火山石石鍋手打烏冬專門店 (Closed)

中午時間去到. 嘩!! 坐滿人>< 在門口30多度高溫下企係度等左10分鐘終於有位 點了咖哩湯底海鮮石鍋烏冬及豬骨湯底海鮮石鍋烏冬 lunch set $60 送飲品 (食之前覺得有D貴!!)睇到見到有大大隻青口,大大隻蠔,大大隻帶子...... 抵晒!!!烏冬彈牙(不算是我食過最彈牙但也很不錯) 海鮮好新鮮, 唔會係好似雪左n年咁 湯底唔係幾夠夠咖哩, 但都幾好味隻糖心蛋都係加分位!! good good good 最後覺得$60是值得的

之前黎過, 但 因為太多人, 最後放棄今次又再黎, 都係要等, 等十五張枱...今次堅持, 一定要等!等左30-40分鐘, 終於打黎話有枱, 好感動, 我地終於等倒!!!一入門口, 就已經聞倒香味, 等左咁耐, 真係好餓...我地點左辛辣湯海鮮手打烏冬, 石鍋雞肉, 牛肉飯, 燒鯖魚, 炸豆腐, 蟹肉沙律石鍋雞肉, 牛肉飯 男朋友堅持要多汁, 令我試唔倒石鍋飯的味道燒鯖魚次次食日本野都叫鯖魚, 今次都一樣鯖魚好大條, 燒得好香, 檸檬汁已經帶起鯖魚的鮮味, 另外, 調味料味道都好好, 每食一啖魚都會點一下, 非常滿足炸豆腐炸得十分鬆軟, 好甜蟹肉沙律冇諗過個沙律會咁靚, 沙律菜上面有蟹肉同鍋巴, 配上酸甜沙律汁, 十分醒胃辛辣湯海鮮手打烏冬辛辣湯唔係好辣個種, 香辣貼切d, 湯底香, 唔係想像中的濃味另外, 手打烏冬好彈牙, 海鮮都幾多, 有兩隻青口, 帶子, 蝦, 蟹柳, 都算唔少食到最尾, 男朋友都話好值得排隊等位埋單二百七十幾, 好抵呀!

很多時在冬日想吃過熱烏冬，很多時都立時聯想起萬豚屋，那個熱湯，滾燙之外又有一陣香濃而鮮甜的豬骨湯味，但是日人在旺角想吃此品嗎？就來了這所主打石鍋烏冬的小店。兩個人吃得不多，就每人要一個烏冬吧，當然兩個烏冬會點上不同的湯底及配料，務求盡量試多一點東西吧。先來談談這碗海鮮手打烏冬，要了咖哩湯底，用上石鍋上果真很夠熱，咖哩湯中喝得出一點點豚骨湯的影子，但又有很明顯咖哩的辛勁，雖然都是一貫日式咖哩的BB辣，但看來店家這個用上咖哩醬加豚骨湯的咖哩湯底，喝起來都很夠咖哩味，另外都加有不少的粟米粒，至於主角烏冬，粗身的看來似讚歧烏冬，在滾燙的湯之中仍有咬口，但未至於有咬勁及煙韌，吃起來只能說是不粉腍而已。另外其海鮮都算不少，有一雙青口、一雙大蜆、一粒帶子、三隻蝦仁、蟹柳及半熟蛋，青口夠厚肉又沒沙，大蜆厚肉得來又不韌，而大大粒的帶子肉質不霉，但就不太有貝柱的味道，但上述三者以雪藏貨來說，真的已經是交足貨，蝦仁介乎爽口與腍身之間，蟹柳一向都不大愛吃，在此就不談了，至於那半隻半熟蛋，蛋黃其實已經是要比溏芯熟了點，但吃起來蛋黃都呈粉粉的狀態而又有蛋黃香，其實都可說不錯的了。另外一碗點了火山石燒醬油豬手手打烏

平日等位唔算耐,等左10幾分鐘就入得,今次係第一次食,於是叫左兩款唔同湯底既烏冬試下啦~第一款係咖哩湯海鮮烏冬,咖哩係日本既甜咖哩味道,第一啖會覺得有少少辣,但愈食愈想食~好惹味!海鮮包括青口,蠔,帶子,蟹腳肉各一,蝦有三,全部都不過不失,係帶子有少少"un"而烏冬呢個招牌菜真係無令我失望~好有日本風味~~第二款叫左黑芝麻湯豚肉烏冬,聞落好香黑芝麻味,食第一口,好濃~但感覺同烏冬唔係好match~bf話呢個湯凍少少會好食過熱食,而豚肉就係d好肥既似,有豬膏o個種,仲"污染"埋個湯底都好多油,..怕肥女士勿選豚肉呢~overall, 我地都覺得咖哩湯正~另外叫左個小食~~什麼厚玉子~~估都估唔到,厚玉子係好少蛋~上面有好多木魚絲紫菜絲,配上燒汁,好似食咁章魚小丸子咁...不過都幾好味既~只係應該要改名姐~~哈哈~~呢間烏冬真係正,會encore試試其他湯底~同埋冷烏冬都好似好正呢~~

今日晏晝去開旺角, 就去通菜街睇下有乜好野食~想去試萬豚屋好耐, 但未有時間, 所以見到依間石鍋烏冬就諗住試下!去到係3點, 有下午茶餐烏冬+飲野 $39, 要凍飲所以$41, 價錢ok叫左個火山石燒極上牛肉豬骨湯手打烏冬起初諗住石燒只不過係等d烏冬無咁快凍但係拎到埋黎嘅時候勁勁勁熱!!!!d湯滾緊, 熱到放唔到入口諗住等一陣先再食, 但5分鐘之後d湯重有小小滾緊嘅跡象... 好似水煲滾個陣有d氣泡升上面咁唔係講笑, 有相機我真係會影低!!!味道方面, 烏冬同牛肉都係一般貨色烏冬食落雖然有d似超市賣貴d嘅讚岐烏冬, 但口感幾煙韌, 唔錯個湯幾好唔太差, 但有d油同比正宗嘅豬骨湯差好遠總結:各方面都幾好, 以依個價錢, 可以接受.但下一次應該會冬天先黎因為真係好熱!!!同埋亦更家期待去試萬豚屋!!

睇左openrice既食評好似幾好食而去試既~8點去到,唔洗等位,gd~叫左黑胡麻湯牛肉烏冬+黑胡麻吉列豬扒烏冬+泡菜牛肉卷整體味道ok~不過偏貴,尤其是叫"手打烏冬專門店"但係D烏冬無咩特別,同係超市買既烏冬無分別~~個黑胡麻湯牛肉烏冬既湯底好正!!!!味道好濃郁黑胡麻吉列豬扒烏冬既豬扒好特別,賣相唔好,但好味~又唔會好乾身~泡菜牛肉卷...無泡菜味,汁少又偏酸,其實可以唔叫...

呢間真係一間唔錯既餐廳，值得推薦。我講係味道炸，我就覺得呢間野唔算抵食而且份量都唔算多，我係食唔飽既等位既時間都算長。講講我食左咩海鮮石頭煱烏冬($70) - 份量認真少，同埋價錢唔平，推薦食啲平啲既。三文魚煱巴壽司 ($45) - 又係一碟味道好，但唔抵既野 ，三件四十五，好貴但係味道真係正，三文魚容配啲真係脆既煱巴，未試過口感咁正既野。 價錢同味道，自己衡量下。我‧有下次

28號當日同友人食飯...點了兩碗烏冬就夠...本著試試無妨的想法...睇左好耐menu....其他都唔多簡得落手..因為不是平時響屋企自己整都食到...就係周街都食到...冇咩特色咁....最尾點左上野牛肉烏冬同豬手烏冬...先說說牛肉烏冬的問題岩岩放上台果一下....的確係見到佢個碗好熱....有煙出...但係...好坦白講...唔係d湯熱...而係個碗熱而已...之後再望真下d牛肉....全部都係生的....加上d湯唔熱ge 關系...冇記錯係食左10分鐘先開始見d牛肉熟有點兒似茶餐廳食到ge 生牛肉湯河咁...再說說d豬手烏冬...湯...依舊一樣...唔熱...我寧願樣衰小小插隻手指落去一試...同隻手指差唔多溫度...咁算熱嗎?豬手...成包買返黎煮熱就係...豬手本身已經唔入味....再加上7味粉...入口果一下..的確係好搶味覺...但其後的餘韻基本上係冇...因為豬肉冇味...用上7味粉搶左頭韻之後...味道消聲匿跡...比較失色...在這建議食店買入豬手後..煲一段時間....令豬手入味之餘...加上7味粉後方有完滿的口感..(另外...豬手好似落左鬆肉粉..而且都

睇完開飯，見D食家話幾好咪去試下！誰知去到要等9個先有得入，最終都係留電話, 行左去掃街！(預左食完都唔飽，索性去打定個底先)入到去叫左個吉豬烏冬(豬骨湯)及海鮮烏冬(豬骨湯, 因無濃湯 - 少少失望)我覺得湯底同吉烈豬排 Good\, 但D烏冬一般(可能我鍾意較淋D)下次再去，都簡LUNCH因為多杯飲品！

一想起食烏冬,訧會想起火山石。第一次來的時候，感覺好好味,本人因愛吃熱辣辣的食物。而且湯又有豬骨湯底真係一流！但去多咗...每次烏冬的份量越來越少...(唔通通脹得咁厲害)今日又去食中午飯...等的時候，女服務員...竟然同我們後面的客人講:.".唔好等啦..要等好耐架." -> 趕客???唔夠10分鐘，有3張枱埋單.... 變相有2張吉枱.......冇人用...中午食飯時間...喎...唔想做都唔駛咁呀有同事叫咗個冷烏冬.. 我們4個人都試下少少，點知...有種中間煮唔熟,有點生硬, 肯定唔係彈牙.(又唔見我們熱食的彈到硬生生,我諗...店舖...唔會入2種唔同的烏冬...) 諗住叫人換....但服務員...用筷子..夾一下...又話係熟..???唔換咁同事謂有"硬食"... -> 唔通烏冬都有全熟. 8成?半成?? 所以,大家要食都唔好簡冷烏冬....!!

之前幾次想去都係星期日, 佢地唔開所以唯有等閒日去吃啦!海鮮濃湯烏冬 - 十分讚的鳥冬, 之前也吃過, 所以今次都係食番呢個, d湯好濃好好飲, 而且d海鮮都好足料, 下次嚟都會食番呢個~~麻胡吉列豬扒烏冬 - 賣想都幾唔錯, 不過夾果時d皮同豬扒分開左, 可能炸得唔好啦, 味道也算不俗啦天寒地凍食完即刻暖番晒, 不過只可以吃一個鐘, 之前好似無喎!!

天寒地凍，吃一碗熱辣辣的東西進肚子，感覺實在是妙不可言....下午午飯時份，要找煲仔飯一類的暖身食物真箇是難若登天。此時忽然想起了石燒窩烏冬，同樣有着吃後令身體發熱之功能。事不宜遲，馬上驅車前赴旺角女人街，吃一窩來加添體温....講到石燒窩烏冬的表表者，當然不能不提赫德道的"萬豚屋"。不過吃來吃去都是她，始終有一天也會生厭。一早知悉女人街內有這一所相類的小店，到了今天才找個機會試試，想亦不應太遲了吧....吃烏冬之前，先喝杯熱度同樣足夠的熱檸蜜。很可惜的，眼前的這杯東西是味淡得像在喝檸水，一點蜜味亦不存在....餐牌上烏冬的選擇十分的多，但第一次吃，最穩陣及最能"考牌"之作便當數豬骨濃湯豚肉作料的了。看上去賣相跟"萬豚屋"差不多一模一樣。先喝豬骨湯，好像沒"萬豚屋"的濃稠，但若不作比較單論之，卻也是收貨的；豚肉肥瘦相間，脂肪部份的確是進口即溶，很甘美，十分美味；烏冬有咬勁，與"萬豚"的也有得揮....想不到這位"替身"的水準也很不賴。以後吃石燒窩烏冬，又可多一個地方了....

新一年第一餐出街食飯，當然不能苦了肚子，出到旺角就想起這間一直排長龍的人氣店。時值週六二時半，避開午飯時間自然人流少不用等位。在菜單上遊走良久，仍無法在午餐和茶餐之間突破盲點，忽而右手一掃，剛好望到黑胡麻豬扒手打烏冬，又想起好像不少人推介，價錢亦十分公道就選了它，其他款式頓變成鏡花水月，並隨著右手破滅了。等了零時十分，倚牆看廚房暗格，熱辣烏冬出來了，既然豬扒後上就先嚐它。望其色，奶白、聞其味，淡然、嚐其味，清甜。一般在外喝到的豬骨湯，聞起來香喝起來濃，事實上是味精放太多食完喉嚨乾。這裡的豬骨喝起來就是老火湯那種清甜又舒服，一點也不涸喉。再吃一口烏冬，這圓圓粗身的應是讚岐烏冬，咀嚼起來的確是嫩滑兼彈牙，比起有些平價的烏冬看起來挺結實可一咬就散掉，更甚者還帶酸。炸豬排乍看像沒斬件就上，實質是切好一件件的了。這炸豬排有著常見的皮肉分離問題，要扣分。黑芝麻的確香，但還是敵不過花生，所以吃起來花生味蓋過芝麻味是非常正常的。而豬排選的位置非常好，看似有點瘦其實不然，咬下去很軟淋也有點肉汁，沒有肥膏不怕超標但就缺點油香，健康和好吃就是難取捨啊。餐飲選凍檸賓，冰不多杯夠大，重點是有檸檬不是用廠方的合成

食客甲︰「唔該要鴨胸烏冬。」店員︰「今日無鴨胸。」食客甲︰「咁要豬手烏冬呀。」店員︰「今日無豬手。」食客乙︰「一個炒雜菜呀。」店員︰「要夜晚先有。」食客乙︰「要一杯凍咖啡呀。」店員︰「無咖啡喎。」於是，在非常肚餓又懶得行的情況下，燶面食客甲和食客乙，無奈地叫了︰麻胡吉列豬扒手打烏冬 - 開心大發現。豬扒炸得香脆，麻胡香而不辣。烏冬我覺得彈牙好吃，但在日本住過的友人卻只說比香港一般的舖頭好，還遠不如日本小店。 海鮮湯手打烏冬 - 一般的海鮮烏冬。料不特別差，也不特別好。七味雞翼 - 調味做得幾好。不過隻雞翼完全無雞翼味...雞，係唔一定有雞味@@ 不過，$15三隻，我又能要求甚麼.......本來對侍應毫無好感。但不知是巧合還是他們聽到我祝友人生日快樂，過了一會，便聽到餐廳播放古巨基的「年年有今日」。友人顯得相當高興，我們之前的怒氣也一掃而空

蜆蠔辣湯石鍋烏冬 牛肉辣湯石鍋烏冬豚肉豬骨湯石鍋烏冬 - 石鍋上, 好似萬豚屋咁上台時仲滾緊, 夠晒熱辣辣, 不過烏冬略為腍左少少, 豚肉亦比較淡口