鬼金棒

Open Now

Now Closed

今日約左個朋友旺角行街兼食飯，依家mk好多野食，諗左好耐食咩，經過見到呢間拉麵，被佢個麻辣menu吸引左，決定要try try，果然無失望😍我地叫左2碗拉麵🍜，因為我個friend唔食辣，所以佢叫咗唔辣嘅，不過都特登加左麻try try, 又幾好喎，麻同辣可以分開，又可以揀程度！佢個麻都幾正，幾過癮！🤤我就揀左個麻辣芫荽味噌拉麵，出色！佢勁多芫荽，本人都好芫荽，佢個combination 好正，芫荽唔會掩蓋咗味噌湯嘅味，又幾夾，中和咗味噌嘅油膩感同鹹味😎重點係佢舊叉燒好腍又好厚，我同個fd都覺得好正, 佢個糖心蛋都好流心！我哋另外叫咗餃子，餃子都皮薄脆底，都好食！🥟呢間餐廳有驚喜，值得試試！👍🏻

絕對是旺角必食的人氣拉麵店！好味又抵食😚😚 大約8點去到已經滿座，人流好多，餐廳裝潢日式風格，燈光昏暗好有氣氛～我們選擇坐吧枱，可觀賞廚師製作拉麵，炒芽菜好有鑊氣😆 今次叫咗兩款拉麵 玉米筍辣麻味噌拉麵 同埋特製麻辣味噌拉麵，因為好鍾意依度嘅流心日本蛋，口感軟嫩 蛋味濃，加多咗兩隻😆👍🏻 另外仲加多左叉燒，好大件！拉麵一上桌，麻辣湯底香氣撲鼻，辣到唔會太強勁，中辣都接受到🌶️ 配有玉米芯及芽菜，叉燒超厚身 半肥瘦，肉質鮮嫩多汁，每一啖都帶來滿滿的滿足感👍🏻👍🏻 拉麵偏粗身，有嚼勁，吃起來十分有口感。加上蔥的香氣、玉米筍和芽菜的清爽，口感好豐富，回味無窮！絕對值得一試😋😋

見到朋友去日本嘅相，我都有少少掛住日本！經過「鬼金棒」，一解心癮，就入去食拉麵，安慰一下自己先！餐廳以木系為主，日式風格，內裡佈置了不同的日本鬼怪，很有氣氛。😋餐廳使用QR code點餐，是日選擇：1️⃣芫荽辣麻味噌拉麵（走辣走麻）🍽湯底帶有濃郁的味噌味道，而芫荽的香氣獨特，令拉麵增添了一絲清爽的味道，整個湯頭更加有層次感。2️⃣增量叉燒辣麻味噌拉麵 （走辣走麻）🍽叉燒份量十足，超厚，肥瘦均勻，很入味。粗身拉麵彈牙煙韌，湯汁濃郁。3️⃣煎餃🍽餃子皮軟身，底部煎得香脆，內裡充滿餡料。*辣度 / 麻度可自由選擇*

原本排隊時看見出面有點餐紙可填 打算節省職員時間先填寫，不料帶位男職員凶神惡煞地説「外賣紙嚟㗎 放低啦」然後其後入枱時 更雙手叉腰怒視我 明白生意繁忙 但其服務態度實在令人不解,不建議大家中伏來此餐廳受氣。First of all, people queuing up out there were filling up the ordering form and we filled up as well. But the staff went raging and said it is not for us. Afterward, he folded his arms and stared at us with anger. Not recommended for people.

日本過江龍麻辣湯拉麵店內有好多鬼怪公仔佈置👺最標誌性嘅就係門口嘅鬼金棒😆呢度最出名就係麻辣湯底仲有專為芫荽控而設嘅芫荽拉麵✅芫荽辣麻味噌拉麵揀咗小辣，唔算真係好辣，平時食開10小辣都食到😄另外追加咗味玉，流心效果好邪惡✅增量叉燒辣麻味噌拉麵食肉嘅朋友可以試下增量叉燒，叉燒成舊東坡肉咁，超大件🤣拉麵係粗麵款，比較有口感💛好味指數:4.4/5 💜回頭指數:4.1/5📍鬼金棒 (旺角)旺角西洋菜南街2J-2Q號地舖

又嚟咗呢度食拉麵啦🍜！呢度個室內環境都幾特別, 以黑色為主調, 枱上掃QR code就可以落單, 辣同麻嘅程度可以自己話事, 有5個🌶級數, 鍾意重口味嘅人士就啱晒啦, 可以嚟挑戰一下😝！怕辣亦可以走辣㗎～ 🍜味玉辣麻味噌拉麵慢煮厚切叉燒太吸引了🐷！叉燒好厚肉, 肉質非常軟腍, 肥肉比例好多, 啖啖肉超邪惡的😈！半熟蛋有流心效果, 蛋味香濃🥚; 麵條粗身又彈牙, 每一條麵條都索晒啲湯汁, 個味道好濃, 非常惹味啊！

如果鍾意食🌶麻辣又鍾意食🍜拉麵，咁＜鬼金棒＞，就岩哂你，佢地既湯底既麻辣程度，各自有無、小、中、高同增辣（$+15）5種，可以憑自己喜好選擇唔同既配塔。增量叉燒×2麻辣味噌拉麵（$135）叉燒片肉質厚實，滷得非常入味。拉麵比較粗身，麵質爽口對於辣度，我擇左中辣，麻辣同豬骨湯既香濃口感完美融合。下次會挑戰更高辣度芫荽麻辣味噌拉麵+增量叉燒 （$115+$35）朋友勁鍾意食芫荽所以一見到就話要點呢款。果然冇令佢失望，芫荽份量好多，每一啖湯都可以食到陣荽味，另外仲加左叉燒，大大舊夠淋又入味，食完即刻飽哂

🍜特製辣麻味噌拉麵 $125🍜炒豆芽菜辣麻味噌拉麵 $105加味玉 $15拉麵嘅辣度同埋麻度都可以自選。第一次食小麻小辣，辣度比想像中低。唔食得辣嘅👩🏻覺得好正，幾香又唔會食到好辛苦。同埋覺得麻味冇走辣小麻咁突出。下次會食小辣中麻。特製拉麵原來會多一塊叉燒。佢哋嘅叉燒真係特別好食。大大塊五花腩入口即化，冇咩渣咁濟，口感同其他拉麵店食到嘅好唔同。麵質default比較硬。湯底夠熱，芽菜一浸落湯就冇晒青味。🥟煎餃（6隻）$45餡料唔算特別飽滿，不過餃子皮比較薄，又煎得幾香。所以過口癮都唔錯。

今日收工，打算食拉麵再次光臨這個鬼金棒就嚟咗旺角呢間！叫咗個拉麵肉碎飯同埋煎餃，日本人通常拉麵會配埋白飯噉食。所以就要試下叉燒麻辣味噌拉麵：9/10分。呢個叫咗唔辣小麻，湯底非常濃郁再加有小小麻嘅味道非常搭配叉燒就大大嚿！食落非常嫩滑，麵質就係正常唔錯的肉碎飯:8/10分。肉碎飯。配埋拉麵嘅湯底。非常搭配日本人通常都會這樣叫多個飯噉樣食埋！同埋肉味濃唔會太鹹然後叫咗個煎餃，煎餃六隻不過不失。味道正常推薦大家過嚟食用

今日去左旺角鬼金棒食拉麵🍜店內環境企理乾淨 裝修以店名作主題牆上掛有面具帶及播有鼓聲有種詭異嘅氣氛👻拉麵都可以自由選擇麻及辣嘅度數完全迎合到每一位客人嘅喜好！▫️煎餃 6隻 ($45)餃子皮薄 肉餡juicy 煎得金黃香口▫️芫荽辣麻味噌拉麵加味玉 中麻辣 ($115+$15)拉麵屬於粗身嘅 軟硬度啱啱好味玉嘅蛋黃有蛋香又軟糯芫荽與湯底互相平衡 ▫️增旺叉燒辣麻味噌拉麵 小麻辣 ($120)湯頭濃香 叉燒超大件 驚豔到我😳與一般拉麵店嘅薄切叉燒完全唔一樣佢似中式嘅腩肉 入口時有油香軟腍嘅口感如果唔食得太辣嘅朋友 可以選呢款辣度🫡

📍每次途經鬼金棒暗黑門面 都好容易會俾佢吸引到👺 日本鬼神公仔裝飾遍佈餐廳各處 唔會恐怖但意外地營造出滿滿的日本感覺👹🌀 特製麻辣味噌拉麵 鬼金棒最大特色是辣同麻都分為5️⃣個等級 可以選擇無/ 小/ 中/ 高/ 鬼增程度 朋友最近對麻味上癮 決定挑戰鬼增麻🙊🙊🟢 鬼增級別會以黑碗盛載 大量麻粉潵於拉麵表面🍜 第一啖只係覺得麻香十足 但後勁頗為凌厲😂 會感覺到口腔開始好麻冇感覺😂 如果食鬼增級別 食完仲會送上一粒鬼怪糖🍬比你解辣㗎🌀 增量叉燒辣麻拉麵 (大麻小辣)用上豬骨長期熬製嘅湯頭同樣配上芽菜/ 玉米筍/ 慢煮叉燒 👀增量叉燒份量較大 食落口感好似滷肉般軟淋 入口即溶～

有排都返唔到鄉下🇯🇵，天氣又凍番真係好想食熱辣辣嘅野暖下個胃🥹兩個人打邊爐又過分咗少少，點知經過一間裝修好得意，好有鄉下氣息裝潢😂🇯🇵嘅拉麵吸引住，加上門口寫住 《東京人氣辣麻拉麵》今晚就食你啦😂😂服務員態度好好，入到去仲要話俾我聽枱下邊籃擺袋🤭座位寬，店舖裝修氣氛真係好鬼--》怪唔得命名《鬼金棒》最後決定🤭《芫荽辣麻味噌拉麵》滿滿嘅芫荽,對於芫荽關注組嘅我嚟講享受芫荽自由，湯底選擇中辣高麻😌😌對於平時食開譚X中辣嘅我下次絕對要食<鬼增辣>😂😂😂更加令我喜出望外吃嗰嚿厚厚嘅叉燒真係好juicy食完之後好滿足🥹至於另一碗《炒豆芽辣麻味噌拉麵》由於朋友唔食得辣亦都唔鍾意麻味，舖頭好貼心可以無麻無辣淺嘗過佢冇辣味嘅湯底，一樣咁濃厚湯底真係好似返咗鄉下食拉麵，麵條方面配合埋芽菜一齊食，真係爽口又彈牙，配合得天衣無縫！最後大大力讚賞！！一定要叫一份小食$30《增量玉米筍》🌽🌽🌽🌽🌽份量多到嚇鬼人，自己去買生嘅都冇咁平😮‍💨而且玉米筍好似牛油炒過，每一條都有少少焦香，10分香口，令人食上癮🥹總括，絕對值得encore👏🏻👏🏻👏🏻價錢加埋呢個份量，絕對唔貴！最後用作品去說話《兩個女仔

今日放工之後同朋友約咗去旺角食飯，估唔到大家心有靈犀都想食拉麵，我同佢推介近期最愛嘅麻辣湯底拉麵店，冇諗過我都講店名，佢已經知道係鬼金棒！😂今日8:00去到要排一陣隊，好快都入得，店舖內掛滿咗日式鬼怪公仔，仲有招牌狼牙棒！呢度用QR code落單，方便又唔怕搞錯order，好清晰可以一眼睇晒有咩拉麵揀。今日叫咗一碗味玉辣麻味噌拉麵（無辣，小麻）小小嘅麻味唔會掩蓋到湯底嘅濃郁鮮味，食起上嚟幾過癮，不過下次會叫小辣中麻，試返佢哋嘅招牌麻辣！另外仲叫咗煎餃子🥟食完拉麵食返幾隻多汁餃子，加上麻辣醬汁，即刻有完滿嘅感覺！

之前第一間食鬼金棒拉麵店是在尖沙咀第一間分店，嗰陣已經覺得呢間拉麵店嘅味噌濃湯很特別，很足料，食得辣嘅一定要試辣味嘅味噌濃湯底。估唔到旺角而家開咗一間分店， 10分興奮！因為無論lunch定晚餐都多咗一個選擇，質素同尖沙咀嗰間一樣，冇得彈！如果唔鍾意食太濃味嘅嘢嘅人，未必會接受到，哈哈！佢哋嘅叉燒好大嚿，其實要一嚿已經夠晒，如果要雙叉燒就比較油膩了！湯底有好多肉碎料，味噌湯湯底好香好濃，食完拉麵會忍唔住飲晒成個湯

久遺了嘅鬼金棒拉麵 今日再次回訪 只因經過以前旺角行人專用區 見到新開嘅分店 於是就入去回味一下🥓增量叉燒辣麻味噌拉麵 $120 +芽菜 $15 + 🥚味玉 $15-湯底有4款辣及麻程度 魔鬼辣、大辣、中辣或小辣 黑色碗嘅係魔鬼 紅色碗嘅大辣 而白色碗就係中或小辣-黑蒜油增加湯底香味 豬骨湯底加上味增熬製成橙紅色 味道仍然吸引 芽菜經爆鍋勁炒過 清爽口感又無草清味 含水量高 仲有一條粟米芯 幾清甜-麵條有一定粗度及彈性 掛起濃湯再放入口👍🏻-叉燒係厚切嘅五花腩 分明嘅肉及油脂 肉質嫩滑入味 鹹鹹香香帶少許滷水味道 滋味🥤Coke Zero $15-見佢個包裝幾得意就影低埋😂總括嚟講，新分店味道依舊，唔錯