Video
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
行街行到有點餓， 原本想去食碗零呑麵，但行到呢間店門口，俾佢哋貼在店外嘅餐牌吸引住停下。見介紹有個二百層鬆化酥皮自家手功餡餅， 想試吓 。呢間店叫“自家麵” ， 當然要叫個麵食嚟試吓 。落單叫咗碟 《原味手撕雞涼麵》，麵條可選幼/中/粗/寬麵，我喜歡粗麵就選了粗麵做底，另外要多份《純豬肉手功饀餅》。碟麵嘅手撕雞撈得好香幾好食，至於麵條方面我想講下， 我真係未食過咁實咁有韌度嘅麵條.。 食時真是比較難咬，相信唔會太多人可以接受到。 對我來講，我勉強 ok。 不過，我不建議長者嘗試食粗麵。 我之後問過店員其他款式麵條是會比較淋滑的。 至於我期待嘅 《純豬肉手功饀餅》，拎上手餅身都熱，唔太油膩。 食入口酥皮有層次鬆化兼薄身，餡餅內填滿豬肉粒等餡料，肉粒切得較大，配以洋蔥，乾蔥等炒香，食起來有咬口，而且味道較濃。呢個餡餅幾有特色， 味道亦好。
continue reading
呢度主打涼拌麵同埋湯麵🍜湯麵我就冇食過啦😂因為我第一次食呢度嘅涼麵就已經愛上咗😍😍😍超級大碟，男仔都未必食得晒👀雞肉好滑，份量好足!!!有得揀麻辣或者香辣或者酸辣等等我就偏愛食酸辣☺️然後仲有得揀微辣小辣中辣大辣實有一個啱你口味😂兩面配上麻醬、青瓜，真係好啱夏天食🙈中環食個午餐，仲要$60有找，呢個價錢邊度搵？🙏🏻呢度有兩層，有時要排隊，不過其實好快都等到位我見都幾多人食牛肉湯麵，下次嚟先再試啦
continue reading
都好少寫食評，今次真係唔忍！呢間垃圾，尋日去叫外賣，個麵$58，我無為意嘟咗八達通，點知出張單出嚟，顯示$75，我問店員，好似收錯錢店員態度極惡劣同我講：今日每碗要加錢吖嘛！我：咁你係咪應該係收錢之前同個客人講？佢用大陸口音大大聲回敬我：咁多客，我邊得閒逐個講啊？我：即係你覺得自己啱？我叫佢退錢，佢仲要同我講冇得退！真係好野！原來一間餐廳，可以亂收錢嘅！個餐牌要黎做乜？而家中環變咗大陸人集中地，咁大家自己諗點解呢間野會亂收錢喇仲有有一次去買外賣，佢成碗麵反轉跌落地下，跟住見到佢即刻包落個袋度比客人，俾人見住都可以咁做，你諗吓，冇人見到嘅時候佢哋嘅衛生會係點？呢間不論態度，衛生都真係不了😡
continue reading
12:57叫左餃子湯麵，等左15-20分鐘都未上菜搵人跟單，點知個阿姐串番我轉頭，話咩人地早過我坐低都未有，好啦咁我唯有等旁邊嘅食客都陸陸續續食完………跟住一路等左30分鐘，偷聽到廚房嗑出來，原來餃子一早已經賣曬！所以我拍枱走人🤬 見到個阿姐再問多一句係咪真係無曬餃子，點知佢眼尾都唔瞧下我就咁行左去然後有另外一個阿姐就答我無……….喺中環開餃子店, lunch time 都可以無貨賣?!十分浪費時間😡😡😡😡
continue reading
今次跟住發哥去搵食，黎到呢間位於中環威靈頓街既小店食lunchLunch Time又係排隊既日子=( 舖面見大概10-15人左右，要食就要早啲去擺位天氣熱可以揀涼麵，天氣凍可以揀湯麵，小朋友先做選擇🤷🏻♀️今次同朋友一人一款，分別係手絲雞涼麵同埋粟米豬肉餃子手工麵👍🏻麵都可以揀幼麵中麵粗麵，仲有原味酸辣香辣麻辣tim~我個涼麵就叫左酸辣，原來只係辣醬加醋，偏重口味而湯麵就叫左麻辣，朋友話小辣都好辣~~份量就好大份啦，女士未必食得曬，男士可能岩岩好，不過整體黎講都係好食既，下次會再去
continue reading