皇茶冰室 (Closed)

今日去荃灣行完花市，肚仔有點餓，便在路德圍附近搵搵有咩食，最後發現了這間裝潢很新潮的「皇室冰室」。雖然已經過佐最旺既晚飯時間，但係這裡仍然是人頭湧湧，在門外排了10多個客人。還好我們只是兩丁人，要搵位都比較容易，只等了大約5分鐘便可以安排入座。細看餐牌，選擇還算多，碟頭飯，茶餐，小菜，蒸魚等等都應有盡有，而且價錢唔貴，最平既晚市精選只需$40便已經有交易，絕對係窮人恩物。點菜係首先來到的是餐湯，粉葛湯，飲落好清甜，無乜味精，最少我飲完唔會有好口渴既感覺，以冰室茶餐廳來說，絕對是中上既質素。餐飲都好大杯，一凍一熱，凍飲既感覺更抵飲。蜜椒薯仔牛仔骨 $75薯仔切得比較大塊，食落有燒得焦香既蜜糖味，甜甜地好好味，薯仔和牛仔骨既份量比例大概係1:1吧，牛仔骨用了黑椒去炒香，用來配白飯絕對一流。枝竹勝瓜炒魚柳 $78食晚飯，「有肉也要有菜」係我既格高，所以另一個餸我選了枝竹勝瓜炒魚柳 。呢碟餸都幾大碟，魚柳好大塊，食落啖啖肉就是夠爽，而枝竹亦都係我既最愛，呢個價錢有埋白飯，湯同埋飲品，絕對超值。好多時自己都會好想食，或者好掛住茶仔既食物，但係往往會因為環境既因素令我卻步。難得地找到呢間四四正正，

之前同朋友行完山落左黎荃灣填肚，一排冇黎路德圍d餐廳都好似變左好多咁😯 佢地話未食過哩間冰室見到又靚靚地 就一齊入左黎試喇。間冰室都幾多卡位 我地3個人坐喺卡位幾舒服👍🏻打開餐廳平均都係$50幾蚊，夜晚飯黎講好經濟呀！每人揀左一款諗住share食。d野食好快黎到，拿拿臨影幾張就開餐，行完山太肚餓喇😂鮮茄焗豬扒飯 $56勁大碟呀！一上台已經聞到勁香，滿滿既鮮茄同金黃色既炒飯底睇到流晒口水。塊豬扒超巨型呀，原塊豬扒都幾林，煎得香噴噴，好味！蕃茄薯仔豬軟骨通粉 $46哩個係最愛都推介大家，蕃茄湯底好濃好好飲，豬軟骨都好林，軟骨有咬口，係好足料同大份。個炒滑蛋都好正，蛋味濃同香，正！哩度既奶茶都不錯👍🏻茶味都幾濃，但可以更滑。咖喱雞扒飯 $56雞扒連香脆既皮一齊食超正呀！咖喱都幾香，唔算辣，撈飯食一流，唔覺唔覺就食晒食碟飯😂🙈哩餐大家都食到好飽，大讚食物份量十足又好味！

年近歲晚 周圍都勁多人 搵個位食飯都難今晚同媽媽幫襯呢間新餐廳 都8成滿架喎㨂左三款小菜 每款都送一碗飯同湯例湯都幾好飲喎 唔重味精 上菜速度都幾快 先黎沙嗲金菇肥牛粉絲煲賣相唔差喎 肥牛都唔少 送飯完全無得頂再黎芝士魚柳扒西蘭花 好多好多芝士醬超正 不過唔會太膩 魚柳即炸嘅 唔腥 而且炸粉唔厚有驚喜 好少食到咁正嘅炸魚柳最尾係黃金蝦 上枱時重有好多泡泡 証明岩岩先煮起 賣相唔算好好 不過味道加分咸蛋味好香。一上枱已經聞到 蝦肉甜同彈牙証明啲蝦好新鮮 難怪不停入客

今日得5度，凍冰冰最好緊係食羊腩煲知道係荃灣有間茶記好抵食，就拉埋住荃灣既朋友一齊去原來除咗小菜，羊腩煲依d仲有雞煲我地4個人，叫兩個煲食就啱啱好雙冬枝竹羊腩煲 $168羊腩超級林抵讚，又入曬味，材料都好多，有枝竹、筍、大蔥等等，味道好濃郁，好香羊味又唔會太羶味，熱辣辣，食飽之後勁暖秘制麻辣雞煲 $138 因為其中一個朋友唔太食到辣，所以我地叫咗小麻小辣，得好小辣味不過已經好香有一隻細雞，兩個人份量就啱啱好，汁底濃郁入味，不過雞比較瘦，唔多肉每煲都有一碟生菜吸曬d精華再食響鈴都唔錯 $35 價錢正常肥牛脂肪分佈都幾平均，好有牛味，肉質都算太嫩滑整體黎講，食物都好抵食大約$120就食到咁多野，仲要係羊腩煲+雞煲，衛生程度可以接受，不過座位比較窄，叫太多枱面就未必放到

是日下午茶到荃灣皇茶冰室Tea一Tea首先試個雞扒撈丁配招牌熱朱古力，雞扒有點兒過熟，麵質稍為硬身，喜歡食硬麵的朋友會很喜歡。熱古古力味道香, 雖然厚度唔夠，不過值得一試。炸雞脾薯角牛角酥侍應表示是，要等15-20分鐘。雞脾嫩滑肉汁豐富，手掌般大，相比其他茶餐廳的炸雞脾一般肉質較嚡，此處的炸雞脾稍勝。薯角香口，內裡啖啖薯蓉。牛角酥鬆軟而香氣十足。炸雞翼薯角牛角酥雞翼都是即叫即炸，上碟時雞翼熱辣辣，香滑，有肉汁。奶茶紅豆冰，奶茶和紅豆各一半，完美混合，奶茶茶底淳厚，必試之物! 亦有特色紅豆冰，配上Cream面，有興趣的朋友亦可試試。

今日放工約埋同事去食晚飯，寒冷天氣最好就係食煲仔菜，我對羊腩煲特別喜愛，同事對食煲仔菜都好有要求，晚飯後佢都讚我冇介紹錯。雙冬枝竹羊腩煲$168大大煲羊腩在你面前沸騰起來，香氣四溢，材料豐富，每件羊腩 肥瘦均勻分佈，每一件都食到，刀工非常工整，羊腩柔柔韌韌，軟軟腍腍，放落口中，味道香濃 又多汁，不需點醬汁已經好可口，亦可加點些腐乳醬，帶出味道更濃烈，筍片爽脆清甜，冬菇索盡羊腩汁液非常滋味，多樣嘅配件都非常入味，同樣出色。鮮雞件$55 新鮮食材，零舍鮮甜，雞肉幼嫩，肥瘦適中，肉汁豐盛。肥牛＄55高質素嘅肥牛，雪花點點，只要在鍋內燙一燙，就可以很快地享用到，雪花肥牛肉質濃甜，軟綿嘅口感，好滋味。我地另外加配咗幾款配菜，價錢都好實惠，款式有好多給客人選擇。

荃灣路德圍都有吾少的餐廳，而今日經過見到有間都時尚的茶餐廳而且價錢吾貴就同男友入去試下，入到去原來都幾新潮又舒服喎，最後我地叫左晚餐，價錢都吾貴而且再叫左個菜同飲品。豉汁蒸倉魚$78...豉汁都好香，入晒落去條魚度，味道吾錯又夠滑身。鐘意啫啫雞煲的我見到有點會吾叫呢，而且$70這價錢吾貴添...雞沒想到咁嫰滑而味道剛好又熱又香，有驚喜好味道。蒜茸炒西蘭花$48...蒜茸時菜有西蘭花好驚喜，因為西蘭花屬貴菜，蒜茸味夠香又濃，西蘭花仲保持到新鮮又脆口。例湯...瓜湯清甜冇咩味精感覺，不錯，朋友和我都讚好。飲品加錢要左懷舊紅豆冰...cream都幾滑而且紅豆夠淋身又大粒，混一起飲都吾錯。不可以吾講這裡的檸檬十分新鮮又靚，又夠酸同甜，茶膽又靚，所以令到凍檸樂和檸檬茶都十分好飲。..

今日和朋友聚會, 我們於荃灣皇茶冰室食下午茶,我們點了焗芝士雞扒飯,香草雞扒撈公仔麵、椒鹽雞翼、公司三文治伴薯皇(烘底)、奶茶紅豆冰和雪山朱古力。芝士焗雞扒飯上桌時熱辣辣,賣相吸引,雞扒食落鬆軟啖啖肉, 肉質鮮嫩,而且雞扒有濃香芝士混合在一起,非常惹味, 而焗飯的米飯本身有爽軟, 加上有芝士, 炒蛋的蛋香和雞扒混合在一起,味道食落滿足；香草雞扒撈公仔麵和焗芝士雞扒飯賣相好靚, 雞扒是超大塊的,可以把整碟麵蓋著,份量十足,真是要給個"讚",用叉子叉著鬆軟略帶少許的脂肪的雞脾肉食落更加有口感, 而且雞扒又香草香味, 食落不感到油膩,加上用豉油雞汁的撈麵, 食落乾身又爽口,令到香草雞扒撈公仔麵味道更惹味；椒鹽雞翼有椒鹽蒜香的味道,經過油泡的雞翼沒有多餘的油膩, 食落乾身香脆,雞肉食落會有肉汁流出,肉質鮮嫩味美"外脆內軟"；公司三文治伴薯皇(烘底) 賣相吸引, 色澤鮮豔。三文治有餐肉,火腿、雞蛋、鮮茄、青瓜、生菜沙拉。用料十分之足料(第一次見餐肉在公司三文治材料內, 有驚喜!),份量十足，三文治囗感豐富,有鮮茄,青瓜及生菜沙拉的配搭,食落新鮮爽脆, 餐肉和火腿味道適中, 食落美味, 雞蛋有蛋香

今日放假陪阿媽去辦年貨，行經荃灣一間皇茶冰室，原以為係一間普通茶餐廳，但係有超出乎意料之外，有好多小炒同煲仔菜，水準可媲美酒樓。瑤柱蛋白炒飯＄65阿媽好欣賞呢個炒飯，有濃香瑤柱，非常鮮甜，混和嫩滑蛋白，散發陣陣清香，每顆飯粒炒得圓潤乾爽，絕對係大師嘅級數，才有這樣效果。特濃蕃茄薯仔豬軟骨通粉＄46呢個係廚師推介，真係冇介紹錯，精選嘅食材，蕃茄味特別香濃，香氣怡人，茄肉鮮嫩清甜，薯仔粉質鬆化，潤澤蜜甜，豬軟骨軟軟腍腍夠咬口，食落膠質感豐富，調味可口配合通粉爽滑，令本來看似一般蕃茄通粉，大廚手藝，高低立見。檸檬菜蜜 食飽飽後飲返一杯，甜甜蜜蜜熱飲，零舍醒神。熱杏仁霜 媽媽一杯熱杏霜，都好潤澤喉嚨，非常滿足。

近排天氣持續低溫，放工後同老公打算食羊腩煲暖一暖佢，咁啱同事又話同佢男友想食雞煲，相請不如偶遇，就話荃灣有間cafe可以食晒羊腩煲同雞煲，仲話經濟實惠重點好味添，講到咁正更係要去啦！分兩架車各自到達，原來係荃灣路得圍超方便食飽回家！ 真係Cafe黎喎，望入店好多人食緊一煲煲啱晒兩口子嘆又或者今次四個人，坐卡座也ok咁。雙冬枝竹羊腩煲 $168 吃羊肉最補身，因為它的功效有補體虛，祛寒冷，溫補氣血；益腎氣，補形衰，開胃健脾。其他食店都要兩百蚊，今次$168 咋，就試試佢啦，還有跟生菜添！羊腩燜得鬆軟又滑，羊皮帶點煙韌，枝竹同荀冬菇入晒味，入面加入竹蔗、馬蹄及混醬，以減低羊肉的膻味及燥性。暖粒粒麻辣雞煲 $138可選擇麻度同辣度的，今次大家就我叫左少麻辣但一樣香氣撲鼻！ 炒兩炒d雞肉仍然嫩滑又惹味連紫洋蔥煮到軟淋，真係好味道！當羊腩煲同雞煲完成後，就轉戰肥牛，餐肉，響鈴同公仔麵，價錢唔算貴，將羊腩煲加湯就轉火鍋，雞煲就略油膩如果加湯其他食材就唔太健康。肥牛只不過係普通貨色但都不過不失。響鈴好吸引都湯嘅精華，入晒味好正囉！無乜特別的午餐肉。公仔麵底

冒著寒流殺來見住荃灣既老同，距話想食雞煲。見到呢間冰室居然有雞煲食，仲要好抵。試下~我地即刻叫個雞煲咬下先。雞煲size適中，雞塊嫩滑唔會好肥，配料都十足左，仲送你碟生菜。食辣既朋友仔可選辣度，我地弱弱地小辣算。hehe~差不多啦，加湯，加配菜繼續十下十下。我地加左紫洋蔥，侍應姐姐力薦，我最愛既嚮玲，點下雞汁，好好食。還有生牛肉同粉絲。唔係講笑，size大大份仲要唔貴，正呢~牛肉切得好，滾熟都唔韌，配埋洋蔥食。勁夾~力推距杯懷舊紅豆冰，加左大大督cream，好香滑，紅豆又夠霖。老同就飲龍鳳檸樂，za~爽曬！我地食完係度吹下水,店家都無催，要比個贊先！座位十分闊洛舒適，適應姐姐也十分有禮

又到左晚飯時間，經過荃灣路德圍附近，見到呢間特別多人排隊，一於試下先，好好彩等左十五分鐘左右就入座喇！同朋友叫左幾道小菜，先嚟一個菠蘿生炒骨，排骨炒得相當脆口，醬汁酸酸甜甜，甜酸度剛剛好作為開胃菜非常合適。再嚟一個朋友至愛的魚香茄子煲，香炒豬肉粒配上大大條juicy的茄子，整個茄子煲好好味佐飯一流。喜歡新鮮蝦菜式的我仲叫左一碟美極大碌蝦，美極醬油將蝦的鮮味激發出來，同樣係佐飯之選。另加埋一個餐廳招牌的芝士流心西多，邪惡卻引人入勝令人愛不釋手，怕唔怕肥都要食左再算！餐廳的特色飲品同樣值得推介：奶茶紅豆冰味道相當之夾，茶香又不會過甜；雪山朱古力更是必飲之選，非常香濃好味，兩杯都值得一試。

位於荃灣路德圍8號地鋪的皇茶冰室，主打茶餐廳及小炒。冰室的裝修以時尚風格為主，午膳時間有不少學生來光顧。星期一至五更有精選推介客飯，包熱飲一杯。點了一客福建炒飯，落單後約十分鐘便來到，頗為有效率。炒飯來到時還是熱騰騰的，這幾天天氣頗冷，襯熱食口感最佳。炒飯用上的海鮮也是頗為優質的，當中包括魷魚圈、蝦仁、帶子、冬菇片、瑤柱絲。魷魚煮得爽口彈牙，不會太韌。而且茨汁頗為惹味，不知不覺便吃了一大盤。之後來到的為焗芝士牛脷飯，是餐廳的皇牌。店員拿著底下的木盤把牛脷飯奉上，旁邊的芝士醬汁還在冒泡泡，十分吸引。這款焗飯比福建炒飯的味道相對較淡，但味道也是不錯的。牛脷切得頗為厚身，而且不算太韌。如果牛脷醃得再濃味一點便好了。兩款飯的份量也頗為多，男士們吃也夠飽。點了熱檸檬菜蜜和熱奶茶作為飲品。檸檬菜蜜的味道夠濃郁，而且檸檬的份量夠多，味道酸酸甜甜又暖胃。奶茶的味道也能保持一貫傳統茶餐廳熱奶茶的水準，口感幼滑而茶味甘香。特地點了一客小食：椒鹽龍皇鬚。龍皇鬚其實即是魷魚鬚，上桌時還是暖暖的，面頭炸得脆卜卜，而且魷魚鬚切得一口一件，夠曬香口。

今日又轉凍，去完郊外活動都成8點。愈夜愈凍，我地就想食個熱火鍋。但唔係好餓，唔想任食啦，去茶室食本土風羊腩火鍋啦。雙冬枝竹羊腩煲送唐生菜 $168，羊腩配腐乳醬係好野味，人人心有感受！怕蘇既人，仲可以用佢去一去蘇味，騙下自己味蕾喔？！羊腩好正，好大件，羊肉味又重又濃！羊皮夠厚身又處理得乾淨，又抵又正。羊腩煲真係份量超足，有馬蹄 苟子 蔥同荀。枝竹勁濃汁，特別後期先食嫁。仲有個湯底愈滾愈濃郁，有件係特別多羊脂，留到最後先好食呀，比佢多d貢獻羊香。鮮牛肉 $55切得小巧但超班份量。牛肉無乜根位，食得好爽林。腸仔 $25，4條廚師腸，係口痕所以叫既，哈！腸仔本身大味，同羊腩煲爭奪不相伯仲。金菇，嘩嘩wa依個係食乜火鍋都必叫既食物嚟呀。食食下，有點藥材甘味，好食！ 山水豆腐 $20滾耐d就吸羊腩汁一流，配羊肉都好好。因為可以混合點羊腩汁入去，食哂肉都可以用佢既汁配飯，好正！可以當食多左件羊腩呢，嘻嘻；滾短d就可以食到多點豆香。烏冬 $20有兩個，就不過不失啦係茶室嚟講，好似日風mix中餐，哈哈。掛到d羊腩汁既，幾另類食法，但都滑滑一下接一下入口喔。卡位環境舒服，食完好暖。

又來到荃灣，我們先去吃個午餐。這次我們來到一間冰室，我當然要吃最具香港特色的沙嗲牛麵。沙嗲牛肉麵配黃金3.6牛乳炒蛋牛角酥 $46沙爹牛肉帶有花生香味，偏甜；而公仔麵軟硬適中。炒蛋夠香滑，而且牛奶味突出。椒鹽雞翼 $20雞翼用了薄薄的炸粉包住，炸得脆卜卜，而且雞翼夠入味，好好味！招牌芝士流心西多士 $28西多士有點兒邪惡，一大片的牛油再加上西多士裏面流心的芝士，好味，但真的太邪惡了，偶然吃一次便十分滿足，不能常吃喔！飲品分別是龍鳳檸樂及檸檬菜蜜。飲品味道不錯，檸檬很新鮮。