肯德基家鄉雞 (KFC)

Open Now

Now Closed

本來食KFC 好難出到食評，但是今天遇到一個極好禮貌、極好服務的店員，想在這裡讚揚一下她，話說排隊輪到我時，有位店員準備幫我落餐，但突然我上一位想轉外賣，好服務店員見狀立刻叫我到隔離櫃臺幫我落單並解釋原因，之後我叫凍咖啡少冰，店員放冰落杯後轉身問我冰的份量夠不夠，我真係第一次有這種待遇

KFC個APPS不時都會出d優惠券，今次lunch去咗觀塘APM外買左個三人餐返公司嘆，用埋KFC個Apps＄20優惠卷，三個同事食圍返都係每人$40幾蚊，好耐都冇食個KFC ,間中食返真係覺得好滋味！

好耐無食KFC la~見有優惠券都幾抵咁，個晚收工就同左同事去食我地兩個都揀左燒雞、家鄉雞同磨菇飯，同事仲另外加左份薯格（點知係唔脆既）不過個燒雞同磨菇飯都都能夠保持水準一直都好中意呢度既磨菇飯，啲汁辣辣地，勁好送飯------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

星期日apm搵野食周圍人好多，想食平野去kfc實有位，因為呢間夠大，不過排隊買野每次都要10-20分鐘。食過唔同地區kfc，呢間d雞係熱辣辣嘅，又唔會熱得太耐變乾左，可能因為多人買先可以炸起就即刻食，員工態度都唔錯同埋快手。今日試左新野鹽酥雞，幾香口惹味，好食過之前出個隻櫻花味。鹽酥雞餐仲要係好抵食，$44有兩件雞，加大飯同埋葡撻，朋友食燒雞個餐$43個飯無加大嘅飯仲要無葡撻，相比之下鹽酥雞餐完勝。

以前覺得葡撻最好味係去澳門食，有一日朋友推介KFC嘅葡撻都好好食，同埋佢嘅配方都係澳門瑪嘉烈，果然一試都係差不多，一個都係7蚊雞，好過山長水遠去到澳門食10蚊個葡撻

見今期櫻炸雞promotion，雞伯伯落咁多廣告，早已經想試。但食開kcf 嘅fans都知，新雞通常不及舊雞好味，不過價錢唔太貴，而且過後冇得試，一如食下喇。［味道］炸雞上有d 紅色粉末，形神俱似櫻花喇， 而味道有小小甜，有小小辣，味道一般，不算難食，但食多舊有d膩。比起2017黃金粟米雞，同黑松露雞稍有遜色，喺「只會食一次果種」嘅程度。［價值］有飯嘅餐$42.5， 十分飽。用埋$5coupon就更抵食，我魔法小神童家薯（請關注），已attached 張coupon俾大家用，希望大家都食得開心

其實，一向很喜歡吃肯德基家鄉雞，因為家住觀塘區，Apm便成為外出外進膳的多數選擇。與成為金拱門無關，麥當勞的質素越來越差，越來越不想幫襯！想吃美式快餐，肯德基家鄉雞片成為我唯一的選擇!曾經在這兒吃炸雞，炸雞皮又濕又不脆。近幾次幫襯，卻發現這裏的食物質素已經有改善了，我可以吃到 脆卜卜的炸雞了！當然炸薯角也是脆卜卜的！最令人感動的就是這個自動洗手機裝置！很不喜歡戴著手套吃食物，覺得很不方便， 有了這個設施便可以一吃完雞便即使洗手，又簡單又乾淨！這裏的職員工作態度也ok！總括來說.......真不錯！

B小姐 心血來潮想食雞我講笑話食KFC 佢竟然肯😳😳😳好耐食過KFC叫左個6件雞桶餐2個飯仔 2個葡tart 加雞粒要燒雞燒雞係好好食 又多肉汁又嫩個葡tart 同澳門冇分別我覺得好好食其實要食雞又洗乜韓國乜乜乜KFC幫到你😏😏

兩條友偷走外出下午茶一個搵位一個排隊kfc既茶餐相信好多朋友都唔會陌生，想講既係o係呢個百物黱貴既社會可以用$24食到一餐唔錯既茶餐算係好難得。4款茶餐我最愛S3餐呢款....葡撻熱辣辣甜甜地幾滋味.....尤其炸雞件外皮異常香酥脆 單是吃外皮都是種享受撥開炸雞皮 ，腿骨肉大又嫩 還流出雞汁 配上肉質本身就有點辣的香料味簡直一流炸雞粒外脆內嫩，調味剛剛好今期加九元仲多件原價十三元的脆香雞塊，仲成塊雞扒咁大一樣咁滋味無窮仲有熱咖啡夠香濃缺點就是經常排隊買食物閒閒地都十多二十分鐘

係電視廣告見到有個新嘅柚子蜜脆雞，之後個apps又彈出黎話用apps可以平兩蚊wor!咁係咁強烈嘅推廣之下就去試下啦，反正都好耐無食啦，都幾懷念下。望一望個餐牌，咁就選擇左a2餐啦！因為我就覺得抵d，又有飯又有葡撻，而a1就只有個薯蓉，個職員就問我件雞要唔要辣啦，我就答左佢辣啦！我係選擇左堂食，佢就話蘑菇飯無晒俾雞皇飯我，無問題啦！咁就講返件雞啦，雞上脾都好大舊，有我手掌咁大，根本上製法就係係全统炸雞上塗上一層柚子蜜，雞皮一樣係咁脆，食落去就甜甜地，都幾重柚子蜜味，但係由於我選擇左辣味雞，甜味撞辣味有少少唔夾，建議如果有人食要叫唔辣，而d雞肉都係一如既往咁滑啦，好快就食晒啦，整體黎講都可以接受。雞皇飯就無咩特別啦，今次都係多雞肉呀！咁食完飯再食埋葡撻就走啦，都夠飽!

美式快餐廳除咗已經執咗笠好耐嘅 哈迪斯之外，我最鍾意就係麥當勞同埋肯德基家鄉雞， 但係講到食早餐，我最鍾意就一定係人稱 嘅 KFC 肯德基家鄉雞 Kentucky Fried Chicken。因為除咗款式配搭多之外，味道亦非常頂呱呱，尤其是個7號餐，我覺得比任何茶餐廳或者快餐店都抵食。一個餐有齊，配方調製味道獨一無二嘅肯德基炸雞扒、炒得又香又滑嘅 炒滑蛋、一條短小精幹又好味嘅腸仔、有味道甜甜嘅鬆餅、仲有杯飲品， 真係超豐富，齋係食呢個早餐已經夠一日嘅營養。肯德基家鄉雞早餐，果然係回味好手勢。

一人吃飯來來去去都是離不開 KFC or McDonald, 由於看到 KFC 有新出的 柚子蜜脆雞，所以當然要試試，公司就在觀塘，所以我去 APM 的 KFC！有 KFC 的 APP 通常新推出的都有送 2 dollars discount,  所以我肯定會用掉拉，其實這個套餐我想大家有吃 KFC 都應該會知道，所以不用多介紹，介紹的是這個柚子脆雞。柚子脆雞的皮相對比一般的脆，肉也是多汁，所以其實是我一直很喜歡的 texture. 但是呢柚子蜜就有點隨意了，因為就是感覺在脆雞上塗上柚子蜜，而這個柚子蜜就是平時我們在茶餐廳的柚子蜜飲料。所以創意是有，但是就是簡單了一點咯～不過也不能說不好吃，所以大家可以一試！

識食一定黎KFC呢度！其實去觀塘食野多數人都會諗起apm近港鐵同約人方便但不禁都會覺得有啲貴，唔知食咩好即使food court閒閒地都六七十蚊一個飯，又吾好食，仲要多人等位食完就要即刻起身讓座，坐耐D都覺尷尬今日，朋友就帶左我行KFC 呢度。其實都唔係話遠好多，係商場二樓，好易搵到。餐廳夠大，位置多好快有位。黎個二人套餐！另外買定兩個sunday 食完到counter 取 凖備當甜品我地show Facebook coupon $58認真低食因為真係好耐無食過炸雞啦！上枱就聞到香味…每人有兩件，外皮酥脆肉相當嫩仲有薯格，有少許過火仍可接受仲有兩個迷你飯及兩杯飲品最重要食完可以傾幾十分鐘計平均每人三十五 最平晚餐

前幾日黎左KFC食早餐, order了呢個$29.5既早餐, 入面有滑蛋, 香脆薯餅, 香腸, 同埋一碗茄湯通粉, 我仲專登叫杯熱咖啡試下佢地D 咖啡質素如何. 一比完錢, 一分鐘都唔洗就有得拎野食...初頭仲諗緊佢D野會唔會係整定晒響度唔熱架..好彩食落口都叫做熱既, 特別塊香脆薯餅都幾熱幾好味, 雖然薄薄地一塊但確實幾香脆, 好食過大家樂隻薯餅啦. 份滑蛋就唔算炒得好滑, 但都比想像中好, 起碼炒得比麥當勞好味, 又算幾大份. 而香腸唔係普通廚師腸, 而係珍寶腸果種, 味道都OK, 唔會好鹹.  反而碗茄湯通粉就麻麻地, D通粉偏林, 個茄湯入面得D粟米粒, 一D蕃茄都冇, 相信都係就咁用茄汁開...仲有杯熱咖啡味道都唔差, 可以再飲. 以呢個價錢黎講, 性價比都還可以.

今朝本來諗住食麥當勞做早餐，點知行過kfc 見到有3.6牛奶燕麥麥皮小妹作為識食之人，當然諗都唔諗就狗衝啦～其實我不嬲都唔鐘意食麥皮，但係見到係「3.6牛奶」！我真是很愛飲奶，而且因為健康人生啦，所以就入左去kfc 食早餐了～～KFC既手腳不嬲都慢，但係可能今日早，所以好快落單好快有得吃但係我一望到個麥片，個心沉一沉⋯⋯呢碗麥皮既賣相真係有d 嘔心，杰tar tar⋯⋯不過樂觀d 諗，KFC都幾足料呀至於味道其實無乜特別，有牛奶味，但係同普通既麥皮。有蜜糖俾你撈，因為我都覺得唔太夠味，所以都落左少少（然後個麥皮更杰）個份量其實都幾細，好似d 磨菇飯咁既size不過仲有其他野食既，所以都叫OK啦，反正朝早未開胃