強記飯店 (Closed)

今晚兩位7點半到達，樓面有好多人但個樣已經話晒比你睇做又36，5做又36。食物都預咗5係平，但仲要睇人色，想叫個$46蚊嘅叉燒煎蛋飯，得到嘅反應係「呀？仲叫呢d，煎蛋嘅師傅走左啦。」我即刻O晒咀，原來煎蛋係名物，專登要一個師父做，我都費事寸佢，不過心入面同自己講一定無下次

又黎到OT之夜，心癢癢想念家中嘅老火靚湯，於是同同事一齊黎到強飯食燒味飯、飲啖湯水！一人一個套餐，有雙併燒味飯、一碗靚湯、加碟油菜！ 細細碟咁擺滿晒張枱，好豐富！先講個叉燒，肥瘦適中，食落口感比較林，燒得好香；而燒鴨比較瘦削，唔夠多肉咁，但外皮香脆脆，蘸一下燒鴨醬送飯好味道！ 幾鍾意呢度配埋碟菜心仔，終於有點纖維落肚，感覺健康小小。 油雞就好普通。 元蹄就啖啖肉，肥瘦剛好！ 生班魚湯夠足料，味道鮮甜，冇味精！有湯渣，仲可以連魚肉魚骨都食埋！

下午食臘味飯，強記一碟臘味飯售價$48。當中有臘肉腸，腩肉及菜心。臘肉腸及腩肉都好乾淨淨。加埋碟飯食落肚好乾。好明顯，一早做好咗，等午飯時間送上枱。臘肉腸好一般。腩肉就好乾身。肉粒帶點硬。混入白飯一齊食就好難入口。好彩有菜心，中和下。菜心好新鮮。飯身都好軟熟。

平日放假四圍行係最舒服，跟好友閒逛，由紅磡坐船到北角，從來未搭過呢個航線的我才知道原來要半小時才有一班船，怪不得搭的人數不多😂😂😂去到北角，兩點未食午餐的我們選擇呢間門外表示灣仔分店曾獲米芝蓮的強記食下午茶餐當午餐😅😅😅我就選了牛腩麵，牛筋多過牛腩，兩件牛腩口感很大差別，一件軟，一件韌，牛筋全部軟滑，非常好食，綠茶係茶包茶，味道一般~~~好友叫同價錢的叉燒瀨粉，看上去都幾多肉~~~兩點幾唔多人，坐卡位可以慢慢傾計都得，下星期試下去其他地區搵食

價錢貴為其一不夠水準為其二難吃就不算很難吃，起碼不會吃到想嘔，但沒水準就肯定，居住北角的我，要外出吃飯都一定不選擇它，價錢貴又不好吃，可以說是沒水準……居住北角的我，經常行過都看見它生意慘淡，它要是有誠意做的就麻煩製作有水準的食品，價錢定得大眾化些，水準夠的話，可以吸引一般人願意選擇入去坐低睇餐牌叫野食，沒誠意做的話，就別再掙扎求存，你虧蝕我們又不願得見到你這種餐廳存在。我不是專業食評家，但常人都不選擇這間餐廳，大家都能猜到它有多好啦！！

有日見到強記有老火盅湯，就去試試。盅湯十多款，足料又好味，最緊要佢地無落味精。另一推介是燒味，义燒入味又唔乾。燒肉皮脆，就算叫豆腐腩煲，燒肉一樣脆。另外海南雞也不錯，又滑又入味，但是分量少了點。

其實今次是小妹第二次光顧這間飯店，上一次我都有寫相關食評。再次光顧是想飲他家的燉湯，因為有了第一次的經驗，我對燉湯的期望很高。兩個人叫了一個二人套餐，食物質素一般，但最最最令我在意而又失望的是那個黑蒜螺頭湯。一入口，淡而無味，好像溝了水一樣。之前都試過係灣仔分店飲過此湯，人家的湯顏色是深黑色的，入口好重黑蒜味，兩者簡直是天淵之別! 難怪同樣是晚飯時段，灣仔分店常常逼滿了客人，而這裡側小貓三四隻。我應該不會再來啦!

今日放工在北角做完瑜伽，見到大大個紅色招牌寫著強記，之前在灣仔吃過晚飯（應該是分店吧）。記得他們的燉湯很不錯，於是，就和Hungry進去了。八點幾，人不算多，還有幾張吉檯。因為有目標而黎，叫了兩個套餐：燒味燉湯套餐和馳名海南雞套餐，套餐各跟白飯和油菜。今次好幸運地有燒鵝脾拼乳豬（加$5）。燒鵝幾好味，皮香肉嫩，無多餘脂肪；乳豬則厚度剛好，皮、脂肪、肉三層分佈均勻，惜皮已經軟掉了，不脆，份量不多。（6/10）海南雞啖啖肉，肉質鬆嫩，不過雞味不太重。（6/10）燉湯很夠味，有頗濃的花旗參味，淡淡的紅棗甜味中和苦味，也有雞的鮮味。湯料也很足，有兩件雞，兩粒紅棗，兩舊瘦肉，十幾片薄薄的花旗參片。（10/10）濃郁的圓肉味道，帶出微微甜味，淮山、雞腳、豬腦都很焾。第一次試食豬腦，並沒有想像中可怕，其實味道挺不錯。（10/10）

是日，相約Cc和云到黃泥涌峽趴走。在北角轉車時，去了強記飯店吃早餐，要了粟米白菌奄列多士配熱檸茶$30。熱檸茶以玻璃杯盛載，內有四片檸檬，由大至小，層層而上，鮮黃艷麗，賣相不俗。呷一口，檸味濃烈，酸香且毫不苦澀。粟米白菌奄列多士則稍稍教人失望了﹗多士既不香脆，牛油味又淡薄，如吃雞肋般。粟米白菌奄列煎得金黃色脆，可是，奄列內的饀料不是小妹期待的鮮嫩的蘑菇，反而是口感稍遜的袖珍菇，粟米也是雪藏貨色。大清早，收銀處大姐哄亮的聲音，如雷聲般不停地在耳邊狂響，煞是擾人﹗侍應大姐為省力，竟一聲不響地，從圍欄外伸手把食物放在小妹枱上。服務態度，真的教人刮目相看﹗

今天只有我跟BB去上堂, 帶住BB唯有去一些地方大而且簡單的餐廳。一出北角地鐵站不難發現這間强記飯店。門面大 ,食物種類多, 下午茶時段客人不多, 正合我的要求!飯店佈置欠奉, 普普通通的茶餐廳格局, 勝在光線充足及整齊。店內推介食物有燒味、牛腩、燉湯。下午茶以粉麵為主, $30~40 包飲品, 價錢親民牛腩河 $34牛腩有３大塊及小小牛筋碎。牛腩不太稔，鞋口。湯頭味道比較淡，但好夠熱，食完個湯依然熱～河粉幾多，入口順滑，正合BB胃口，給她食了我半碗～凍奶茶凍熱同價,實在難得。味道中規中矩.總結:簡簡單單的茶餐廳, 簡簡單單的一餐都不錯

今日(21-2-2015 Sat大年初三)同男友去北角向佢契爺拜年,我o地先買兩個飯盒食,我o地o係o度買o左$50.00o既菠蘿咕嚕肉飯,menu冇,佢自己開價$55.00o既豉椒班腩炒河同契爺share 食,等o左7分鐘,終於有喇.去到佢屋企,佢已經食o左好豐富o既o野,唔同我o地share喇,咁我o地兩個食啦.我先食菠蘿咕嚕肉飯,菠蘿咕嚕肉飯顏色幾靚,食落,酸甜度o岩o岩好,都脆脆地,汁都幾夠,屬正常o既.食o左一半後就同男友交換食豉椒班腩炒河,一食落去,辣o既?以前食o個啲豉椒班腩炒河食到辣味,魚塊口感正常,河炒幾滑.價錢: 好奇怪,明明合共$105.00,收銀同男友講要加一,但收$106.00,可能佢手腳亂.味道: 2.5分

路過食個早飯,聽說這裡的燒味是不錯求其叫個叉燒蛋飯,加個螺頭雞腳湯湯38蚊有交易,個飯要42,但係唔掂首先我叫了多汁,但係D汁真係多到喊,基本上係多到浸住,極重口味.我叫多汁也要看看份量吧-.-個汁就甜甜地叉燒肉質比較實,豬味也一般.沒有焦香好彩螺頭雞腳湯加番分,湯是雞加豬肉味,很清,很好味,螺味反而不出眾,也不油膩!38蚊唔錯呢 

在北角行左陣街之後忽然肚餓,所以就去左強記啖燒鵝,入到去都好好,吾洗等 ➨❶燒鵝賴粉撈 推介程度❤❤❤❤❤(個主牌燒鵝真系燒得好脆皮,肉質好嫩,好汁!!配賴粉同蠔醬同雞湯,真系撈埋再浸雞湯,好正,D湯好清甜,D賴粉好爽口,真系有名有實!!)❷魚旦頭清湯賴粉 推介程度❤(個湯太清,太淡味,賴粉OKAY,但魚旦點解無魚味?又無魚味,又吾彈!!好似食左個蛋蛋咁,無味,真系除左燒鵝之後其他都麻麻水準)總結:我覺得除左燒鵝好好味之外,真系吾敢試其他野回頭指數❤❤❤❤❤❤❤ 7分 (10分滿)外表♛♛♛♛味道♛♛♛♛環境♛♛♛♛服務太態♛♛♛♛氣氛♛♛♛♛上菜速度♛♛♛♛衛生♛♛♛♛情侶必到處✓✓♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥

今日難得媽咪細佬過黎搵我食lunch，就帶佢去試下呢間……問我有咩好食緊係推介佢地燒味啦，我自己就揀炒河，但最後決定一人叫一碟！必食嘅叉燒煎蛋飯，叉燒肥瘦分明肉汁香口，口感唔會太硬，豉油唔會太咸啱啱好四寶飯就顯得失色，只有紅腸比較多，其餘兩味餸就少左啲！呢碟係我每次必叫真係好香，河粉落埋菜甫一齊炒所以口感食落好爽口又唔會油淋淋，落埋辣醬就絕配了值得一試的餐廳

今晚途經北角, 就在此覓食吧...經過這飯店時, 看到門外貼了A4紙般大的米豬蓮海報, 單從店舖的外表, 一點也看不出他的實力, 好, 就會一會... (事後翻查了2010, 2011, 2012的米豬蓮指南, 在3星/2星/1星/精選食肆之中, 也找不到強記的名字, 不知道是否2009年, 還是那些列為Comfortable之類類別的食肆)店內有卡位又有普通枱, 柱上掛著的古董鐘擺, 與這裡的格局一點也不相襯...臘味燉湯套餐 $62 包括秘制鴛鴦腸飯, 自選原盅燉湯, 郊外油菜... 睇落好抵食...秘制鴛鴦腸飯 -- 潤腸甘香, 臘腸鹹香, 口感油順, 不會過硬, 好味...自選$28原盅燉湯 -- 有8款選擇, 更列明功效, 很貼心... 淮杞圓肉鮮牛展 -- 湯底足料, 味道香甜, 圓肉的清甜與牛展的甘香很平衡, 誰也沒搶誰的風頭... 功效有補氣提神, 健脾胃, 益智 (功效由餐牌提供)...南安臘鴨脾飯 $48-- 鴨脾份量十足, 油潤有鹹香, 肉質很硬, 咬開有點困難, 鴨皮甘香, 味道不錯...自選$36原盅燉湯 +$28-- 有4款選擇, 更列明功效, 很貼心...