正宗上海生煎皇 (Closed)

已經食過n咁多次，今次稍稍失準喎🤔生煎包係必食($32/4個），皮厚度剛好，上面軟，包底煎到香脆，輕輕一口咬好啦，d湯會流出黎會辣咀。香酥餅已經食過廿次，咩combination都試過，最後發現我至愛係肉鬆火腿，芝士係好正不過太膩口，次次淨係食到半塊🙄點解話今次失準呢？因為個酥餅好硬，咬到牙都軟🙊。黑椒雞扒菜飯亦係常叫item，好多汁，有d甜甜地好似用蜜糖煎過，加上黑椒調一調味，開胃！個雞扒本身都夠嫩👍🏻希望下次再黎個水準會提升番啦👯👯

呢間上海店係前明星開唔係今日先知喇! 大大話話都開左好幾年, 宜家連深水涉都開左分店喇!其實間唔使都會食下, 之前有幾次都親眼見過oscar自己落舖幫手, 而且望住佢竟然同我微笑(好怕羞呀!!) 人超級冇架子, 好nice!今日睇完戲又再戰OSCAR!上海生煎包 (4個) $31會見到C傅係玻璃廚房入面包生煎包, 而且好多時佢都係一輪輪咁煎, 慕求位位客人都食到新鮮熱辣既生煎包, 所以有時等既時間都會比較耐一d生煎包皮唔夠好厚, 底部煎到好香好脆, 不過食起上黎要好小心! 因為咬開少少皮之後會發覺入面係出晒煙!! 超多肉汁係個生煎包入面, 食落個(咸)好嫩. 底部好脆身, 而上面就keep住包皮既口感, 雖然入面有好多汁, 但依然可以保持到外皮干身既口感! 每次食都keep到水準! 真係食到lam lam利!!!雞絲粉皮 $26撈起上黎麻醬有少少唔夠, 而且食落麻醬本身唔夠香, 炒皮做得有點厚, 而且食落唔係好夠凍, 整體感覺一般.涼伴青瓜海蜇 $24可能呢個比較少人叫, 呢個凍盤好夠凍, 海蜇同青瓜食落都好脆口, 面頭放滿左生蒜泥, 撈起黎一齊食形造到吉吉地利既感覺, 都幾好食!上海

上海豆漿大王，我細細個就聽過依個名....其實冇細細個，但都係幾出名既一間鋪。甘岩行過想食啲清少少既野，就當然入來一試。差不多間間荳製品店都有賣粢飯，豆漿粢飯幾乎已經成為必備配搭，就好似著鞋要著一對一樣，如果得單隻就會好奇怪。但依度粢飯入面可以唔係油炸鬼，而係排骨，甘得意，我試下覺得唔錯。好唔好食既標準一樣，一樣都係入面個餸夠唔夠香脆，依份排骨粢飯就做到啦，排骨香酥軟嫩，糯米軟糯，榨菜肉鬆或脆或香，再飲一啖暖和香醇的豆漿，真係不得了。: )

一直好想食呢間，但之前見好多人排隊唔想等，今次咁啱同老公經過旺角見無咩人，心諗正呀唔使！上海排骨菜飯排骨OK好味，但菜飯淡而無味豆漿＄9 可以啦，只得凍無熱土匪雞翼得皮有味，肉無味，勁有雪味！譚仔好味好多！雞絲粉皮OK啦！唔係傳統嗰種，個人喜歡日式芝麻醬，但始終覺得唔係好夾！麻醬雞絲拌麵都係用日式芝麻醬，初嚐OK，但同雞絲粉皮味道太像小龍包皮薄，肉味OK生煎包超失望，見到佢教學要先咬一口然後啜晒啲湯，點知一啲湯都無！味道麻麻！堅嬲！環境： 乾淨但空間小，座位窄價錢：成餐二百幾，價錢都OK平溉味道：失望！但之前明明見到好多好評，可能咁啱今日師父心情唔好掛！服務： 可以啦！入得小店都唔預有五星級服務！出餐都快！

話說有一日想同屋企人去睇戲，套戲都睇幾耐，所以想食飽啲先至去睇。咁岩比我見到啲間上海食店。先講下舖頭格局，老實講間鋪頭好窄，門口又細，喺門口同走廊位會「塞人」，座位與座位之間，仲有枱月台之間，真係好窄，坐得好唔舒服。終於到我哋坐左入去啦，有一張格仔紙比你去落單，以小店來講佢嘅選擇都算係幾多。我同屋企人總共叫咗5樣嘢食，但係未到真係好麻麻囉，我同屋企人都幾失望。先講小食先～～～灌湯小籠包味道賣相都只係算係一般，佢層皮太厚啦，二裏面嘅湯汁都實在太少啦。。。不過佢醋就幾好食。生煎包好失望，太油了，而且Size實在太細粒啦，外皮剪得太乾同埋太硬，裏面係一啲汁都冇架。。。食落只係一舊好油膩嘅包。雞絲粉皮係超級失望，粉皮喺未煮開，仲有兩餐派搭埋一舊嘅情況，而且個麻將其實係好似日本有個bb嗰隻牌子嘅日式麻醬，太現成啦，欠奉誠意，份量少，$27太貴啦。四川擔擔麵嘅味道其實有啲奇怪，平日食開嘅上海野，擔擔面嘅湯底都會有啲花生醬嘅味道，但係呢個湯嘅味道真係有啲奇怪，唔似平日食開有花生醬味嗰隻湯底，仲有一陣傷心酸辣粉嘅麻辣味...至於土匪雞翼湯面，湯嘅味道真係太淡，都係屋企人俾啲擔擔麵湯底我，先叫做好食啲，

食上海野最鍾意就係呢度，小籠包係必叫之選，皮薄，多肉汁，肉不肥。另外土匪雞翼菜飯，土匪雞翼肉嫩不老，仲有點肉汁，味道剛好，唔會過咸，配一口菜飯，好㥛。另外大家去可以一試嘅係生煎包，包底煎得好脆，一大舊肉係入邊，因為係肉食獸關係，最驚啲包入邊無乜肉，失望死。雞絲粉皮去幾開胃，可以當小食/前菜。

總係久不久就會有小籠包癮發作 但係係香港周圍試左好多間都係失望而回 呢間都唔例外… 芝士鮮肉小籠包 ($34)芝士！？？？？仲有小鮮肉？！！！小籠包皮算薄 但係唔滑 個皮比較粉；入面都有湯汁肉汁 不過賣點既芝士就冇乜 鮮肉味道一d都唔鮮 所以味道很一般 ；更重要既係佢唔夠熱 唔熱既小籠包係點都唔會好食 我覺得真係冇其他人講既咁好食呀四川擔擔麵🍜 ($39)花生味偏淡 反而辣油味更出 麵上面既醬有d似炸醬？！係辣醬加豆瓣醬既味道 再有d肉碎咁；麵既彈性同蛋味亦都一般 不太掛湯 所以整體屬普通貨色 .上海生煎包 ($17/2)叫得上海生煎皇 生煎包先係賣點 ~~外皮金黃 有少許脆口 而包就鬆軟 內裡仲保持到有肉汁 肉既調味亦係剛剛好；可惜呢個世界係有比較既 食過之前介紹過既祥興記之後 呢個係明顯遜色好多 相對黎講 佢既外皮唔夠祥興記香脆 入面既肉同湯汁亦少好多 所以生煎包都係祥興記最正土匪雞翼 ($28)佢既孜然味唔多濃 所以比較似食緊唔太入味既黑椒雞翼 其實佢都煎得幾香脆既 但佢唔係土匪雞翼囉😂 都係食番譚仔三哥最正

放工約埋朋友去食飯，朋友話想去食依間餐廳，所以就走去排隊等位。等了廿分鐘，終於都入到去。於是我地叫左個生煎包及茄子菜飯等等。但之後的經歷令我要blacklist 這間餐廳。首先係服務。上菜算快，十分鐘差唔多上齊。當我地食到第廿分鐘時，有店員已經話幫我地收嘢，但其實食物未食完，所是叫佢唔好收晒。但過多五分鐘，又有第二個店員又話要幫我地收碟。今次未食完都照收走一部份。再過多五分鐘，直情有一個中年女店員走嚟同我地講話出面有人等位，之後就收走晒我地啲嘢要地埋單。成個食飯過程不夠半個鐘，個餐都未食完就啦啦聲要我地走，都真係食得很不快。食物方面，中肯點講句麵的味道不錯。但其他就名過其實了。雞撕粉皮太碎，好難夾嚟食，同埋啲汁唔係好夾啲食物。另外個茄子菜飯份量好少，味道也只係一般。而生煎包係凍凍地。環境更加唔駛講，個個食客都膊頭撞膊頭。應該不會再有下次了。

今日食晏同事話想食上海菜，行行下見到這間有Lunch set menu，就入去試試。套餐比較優惠，主食(A)＋小食(B)＋飲品。我們點了小籠包、生煎包、土匪雞翼菜飯 & 擔擔麵。上海小籠包 & 上海生煎包 兩個都是皮太厚，肉汁唔夠多，餡料亦唔太鮮甜，但份量算充足，整體都有點失望。土匪雞翼菜飯 土匪雞翼好好味，煎得好香。菜飯亦都唔錯，菜跟飯拌在一起，更加有口感，健康又美味 擔擔麵 這個幸好沒令我失望，湯底好濃，有花生香同芝麻香，而且杰度也剛剛好！麵身爽口彈牙，配以肉燥蔥花，更顯口感。另外一題：店內環境好一般，燈光好暗，空間又迫 不過lunch hour 快快食就無所謂，但晚上想同朋友慢慢食傾計真的唔推介！

tooooo bad工作太忙 終於都約到同爸爸食餐飯知道爸爸最愛就係生煎包 當然到呢度面勝一下生煎包最先黎到 凍的 味道唔係好差 但絕對唔係即整 招牌來說令人失望小籠包係熱 但皮太厚 肉汁唔太多 以上海菜來說 實在唔太達標炸排骨菜飯 普普通通 可維持飽肚就算酸辣湯都唔係話太特別埋單$181呢個質數 實在無下次比起初初開店 實在太大分別很多熱成 消失了

不可一 不可再lunch 同同學過黎食野我叫左個排骨菜飯 最正常其他三個叫左面 勁難食生煎包係招牌菜都可以咁難食無湯 個皮勁厚勁硬好似鞋底 咬左一啖 舊肉甩左出黎雞絲粉皮連青瓜絲都無咁慳皮一食完即刻收碗碟 好似趕你走咁 無下次

電視節目成日見食評唔錯去試試,夜晚9點去都要等位滿心歡喜等先來個酸辣湯杰度岩可惜又唔辣又唔酸料又小再上生煎包剛剛煎起底雖然脆但就好油冇肉汁餡又唔香到排骨麵用豬柳做好厚有根咬極都唔斷好似食香口膠味道做得好都冇用材料唔得到小籠包上已經冇期望只有失望小籠包厚皮餡用豬肉冇鮮味蟹粉完全食唔出好多汁都冇用全冇鮮味最後上擔擔麵估唔到壓軸係最出色,湯底好濃花生香杰度剛剛好有麻辣香味,掛到麵麵沾滿汁勁好味,雖然好飽但都食晒,其中一樣出色都冇咁down

這家店開業的時候已經得知它的存在，是某位過氣明星主理，記得那時候好評甚多，對它產生了興趣，可是沒有抓準機會去嘗嘗。興趣隨着時間淡化，後來再沒打算去吃，直到這天正在附近，又沒特定想吃什麼，終於是進來了。店子名字敢打上"正宗"二字，心想它是有一定水準才會斗膽自稱。然而雞絲粉皮一上場即大跌眼鏡，恕我孤陋寡聞，平生第一次遇到沒有青瓜的雞絲粉皮，所以不知道雞絲粉皮真的只有雞絲與粉皮，是否該感謝還多了醬汁。粉皮如其名正一粉皮，嫩滑欠奉，質感若是再硬一些可成軟膠，還好不是硬膠。醬料用上芝麻醬，現成一瓶那種的味道，並非麻醬，即不是花生醬，毀了雞絲粉皮的神髓。糖醋排骨的味道對板，可是排骨的肉又粗又硬，咬起來相當費勁。上海菜飯用上珍珠米，簡直是對菜飯的侮辱！成品淡而無味，完全沒沾到菜的味道，我都懷疑菜碎不過是後來加上去裝飾而已。然而飯的味道又要比單煮出來的珍珠米要差，沒有飯香，想不出來他們花了多少功夫才能把它搞得比普通白飯還要難吃。最後上場的是芝士鮮肉小龍包，前陣子在網上偶然看到別人推介這個，也是因為想起它這天才會來。推介就是推介，至少沒有令人失望，雖然說不上非常好吃，但至少它是好吃。現蒸的小龍包非常熱，

每次經過都排滿人，今次都排咗一陣入先到去食。其實都真係好一陣....個人覺得個生煎包真係可以稱「皇」，真心好食過我係上海食果個好出名嘅生煎包，咬落湯汁都好香濃，啲肉汁鮮嫩，個皮都好脆，唔知係唔係店主根據香港人口味改善過，所以食落特別好食！ 另外推薦係茄子飯，個醬好特別，茄子係凍食，跟住飯係熱辣辣嘅菜飯，加埋啲蒜真係very good!不過呢...如果當日有特別事就唔好去食啦，因為真係會臭成日 最後雞絲粉皮其實都好好味，不過個醬唔夠誠意，因為啲味似係直接買返黎嘅芝麻醬...冇乜特色~

想想都有一些時間無食過上海食物，就想起有時在旺角食生煎包的「正宗上海生煎皇」食晚餐。「正宗上海生煎皇」在旺角的豉油街，就在新寶戲院的旁邊，就在這一條街一望都是食店，各式各樣的食店都有，選擇食東西的時間一定能提供足夠的選項給不同的食客。食店的空間真是十分之細小，廚房就在食店近門口的地方，一入到去細細的枱就放在店的兩邊，空間真是十分之細小，每一次有客人來的時間差不多都要讓位給其他人通過，而店內的燈光也不是太光亮，坐入進餐的感覺不太舒適。餐牌就是枱上旁邊的餐紙，看見有包點類、小食類、涼菜類和飯麵類，數一數食物的選擇有三十多種左右，小店來說食物的選擇都算幾多。今次進餐的選擇有涼拌青瓜海蜇、上海生煎包、上海厚切炸排骨菜飯和韭菜豬肉水餃湯麵。涼拌青瓜海蜇($24) 前菜小食就是這個涼拌青瓜海蜇，賣相看見有大量黃色的生蒜醬在小小的海蜇和大量的青瓜上面，海蜇都幾爽口，但數量太小食不出真色，青瓜的感覺也是爽口清新，而碟底也有一些的辣醬，加上了上面的生蒜醬令辣感加倍，不過食落都只是有少許的辣感，但食物的名字改成「涼拌青瓜」比較好。上海生煎包($16兩個) 這店的招牌食物，因為想食多一些不同的食物只是