自家麵

Open Now

Now Closed

行街行到有點餓， 原本想去食碗零呑麵，但行到呢間店門口，俾佢哋貼在店外嘅餐牌吸引住停下。見介紹有個二百層鬆化酥皮自家手功餡餅， 想試吓 。呢間店叫“自家麵” ， 當然要叫個麵食嚟試吓 。落單叫咗碟 《原味手撕雞涼麵》，麵條可選幼/中/粗/寬麵，我喜歡粗麵就選了粗麵做底，另外要多份《純豬肉手功饀餅》。碟麵嘅手撕雞撈得好香幾好食，至於麵條方面我想講下， 我真係未食過咁實咁有韌度嘅麵條.。 食時真是比較難咬，相信唔會太多人可以接受到。 對我來講，我勉強 ok。 不過，我不建議長者嘗試食粗麵。 我之後問過店員其他款式麵條是會比較淋滑的。 至於我期待嘅 《純豬肉手功饀餅》，拎上手餅身都熱，唔太油膩。 食入口酥皮有層次鬆化兼薄身，餡餅內填滿豬肉粒等餡料，肉粒切得較大，配以洋蔥，乾蔥等炒香，食起來有咬口，而且味道較濃。呢個餡餅幾有特色， 味道亦好。

呢度主打涼拌麵同埋湯麵🍜湯麵我就冇食過啦😂因為我第一次食呢度嘅涼麵就已經愛上咗😍😍😍超級大碟，男仔都未必食得晒👀雞肉好滑，份量好足!!!有得揀麻辣或者香辣或者酸辣等等我就偏愛食酸辣☺️然後仲有得揀微辣小辣中辣大辣實有一個啱你口味😂兩面配上麻醬、青瓜，真係好啱夏天食🙈中環食個午餐，仲要$60有找，呢個價錢邊度搵？🙏🏻呢度有兩層，有時要排隊，不過其實好快都等到位我見都幾多人食牛肉湯麵，下次嚟先再試啦

都好少寫食評，今次真係唔忍！呢間垃圾，尋日去叫外賣，個麵$58，我無為意嘟咗八達通，點知出張單出嚟，顯示$75，我問店員，好似收錯錢店員態度極惡劣同我講：今日每碗要加錢吖嘛！我：咁你係咪應該係收錢之前同個客人講？佢用大陸口音大大聲回敬我：咁多客，我邊得閒逐個講啊？我：即係你覺得自己啱？我叫佢退錢，佢仲要同我講冇得退！真係好野！原來一間餐廳，可以亂收錢嘅！個餐牌要黎做乜？而家中環變咗大陸人集中地，咁大家自己諗點解呢間野會亂收錢喇仲有有一次去買外賣，佢成碗麵反轉跌落地下，跟住見到佢即刻包落個袋度比客人，俾人見住都可以咁做，你諗吓，冇人見到嘅時候佢哋嘅衛生會係點？呢間不論態度，衛生都真係不了😡

12:57叫左餃子湯麵，等左15-20分鐘都未上菜搵人跟單，點知個阿姐串番我轉頭，話咩人地早過我坐低都未有，好啦咁我唯有等旁邊嘅食客都陸陸續續食完………跟住一路等左30分鐘，偷聽到廚房嗑出來，原來餃子一早已經賣曬！所以我拍枱走人🤬 見到個阿姐再問多一句係咪真係無曬餃子，點知佢眼尾都唔瞧下我就咁行左去然後有另外一個阿姐就答我無……….喺中環開餃子店, lunch time 都可以無貨賣?!十分浪費時間😡😡😡😡

今次跟住發哥去搵食，黎到呢間位於中環威靈頓街既小店食lunchLunch Time又係排隊既日子=( 舖面見大概10-15人左右，要食就要早啲去擺位天氣熱可以揀涼麵，天氣凍可以揀湯麵，小朋友先做選擇🤷🏻‍♀️今次同朋友一人一款，分別係手絲雞涼麵同埋粟米豬肉餃子手工麵👍🏻麵都可以揀幼麵中麵粗麵，仲有原味酸辣香辣麻辣tim~我個涼麵就叫左酸辣，原來只係辣醬加醋，偏重口味而湯麵就叫左麻辣，朋友話小辣都好辣~~份量就好大份啦，女士未必食得曬，男士可能岩岩好，不過整體黎講都係好食既，下次會再去

諗著一早叫定外賣可以吾洗等 慳啲時間 點知等左1hr 30mins先有得食 實在太離譜😡態度又吾好 sorry都冇聲12點前已經order左 結果13：30先有外賣拎 lunch time有4個鐘咩 不知所謂🔥 做吾切又吾cut單 仲系咁入單 然後樓面幾個又行行企企 剩系話收到 整緊 仲叫人吾好摧 做好就有 咩態度 要成個人企系門口加埋問左幾次會話而家第一個做 都已經一小時啦 餐廳運作極度極度混亂又吾比人cut單😤 lunch time都過啦 吾洗食都飽啦 一肚氣

夜晚收工經過見到就入左去試下手撕雞涼麵 $57 - 古唔到佢d麵又幾好食，少少煙韌口感，唔會太軟個麵份量都幾大，叫了麻辣微辣剛剛好，唔會死鹹或者太辣。估唔到佢個面仲好食過佢啲手撕雞。另外叫咗洋蔥牛肉餅$36，好酥脆嘅外皮，餡料都好香口，係好有驚喜芫荽豬肉餃$59 蚊10隻味道就普通，冇乜太大驚喜.環境一般，座位有點窄，同隔離枱坐得好近.但食物質素幾高難得向中環唔太貴又好食.3樣野2個人食都夠哂飽，埋單只係152，抵下次過開呢頭都會再黎

有四種麵可以揀選，感覺對麵製處理好認真，但這一款粗麵，不太理解，不軟不硬🈚️勁道，唔知係未煮熟？湯同其他已經不重要，因為麵係主要⋯⋯so sad。還好點了餃子，韭菜餡不得，不夠新鮮感覺，白菜好好味，終於有食物可以吃啦。店舖人不少，大概率食客都不太挑剔。又記起同行fri推薦的乾拌麵，其實乾拌好難做的不好食，因為醬料都基本相同，但雞絲是真的🈚️雞味，同埋係雞肉條而不係雞絲。that‘s it. 繼續尋找好食的麵⋯好難揾

我同老公昨晚第二次去食。上次胡麻汁湯面我老公讚不絕口，見到好多遊客去食，其中有啲人係一個人叫一個冷麵，個冷麵個份量好大賣相多幾好，今次佢決定返兜試冷面。我哋叫手撕雞冷麵麻辣味，啲汁好香口好好味，我哋唔係好中意超辣嘅，中辣啱啱好，啱晒口味，D雞肉超多，order埋單其他嘢的話，一個人係食唔晒。我哋仲叫左豬肉餡餅、九菜餃，加$13有杯凍檸茶。超飽都唔使$200落樓。呢度啲粗麵口感係好煙靭及硬身，牙力唔夠或好肚餓唔想趙，可能不喜歡，店員已經提左我，下次可以叫煮冧D，我下次叫中麵。餡餅D料好入味，舊皮好厚，面嗰浸外皮係乾硬脆，見D人極力推薦，但我就麻麻地個皮。

雙餸連飲90唔係問題粗麵好似意粉咁al dente，口感奇怪，懷疑未熟透湯底食完係會成個下晝都好口渴款式唔多最特別嘅餡餅，又要晏晝三點後先供應附近幾間餃子店相信更有競爭力

係佐敦分店食過，一直難忘，知道公司附近有，即刻過嚟食，食開薄羊肉手工麵，佢啲羊肉一啲麵唔蘇，揀粗麵勁煙靭彈牙，有次想另加酸菜，姐姐會提我揀酸麻/酸辣因為已經包咗酸菜，好貼心

peak hour lunch time , buy dumpling . waited 20 mins to pick up , service is not effective.....,homemade style dumpling ,with pork and cabbage , the wrap is homemade as thinker than machine made . 10 dumpling cost $60 dumpling strick together .not really good . taste average with garlic sauce for dipping

自家麵 (中環)📇地址：中環威靈頓街61號地舖🕐營業時間：星期一至日11:30-22:00💸人均消費：～$80-90/人👏🏻抵讚位：全部野都大大份，喺中環食飯，呢個價錢食到咁大份野，算係比較經濟🫡🍴Food QC：「純豬肉手工餡餅 $31」好大嘅一個餅，外皮好脆卜卜，入面嘅豬肉餡夠哂多，好足料。豬肉唔會有so味，食哂成個好滿足😍「滑雞手工寬麵 +生菜$9 胡麻湯底 $64」寬麵好煙韌，係好食嘅麵😙 胡麻湯底叫左小辣，但都好辣🥵 加$9嘅生菜比起其他地方加嘅菜多，雞肉都好多舊。但因為湯底辣得濟，我食唔哂成碗麵🥲 嘥左啲咁好食嘅麵😯有待改善位：侍應姐姐可以留意番啲客人多啲，我地想叫野食都搵唔到人落單🙈😼私心回應區：喺中環區呢個價錢食到咁大碗又足料嘅麵，其實真係好抵。有機會經過其他分店會再encore😙

唔好食😢朋友話食咗佐敦店 讚佢幾好食叫我試吓中環店😕其實當日星期日4:30，我去到舖頭門口已經好似落咗場，成班店員姨姨圍埋坐係問第一張大枱打緊邊爐🤔 本身已經諗住離開走人，不過其中一個姨姨積極向我招手😵‍💫原來入面都有3枱人嘅.. 咁我就照坐底見到餐牌有好幾款湯底(清湯/胡麻/酸辣etc)&麵底(幼/中/粗/寬條) 其實$59得一款餸就有少少貴嘅🤥加凍飲仲要$13! 不過中環區貴少少可能都合理嘅🤔朋友冇講明佢食咩麵咩湯底 我就跟自己口味揀😀叫左個 雞肉(胡麻微辣)湯(中)麵 湯底：胡麻味好重 其實就係譚仔三哥個胡辣味😂但佢嘅最少辣都比三哥的最少辣更辣更麻 🥴不過錯不在佢 錯在我唔夠食得辣姐麵底：中麵係河粉更粗更厚嘅麵 ，麵質真係似自家製自己搓粉嘅感覺… 係少啲彈牙 偏粉感啲 都ok .份量好多！不過！碗粉每食幾啖就有一啖食到啲麵疊埋一舊！硬咗！🥴 好失望…

從來無寫過食評，今次都要獻出第一次。事緣今日中午到自家麵食lunch，平時經過見到好多人排隊，有時又會見到社交平台啲page話牛肉餅好正麵又彈牙咁，今日特登慕名去試。一行幾人，每人叫唔同款式嘅麵，涼拌麵同湯麵都有叫，食物質素味道好好，麵係好食彈牙嘅；侍應收銀服務態度都良好嘅，但食完肚痛的話，味道幾好都無用啦。到傍晚時段大概五點開始，一齊去食嘅友人相繼出現嚴重肚瀉問題，懷疑食物中毒；一個人出現肚瀉問題就懷疑係個人腸胃問題姐，事實係有份去食嘅，集體肚瀉；如果大家想通下腸胃，可以一試。