海鮮咁濃味，不過都依舊係好味! 大家食烏冬果時要小心d，唔好食得太急，因為佢真係好夠熱，偶爾我地會唔小心燙親個嘴 反而我朋友唔想食烏冬叫左個鰻魚飯，佢見到我地彈牙又入味又香既烏冬，都好後悔。佢有塊胡痳炸豬排，我反而覺得比較一般，可能係我犯賎喜歡食面包康炸既多de間小店小食唔算多，我地試左三樣，個菇同豆腐都幾好食!! 個菇係唔油gar!!乾乾地之外仲有味!!! 平時出面食好似普遍都好油，所以係到食佢真係有點驚喜! 豆腐表面唔係炸到脆晒果種，加上內裡幾滑，配埋佢個汁好正。如果食6點幾7點果轉就可憐d，因為佢店面有限，門口又有人排隊，所以d職員會勁準時咁叫你埋單走，不過今次食第2轉就坐左好耐輕鬆少少~~ 下次都一

兩個人叫咗一個雞扒烏冬同黑胡麻豬扒烏冬，個雞扒上枱只係和暖，而家豬扒雪味超勁，食咗半件就食唔落。咁嘅食物八十幾蚊碗仲要加一，無下次！服務方面，個碗燒到咁熱，竟然唔提吓人客小心燙手，問佢攞支七味粉，先落少少想試味先，轉頭已經收走咗，又唔係俾第二枱用，好趕收工咩，不知所謂！

六點幾黎到唔洗等位,不過已經有半間餐廳坐咗人,算係多人食我哋叫咗火山石燒咖喱厚切豚肉手打烏冬同山地獄手打烏冬(豚肉)山地獄手打烏冬唔算辣,啱晒怕辣又想食辣嘅朋友厚切豚肉手打烏冬個咖喱湯底無咩特別,唔係好重咖喱味,厚切豚肉幾特別,入口淋淋哋,烏冬幾彈牙

貴唔緊要...但最緊要係值囉... 坐得好迫..仲.限住時你食....無服務可言仲要收你加一??? 但質數完全唔得.... 牛肉得3片烏冬少又唔得好彈牙 收 $7x + 1 唔值囉 很一般的貴價烏冬，湯底有一兩種算特別啲啲但味道真的普通囉！

星期六下午相約了幾個同事仔到旺角女人街兩旁食店Lunch走了一轉, 最後決定吃<<火山石>>哈哈, 熱辣辣天氣食火辣辣石鍋烏冬 ... 正!!我未來過, 所以拿著Menu研究良久才決定點火山石燒咖喱吉列豬扒烏冬首先呷了啖湯wow ... 很滾熱辣, 熱既程度幾乎可以辣熟舌頭味道係很香咖喱味的濃湯再試試那隻鋪在湯面上的半隻溏沁蛋蛋黃剛熟, 還有少許蛋黃汁吉列豬扒炸得太乾身, 失去應有肉汁如果下次我會以下是同事們叫的其實每人一碗, 已經頗飽不過我地又想試試小食所以我們叫了三款串燒Share爆汁煙肉卷這味小食很難會不好吃咬下去茄汁在口中飛射 ... 爽!!燒豚肉串味道普通

我又想試新事物,就選了下午茶時間去吃石鍋手打烏冬.通菜街的食店全部隱藏在排檔後面.店的位置是由登打士街轉入通菜街在左邊行一條直路就見到.下午茶時間2點半.入店內環境也不細,可容納50人左右.有數張4人枱.在店最盡頭有數張2人枱.環境也衛生.闊落.相當光猛.服務.經理很有禮貌.但2名後生店員較冷淡.而且有一名目不轉晴望著我.十分奇怪.令我周身唔自然.下午茶有威力.,平均39元.凍飲加2元.加一也不用.極上牛肉手打烏冬39元品質普通.但不難吃.石鍋主要賣點令食物食到最後也熱辣辣,冬天可取暖.夏天食店一定開重冷氣.但壞處也有.肥牛已經是生上枱,第一件上枱5秒內立刻食.的確牛味重.肥油香味亦吸引,可惜去到尾段牛肉太熟.相當鞋口.味道亦盡失.生雞蛋也因太熱.變了超熟蛋,生雞蛋對味道沒有正面影響,烏冬相當韌而有咬口.豬骨湯底.不是煲是開粉.同即食麵湯底味道相近.送的凍檸茶味道也薄弱,品質只是可以接受,服務一般.而我對石鍋食物興趣不大.雖則41元不貴.但我只會試一次.