鬼金棒

Open Now

Now Closed

我從未食過一間咁超麻煩食店，我和家一行七個人在門口等候，七個人分三批及三張枱坐，我仔想食都算，坐低我仔因附近買嘢行緊過嚟，個店員話未齊人出去排隊等人齊再入，我哋話佢就到都唔得，咁我新抱話咁當三個人，我仔剛到店員就冇聲出，陸續三枱分開用手機點嘢食之後，跟店員又過來講，唔好意思有個鹵肉飯賣晒佢話同你取消，轉叫煎餃子俾小朋友食，跟著講每個客人要最低消費$90元，你哋有個小朋友，三枱加埋個數都夠就算可以啦！今次可以俾你哋下次就唔可以囉！經理係度就唔得，扮到好似好有禮貌，但其實講嘢語氣非常之寸及囂，我食那碗鹵肉飯得舊肉有啲味道D白飯－啲汁都冇，有乜好食而言，沒有下一次😡

之前喺尖沙咀都食過呢間東京開嚟香港嘅拉麵店今日經過旺角見到原來都開左分店朋友話未食過 一於俾佢試下啦店面比尖沙咀細啲 我地揀左坐可以望住師傅煮麵嘅位置煮每碗麵都好似睇show咁呢度嘅拉麵可以自己揀幾麻幾辣唔食辣嘅朋友都可以試下 麻得幾過癮增量叉燒辣麻味噌拉麵因為勁鍾意食玉米筍 所以加15蚊要左增量玉米筍 好爽甜叉燒勁厚勁大舊 係少少肥膩㗎 不過好鬼好食同埋有大量芽菜好爽口 整體平衡番芫荽辣麻味噌拉麵芫荽怪朋友就揀左呢碗 成碗滿晒芫荽好興奮仲加左味玉 好溏心好好味呢間嘅拉麵比較粗 食落係彈牙啲

下午帶咗仔去咗上堂，有一個鐘時間吊吊揈喺條街度遊蕩，突然醒起鬼金棒MK店今日開張，即刻摩打腳走去食番碗中辣高麻加珍珠筍嘅茜拉麵！可能下午三點幾，過咗lunch hour，直入不用排。帶位招呼好好，一人我想坐吧枱，因為可以望下D師傅炒芽菜煮麵，咁啱八到有位日本師傅同有經驗嘅本地師傅train D員工(新店開張首日出現大粒嘅睇住個場都好正常)。茜嘅份量係十分OK嘅，我冇另加$30 extra茜喇。湯夠熱，麵爽掛汁，件細叉燒我like佢有肥羔而肉不柴皮，overall同TST店味道差唔多。Btw 呢間超近我屋企，就腳，覺得可以有下次，報告完畢！