鬼金棒

Open Now

Now Closed

翻看記錄, 原來拉麵都是自己經常的選擇; 每間店不同的香濃湯底, 都令人食指大動; 今日銅鑼灣上完堂, 自動自覺走到謝斐道的鬼金棒, 因為一直都很掛念上次吃的玉米筍拉麵今天客人比較多, 店員很有耐性的每位照顧; 一坐下立即QR code下單, 餐廳依然提供紙圍巾照顧客人的衣物, 麵送上, 濃郁湯味攻進鼻子, 即吃軟滑肥美日本叉燒, 肉汁滲透口腔, 很滿足玉米荀份量有點多, 加上叉燒跟吁玉, 其實未吃麵已經開始飽了; 還加上大量的芽菜及配料, 令湯底的香味更多層次今天的味玉流心程度爆燈, 掛上拉麵變成另一種吃法 

當晚約了朋友到銅鑼灣分店吃晚餐。因為希望製造一個驚喜予同行一位朋友, 所以我早到了希望可以早點入坐準備。可惜男店員說需要到齊很才可入座, 晚飯時間有此安排都可以理解。其後一位女店員接手安排入座, 期間大概入了10位客人, 在我其後來的客人全入座了, 但她仍說需要等齊人才可入座, 心想有點奇怪, 但亦尊重餐廳安排。最終我有多一位朋友到達, 她見到情況問我人齊了沒, 我說齊了並解釋因為要製造驚喜, 最後一位朋友亦正在店舖附近等待中, 希望先給我們兩位入座三人檯。可惜店員並不通融, 並指她不會留檯給我。我十分無奈, 只好再到店外門口等候直到最後一位朋友到達。女職員之後帶我們進入餐廳, 但並沒有即時指示我們應該坐那一檯, 而是去招呼其他客人, 我們一直站在店內等她指示, 最後她才指一指那張檯示意要我們坐那裡。因為驚喜已被女店員破壞, 所以也沒有什麼心情吃飯。其中兩碗拉麵來到時, 兩碗均是少辣, 但我朋友應叫了一碗走辣, 所以向女店員查詢。然後女店員竟取回廚房下單紙, 在我們面前展示並說"小麻小辣兩碗, 呢度寫住㗎喎", 她的意思是廚房出餐正確無誤，只是我們下錯單。態度十分惡劣，有需要這麼恃勢凌

今次同朋友去銅鑼灣行街 行到咁上下 就去揾下附近有啲乜嘢拉麵店🤤見到之前朋友推介過既鬼金棒 所以今次就去試吓啦😝去到既時候 以為所有拉麵都係得辣麻味噌😝初頭同朋友擔心 會有啲辣 但原來係可以選擇唔同嘅辣度🤤仲可以揀唔辣添！最後我哋兩碗拉麵都係小辣😆- 增量叉燒辣麻味噌拉麵 $120舊叉燒真係大舊左好多😂而且啲叉燒十分入味😝湯底方面亦都好濃郁😙- 味玉辣麻味噌拉麵 $105呢個拉麵就會有一隻流心蛋😝值得欣賞嘅係 我地食拉麵嘅速度都唔算快一路傾計 一路慢慢食但係啲麵都無因為浸到啲湯太耐而淋曬👍🏻👍🏻👍🏻- 煎餃啲煎餃加埋啲醋 酸酸地 好好味😙

當你有個拉麵控嘅朋友就會同佢食飯都搵啲特別嘅拉麵去食今次呢間日式拉麵可以自己揀辣度同麻度店舖裝修仲配合左店名，有啲鬼怪裝飾👹👺座位就有吧台同普通位吧台可以見到師傅點樣製作一碗麵最貼心係有埋圍裙供應，唔怕食麵彈到件衫都有😉😉😉🩷特製麻辣味噌拉麵🌶️🌶️🌶️🍜朋友揀左小辣小麻同走韭菜碗麵真係紅紅地色，湯底嘅小辣小麻都係可接受未試過食拉麵係會有麻辣感覺架估唔到佢地嘅味道又幾夾特別要讚下叉燒真係大大舊仲要煮到好淋好入味拉麵嘅口感亦非常煙韌，不錯不錯👍🏻👍🏻👍🏻🩷味玉辣麻味噌拉麵🍜唔食得辣嘅我揀左無辣同小麻所以碗麵唔係紅色飲完啖湯底條脷真係有小小麻嘅感覺下次我應該可以挑戰小辣同中麻😛😛😛🩷煎餃煎餃黎到熱辣辣，都幾juicy😚😚😚🩷芬達雪碧因為我地都怕會辣，所以都叫定汽水飲😂😂😂

鬼金棒係我第三次食，銅鑼灣分店就第一次過嚟試，同尖沙咀分店吾同既係等位要耐啲，可能附近少拉麵食喇，我覺得銅鑼灣分店門口佈置都花左好多心機，等位同時門口有個大餐牌，可以諗定食咩。坐低掃QR code落單，其實餐單種類吾多，主要都係叉燒，玉米荀，大肉飯…我就叫左特製麻辣味噌拉麵（鬼增辣），自己平時食得辣既人，但鬼增辣真係好堅，食幾啖已經頂吾順，要拎碗仔分開食，真心覺得食吾到辣吾好叫鬼增辣，會食吾到落去，我坐位置有自助水機，要不停飲水解辣，停左一陣再試吓肥美既叉燒，應該是慢煮好耐，叉燒夠肥又夠當，口感好又香口。我朋友就叫左小辣既味玉麻辣拉麵，小辣是湯底已好夠味，叫左汽水解辣。要特別提一提個溫泉蛋，真係好出色，平時我吾鐘意食雞蛋既人，我可以同一時間食到2隻，個味道我都可識形容，係好食既。其實有飯食既，下次再黎我會叫飯食。買單310兩個人食，吾算好貴。

呢間嚟自東京嘅辣麻味噌拉麵店喺香港已經有三間分店，今次終於去咗試銅鑼灣店。拉麵偏重口味，平日食開辣嘅建議中麻中辣起跳，否則唔夠喉。𖦹 芫荽麻辣味噌拉麵+味玉 中麻中辣 $130芫荽多到完全掩蓋啲拉麵，為麻辣嘅濃湯加添清新嘅氣息。麵條偏粗、硬，掛湯力一流，配上清甜嘅玉米荀、厚切叉燒以及流心嘅味玉，非常滿足。𖦹 增量叉燒x2 辣麻味噌拉麵 中麻中辣 ＄140大胃王必嗌！double份量嘅叉燒食落啖啖肉，大嚿、軟腍唔會太硬，食肉獸會好開心。𖦹 增量玉米荀 ＄30脆得嚟唔過硬，記得點啲湯再食。

再次到訪日本東京過江龍拉麵，星期五晚好熱鬧，大排長龍鐘意喜歡的“麻”和“辣”可以單獨選擇，可以簡自己鐘意既口味今次簡左「茜」人必食芫荽辣麻味噌拉麵，中麻小辣，味道剛剛好，又有啲麻辣味，唔算太辣，好惹味！有巨量芫荽，拉麵粗細爽口，口感彈牙。叉燒切得很厚，煮得鬆軟可口另外，炒豆芽菜辣麻味噌拉麵，豆芽菜即叫即炒，份量十足，條條都脆卜卜同肥嘟嘟，好香口配合埋「鬼金棒」袐製味噌湯底，食落口感非常豐富滿足

呢間日式拉麵店個內外嘅設計都用左日本傳統鬼怪 (oni) 做主題，麻度辣度都可分開自選，就算走辣都無問題之前淨係食過佢哋嘅沾麵，今次就專程嚟食湯麵🙌🏻👺《增量叉燒辣麻味噌拉麵》增量叉燒比預設份量大一倍有多，舊肉好厚好肥，同時好淋好軟滑，咬落去會feel到有部份直接係口融化🤤👺《芫荽辣麻味噌拉麵》大量芫荽鋪喺面，芫荽控表示見到好興奮🤭，成碗麵食落感覺再清新啲負擔少啲，推薦❗麵條好Q彈又掛湯，湯底濃郁惹味但唔會感覺肥膩，我每啖麵都連埋啖湯一齊食🤭建議加味玉🥚，見到隻蛋入面鮮橙色嘅流心都增量滿足兩配麵都揀左中麻中辣，平時食開譚仔3小辣嘅我覺得我下次可以揀大麻辣😬

當時天氣又熱又曬，店入面滿哂座，出面條隊排住3位-＞我2位-＞其他排後面我就唔清楚，個個好乖咁喺出面等緊見到有人埋單，空張2人枱出來，當然好開心，下個就到自己，只要等店員出來叫人，就終於唔洗捱熱。點知有一肥一瘦2個女人來到，望咗一眼成條隊，然後見嗰2位走既客人出來，即刻衝入去話自己2位，而好神奇既係，個店員又無視出面成條隊，即刻比嗰2個女人入座（我好肯定唔係book咗位）。喺出面已經有人排緊隊既情況下，店員都知有條隊，有位唔係應該出來叫人先比人入既咩？我地都有向店員反映出面有條隊，你有位唔係應該出來確認對方有否排隊先比人入座，等人唔好亂插隊咩？得到既回應係「噢～」，連道歉都無，食到我成程嬲爆爆，心情都差哂。你咁做，叫我地成堆大熱天時乖乖地喺出面排隊既情何以堪

呢間拉麵性價比好高 真係回訪過無數次♾️️無論係麵, 叉燒定配料 份量都好多🥰仲可以坐住吧枱望住師傅煮野 特別滋味🫶🏻 .📌增量叉燒X2辣麻味噌拉麵(無辣,無麻) $140湯底揀咗無辣無麻 原味都好濃郁😆粗身拉麵爽彈煙韌 比之前硬身啲 好有咬口🍜最正係麵條好掛湯 超惹味🥹增量叉燒份量真係勁多 兩大舊肥瘦相間嘅豬腩肉 軟腍又入味🐷脂肪比例唔會太高 油脂甘香得嚟 又唔會好肥膩🍖面頭仲有啲炒大豆芽同一條玉米筍 全部都炒得好有鑊氣🔥.📌玉米筍辣麻味噌拉麵(無辣,無麻) $105呢碗叉燒冇咁澎湃 但都有半舊 一樣咁軟腍入味😋玉米荀份量好多 疊到成座山咁 爽脆又清甜🌽同樣有啲炒大豆芽 好滿足😚.📌煎餃(六隻) $45餃子係椰菜豬肉餡 椰菜比例好高 味道好清新🥬餃子皮薄餡靚 煎到金黃色 不過食落就唔算好脆🥟配左一個偏鹹嘅醬汁 唔點都已經好夠味🧂

這間位於銅鑼灣的拉麵店大有來頭，來自東京的過江龍，還有兩間分店位於旺角及尖沙咀。店內裝修以日本神怪為主題，主打重口味辣麻味噌拉麵。拉麵湯底每日以豬骨、雞殼、魚鮮及蔬菜等新鮮熬製超過8小時，再以白、赤、信州等超過四種味噌調配，湯頭香醇不死鹹。辣度由不同數量的唐辛子混合，香麻油則交由和歌山葡萄山椒調成。拉麵的辣度及麻度均可自選，甚至走辣走麻，怕辣人士也適合。味玉辣麻味噌拉麵(小辣小麻) - $105濃厚的湯底散發陣陣香料味，鹹香和油脂完美融合，湯汁入口先辛後麻，十分過癮；一大磚叉燒半瘦半肥，用滷汁小火煨成，瘦肉軟嫩不乾柴，肥肉也不會過於軟膩；滑溜的溏心蛋咬開流出濃濃蛋黃汁；粗捲拉麵煙韌彈牙好掛汁；配料還有粟米筍、豆芽菜及香蔥。炒豆芽菜辣麻味噌拉麵(走辣走麻) - $105味噌湯底濃厚卻香醇不死鹹，完全不膩口；大火爆的炒芽菜充滿香氣好爽口。煎餃 - $45皮薄的餃子包裹著飽滿的豬肉餡，富油脂的口感較柔嫩，底部焦脆很香口。可樂 - $15/1還有支裝茶飲或其他日本汽水等等。

之前同朋友係尖沙咀食過一次呢間拉麵店，超鍾意呢度嘅芫荽山拉麵🍜滿滿嘅芫荽，完全滿足晒我呢個芫荽控😋Yummy ~同時呢間拉麵店特別之處係麻同辣兩樣可以分開自由選擇，唔食得辣都可以試 「走辣中麻」~好過癮！芫荽辣麻味噌拉麵 $115每次黎都必點呢碗拉麵🍜真係完全滿足我呢個芫荽控😋今次揀咗小辣小麻。嘩！芫荽山真係好壯觀⛰️芫荽份量蓋住成碗拉麵，湯底小辣小麻，夠哂惹味！啖啖都食到芫荽🌿麵質較粗身 煙韌彈牙，仲有一舊厚切叉燒超好食～味玉辣麻味噌拉麵 $105朋友點咗中辣中麻，湯底好香濃、淡淡油脂感，特製厚切叉燒好入味，入口即化，肥美甘香 。

今日星期日，下午六點未夠，喺銅鑼灣行完SOGO，累累地又想搵個地方食個早晚飯順便休息吓。係OpenRice 做research,見到鬼金棒好多好評，咁就試下佢啦。拉麵店其實就係銅鑼灣地鐵站SOGO 出口行大概2分鐘就到喇。其實就係世貿對面，好方便。舖頭外面裝修得好有特色。有惡鬼嘅圖像，又有大大支鬼神平時揸住嗰支棒既模型。雖然我六點前就到，但都已經差唔多滿座了，好彩早一步到，唔使等位就可以坐低喇。店舖入邊裝修得仲有特色過出面。有好多惡鬼嘅面具仲打埋紅色嘅光。好有氣氛。嚟到拉麵店梗係點拉麵食啦。我哋兩個人，一個點左特製麻辣味噌拉麵，無辣無麻。另一個點左炒豆芽菜辣麻味噌拉麵,小辣小麻。因為想食啲蔬菜，另外再叫咗個增量玉米筍。叫咗一罐芬達同一罐zero可樂.特製麻辣味噌拉麵，有兩大嚿叉燒，仲有隻糖心蛋。份量真係好大。炒豆芽菜辣麻味噌拉麵，就有一嚿叉燒，再加大量芽菜，份量都唔野少。兩個湯底睇個色澤就知好濃郁，飲落真係好好味。至於拉麵質地，軟硬度適中。舊叉燒真係必食，佢係厚切，見到肉同埋脂肪一層一層咁，煮得好入味，又唔會太過林冇晒咬口。佢嘅芽菜係有炒過先至加落拉麵度，有誠意！增量玉米筍，冇諗過係咁

👹鬼金棒來自東京的過江龍拉麵店，店內裝修係日本神怪主題，分別有尖沙咀和銅鑼灣分店，同平時食拉麵好唔同，可以自選 同 的程度，岩哂無辣不歡的大家，一共有五個級別揀。增量叉燒辣麻味噌拉麵🍜 $140超大舊叉燒，叉燒好入味，拉麵麵質Q彈煙靭，小麻小辣岩岩好，超飽好滿足！炒豆芽菜辣麻味噌拉麵🍜 $105滿滿一座芽菜，其他拉麵店都冇呢個口味，當蔬菜一流，豆芽爽口細嫩，口感fresh 肉碎飯 $35起初以為好細碗，一啲都唔馬虎，珍珠米配叉燒肉碎，將叉燒肉碎變成飯的感覺🤭

今日為左滿足老公既辣癮，放工帶咗佢快閃東京過江龍主打麻辣嘅鬼金棒拉麵。🔹芫荽辣麻味噌拉麵（中辣中麻）老公係芫荽控，平時打邊爐都成扎咁放入口，佢話依個麻辣味既莞荽勁香同清新，面嘅質感偏粗彈牙，佢揀左中麻中辣，佢話辣味啱啱好唔會搶咗芫荽嘅青味，但略嫌麻味唔夠下次會叫「大麻」。🔹特製麻辣味噌拉麵而平時鍾意淺嘗辣味嘅我就揀咗少麻少辣，我覺得對於我嚟講剛剛，湯底好濃郁，如果坐近吧枱呢仲可以親眼見到師傅製作拉麵嘅過程，腩肉好淋，溏心蛋夠濃味。🔹日式煎餃子至於煎餃子屬於正常發揮，但煎得非常之香脆而且夠晒熱辣辣配，埋辣辣地嘅拉麵食呢咁就啱啱好夠飽夠晒滿足。坊間有好多唔同類型嘅拉麵店，但係以麻辣為主題嘅就比較少，如果你鍾意天氣熱再食辣野既，就一定要試吓鬼金棒，而家好似有三間分店試過兩間覺得質素都差唔多。==============================