鬼金棒

Open Now

Now Closed

鬼金棒👻鬼金棒拉麵大家應該都唔陌生，佢哋喺香港嘅分店都越開越多，憑着非常厚切嘅叉燒，同埋濃厚既湯底做到出晒名！👍🏻👍🏻天氣又開始凍，食碗熱辣辣嘅拉麵就最好不過啦！🔥🔥佢哋嘅叉燒咁出名，朋友就老實唔客氣咁嗌咗増量叉燒x2辣麻味噌拉麵🌶️$150，所以佢碗拉麵就足足有平常叉燒份量嘅四倍，絕對實現到叉燒自由！湯底方面，佢就揀咗中麻中辣，朋友就話呢個湯底配搭零舍惹味，食得辣嘅朋友一定要跟住試吓喎！至於我就比較鍾意食芽菜，平時食米線都會嗌埋芽菜做餸，所以今次就揀咗炒豆芽菜辣麻味噌拉麵 $120，為咗實現芽菜自由，我仲特登加多咗$15要多一份芽菜添，芽菜浸落佢哋嘅湯底之後就會變得非常好食，好似食幾多都唔怕會肥咁，咁就食得開心得來又冇罪惡感啦！所以絕對係減肥人士必備啊！😜😜飲品方面，各款嘅汽水只係$15咋，價錢都算合理唔大咬喎～

同朋友睇戲前食個LUNCH 見係旺角有新開的拉麵店🍜原來係這家 鬼金棒 📍同朋友決定一試!-我揀左莞荽辣麻味噌拉麵🍀小辣，小麻🌶我覺得這家的辣味唔算重食唔到辣既朋友都可以一試🙌🏻這碗以滿滿莞荽做主打🟢莞荽愛好者一定要試會配上一舊肉肉，但就唔怕太膩🥩-朋友點左炒豆芽菜麻味噌拉麵🍜配上中辣，中麻，加味玉同蔥花🥚相對會濃味D肉既份量同樣一舊，如果男仔愛肉者可能會唔夠‼️麵身彈牙，份量夠的!-飲品我地就簡單點左汽水🥤解渴!唔錯的午餐，拉麵店選擇唔算多‼️岩莞荽同蔥既愛好者!

【鬼金棒】日本過江龍超辣🌶️拉麵🍜近排都見到佢開唔少分店 佢哋大部份嘅拉麵都係有少少辣 啱晒我呢啲鍾意食辣嘅人🤣🤣增量叉燒辣麻味噌拉麵 💰$120勁辣嘅拉麵 係滿佈紅色既拉麵🤣🤣 鍾意食辣既唔好錯過 食落好過癮🌶️麵條軟硬適中 叉燒好厚身而且唔肥~ 啖啖肉😆😆炒豆芽菜辣麻味噌拉麵 💰$105有芽菜係面增加咗口感 食落爽口都有少少辣味餃子 💰$45餃子就比較細件小小 皮算薄 煎得都幾香脆 但個餡就唔算好多🥟🥟中規中矩啦~~

原來有一間分店嚟咗旺角！旺角過江龍日本重口味拉麵「鬼金棒」平時為咗食佢哋嘅拉麵都要去到尖沙咀或者銅鑼灣今次你旺角都食到啦！佢哋仲有一隻款煮食係「旺角限定」：辣•麻自選拌麵，有別於平時嘅拉麵，冇湯嘅拌麵，味道香濃！我就叫咗辣•麻自選拌麵 自行揀選麻辣程度，我就鍾意中辣中麻。呢款背面就冇雞蛋，所以我就再加多一隻玉子！呢個超級正入邊嘅蛋黃流得澎湃。辣麻自選拌麵雖然話麻辣但係唔算好辣，味道香濃，每注麵都掛滿醬汁👍🏻朋友就以往風格鍾意傳統招牌拉麵：增量叉燒 辣麻拉麵，佢唔食得辣，所以可以選擇走辣真係好迎合嗰個人嘅口味！而叉燒即係夠晒份量，大大舊，肥瘦剛好入口即化！眼闊肚窄俾佢嘅廣告牌吸引住！煎餃都係必食🥟煎得好香脆，一啖咬開仲有豐富嘅肉汁

老公真係好鐘意食拉麵，收工同佢去咗旺角🍜鬼金棒，哩間拉麵店我地第一次去食，環境唔算好大，但座位都坐得舒服我最鐘意食辣同芫荽🌶所以揀咗芫荽辣麻味噌拉麵🍜嘩🤩勁多芫荽🥗鋪滿成個碗裡面仲有厚豚肉，湯反而揀了小辣小麻；因為想加埋芫荽飲埋個湯😋老公就點咗碗🍜增量叉燒x2辣麻味噌拉麵 ，佢就走辣同走麻；哩碗好啱男仕食，2嚿又厚又大叉燒，肉質好腍，麵底又係粗麵，所以一定夠飽🤭哩度湯底非常濃又多香蒜，飲落又唔油膩😁煎餃🥟一碟有6隻 外皮唔算太脆，但熱辣辣哩度冇加一，2碗拉麵加追加小碟埋單都係＄300左右，真係幾抵食😋

其實我之前係日本已經有食過鬼金棒，當時仲排咗好耐隊。當晚去到旺角分店啱啱好剩返四個位，我地坐左係bar枱到。手機SCAN QR CODE落單，可自選辣度同麻度，等咗15分鐘左右就有麵食啦。餐廳好貼心有提供圍裙，唔使食麵彈到啲汁落件衫到。呀媽果碗係多芫荽，我果碗就係多玉米筍，條條都好爽口，嚿厚叉燒係半肥瘦，有好多芽菜，粗身拉麵好彈牙。由於太耐無食所以穩陣起見我哋嗌咗小辣，對於我哋兩個嚟講都係唔夠辣，下次嗌中辣應該啱啱好。🍜玉米筍辣麻味噌拉麵 $105小辣小麻🍜莞荽辣麻味噌拉麵 $115小辣小麻🥟煎餃(六隻) $45熱辣辣，個皮好薄脆。

鬼金棒 (旺角)📍旺角西洋菜南街2J-2Q號地舖👹多次回訪嘅鬼金棒有三間分店，分別係🔹尖沙咀、🔹旺角、同埋🔹銅鑼灣。🫰會返兜必定有原因嘅，對於我嚟講最令人回味嘅地方就係佢啲超入味又入口即溶嘅豚肉！🤤💁🏻‍♀️今次我哋order咗💚莞荽辣麻味噌拉麵，同埋💛玉米筍辣麻味噌拉麵! 兩款都係小麻小辣，辣度都比較溫和，而且佢個湯底帶有甜味，即使係麻辣湯底都並非中華麻辣嘅口味，同平時嘅拉麵湯底一樣可以直接飲用！🌽玉米筍唔好見佢普普通通以為好單調，事實做得非常惹味🤭 成座玉米筍見到都興奮！而🍀莞荽控就必點莞荽麻辣味噌，因為又係成座山咁多！🐷自己就覺得豚肉係佢地嘅靈魂！真係做到入口即化又咁入味嘅豚肉，市面上冇幾多間，所以呢樣要大力推介！

📍鬼金棒食過銅鑼灣同尖沙咀分店開左分店係旺角緊係要試下啦鐘意食辣同鐘意食拉麵既真係要試下炒豆芽菜辣麻味噌拉麵⭐️⭐️⭐️⭐️⭐️今次個位係坐係Bar枱睇住佢地既熊熊烈火咁炒啲豆芽菜即刻覺得夠鑊氣又夠香呀加左個味玉揀咗小辣、小麻少少辣，少少麻，又夠爽，正辣麻肉碎拌麵⭐️⭐️⭐️⭐️⭐️勁好食都係加左味玉，個人覺得一定要加都係小麻小辣好野味，下次可以食辣啲煎餃(六隻)⭐️⭐️⭐️⭐️⭐️煎得好正，外皮小小燶入面仲係好juicy

-鬼金棒-@尖沙咀.餐廳用QR code自助落單，無論辣度同麻度都可以自由選擇，就算唔食得辣都唔洗驚無野食。.增量叉燒麻辣味噌拉麵 (小辣走麻) 味噌湯底好濃厚，唔會油膩。今次選擇左小辣，對於唔太能夠食辣嘅男朋友來講，辣度啱啱好。.增量叉燒好厚身，用嘅係五花腩肉，一層脂肪再夾住一層肉，睇落以為會好肥膩，但係廚師會將叉燒表面燒香，令到食落唔會覺得油膩。.腩肉醃好入味，肉質厚身但夠軟，唔會好老，帶點油脂食落更香。.麻辣肉碎拌麵 (小辣中麻)拌麵用上比較扁身嘅麵條，令到個麵更加掛湯。.湯汁好濃，麻同辣嘅味道都好突出。加埋以辣椒、香蔥、洋蔥炒香的辣肉碎，味道一流。份量雖然多，但忍唔住完食整碗拌麵。.另外追加左芽菜，見到廚師會即場以熊熊大火炒香芽菜，火候十足。.推介鍾意食辣嘅朋友要加埋鬼金棒嘅自家七味粉，因為佢嘅七味粉味道好多層次，完全提升左整碗拉麵嘅口味。.煎餃子餃子個皮比較軟身，而且裏面嘅肉味道交談，配埋香濃嘅拉麵就啱啱好。.

之前都食過銅鑼灣同埋尖沙咀分店嘅鬼金棒，今次第一次食旺角分店嘅鬼金棒，質素同樣唔錯，而且餐廳喺兆萬中心對面，地理位置更加方便。煎餃($45)餃子底部煎得香脆，餡料幾鮮甜。味玉辣麻味噌拉麵($105)拉麵一上枱，麻辣湯香氣撲鼻，辣度同麻度可以自由選擇，唔食得辣可以走辣走麻，滿足到唔同人嘅口味。我地叫咗小麻小辣，湯底幾香幾惹。叉燒厚身唔會好肥，肉質軟腍、入味。味玉既蛋黃呈橙紅色，蛋味香濃，必食。炒豆芽菜辣麻味噌拉麵($105)豆芽菜分量好多，香口爽甜。拉麵較為粗身，麵質煙韌有咬口，掛湯。

香港想食到一碗岩自己口味嘅拉麵絕對係比日本難！鬼金棒呢間新嘅旺角分店，經過咁多次今日終於決定去試試呢碗拉麵。餐廳入面充滿住一種神秘感，四周圍都係鬼嘅圖案同面具，撞正萬聖節打卡勁正。拉麵以味噌做湯底，辣度同麻度都可以自己點選。食得辣嘅朋友，仲可以加錢挑戰鬼麻鬼辣，聽講好恐怖，真係好食得辣先好食肉飯（M）$45呢碗肉飯係放上一大舊叉燒上個飯到，唔洗擔心唔夠食。個飯淋上左叉燒既油汁，令到每粒飯每啖入口都好香。將舊叉燒整爛佢，肥油同肉香混埋入個飯到超滿足。增量叉燒辣麻味噌拉麵 $140 增量叉燒量確實唔可以講笑，叉燒嘅肉量同肉感係勁厚大大舊個種，大大舊嘅五花腩肉，食落好夠味，一咬就可以好輕易咬開。 拉麵麵質比較粗身，入口夠口感食落煙韌，可以吸收到d湯汁之餘，邊食邊掛得起d湯汁，好食！ 再飲一飲啖湯，味噌味夠重但唔鹹。呢碗小麻小辣嘅味道好岩想食辣但又食唔太到辣嘅朋友，辣度前勁後勁都唔會太嗆，慢慢滲出黎嘅麻味係食得舒服嘅。芫荽辣麻味噌拉麵 $115大量既芫荽食落就帶住一股青香，淺嘗食辣又唔想食太膩既朋友可以試下呢碗。

之前係銅鑼灣食過呢間分店，念念不忘呢間嘅芫茜拉麵，經過見到開左新分店係旺角兆萬，太方便啦，唔需要過海過尖沙咀都可以食到啦環境方面✨✨✨✨雖然店面唔係太大。但係勝在有齊唔同座位組合，有bar 檯適合一個人食，有雙人四人檯，三五知己都可以一起黎食😍食物方便✨✨✨✨✨🌿莞茜味噌拉麵$115呢度可以叫辣or走辣，好彩有呢個option，太照顧我呢啲唔食得辣嘅人😂麵頭鋪滿一層芫茜🌿視覺效果好正，夾住個湯底飲特別清新一點都不膩，麵底一如既往整得軟硬適中，好鍾意食🥩增量叉燒味噌拉麵 $120最吸睛的是極其厚身嘅叉燒😍味道濃郁，好軟熟，好淋，肥瘦適中，好正煎餃$45✨✨✨✨✨皮薄餡多，正適合形容呢個煎餃，入面嘅餃子餡仲好juicy 呢正！

位於西洋菜南街的拉麵店非常易找，星期五晚上前往，只需排大概5分鐘就能入座。.店內一概自助處理，不論下單、斟水都自行安排，非常方便。.🍴增量叉燒麻辣拉麵 $120賣相出色，味道亦不錯👍🏻最欣賞是面底，麵條比較粗身和偏硬，有點煙靭的感覺。叉燒肥瘦比例適宜，而且非常入味😋配菜芽菜，在這碗麵扮演重要角色，非常好吃。唯一較為失色的地方，就是湯底偏鹹，味精感覺較重。.坐在吧枱能觀看師傅炮製拉麵的情景，火喉十足！.店舖內設有圍裙，像我這樣的戊失鬼，實在是恩物🥹.店內位置充足.作為拉麵愛好者，$120/碗相對其他同水平拉麵來說，價格的確稍為高了一點。不過，鬼金棒的拉麵絕對合格有餘，而在同區亦沒有類似的拉麵款式，麻辣愛好者絕對要試。😋

人氣拉麵開到嚟旺角😍 位置方便，大約7點去到已經滿座，好受歡迎😍 進入店內，燈光昏暗 氣氛熱鬧，好有日本拉麵店嘅氛圍坐在吧枱可觀賞廚師製作拉麵，火光熊熊 視覺效果一流♨️二人消費：$295 🫧不設加一服務費🫧我們點了兩款拉麵 玉米筍辣麻味噌拉麵 加味玉、特製麻辣味噌拉麵 加拉麵（小辣，小麻）加兩罐Coke Zero ($15)賣相好吸引，麻辣湯底香氣撲鼻，聞到都流口水🤤 叉燒超厚身 半肥瘦，口感好軟熟，非常入味👍🏻👍🏻 流心蛋採用日本蛋，蛋黃呈橙紅色 蛋香味濃，好有驚喜！而拉麵偏粗身，有嚼勁，吃起來十分有口感。加上蔥的香氣、玉米筍和芽菜的清爽，口感好豐富，讓人回味無窮！

鬼金棒終於都開到黎旺角啦，一向中意食辣同埋厚切叉燒既我，今次終於可以試到，一於同大家分享下！✨特製麻辣味噌拉麵&炒豆芽菜辣麻味噌拉麵湯底係用麻辣調味同味噌熬煮而成，味道麻辣刺激同埋香濃嘅味噌。最貼心既憬麻同辣都有唔同既程度可以揀，滿足哂唔同人既口味。而我揀左小辣，覺得又唔係好辣喎，反而食到薑味既溫熱感覺，食得辣既朋友仲可以試下地獄級鬼増級別挑戰下！拉麵嘅麵條係偏粗個隻黎，有彈牙嘅口感，每一口都食得到麵條嘅Q彈。配料方面，通常會有超級大舊既炙燒厚切叉燒，叉燒真係勁好食，肥瘦相間，食落一啲都唔會柴，入口即融！另外味玉都好夠入味，入面夠唒流心。仲有蔥花、粟米仔、芽菜等配料，而炒豆芽菜辣麻味噌拉麵個芽菜係即叫即炒，勁有鑊氣！呢啲配料令拉麵更加豐富口感同風味。✨煎餃子餃子唔算好大隻，入面係菜肉餡，餡唔算好滿，不過味道都幾唔錯，菜既甜味比較出，而且個皮夠哂薄又超級脆，口痕都可以叫黎試下！