強記西苑咖啡食店

Open Now

Now Closed

冬菇亭茶座 坐低台櫈都比期待更整潔👍一坐低就即刻有人埋單落單好有效率 👍圓台圓櫈 食起特別有風味Order咗茶走 奶茶茶味濃郁 奶好滑 茶走味道好好都Order咗一杯奶茶少奶 因為少奶關係 茶味特別濃食物order咗 一碗豬扒上海麵豬扒有5件份量足夠 肉不會太韌 豬扒放在麵上 但湯亦唔會油 麵有跟幾片生菜 上海都是用粗麵食落像烏冬麵黎到一定要order嘅西多士西多士炸到成件金黃色麵包炸得入面一樣好軟熟食嘅時間 再淋上糖漿味道口感都好好

我住元朗三十幾年 由細識到大 都係第一次嚟呢間嘢 簡直一次就*到啪啪聲 一個米粉加杯嘢飲$60 都幾貴下 杯凍奶 我諗應該係元朗數一數二難飲 個米粉 湯底 直頭接近係滾水 咁嘅味道 又係超難食 奉勸各位 唔好以為間嘢舊 有番咁上下歷史 就唔會差得去邊 原來係錯嘅😂😂

好小寫食評，但呢間垃圾今日唔寫對唔住自己！唔係第一次幫襯，幫襯左十幾年，本來為左婆婆沖既奶茶，就算受氣都會黎食。但唔係得你一間奶茶好飲，好多間都好飲，仲要其實只係阿婆沖得好咋，根本唔需要比咁既價錢受你無謂既氣。老細成日都落錯單都算，佢態度無野，今日本來無叫菠蘿油，出錯左廢事浪費都叫佢放低，但奶茶漏左追單好正常，短髮女樓面本身次次都無好面口，好似我天生得罪佢，每次都黑面到不得了，今日可能佢更年期啦，我個麵都食完，奶茶都未到（同行既人都係叫杯奶茶，已經到左），我只係問我杯奶茶未到姐，佢黑哂面話我已經催左，自己好多野做就開始講哂粗口鬧我，咁好應該既？我唔係要你星級服務，講真呢啲咁既街檔要求d咩？但唔係講粗口鬧客囉，我只係正常追返我杯叫左無黎到既奶茶咋，我知你間野好勁唔休做，一個豬扒麵+杯奶茶無餐要單點都咁多人食，所以我呢啲客唔黎你都無所謂！其實你多野做咪唔好做囉，係你哋漏左單仲要比你粗口問候？！係咪漏左單都唔應該追，因為你做到無停手好多野做，應該照比錢當你神咁拜，同你講埋多謝再另外比幾舊水貼士你！？其實咁辛苦咪返屋企囉！我宜家白食唔使比錢架？ PS 呢間茶檔女樓面會搵惡客拍枱齊講粗口罵客，如

一份鮮牛蛋治、一杯茶走就係good morning蛋治裏面嘅牛肉，係一片片嘅鮮牛肉，而唔係普通嘅免治牛肉或者鹹牛肉裏肉汁蛋汁配合埋磨碎嘅薑汁，好豐富嘅口感。茶走，簡單而味美希望更多人識得欣賞。

雞翼豬扒餐肉湯麵🍜貌似簡簡單單既公仔麵，但係大排檔食真係會好味啲，公仔麵用左福麵，雞翼係瑞士雞翼，加多幾塊餐肉同埋生菜，加多杯凍奶茶🍹再加多2隻瑞士雞翼🌟

冬菇亭越嚟越少，今日又涼涼地，又見佢哋full house，咁就坐低左。睇餐牌係無一般嘅常餐，午餐同快餐，出品全部單點無套餐，價錢唔叫平，結果叫咗雞亦，蛋牛治同豬扒包，飲就咖啡奶茶各一。雞亦大大隻，不過唔夠入味。蛋牛治好特別，好好味，嗰牛係俾個蛋包實，好汁好味。豬扒包，包夠脆，扒夠嫩。杯茶同啡不是我杯茶，自己就覺得一般般。總括嚟講係貴咗啲啲，不過招呼真係幾好，但又唔明得佢一檔滿坐，隔離檔都無人幫襯，值得推介過來幫襯。

Was around Yuen Long market area and saw there were many people eating at this local old-fashioned place.We ordered a pork chop, beef & spam noodles, a french toast, and a bowl of oatmeal.Porkchop is the featured food of this place.French toast was at average but the syrup was too liquidity.The food quality was great but the price was not cheap.

香港舊式的冬菇亭所剩無己，而在這裏食早餐別有一番風味，早上九點幾為何天氣這麼熱，但是影響不到我的食慾我叫了一個雪菜榨菜豬扒米粉，豬扒並不大塊只有手掌三份二大，值得一讚就是他的雪菜榨菜味道做得非常出色，每次我都是叫他放大量的，它的味道是我食過所有的頭一二位，所以這裏一早也人山人海，他的豬扒肉質比較爽，而且嫩，在這裏食早餐是沒有套餐的，飲品需要另外叫，食完這個豬扒米並沒有口渴的感覺而這杯凍檸茶沒有什麼特別，和一般茶餐的差不多

留戀買少見少的冬菇亭 究竟是味道還是情意結未成為元朗街坊前，已得悉這個老區至少有兩個冬菇亭，可能會令鍾情於冬菇亭的朋友既羨慕又妒忌！自己對冬菇亭的感覺由原來的一半半，自成為街坊後變得正面，心想冬菇亭賣的是人情味和街坊感情，接觸後方發現原來還隱藏著真味道！沒有 A、B、C、D、E 早餐的「強記西苑」，來一碗牛肉麵和一杯熱奶茶的早餐，便承惠 HK$46，不得不承認確是貴了一點點，不過在第一回拜訪時只發現鮮牛蛋治十分出色，麵食、飲品卻吃不出特別來，冬菇亭沒空調、沒裝修，何故會吸引那麼多顧客？！於是趁著陰雨的假期早上，我倆決定再「貴」一次！嘩......又是全滿了，約十分鐘時間，等到這張路邊靚檯，算是不錯吧！餐牌正反兩面分別是冷熱飲品、冰類飲品、小食、奄列、三文治/多士和粉麵配搭，切記要留意旁邊有豎姆指的食品！侍應嬸嬸很親切，她的字體很工整，絕對不是她懂您不懂的鬼畫符！第一回合的鮮牛蛋治 (HK$28）、叉燒奄列 (HK$36）和凍檸樂 (HK$19）！並不是如鬆糕的炒滑蛋，看似平平無奇，沒什麼特別啊， 失望乎？翻開白麵包，裡面是兩個小奄列！記得第一次是切開一半的大奄列，以造型和手功來評，第一

週六早上，經歷一週工作醒過來既第一餐😁 行吓行吓，黎到千色附近冬菇亭，先發現原來咁多年來都無幫襯過係呢條人流不絕街道既早餐🙄咁多年既早上，呢度都係充滿茶客，搵個角落坐低揀咗咖啡☕同奄列🥚🍳咖啡香醇，未算係頂級😊 奄列大份，仲要打孖上，我發現好少茶記係肯整腸仔奄列，可能因為切腸仔煩過切火腿🤨奄列入面只有單純腸仔，味道可以☺️食物無乜好提，反而係一週人繁忙過後坐係度偷聽其他茶客聞話家常更賞心🧡❤️ 右手一枱茶客粗口橫飛咁吹水，左手一邊又講緊日本蕃薯，後面既一家又談論緊阿姨終身學習，不停考試😂😂呢啲意境作為週末起始，是一樂也😁 其實呢啲咁大地方既食肆買少見少，食下個氛圍都係一個好選擇👍👍

行過大棠路見到個冬菇亭，突然間想坐底食個菠蘿油同飲杯嘢。我哋一坐底睇一睇餐牌就可落Order，一個菠蘿油、一件鮮油奶多、一杯凍檸茶同一杯煲檸樂加薑，員工仲重點推介杯檸樂加薑。隔一陣員工話冇菠蘿包叫我轉豬仔鮮油，咁冇所謂啦當試下。點知嚟到後見到個款感覺有啲中伏，拎上手食唔熱嘅，塊鮮油仲要好薄，食落個包真係比較乾身。另外鮮油奶多比較好啲，塊鮮油都係好薄，但個多士整得燶燶地，所以都尚算可以。飲品方面，凍檸茶有6塊檸檬但茶味欠奉，檸檬係夠呀但俾得唔夠冰，令到杯茶唔夠凍。反而杯熱檸樂加薑做得幾好，杯嘢煲到好熱及薑味非常之濃。行得攰攰地，喺呢啲舊式茶檔坐下飲杯嘢食啲包都幾好~

早2日行過見環境幾有風味，就試下喺到食個早餐，叫餐時服務都好有禮貌，仲同我地講哩到冇早餐嘅套餐，係散叫，即係想食乜就叫乜，咁我同朋友就1齊叫咗個沙爹牛肉通粉，火腿奄烈，凍奶茶，各1份，個侍應仲好強調話佢啲牛肉係新鮮牛肉！點知個沙爹牛通1嚟到，點解冇沙爹嘅，淨係比碗生菜牛肉通我，啲湯係透明㗎！好似白烚咁😣食落冇味！好彩奄烈就冇乜嘢，普普通通！奶茶正常！咁因為本身都肚餓，所以都食晒！好喇！咁奇怪事就嚟啦！我地埋單，有個呀婆嚟收$，98蚊呀！吓！咁樣食98！唉！都算喇，諗住照比，鬼叫係散嗌咩，諗住散嗌可能係貴啲！點知個呀婆走埋嚟，我就以為找$啦，點知佢話計錯數，呀！心諗😄，冇理由咁普通嘅嘢咁貴㗎嘛！咁照等佢找$啦（我比100$佢）！點知佢好大聲話，你吾夠$呀！哩度埋單要122蚊呀！吓!我反應都嚟吾切！食2份通粉，奄烈，凍奶茶要122蚊！😲😲唉！怪就怪自己冇問清楚價$嚟食，以後都吾會再食哩間嘢啦，又超貴又冇味！😫😫😫😫

 2個人點了西多士，紅豆冰。西多士沒有涵，過得去。但d 糖漿好稀，溝過水的。紅豆冰最接受唔到，d 紅豆超硬，同d 牛奶完全分開，佢只係加d 紅豆，同牛奶😏😏😏😏😏。但服務態度是好的👌🏻。

不太願意在此等大排檔餐廳，花十多元飲凍飲，結果只點了個麵就算了。豬扒上海麵不一會兒，端來一碗像"常餐沙嗲牛麵"的碗子盛著的麵。湯底白白的沒有特別，兩條生菜伴碟，還有雪菜。豬扒，切好了碎碎的一釐米條狀，剛好放進口。豬扒不太厚，不乾，比某些自稱豬扒名店更好。肥肉還是較少，以致 輕微鞋口，但算是可接受，總說不上是紙皮豬扒。上海麵猶如狗仔粉一般，碎碎的，軟軟的，林林的，一點兒嚼勁都沒有，以喜歡吃麵的人而言，這個麵底一點也不美 點 。態度的確不太好，未去過，問問有甚麼吃呀，員工阿姐悔氣的說，你自己看餐牌吧！

今次為大家介紹的 "強記西苑"了.香滑奶茶: 紅茶味濃郁,味道有點像灣仔的金鳳.以黑白牛奶作為材料,奶份量較其他店重手,所以口感特別滑.唯一缺點是杯身太薄,拿起時比較燙手.瑞士雞翼丁麵: 以出前一丁為麵底加上原包湯粉, 麵身較軟,平平而已, 生菜外觀綠油油, 已知是楝手新鮮食材, 入口爽脆.加上以中翼為雞翼個子適中,味道微甜, 非常開胃.肉質炆得剛熟之餘又不會過火而失去彈性。鮮牛蛋治: 以薄薄的雞蛋包著半熟的鮮牛肉為內餡, 火候控制都相當好.蛋香肉鮮,再加上特別訂製的超鬆軟的新鮮麵包為三明治的外層.近十年已很少機會吃到如此完美的蛋牛治了.豬扒福麵: 以超x福字伊麵為麵底, 口感較為彈牙, 個人較喜歡,蔬菜繼續以新鮮唐生菜為佐食材. 最大發現是即叫即煎的.薄薄的豬扒煎起來可以熟得較平均,不會有部份剛熟其他則太老的情形出現.正正這原因, 肉汁鎖在內層,加上肉質仍保持彈性,所以入口時還以為自己吃到日式的黑豚肉一樣.桂林辣椒醬: 老闆娘推介吃麵時加入這個, 味道果然香很多.她說已經在元朗經營了卅多年, 雖然年紀而不少,但因不想街坊失望才繼續下去.如此情操在現今功利社會中實為沙漠中的綠洲, 值得