墾丁茶房 (Closed)

老婆鍾意食台灣菜，未能夠帶佢去台灣旅行，惟有帶佢食台灣菜～呢2年晚市套餐不斷加價，而且款式又小咗，有時想食嘅套餐冇就散叫抵D，反正老婆唔飲湯，又飲唔晒一杯嘢飲，次次都要幫佢飲埋不如慳返D錢好過啦！招牌套餐仲要冇咗老婆鍾意嘅珍珠奶茶，惟有揀個晚市精選套餐餐湯超級油嘅合掌瓜，老婆見到已經唔肯飲，作為湯怪我梗係唔理油定湯倒晒落肚啦～老婆鍾意食炒飯，所以單點咗個海苔肉鬆海鮮炒飯，配料幾多，肉鬆鬆脆套餐叫咗醬爆芥蘭鮮魷牛肉配白飯，牛肉韌咗小小，芥蘭又生咗小小，但味道唔錯珍珠奶茶嘅珍珠就完全唔掂，中間硬硬的好似唔熟定唔知點咁，作為台式食肆如果珍珠奶茶都做唔好都幾失敗～

我喜歡台灣菜，所以自從墾丁出現後也經常光顧～加價是必然的，最初5-70元的套餐已經加到7-90元，而且部分套餐已經不再送珍珠奶茶了😣二人套餐之前百二三元，現在一加就是二百幾了，所以沒有再點二人餐散叫價錢合理，所以我們點一個餐+1碟海苔肉鬆海鮮炒飯跟餐的湯油到不行，見到已經不想飲了珍珠奶茶是我的至愛，但是晚珍珠好難食，中間硬的，為甚麼會越來越退步😭芥蘭炒牛肉，味道0k的，芥蘭爽口，但牛肉又乾又韌海苔肉鬆海鮮炒飯差不多是我每次必點的，也是一直保持到良好水準的炒飯，配料多，肉鬆也美味～我們被安排坐的位置，其實店員絕對有充足空間送餐的，加上客人不多，但卻將食物放到老遠就離去，難道那個位還有其他＂人＂坐？老實說我還是喜歡墾丁這食店的，希望可以重回起點，重拾水凖，眼見越來越小人光顧，由從前排隊等位，到現在小貓幾隻，每次到來也感到水凖下降，很擔心有天會結業呢～

食店極不起眼，要穿過前面兩間食肆先至去到。兩人都有半圓梳化位坐，正！餐牌有二人套餐，但對我們來說，那份量是太多了，寧願散叫食物。海鮮炒粉，落order 之前有點神秘感，因為英文名字說明有兩種不同的粉。仔細的看才發現是米粉+透明的粉，幾得意。又好在炒得非常乾身，雖然都幾大碟，但不覺得膩只看菜名已覺吸引。一放入口不得了，豬扒脆口的，有蜜糖甜味又有酒味，幾balance。唯獨罐頭水蜜桃有點格格不入，而且整體偏油。A菜，上面d 肉碎同雞絲都唔少，同幾香口不過呢，某男職員上菜時飛碟落枱面，又黑面，令人側目環境亦屬一般，因為望住溜冰場，我們用餐時下面打緊冰上曲棍球，好嘈！

晚餐時間,叫了二人餐(有拼盤,皮蛋豆腐,一碟例牌大少的雞,選項要豆腐鍋,雲吞雞)三人吃,還可打包一盒,味道不錯。加一後$250,以4人分量計,抵吃！店員態度很好,吃得很開心。

之前食咗幾次都覺得OK , 所以帶朋友去吃, 點知, 有少少覺得差咗個牛尾陣味好怪, 臭...朋友食少少就放棄咗~~炸雞扒...味重到, 絕對不可以唔跟飯吃....暫時應該唔會再去吃lu

閒日晚上我想去IKEA去Megabox，同行友人病病地，想搵間慢慢食慢慢坐慢慢傾餐廳，上左十幾層最後揀左最角落既呢間。閒日既晚上大把位（咁大個場得三枱客），侍應小弟安排左我地坐圓形疏化位有cushion坐得舒服。遠望到樓下打冰曲。一坐低就問侍應小弟囉杯暖水食藥，小弟服務態度好又勤力，介紹左我地有啲晚餐抵食啲，望完餐牌就好認同😂病人胃口麻麻地想食濕野，叫左個「宋家菜肉餛飩拼紅燒牛肉湯麵」個名好長😑唔湊米氣既我就叫左澎湖三蝦冬粉煲。餐抵食係因為會配埋例湯前菜餐飲。侍應小弟一落完單就即刻攞例湯同餐具黎快到呢😂可能無乜客（小弟好似剛畢業第一份工咁款）見佢無野就搵野做抺吉枱呀入豉油呀😂例湯青紅蘿蔔湯細細碗咁（唔預會係無味精老火湯架喇），前菜陳醋雲耳，爽口唔太酸，幾開胃。另一個疑似經理既呀姐就上另一道菜時，響我疏化後面隊過黎🙄其實又無人又唔趕，行多步響人地前面放低唔會好難啫🙄冬粉煲，賣相hea左啲，粉絲走晒出個煲度，味道就好有蝦干既咸香，有幾隻雪藏蝦仁，幾多芽菜中和咸味，蒜頭同蔥都幾多吊起個味，原本諗住就咁食，餐配白飯上有原因，食到尾就覺得咸可能因為食晒啲芽菜。餛飩牛肉麵，份量少，無胃口果個都食得

Mega box有好多餐廳，星期六中午人流唔多，基本上你揀邊間都有位。我同朋友揀左一輪，決定食台灣野墾丁茶房。餐廳座位寬敞，我地揀左張弧形梳化坐下，望正溜冰場，可以欣賞小朋友溜冰之餘，仲有冰場免費流行曲聽，確實係一個好好hea既地方。午市主要提供兩類套餐：招牌套餐、午市精選套餐。主食連前菜和飲品，價錢由$65-$78。我地揀左口水惹味雞同鹽酥雞排配香菇肉燥飯套餐。套餐份量適中，前菜係細細碗檸檬青瓜，正常無咩特別。主菜口水惹味雞味道ok不太辣、鹽酥雞排略嫌燶左少少，兩邊雞肉較「鞋」，好彩中間兩件都係嫩滑的。反而伴菜的酸菜好清新。最出色的，莫過於杯凍泡沫奶茶，大大杯無冰兼自己加甜，又香又滑。由於無咩人，坐幾耐都得，我地hea左響樹打機吹水兩粒幾鐘先埋單走人。

今日晏就老闆請食飯又成班同事出街食喇~去左mega box 同事門分散投資去攞位結果墾丁茶房最先有位~有我最鐘意ge圓枱 一行5人 啱哂傾計入到去野食都未點就先一人一前菜！酸辣酸辣木耳木耳好爽! 酸辣適中食完一杯好想再食多杯！仲有䒬頭辣椒～（呢樣野係成個餐最好食ge野😂）之後就係主菜菜餃紅燒牛肉麵$73材料極之豐富流心魯蛋唔錯但係上面D蟹子係咩玩法😂😂白菜都幾有驚喜 好食過平時食麵配ge菜芯生菜可惜 可惜成個面敗筆個湯有D咸..麵一般，牛肉乾乾地唔嫩口菜餃皮太軟 一般般

今日因為公事關係，到達九龍灣Mega Box 附近的商業大廈，快快辨完公事，正值３時下午茶時間，行一行平時不會願去的Mega Box。雖則話九龍灣地鐵站有免費巴士坐去，但老實果句，巴士短等５　到１０分鐘，長要等１５分鐘以上，這樣費時的事情真係好少做。行一行食肆幾層，原來下午茶選擇都幾多，價錢合理。墾丁茶房，我眼球好快就被眼前寬敞舒適的木製餐桌所攝住了，放眼望去，餐廳裝修很花心思。一張張大圓梳化餐桌，一片蔚藍色，門口有些掛畫，也有一部電單車擺設。如果你選擇倚在餐廳的一旁坐下，看下去會是白茫茫的溜冰場。這間餐廳，「食景」也不錯。 看一看掛在門口的上午茶餐牌，相片上的食物，樣子好像很不錯呢！好快我就鎖定一茶餐：　貢丸米線＋花生醬厚多士＋泡沬奶茶。食物好快就到了，已經餓了肚子好一會的我，看到濃濃牛肉湯底配上米線，加一粒貢丸，再有些少芽菜，和肉碎，樣子好像不錯。我心想要把份量最勁的貢丸放到最後一面品嚐，米線的份量太少，不過這是下午茶份量就算了吧，米線挺爽口的，芽菜也是鮮甜爽口，湯底就是出前一丁牛肉湯味，肉碎無特別，係腍口的口感，但湯底不算重味精。以這價錢來說，不算十分美味，但絕對可以接受。由於份

和兩個小朋友仲來吃肉燥飯、蝦醬松子牛松炒飯及雲吞，全部超咸及超油，連珍珠奶茶都好難飲，午市套餐由$64起，一點也不便宜，除了環境舒適外，一無是處！一定不會再光顧。

同男朋友食飯只係想安靜地食，可能因為平日啦所以都無乜人，但係佢地既2人套餐好低食，前菜：皮蛋凍豆腐、小食：（炸魷魚、花枝丸、豆腐⋯）需然通通都係炸但係係即叫即炸 有口水雞、菜煲、最後係雲吞雞湯😍😍😍 配送滷肉飯 真係無得定價錢真係好低：250有找

星期日突然去mega box睇戲諗住去附近茶記試下美食,但間間都冇開門。唯有上返mega box搵返d又平又快既輕食。於是去左墾丁茶房, 見佢d set 唔算貴, 食完又可以上戲院好方便。我地兩日嗌左常餐和牛肉面share。常餐包括:肉燥新竹米粉,台式炸雞扒,多士及奄列肉燥新竹米粉: 肉燥炒得好香,個新竹米粉又幼好入味。本身個湯底都好夠味。加埋肉燥香汁好好味呀!台式炸雞扒:熱laklak炸起的, d雞肉好滑皮又香脆,有d想散叫多份雞扒啊多士:多士幾香脆,有埋牛油提供。奄列:雖然睇落好似乾乾地,但其實入面有白汁肉碎架,有點兒驚喜。食落唔dry仲好好味tim~餐飲熱奶茶:都幾香滑, 茶和奶味剛剛好啊。凍檸茶: 檸檬不會苦,但糖漿似乎店員落重手了...好甜。下次可能試下叫佢糖漿另外上。另外仲有叫左台式牛肉面因為太肚餓既關系唔記得左影相,哈哈。台式牛肉面:湯底夠濃,面雖然是台灣粗面但入到d湯味,正啊。牛肉夠林易咬入口,有牛肉味~不錯不錯!不過牛肉面有香茜,不喜歡吃的朋友記得叫佢走香茜啊。今餐好食又抵食, 連對吃挺有要求既佢都話唔錯。下次黎開mega box會再翩吃啊。

午飯時間, 又係四出找尋好味餐廳既時間啦, 今日我就同同事去佐九龍灣megabox試呢間台灣菜啦餐廳位於megabox 既食肆樓層 - 11樓, 而佢既舖位都算幾大, 所以午飯時間都唔係好駛等位打開個餐牌, 都有幾多選舉跍, 有成10幾個餐俾你揀, 真係唔怕冇野岩你食, 最驚你唔食而最後我就揀鹽酥雞排配香菇肉燥飯 + 珍珠奶茶啦主菜未到, 佢到先有個小食俾你食住慢慢等5分鐘後, 主菜黎啦!鹽酥雞排配香菇肉燥飯 ($66)鹽酥雞排炸得好香口, 皮好薄, 雞排好大份, 亦唔會好油, 好好味香菇肉燥飯大大碗, 一定夠飽, 但係因為碗飯太大既關係, 肉燥就唔係好夠伴勻成碗飯啦珍珠奶茶珍珠好多粒, 好彈牙, 好好味, 茶味亦好夠, 好欣賞呢度既糖漿係分開上既, 可以自行調配甜度食飽飽, 又要開工啦 

$68 蚊香葉三杯雞鍋，好多件雞，雞肉算入味，香口味，抵食之選。$67蚊紅燒牛肉麵，多麵又彈牙，牛肉好'林', 湯又好飲，必食之選。仲送一大杯凍飲，透心涼。慢慢坐慢慢食。

墾丁都好似嚟過, 但依家好似好味左, 我們分點點左套餐, 餐飯檸檬百香果茶, 都好清新的, 但甜左一點.同事的糖醋魚塊, 佢話次次都叫, 好好味, 我試左一件, 都真的幾入味呀, 唔會好甜, 酸酸地好開胃, 魚肉都鮮甜的. 有些紅椒, 黃椒拌菜. 個碗飯好大碗的呀豬軟骨, 好大份呀, 豬軟骨好淋身, 個汁都好香濃惹呀的, 有好多洋蔥, 蒜頭, 仲有茄子的, 份量真的唔少, 食完好飽. 有個小食係芥末雲耳, 這個都好爽口, 又開胃, 好正.肉燥飯配鹽酥雞扒, 賣相好吸引, 肉燥飯好多呀, 好香, 啖啖都係肉燥的味道, 雞扒份量都唔少的, 炸到好金黃色, 外脆肉軟, 正呀.仲有一個豬頸肉小食,都好爽口的, 幾好味, 同埋都唔少架. 仲有豆腐的. 都好淋身的.