堅泰

Open Now

Now Closed

#fatchubelly旺角📍堅泰 (旺角)💥烤豬頸肉撈金邊粉$38醬料都好香口偏重口味🤣食落辣辣地好惹味！即叫即烤嘅豬頸肉烤得好香食落好爽口同時帶點油脂感💥泰式辣肉碎（煎蛋）飯 $56肉碎份量好多肉碎用左半肥瘦豬肉炒得好有油香加埋九層塔同辣椒非常有泰式風味加埋半熟煎蛋送飯一流💥青木瓜沙律$38青木瓜好爽口 整體食落酸酸辣辣好開胃💥泰式魚餅$16外皮煎得勁香脆正常發揮

阿華田脆脆香蕉煎餅呢個係我係香港食過最好食嘅香蕉煎餅，外皮非常之脆，香蕉容好厚，香蕉肉已壓成香蕉容，口感好軟滑。香蕉非常之香甜。完全做到外脆內軟。而且阿華田脆脆更是畫龍點睛。個人覺得甚至比朱古力更加夾。〰️〰️〰️〰️〰️〰️〰️〰️〰️〰️〰️〰️〰️〰️〰️〰️堅泰炒金邊粉金邊粉好多蝦芽菜作為配料，調味非常之好味。仲有好多花生碎。質地係濕濕滑滑的。〰️〰️〰️〰️〰️〰️〰️〰️〰️〰️〰️〰️〰️〰️〰️〰️泰式烤豬頸肉飯呢個價錢黎講都算好多豬頸肉，我略嫌豬頸肉唔夠入味。D飯軟硬度適中，泰國米好香。〰️〰️〰️〰️〰️〰️〰️〰️〰️〰️〰️〰️〰️〰️〰️〰️香葉肉碎飯 果然係泰國人主理，肉碎非常之惹味，有少少辣、肉碎好濃味，好有香葉味。

話說去咗信和睇完模型 就去旺角掃街平時都會喺街邊食 今晚就去旺中食呢呢間舖頭嘅門面細 有張小枱可以打卡餐牌款式都好多 食完好想過泰國一轉-堅泰炒金邊粉 ($56)啲配料好足 金邊粉好煙韌喔有蝦仁花生碎 豆乾同埋芽菜口感好豐富 份量亦啱啱好呢食落好有鑊氣 真係夠晒惹味-泰式奶茶 ($18) (跟餐可加配$6)香滑濃郁 但比一般奶茶甜咗啲-泰式魚餅 ($16/4件)正常發揮 中規中矩-青木瓜沙律 ($38)青木瓜好爽口 整體食落好開胃-朱古力香蕉煎餅 ($34)見好多人都有落單 甜品達人好奇賣相好邪惡 真係令人流晒口水啊食落好香脆可口 唔會話太過甜呢但煎餅個底無咗 面係餅底係香蕉

旺中近年開左好多小食店，有時候係旺角行完街都會去旺中掃街，今日試咗一間新開嘅泰國小店堅泰。堅泰以外賣為主，店內有兩個立食企位，出面都有一個公共立食區域。- 烤豬頸肉一份豬頸肉有十大片，豬頸肉脂肪均勻，肉質爽脆彈牙，旁邊嘅醬汁酸酸辣辣，可以減低油膩感。- 炒金邊粉配料可以揀蝦、豬頸肉或雞肉，蝦好彈牙，金邊粉口感煙煙韌韌，而且炒得好有鑊氣，辣到適中，再加上大量花生碎、豆乾同芽菜，無論口感同味道都非常豐富，👍🏻- 泰式奶茶香蕉煎餅煎餅外皮非常酥脆，煎餅上面塗上一層厚厚既泰式奶茶醬，入面嘅香蕉非常香甜，越甜越好味😋另外仲有叫龍眼冰，甜甜地幾好飲。以前去泰國一試香蕉煎餅就迷上左，返到香港發現好少賣香蕉煎餅既泰國餐廳😭，幾翻追尋終於搵到堅泰，而且仲有十款味道咁多！其他菜式例如炒金邊粉同烤豬頸肉都好抵食👍🏻。我至少會去九次堅泰，咁先可以試曬所有味道😎

好耐冇行過旺中，原來多咗好多食肆小店進駐，仲有我最鍾意嘅泰國菜🫶🏻 堂食位置空間不大，買外賣拎返屋企食會係最佳選擇！✨香蕉煎餅 $42多款口味選擇，最特別一定係泰式奶茶味香蕉煎餅🧋面層有奶茶醬，甜甜地，奶茶味不算突出。香蕉餡料熱辣辣，香脆餅皮一定要趁熱食用。✨泰式酸辣肉碎湯麵 $56酸同辣味都相當突出，比較重口味，啖啖都會食到肉碎。麵條軟硬程度適中，女仔嘅話可能會需要小麵條。✨自家製椰汁西米糕 $38/4件椰汁味十足，係宵夜嘅好選擇！

最近見旺中多咗呢間泰菜，比佢煎餅吸引到，今次掃街就同朋友決定試一試！去到見到芋泥煎餅新推出有特價就揀咗呢樣，另外再叫咗個豬頸肉金邊粉。個芋泥煎餅出咗嚟先，於是我地就企係舖頭入面張小檯到食，岩岩整起勁熱辣辣，入面有滿滿嘅芋泥，外層煎餅脆卜卜，再加上甜甜嘅煉奶，成個組合十分幸福！感覺同泰國食嘅一樣咁出色，去唔到泰國又掛住嘅時候建議可以黎旺中食佢！食完個煎餅等多陣就拎得個金邊粉，一盒滿滿嘅份量好足，我哋2個女仔share食就剛剛好。金邊粉唔會偏酸，食得出有啲鑊氣，豬頸肉夠爽，同餐廳食嘅質素有得揮。黎旺中又多個選擇啦，推薦比鍾意泰國嘢嘅朋友仔！

每次去 旺中 T.O.P 都會自動波去咗掃街，今次特登揀左間出名食香蕉煎餅嘅小店😃✴️ 招牌榛子香蕉煎餅足足有成十款口味選擇嘅香蕉煎餅當然係屬於必選餐品，最經典係榛子味，其他口味包括：朱古力、阿華田脆脆、芋泥、雪糕、肉鬆、榴蓮等等。每份都係即叫即製，香脆嘅口感搭配榛子醬，的確係出色😚😋 難怪現場有唔少特登嚟買煎餅嘅人👍🏻​✴️ 堅係泰式·船麵船麵絕對係其中一種可以聯想到泰國街頭風味嘅食物。呢度嘅船麵可以自選麵底（旦麵/金邊粉/媽媽麵/米粉），配豬肉丸同豬頸肉。湯頭係相對濃郁、有少少帶辣，好開胃。船麵份量適中，配泰式奶茶一流 😆✴️ 泰式烤豬頸肉食泰國嘢走唔甩叫豬頸肉，份量十足，熱辣辣出爐配搭獨家炮製嘅醬汁，肉質軟嫩，又夠惹味，極速清晒 🤭​Tips ：食物由泰國廚師主理，第一次去嘅朋友只要留意返舖頭號碼就可以搵到嫁喇😌

旺角中心真是很久沒去過2樓的立食區 往往都有驚喜除非一直人氣的店舖外 剛剛發現了一家 正宗泰國菜鋪面雖小 五臟俱全重點 「堅是泰國人主理」⋆_ᴛᴏᴛᴀʟ ᴏʀᴅᴇʀ__ ⋆ 🍝招牌泰式船麵 +$6 龍眼茶麵底可選：旦麵/金邊粉/媽媽麵/米粉試試 旦麵先船麵除有豬肉丸外 豬肉竟然是豬頸肉煎香了的豬頸肉 很脆口且份量也很足夠炸豬皮 亦很好吃湯汁帶辣辣的船麵 很開胃🤤 +$6 龍眼茶 解辣解口渴🍝烤豬頸肉撈面朋友吃了2碗 ！ 以行動證明「很好吃」豬頸肉份量算多 厚薄適中配自家制酸辣汁 是決定關鍵位酸酸辣辣好開胃🤤 再回味清單內🫔🍌 花生粒榛子醬香蕉煎餅 泰國街頭小食之一 香蕉 榛子醬 +煉奶 絕世配搭外層煎至微微脆口 配上花生粒脆卜卜 層次感一絕

以前年輕嘅時候日日放學都會去旺中，不過自從返咗工之後，真係好少去，今日難得約埋啲舊同學一齊出街，當然約返去老地方！舊地重遊嘅時候竟然見到一間泰國餐廳小店，唔好睇佢舖頭咁細間，原來餐牌都好豐富，叫咗幾樣嘢，所有食物嘅味道都好正宗，感覺真係好似去咗泰國咁樣！估唔到旺中都有啲咁高質嘅泰國菜！堅泰炒金邊粉 $56 炒得好入味，亦都好鍾意個辣粉夠辣，食得好過癮！再加埋唔會食落覺得成口油，反而係炒得好有鑊氣。泰式烤豬頸肉飯 $50份量都唔細，烤豬頸肉嘅肉質都唔錯。泰式雞棗 $16 係我第一次食，味道幾好，啖啖肉，一口一個，推介！最後梗係要叫埋甜品啦，我哋選擇咗堅泰榛子香蕉煎餅 $34，煎得好香口，香蕉又香又甜，榛子醬更加係用咗超多，食落真係好正！呢間真係推介大家都要嚟食！真係冇諗過呢度有啲咁好食嘅泰國菜 ！

旺角係童年回憶嘅地方，細個最中意行街第一時間會諗到旺中，衫褲鞋襪都會係果到買，到而家大個多數係去食野，小食店舖愈黎愈多，記得朋友講過有間泰國小店既炒金邊粉好出色，今次終於有機會試下佢堅泰炒金邊粉本身我都好中意食炒金邊炒，佢炒得好香，而且蝦大粒份量都唔少，愛金邊粉要試下+$6龍眼茶開頭諗緊會唔會好甜，店員話會甜，煮定左無得少甜，但飲落我覺得還好，唔算甜得好過份，都幾好飲榛子醬香蕉煎餅好掛住泰國香煎煎餅，出奇地佢又唔錯好香脆，香蕉都多，加榛子醬就有啲膩，但好夾好好食😋

旺中可以說是葵廣的翻版，好多店都同葵廣重複，人流都幾多，想幫襯一間葵廣冇的小店，見呢間泰國菜有香蕉煎餅，即刻試吓~🔘榛子香蕉煎餅 $34有超過10款口味可以揀，好誇張，自己始終最鍾意經典的味道，香蕉配nutella醬，估唔到佢外皮咁酥脆，香蕉加熱咗之後更甜更香~🔘堅泰炒金邊粉夠鑊氣熱辣辣，鍾意佢多芽菜同多花生碎，都幾足料，大蝦都唔少，食落唔會太油膩，兩個人share食非常飽肚~🔘凍龍眼茶正常發揮，唔會太甜~香蕉煎餅比想像中更加好食，下次經過可以回訪，係一個泰國姐姐serve我，似係由泰國人主理，味道夠正宗~

旺角堅泰.味道：7.5/10🌟抵食：9/10🌟環境：7/10🌟.旺中超抵食地道泰菜🇹🇭大推招牌榛子香蕉煎餅🍌外皮酥脆，入面香蕉好足料😍配上香口榛子醬，好味過泰國食🤤另外泰式炒飯都係必點，非常家常嘅泰國味道😋份量都俾得非常足，唔係小食，真係好飽😀最後金邊粉都做得唔錯，有齊蛋、蝦、芽菜等配菜🔥即叫即炒，唔錯👍🏻.#香港 #食評 #foodie #食好西 #instagram #香港好去處 #拍拖好去處 #香港美食 #泰國 #金邊粉 #旺角 #旺角美食 #旺角好去處 #旺角泰國菜

旺中二樓開始轉型成為美食坊，多間小食店林立，中間還有個立食位置，很有特式。【泰式奶茶香蕉煎餅】香蕉煎餅是泰國受歡迎街頭小食，香港比較少見，這店還有很多款香蕉煎餅選擇，泰式奶茶是用較稠的醬汁型態鋪在面上。外皮煎得香脆的薄餅皮，中間包著一片片的香蕉，咸甜兩種味道很夾。【泰式烤豬頸肉】比較少油，所以都不會覺得太肥，豬頸肉外邊香脆，中間質地爽口，沾著特製的醬汁，都幾滋味，而份量適合兩至三個人分享。【堅泰即炒Pad Thai】酸酸甜甜十分開胃的金邊粉，同樣油份不多，可以仔細品嚐到清新的醬汁香味，而且大蝦份量又多，好滿足。【泰式奶茶】是金邊粉套餐附送的，味道甜甜地又重獨特的泰式茶香味，幾解渴。

🌟嚟到旺中梗係要搵啲小食嚟食吓🌟見到呢間有香蕉煎餅，即刻沖咗入去試吓🧇榴槤朱古力香蕉煎餅 （$42）-即叫即整，熱辣辣-有驚喜，外皮好脆裏面包咗榴槤蓉-加埋俾得一啲都唔手軟嘅朱古力醬-一秒鐘回到泰國夜市🧋泰式奶茶-買香蕉煎餅加$10，就有得加購-傳統泰式奶茶，甜甜嘅，好正😋即炒金邊粉 （$50）-即叫即炒，好惹味-加咗蝦仁，豆乾，豆芽，口感好好-推薦推薦🥗青木瓜沙律 （$38）-清爽口感，地道泰式風味-青木瓜新鮮，質地脆爽，有嚼勁-配埋紅辣椒，青豆，紅蘿蔔，青檸汁，花生等，醬汁帶有微辣和酸爽的風味

旺角行街肚餓，朋友話有間泰菜係旺中幾好食又多選擇，輕食同主食都有，決定上去試下一去到舖面見到有唔少人等開門，其中都有學生，咁我就知道無嚟錯地方😋因為佢地行開旺角，一定知邊度有好嘢食😏堅泰榛子香蕉煎餅：朋友話一定要試，佢煎到餅底金黃唔油膩，甜度又啱啱好，中間香蕉燒到半熔仲熱辣辣，成份煎餅有不同嘅口感，果然係必食👍🏻👍🏻👍🏻（學生們都有叫🤣)青咖喱豬頸肉飯：每次食泰菜必點有兩樣，其中一定係咖喱飯。呢間無令我失望，咖喱椰香足夠，辣度唔會太搶（我估5少辣左右），用嚟餸哂成兜飯真係啱啱好😂豬頸肉入哂味，夠淋。重點要讚下個茄子，應該走左油再落汁，香口之餘配咖喱汁好好食😋堅泰即炒金邊粉：另一樣食泰菜必點就係炒金邊粉，佢地炒得幾好，煙韌得嚟又無痴埋一舊，調味方面羅望子醬同魚露比例剛好（我好怕魚露個味太出），連埋花生碎食就有唔同嘅口感，整體夠平衡，唔錯😎總體嚟講，呢間旺中嘅泰菜都算幾突出，云云旺中小食叢中，有間主打正宗泰菜小食同主食嘅舖頭，而且亦不乏支持者等開門，一定有其過人之處。佢地仲有好多款食物，推介大家嚟試哂佢🥳