君臨宴會廳

Open Now

Now Closed

黎到愉翠商場，上1層第2間鋪位已經係呢間酒樓，好容易就見到！當日大約12點左右去到，人數不算多，仲有早茶飲添佢有張紙係孖寶，雙數咁叫會抵好多，記住留意😋小籠包：浸皮唔會太厚，肉質中上，可以一試！炸芋角： Below average，係凍架！暖都稱唔上，好失望啊😢有食過呢款點心都知凍同熱係差好遠架.... 粉果： 入邊有條好長的白蘿蔔，花生同肉碎略嫌不足。服務水平：上菜速度可以接受溫度：唔會太凍總結：係一般屋邨商場的水平，性價比合理，人均40蚊左右（2籠點心）

疫情第三波，原應該留家抗疫，但早前訂了 酒店Staycation，不能退款，就入住吧。在附近覓食，到愉翠商場，看到君臨酒樓裏面人客不多，所以就飲茶吧。鹹菜豬肚：份量不少，而且豬肚炆得夠稔，夠入味。枝竹也炸得夠老，炆得夠入味。不太鹹，不錯！不錯！鮮蝦菜肉餃：這個很好，三粒菜肉餃非常大粒。除了蝦肉夠爽，菜的份量也不少，非常爽口！山竹牛肉：正常叉燒腸粉：不錯！腸粉幾滑，而且叉燒份量不少，很飽肚。沙田雞粥：也不錯！用鹹雞去煲，粥不太鹹，又下火。但是，桂花杞子糕就麻麻地。桂花味不夠濃，而且魚膠粉太多，桂花糕過硬。整體而言，很多款點心了，只二百元。而且，各款點心都好味，幾好！幾好！

星期六2点下午茶,諗住疫情尚算ok,於是去飲茶,最老土系服務員问我地搭五搭檯,今時今日仲叫人搭檯,已經觉得好媽嬲豬.最气系,煎蘿蔔糕,春卷全部都系凍,蘿蔔糕更是由微波炉叮熱.一间完全系求求其其的酒楼,連个碗都黐左咁多飯粒都吾知？仲话有消毒？

一坐底見到點心紙選擇都算多之餘隔離枱食物好似都幾大份，最特色係有個點心部，客人可以拎住茶位卡去揀想食嘅點心。不過d食物質素都幾差。燒腩仔瀨粉🍜d燒肉皮吾脆肉又硬，白雲鳳爪🐥吾夠入味，鳳城水餃🥟餡料都算多都可以啦，家鄉炸煎堆黎到已經吾暖！！食落一d都吾脆皮仲好硬😓😓芒果布甸好實花奶又少。基本上所有食物都唔熱，煎堆直頭暖都唔暖😅另外2個女收銀員服務態度好差，我對緊張賬單果時佢係咁想扯走我張單，之後我簽名都未簽完另一個收銀員又想扯走張紙，2個好似趕客咁🙄真係吾會再黎食😰😰

一家人經常周圍飲茶， 今次到君臨宴會廳， 對這區不太熟悉，只是求其入一間酒樓。 點心的質素普普通通， 最好食都是鮑汁鳳爪， 炆得夠淋又入味。 粟米蝦球的蝦肉非常鬆散， 食食下我有懷疑過未熟。 排骨鳳爪味道正常， 排骨份量都幾多。 春捲脆卜卜入面有鮮蝦肉，正！ 臘腸卷用原條臘腸夠誠意， 雖然肥膩但真係好好味。 魚腐湯米線味道清清地， 不過不失啦。 甜品叫了煎堆仔， 味道不太甜其實幾好，可惜溫度不夠熱。去茶樓食點心最重要是溫度夠熱， 最好是即叫即蒸！

今天放假和爸媽去飲茶,因我爸爸已80多歲,有時會無記性,問那四眼部長取點心紙,他好似不想回答而且態度很不好,食物一般無特別,但那四眼部長很趕客! 其實很多時,長者很愛飲下午茶作午餐,很多時都忘了怎樣分特價點心紙和正價的分別,所以有較多問題,但作為部長或職員,能保持耐性,服務和食物品質一樣重要!

來到馬鐵第一城站附近的愉翠商場飲茶，過了一點多還有很多人，兩點之前為午餐時間，點心類別還算多，都是傳統的款式胡椒豬肚鹹菜湯-很足料的一款湯，也可以當一道餸吃，豬肚煲的軟嫩，而且非常多塊，鹹菜的味道充滿整個湯，腐皮吸收了湯汁非常好吃，湯稍微鹹了一點三款包有雞仔包、叉燒包和流沙包，一次吃到三款，兩個人不用叫很多籠，不過包類的皮都偏硬，過於扎實，餡料普通，流沙包最好吃西茜牛肉腸-腸粉皮蠻滑的，牛肉餡調味普通午市特價的蟹籽燒賣-有驚喜很好吃，燒賣的豬肉餡新鮮，還有鮮蝦在裡面，口感有彈性，加上香菇提味，很好吃荷葉珍珠雞-一份有三塊珍珠雞，米飯調味還可以，蒸的夠熱夠軟上湯鮮竹捲-這道點心最後才上，可能現點現蒸吧！裡面為豬肉和芹菜，偏油一些

今晚係老爺鋪頭的年夜飯，訂左附近的呢間酒樓，包房有兩圍。其實唔係第一次黎，但因為諗住寫食評今次特別留意D食物質素，不過真係強差人意，我成日都話，我對食野其實無要求，我講得難食嗰D真係好難食。乳豬黎講，肥瘦適中，個皮都有少少脆，算佢合格，但係唔知點解好多油！龍蝦伊麵，個芡汁太多，一pat咁，味道一般，無乜龍蝦鮮味。西蘭花帶子珊瑚蚌，無味既！好差！炸蝦球，上碟時好熱，但個皮係un的！相當麻麻！黃金蝦，係菜單無的，可能老爺後加？都算合格，但稱不上好食，都係油油的雞煲翅都足料的，D翅一梳梳，味道都OK清蒸龍躉夠滑，起碼無蒸都老哂，但平時D魚汁好好味的，佢係無味的..我已經唔係食野濃味的人，都覺得佢D野無味...發財蠔士冬菇菜，我無食蠔士，但冬菇和生菜不過不失啦！D菇都大隻的燒雞又係塊皮唔脆，但肉係滑的。最後美點雙輝，已經好飽，淨係食左伊面，又係油油的...連最後的紅豆沙湯丸我都覺得好一般...

鍾意呢間酒樓, 除左d嘢食吾錯, 好緊要嘅係佢8位就可以 booking, 雖然去到都係要等人埋單先有枱, 但快好多 今年中秋, 老爺奶奶+姑仔成家入嚟我地度 family gathering, 梗係 encore 返呢度飲茶啦.早一個星期訂定枱, 去到等左10分鐘就有得入啦~呢間酒樓 D 點心真心整得吾錯, 色香味俱存, 介紹下今餐嘅大家至愛 :  啫喱 --- 當然係阿B至愛喇, 一上枱就兩眼發光, 幾乎成碟俾佢地食晒, 哈哈黑胡椒豬肚 --- 奶奶的至愛, 吾錯, 吾會好咸, 岩老人家蝦餃 --- 老爺一個人食左2粒煎腸粉 --- 姑仔鍾意食, 煎得夠香, 但仲好滑, 吾硬. 點麻醬+甜醬, 正!蒸牛肚 --- 好入味呀, 又夠林, 係姑仔相公點嘅~馬拉盞 --- 竟然係我相公點, 嚇左我一跳蒸鳳爪 --- my favor~ 吾止D鳳爪正, 鋪底D花生都好正, 一粒都無剩 屋村酒樓嚟講, 呢間君臨算係幾大體, 裝修OK靚, 招呼親朋戚友一D都吾會失禮

繼上次在此食店不快經歷，其實都不想再惠顧。但今晚因為遷就其他朋友關係，沒辦法之下唯有再次冒險嘗試。☹坐低後不久，我們已經見到上次令人反感的服務員~嗰位負責魚缸海鮮、黑皮膚、身材矮小的阿叔行來行去，看見他的手仍然是充滿魚缸水，但他依然是四處用手摸掃客人椅背，行為異常令人反感; 他又會在客人頭頂上方指指點點，很骯髒恐怖，我們也避開他的手數次; 最驚嚇是，他竟然在公眾地方若無其事地挖鼻孔！很恐怖、不衞生、令人反胃作嘔！😠老實說，呢位阿叔已經沒有酒樓服務員最基本應該有嘅外表和態度，再加上他這些不禮貌不衛生行為真的很嘔心。他行來行去冇做嘢，或站立一旁看電視，但佢對手經常濕立立，扮做嘢時遞餸菜或遞白飯到客人枱上時隻手都係濕立立，真的很不衛生，見到呢d飯餸都已經不想食。仲有另一幕~呢度有個火鍋熟食檔給火鍋客人食用，看見當時仍然有火鍋客人，但呢位阿叔竟然用他的牙籤(唔知牙籤乾唔乾淨)直接去"吉"熟食檔裏面的食物，然後放入口！嘩！有冇攪錯？真係可以骯髒到一個點……很恐怖……很過份……很不衞生😨食物很一般，不好食，坦白說，被呢位阿叔嘅行為影響，只感覺到呢間酒樓很骯髒不衞生，全枱人根本已經冇哂食嘢心情。原來

君臨呢幾年嘅小菜一路都做得唔錯，今晚屋企冇煮飯，我哋一家三口又走落去開餐啦。先叫個孖寶套餐 --- 蒜頭豆豉炒春菜，加一隻沙薑雞 ; 另外再加多個冬菇紅燒豆腐煲添。隻沙薑雞幾滑， 跟左2碟葱油同埋1碟沙薑汁， 好味。春菜第一次食，原來苦苦地，有 D 似芥菜味，幾得意，師父落新鮮蒜頭同豆豉去炒，唔錯，香口但又唔會好油。個冬菇紅燒豆腐煲，份量好多下。豆腐好滑，大大件，偏清淡，我鍾意食辣，所以沾豆瓣醬食，好味。一煲有四隻大冬菇， 同埋幾條菜心， 唔錯。幾抵食㗎，隻雞好大隻，三個人都食唔曬，最後要打包走。

呢排成日要返工輪班咁繁忙開工之前就梗係要飲啖靚茶食個包獎勵下自己～～ 今日鮮蝦韭菜餃有特價仲有優點添所以拿拿林叫咗～蛋散甜甜蜜蜜乾身脆口好好味～ 魚片粥同炸兩 係孖寶 一齊嗌會有特價 好抵呀！！ 必食之選但略嫌魚片粥太多骨 食嘅時候要小心

送餐慢,落單落漏單食物送到撞正員工落地場時間,女收銀員黎收錢,一拎出信用卡...她便說:"都估到你俾card"我心諗...我俾咩有d咩問題?你係收吾到錢?咁就吾好係門口講收card!!!送餐都要俾時間人食掛???我問收銀落漏單無食物到,佢態度極惡劣話廚房2點30至3點收左出吾到,但我2點15已落ORDER,無得落都無任何一個人通知下午茶2點開始,如果咩都無,咁何必要整張點心單?我從2 點坐到4點先等完出曬所有食物,到底食物出慢係客人的錯嗎?一路食,d員工係咁係我地枱上收野,超無禮貌簡直不知所謂.

今日去飲茶，小朋友只得兩歲，一開始開坐底既時侯已同待應講明係兩位唔計小朋友，待應係張卡度寫茶位寫到鬼劃符咁睇唔到佢寫幾位，最後去埋單既時候check到print出黎既單係計多左一位，係計埋小朋友茶位，我已經禮貌地同佢講計錯左，點知個位戴眼鏡電長髮負責收銀既較年長女士竟然大聲及惡咁話我唔早講，我已心平氣和同佢講解我們已一早同你們伙計講左，之後仲話佢記得我幾次都係咁改位，我一聽到真係火都黎，我之前根本冇試過咁樣改茶位！ 第一，佢將佢地自己出錯既責任竟然歸咎於客人。第二，客人禮貌提醒，竟然惡言相向態度惡劣，並講大話屈客人不只一次。我冇諗過會遇到如此態度惡劣的收銀阿姐，唔認錯之餘仲要講大話屈個客！我聲明我之前從來都冇咁改過，佢先話可能佢記錯左！！！！😡

近期幫朋友新居搬遷執拾，而朋友喜歡中菜，所以我們多次晚餐都選擇同一酒樓~ 這間區內幾乎唯一一間嘅酒樓。食物味道和份量皆感覺不太穩定，多次體驗之中只能試過一次好好味！侍應服務方面，其中一位男侍應阿叔就絕對不合格，估計這位阿叔是負責魚缸海鮮，因多次見他不太多做樓面工作，只是有時拿着手提海鮮籃行來行去，但沒有用膠筒盛着個手提籃，令到魚缸水滴至四處都是，有時路過客人的衣服也會不小心被沾濕。他的手滿是水滴，但他的手經常在客人頭頂上方向指手畫腳（因為客人是坐着，位置低過他的濕手），真的很怕水滴在頭上。另外他又常常用手掃座椅背，即使座位有客人坐着也一樣照掃，不知他是什麼習慣，但感覺很不衞生和嘔心。負責收碗碟的職員也很有問題，經常將d碗碟大力飛去架手推車度，攪到d碗碟汁彈哂出手推車外面，收拾碗碟聲太嘈，令人好煩厭。整體感覺平平，需要改善空間似乎有很多。