麵皇自家麵

Open Now

Now Closed

全部都係垃圾，佢有一張咸餅嘅海報喺門口，好似好好食，我想試咗好耐。加上佢唔係連鎖快餐店，令我對佢充滿期望。點知！！！佢全部野都好難食！杯奶茶亦都好難飲！仲要收得好貴！餐牌標示價錢唔清晰，我碗麵叫咗成$100。啲雞肉有雪藏味，湯底完全係味精，啲配料不知所謂，個面底亦好普通，狂你聲稱自己叫麵皇。個餡餅我都有食，餡餅係一種好容易好食嘅東西，但係我竟然食咗一啖就食唔落去，可想而知佢有幾咁唔好食，重點係我嗰陣時仲係好肚餓咁肚餓嘅情況下都覺得啲嘢咁難食，證明真係好難食。完。

已經介紹咗比朋友無數次嘅自家麵今次認真打一個食評分享下佢先🤣「手撕雞涼麵」$47大大碟嘅手撕雞拌麵佈滿手撕雞肉、青瓜絲同芝麻澎拜嘅麻醬沾滿每條麵 味道香濃不過原味黎講 食多幾啖會有啲寡同膩（男朋友表示食到最後食唔曬🤨）如果食得辣嘅朋友不妨叫麻辣味🌶 應該會更加惹味同冇咁濟！🤤另外麵底方面 之前一直食開寬麵 口感彈牙滑溜今次屎忽痕叫咗幼麵 味道真係差少少🤣🙈所以如果食拌麵記得叫返寬麵呀😛「鮮雞手工麵」$46湯麵同撈麵一樣 有寬、中、粗、幼4種粗度揀強烈推薦粗麵！煙煙韌韌有咬口🥰而6款湯底裡面 糊麻味真係一流！個種糊椒味夾雜麻辣味真係好正好上癮🤤🤤雞肉份量已經好多（試過腩肉份量都一樣咁多😋）配料仲有生菜、芽菜、菇🍄 相當抵食😍突然口痕想食辣麵 唔想食譚仔而又想食高質嘅麵絕對可以一試呢間啊😋-••••••••••••••••••••••••••••••⁣🍝 / ℂ𝕠𝕝𝕕 ℕ𝕠𝕠𝕕𝕝𝕖𝕤 𝕨𝕚𝕥𝕙 ℂ𝕙𝕚𝕔𝕜𝕖𝕟 𝕊𝕙𝕣𝕖𝕕𝕤 /⁣Topped with an abundant amount of chicken shreds, cucumber and sesame⁣, this dish

#支持良心餐廳純牛肉餡餅 $36滑雞粗麵 $46終於試到佢個餡餅🤣不過係失望嘅 因為成個食落太乾了 但可能配洋蔥/榨菜會好啲嘅🤔 同埋啲牛肉好咸 比較柴身 不過份量係幾多下個餅皮都幾厚身下 唔算好油 係有啲咬口 但下面嗰浸就浸到林左啲 同埋我覺得可以換下個兜🤔 因為個兜係穿窿🤣 一路食啲牛肉汁跌哂落張枱度麵呢 係好大碗！ 之前食過兩次湯寬麵係冇！咬！口嘅所以我試完一次就醒目叫粗麵 但佢唔係q彈嗰隻 係偏硬身 但唔理啦 至少滿足到我咬咬咬嘅慾望🤣 雞份量多 所以我覺得係幾抵食 食完真心飽～

我第一次接觸「自家麵」這間麵店的時候，大概應該是在差不多兩年前，在西貢的「高勝樓」樓下的「自家麵」分店地舖裡面。始料不及「自家麵」還有在九龍發展了分店，單是「佐敦」現在已經有兩間分店了。由於我曾經在西貢分店「自家麵」，光顧和試食過「自家麵」製作的雞肉手工麵食品，還有「自家麵」製作的麻辣牛肉餡餅，所以今次在佐敦分店「自家麵」裡面享用的手工麵和餡餅口味，都需要有所調整了。雖然佐敦分店「自家麵」，名稱「麵皇自家麵」裡面的手工餡餅食品，實際上可供食客選擇享用的口味，只剩下兩款口味牛肉，還有兩款口味豬肉的餡餅，幸好「麵皇自家麵」還有符合我個人口味要求的餡餅可以選擇。我上次在西貢分店「麵皇自家麵」裡面，選擇了麻辣口味的「牛肉餡餅」，至於今次我在佐敦分店「麵皇自家麵」裡面反而選擇了，洋蔥味道相對沒有「洋蔥牛肉餡餅」那麼濃烈的「牛肉餡餅」。「麵皇自家麵」「牛肉餡餅」實際製成品的味道，因為餡餅裡面沒有加入濃味洋蔥，所以餡餅裡面的牛肉鮮甜味道仍然濃厚，但是相對「洋蔥牛肉餡餅」之下，「牛肉餡餅」就欠缺了一股撲鼻的洋蔥氣味和辣味。另一方面，「麵皇自家麵」「牛肉餡餅」表面上使用的餡餅麵包，麵包表面構造屬於類似酥

叫咗個肥牛酸辣湯粗麵，湯底冇特別，手打麵似意粉(同手功差好遠). 餸就不過不失。但一碗湯麵連湯同麵都做唔好，點生存。價錢唔平同三哥差唔多但質素就冇咁好。希望日後可改善。

每次經過麵王都被佢自家製手工麵既海報吸引住今次難得有時間 可以慢慢歎便決定入去試一試很想試餃子及手工麵 不過要2樣分開點餃子一份是十粒麵一定要要跟指定既料 像車仔麵一樣胃得一個 所以唯有放棄了餃子試一試佢地既自家製手工麵我點了雞肉腐竹清湯粗麵湯底有不夠清甜而帶著濃濃的肉羶味粗麵條像意粉 不過沒有咬口有點硬 沒有掛湯能力整碗麵要52元 索價有點貴 我唯有靠台上的辣油把肉羶味蓋過而食到一半而已要給打分既話 只能把所有分都給這辣油吧

--------📍大大碟手撕雞拌麵 -- 麵皇自家麵🍜小編比好多foodie燒到呀!!😂😂前排終於同朋友仔去呢間拔草 試咗佢地嘅招牌手撕雞拌麵同埋餡餅💕-------⭐手撕雞涼麵. ($47)一定要點寬麵!寬麵!寬麵!😂😂重要事情講三次🙊首先都真係幾大碟 所以建議同朋友share食或者叫少麵😆麻醬香濃 記住撈勻佢先好食呀😍手撕雞份量好多 食落唔會乾柴🤘寬麵條煙韌彈牙 配埋麻醬好好食💕💕推薦大家試下😆-------⭐自家製洋蔥牛肉餡餅（$32）之前聽過呢到嘅餡餅都唔錯 一於點個試下~~個餅皮有少少脆口唔錯 亦都唔會好油👍餡嘅份量都多 不過小編覺得調味唔係好夠 整體普通-------整體黎講拌麵值得一試~~小編諗住下次要試埋佢嘅 牛展同蜂巢豆腐湯麵呀！💕💕-------價錢：$32-$47-------評分（10分滿分）賣相：7味道：8性價比：7回頭率：7-------店鋪資料名稱：麵皇自家麵地址：佐敦寶靈街8至20號寶寧大廈地下16號舖前往方法：佐敦站C2出口

一直都喜歡吃手製麵條，這次來到佐敦試試這間標榜是自家製作的手工麵店。這裡的湯底主要是四川風味，味道以麻辣、酸辣為主。不過我不太能吃辣，所以就沒選到湯麵，而是叫了一碟手撕雞涼麵。除了常見的粗麵和幼麵外，餐廳還提供了寛麵和中麵給大家選擇。寛麵長長的，麵條厚身，口感彈牙嚼勁，吃起來很飽肚。餐廳在食物份量方面非常大方，除了麵條多外，雞絲的份量也很足，上碟就是一大盤的，單靠一個女孩子的功力應該吃不完呢！麻醬味道比較單調清淡，如果醬汁可以多帶點醋酸味，會更開胃易入口，多吃也不會感到膩。豬肉水餃皮有點厚度，料適中，不過豬肉味不夠香，味道一般。

呢幾日天寒地凍❄️連續幾日都好想食羊肉同辣野🤤 麵皇嘅手工麵真係一流👍🏻👍🏻 好煙韌有咬口😍 仲有寬、中、粗、幼四種粗度揀 我好鐘意食粗麵🙈 （唔係車仔麵嗰種粗麵呀！） 湯底亦都有6款 強烈推薦糊麻🌶🌶 個種糊椒味仲有少少麻辣味真係好正🤤🤤 不過羊肉係薄切羊肉 數量亦唔係好多 但係$55黎講有菜有芽菜有菇係抵食🥰 突然口痕😛想食辣麵唔想幫襯譚仔又想食高質嘅麵絕對可以一試 👍🏻👍🏻👍🏻👍🏻

#tastytommy良心食店 (九龍區遊行當日門口免費派水💛 但有傳老闆曾經唱黑示威者 請自行判斷)麻辣麻醬手撕雞涼麵💛 $47大碟到懷疑人生!!😳 寬麵涼浸浸 滑身煙韌彈牙勁有咬口! 咬到牙肉都攰 令我意識到牙力既重要性🙊 麻醬香濃惹味 麻辣既麻痹感亦夠突出 雞肉份量好多 咬落唔會乾柴😌 不過痴線架真係好大碟 加上佢太多醬 食到好膩 男仔都食唔曬 木下上身都唔掂 食到最後真係放棄左😖 #你要放棄首先你要擁有 下次想試下佢既餡餅🤤

 其實依間係食手打麵🍜聽講啲麵大份抵食又好食，特別係 拌麵好出色，& 聽講一定要選粗麵😳！但當日太飽，就拎佢地既餡餅試水溫先啦😍豬肉餡餅 $28想講$28完全係旺中/葵廣小食既價位😂佢地啲野食真係好平民，麵食亦都只係$4x一大碗餡餅整得酥脆，不過啲餡包得幾求其，係咁椅郁下個餅就跌曬啲餡出黎，跌到我懷疑啲餡從來無包過入去。搞到要咬一口餡餅，再用筷子逐粒豬肉粒夾返起黎食……食得好尷尬。豬肉粒肥瘦夾雜，食落有啲似熏蹄切碎粒咁😳食落意外地清爽。下次試埋佢地既招牌麵先！

麵條可以選擇寛、粗、中、幼麵。湯底有酸辣、香辣、麻辣、原味或者麻醬涼拌。今日一行2人黎食。每人嗌左碗麵，落單速度快，但上菜速度唔算快，趕時間最好去第二度。我叫左牛蹍麻辣粗麵，粗麵好韌，嚼度牙較軟。湯底普通，唔係特別麻。同事食酸辣牛肉湯麵，feedback都係麻麻，冇特別，覺得食湯麵寧願食X仔。上次試過呢度既麻醬拌麵，覺得好好食，今次食湯麵認真有d失望！By the way, 餸同麵既份量都好多，男仔食都食唔哂！

呢度有自家製既麵條食！麵條可以選擇寛、粗、中、幼麵。湯底有辣有原味。我覺得不論揀咩餸咩辣度，「涼拌」&「寬面」就最好食！咁溝出黎既麵無論咩辣度都實好食！今次嗌左『  麻醬涼拌寬麵 』同埋三絲伴幼麵！麵條韌度恰當，愈嚼愈入味愈過癮，又彈牙又滑溜。麻醬厚而不膩，辣汁亦十分惹味！呢個自家麵不論餸同麵既份量都好多，兩個女仔，細食既話share都得！今次去到終於有饀餅食！我地嗌左牛肉饀餅，個餡幾好食，但個皮厚左d，整體都算鬆脆！

純粹食晏時間經過，見店舖光鮮，標榜手工拉麵，被吸引了進去。店舖新裝修，很光鮮，冷氣夠凍。奇怪的是這家麵店竟然標榜自家製皇牌餡餅。無論如何，叫了一碗原味湯底秘製牛𦟌手工麵，再加一個洋蔥牛肉餡餅。餡餅先來，有點像蔥油餅加了餡，但外層是酥餅。餡料中的牛肉好大粒，洋蔥好生，食起來有點洋蔥的辛辣，但洋蔥和牛肉粒兩者好似沒有關係，各有各的存在，放進餡餅裡，一口咬落，是鬆散，餡料都丟了出來。最後由於太油膩，我只吃了餡料，沒有食完酥餅外層。秘製牛𦟌手工麵，選了原味湯底，配幼麵。好大一碗！內裡除了有牛𦟌之外還有秀珍菇、芽菜、生菜等，很豐富。所謂的幼麵其實是很粗的，類似上海拉麵，食唔出有什麼特別。牛𦟌不是入口即溶那種，對我來說有點越食越鹹的感覺。意想不到的是吃到一半，給我發現碗裡有隻小蚊子，雖然有點倒胃口，但也很難避免，所以我選擇別驚動任何人。

餐廳冷氣𣎴足，座椅很硬。手撕雞涼麵47元，大大碟，麵多餸多，選了粗麵和原味，雞肉又嫩又軟又鮮味，青瓜絲鮮甜，麻醬很香很好吃，粗麵好硬，要咬得久。白菜豬肉水餃48元，有10隻味道麻麻地。