霸王山莊

Open Now

Now Closed

以前霸王山莊好出名記得要排隊企係門口等開飯的上海野食正中小籠包又好食但幾年前去的野食都差左幾年後再黎，的野更差人請食飯指定要去呢間可能係大家回憶嘅地方除左啤酒之外所有野包括甜品都係唔好味而且甜品賣相唔OK，未計加一由$38-42不等唔值！片皮鴨，無鴨味，鴨肉極鞋～皮亦唔脆雞絲粉皮，的麻醬無落醋，好漏拼盤，肉無肉味、雞無雞味；的野又肥膩炒飯無鑊氣、賽螃蟹的蛋白鞋鞋地服務正正常常星期五都唔趕客走由7點坐到10點係一個不錯聚會嘅好地方不過冷氣勁唔夠，又焗又標汗#地點都幾間涉，由中環去呢度要50分鐘

今晚去左霸王山莊食飯，因為想食片皮鴨，所以叫左黎食，質素還可以，夠熱夠香，好食。但係可能冷氣不太夠，有D熱，另外，睇見餐廳員工成日聚埋一齊倾計，講笑，仲聽到講客人壞話，呢個我就覺得有D過分，雖然唔係話我，但係都唔太應該。同時，員工都無咩笑容，就算累都唔應該咁樣，俾人既感覺毫無專業。希望管理層有所改善，因為霸王山莊一向食物唔錯，無謂做壞招牌。

最近為左草里數，成日特登book啲有里數送既餐廳，今日咁岩同老公去開尖沙咀拎證件，見到霸王山莊有25里數加九折，一於又試下啦！記得有10年前左右黎過食片皮鴨，一直都好想黎番試下，今次試下個lunch先，順便其實都想睇下lunch會唔會有特價片皮鴨食，結果……係冇既😂環境算舒服，12點3入去，兩個人仲有最後一張卡位坐。入到去侍應其實冇比lunch餐牌，比左單點既餐牌，唔通因為遊客多?因為見到openrice食評有lunch餐牌所以問佢拎。套餐款式都ok，有得揀麵餐或者飯餐我地揀左京蔥爆牛同埋宮保雞丁，包兩個白飯同飲品。每個餐都係68蚊，再連茶水同加一，九折左之後163蚊埋單，尖沙咀食lunch其實都要咁上下價錢啦，食物質素都唔錯，okay la!

突然想食北京填鴨平日掃街都有機會食到烤鴨卷/煎餅但好想正正經經食返次🤤自己包.北京填鴨(全隻)霸王山莊好特別 除左一般的青瓜 䓤 仲有蜜瓜 哈蜜瓜 菠蘿🍍咕嚕鴨？其實感覺還好 有點清新 但當飯後果好了蒸皮比較厚和淋身 微暖 鴨肉相對而言有點老 鴨皮欠缺油香食到最後 蒸皮數目不夠 鴨肉太多.賽螃蟹🦀️這是沒有蟹肉的可說是功夫菜 只用蛋白 靠瑤柱提高鮮味正宗的都會加上一粒蛋黃 🍳很吸睛這個很好吃 十分推薦 (不夠味可加豉油.中菜點少得♨️小籠包皮薄饀靚肉汁多 才稱得上好水準沒有甚麼特別 欠缺驚喜.簡單來說 就是上湯煮白菜 加金華火腿又是一道功夫菜 考的是入味但表現一般 金華火腿薄切都很硬

本身今日都好想食片皮鴨咁就約埋朋友一齊去 唔使好耐就可以入去食得 可能係夜得濟 所以都唔算好多人 一坐底緊係叫半隻片皮鴨 味道都ok 有鴨皮又有肉 幾有口感 地方都算坐得舒服 可以慢慢坐底食下野

昨晚跟朋友第一次來這間餐廳，味道還可以。但總體服務體驗，差得人驚，同茶記無分別﹗！第一，滿座，要等，無所謂，近門口，熱到喊﹗焗左個桑拿，坐到落枱，一大陣抺台布味，D位擺到好似打風咁。在等待的過程中，看見有女人片鴨，片完鴨，大大聲講碟鴨去幾多號枱﹗大佬，D口水會否飛左落碟鴨果度啊？？？﹗！！所以我死都唔會叫鴨食﹗好心帶返個口罩啦﹗頭罩最少戴返個呀！D管理層點想架﹗地下好dirty，應該是前一張枱有小朋友食過，飯粒好多，無人掃。有時候，看見好細隻的「小強」急速走過，有D毛管棟﹗冷氣唔夠，食完水煮魚，一身汗茶壺蓋打開了，九萬世才有人加水。找個著西裝頭髮分界的男人想反映吓，我猜他應該是經理，他借左聾耳陳隻耳，經而不理﹗食胞左，出去大門口食煙，見到個經理成樽彿咁企在收銀，乜都唔做，同人吹水。一千幾百蚊的消費，都係錢呀！無第二次

趁着復活節假期同屋企人去尖沙咀霸王山莊食飯，早一日定位，去到等左5分鐘就可以入左啦，座位好舒服，服務人員亦都好有善，每上一樣餸都有問我地意見，亦都不時幫我地換碟加水。當晚我哋叫咗最出名嘅扁皮鴨，大大碟，師傅切得好薄，皮又香脆，肉質鮮嫩，加上配料，超級好味！所以必叫👍👍👍小籠包即叫即蒸，上台時熱辣辣，咬落去啲汁流晒出嚟！跟住叫左回鍋肉，辣度剛好 ，送飯一絕。我哋一家一路食一路傾計，見夜晚越來越多人，心諗好彩早d到。總括嚟講，價錢合理，環境舒服，服務又好，嘢食都10分出色，下次會再嚟！

話說同屋企人行行吓落好大雨，於是就入咗去呢間餐廳食中菜先首先餐廳環境大，但係略嘈，而且冷氣真係好凍!!!。。。。。。。。。。。。。。。。。。。。。食物方面，叫咗一個粗炒、羊肉、炸饅頭、黑醋排骨~不過落單嗰度就有少少不愉快，因為我哋等左差唔多20分鐘先至發現原來佢漏單。。。。。。。。。。。。。。。。。。。。。。終於有得食！等我重點推介粗炒呢個人覺得真係冇乜特別，反而係其餘三個菜式值得讚賞🌻炸饅頭好脆，上菜時仲係熱辣辣！。。。。。。。。。。。。。。。。。。。。。。🌻本身對外面餐廳嘅羊肉都冇乜信心，點知呢碟比我感覺幾唔錯羊肉切得夠薄，孜然味道好突出之余，唔會遮蓋羊肉本身嘅味道。。。。。。。。。。。。。。。。。。。。。。。。🌻黑醋排骨，千祈唔好叫咗另一個糖醋排骨因為我就係有啲混淆左！呢個黑醋排骨濃郁酸甜味，酸同甜度平均雖然餐廳開頭比我感覺不太良好，但係食物質素又真係唔錯嘅

友人遠從屯門周車勞動的坐巴士搖出來，不想她再費周章的到處找好味的，就選了巴士落客旁的知名小店「霸王山莊」。每次惠顧，都總會見到一、兩台外國遊客，蒞臨親嘗中國特色味道。今次點了「上海菜肉雲吞湯麵」，雲吞包著「肥瘦豬肉」、「鮮蝦仁」，大大粒，一粒放進口內，大有快感。加上「糖醋小排骨」，甜甜酸酸，是一道成功的開胃菜。

早排同屋企人係尖沙咀行完街，肚餓就搵野食。行經霸王山莊，想食下上海野同片皮鴨，就入去試下。我地叫左3味菜，片皮鴨，炸饅頭同蜜汁火腿方。鴨既味道唔錯，啲包皮就略嫌乾身左少少。炸饅頭唔錯，外脆內軟。蜜汁火腿方就最有驚喜，用包皮包住塊火腿，再加埋青瓜同炸腐皮，口感好好。

每每食午飯, 都唔會諗起去霸王山莊, 今日大家都病病哋, 所以就諗住清清哋食個麵! .原來要收茶錢 $6位 & 加一服務費, 唔怪之得午飯時間都咁少人啦! .青菜嫩雞煨麵 + 糖醋小排骨 $62 ~ 麵唔係我食, 對方評語為 : 麵 lor… 糖醋小排骨有5粒, 味道唔錯, 薄薄的肉包裹大大粒骨頭 ! 上海豬柳排湯麵 + 上海春卷 (2條) $62 ~ 麵份量少, 男仕應該唔夠飽! 豬柳排軟滑, 炸得幾香脆! 春卷鬆脆, 餡料略少! 豆漿 $7 ~ 無豆味! .註: 是日結帳 $165, 短時間內應該都唔去喇! 

已經有兩三年沒來了。周末晚上在尖沙咀與朋友歡聚吃飯，友人特地訂了霸王山莊，因為早幾年我們吃過都覺不錯，所以再來。沒想到竟退步了，味道平淡了。1. 五色拼盤本想點海蜇頭，但淨海蜇頭都要八十幾，倒不如加九十要五色拼盤，多幾款嚐嚐。五色包括烤麩、醉轉彎、海蜇頭、糖醋小排骨、鯧魚。沒想到海蜇頭切得細碎，有些是爽脆，但有些卻不彈牙。醉轉彎酒味不夠香濃，太淡了，而且有一兩處粗身的雞毛還未去淨🤦🏻‍♀️烤麩算是最入味的了，糖醋排骨和鯧魚都還好。2. 霸王炒飯有鑊氣，炒得乾身，飯粒粒分明。很快被我們吃光。3. 糖醋松子桂花魚上次來吃也有點這個松子桂花魚，今次水準仍保持到。甜酸醬開胃，還有豐富的菠蘿、洋蔥、青椒、紅椒、松子、蝦仁做配料。魚肉外脆內滑，大大條魚，四個人吃相當足夠。 4. 小籠包相當普通，湯汁和肉都很淡味，唯有蘸多些醋⋯⋯5. 北京烤鴨（半隻）配料很多，除了常見的青瓜、京蔥外，還有哈蜜瓜、蜜瓜、鮮菠蘿三款水果條。但主角鴨肉有點乾，雖然不「鞋口」，但相比上一次吃，顯然失色。最後吃剩差不多一半⋯⋯

放假同屋企人食飯就搵左呢間食上海菜既試下。叫左三個冷盤，上簽口水雞，味道唔錯，麻辣口味，不過以份量嚟講，價錢就有d貴，唔算特別出眾，就係一般口水雞既味道。另一個冷盤，三色拼盤，都係無乜特別，個倉魚係凍既反而唔係咁好食。鎮江水晶肴肉，之前係杭州食過覺得好好食，所以特登叫嚟試下。食落去唔會好油，入口即溶，不過我就覺得佢個皮太厚，而且仲食到d毛，破壞口感。主菜方面就叫左招牌既北京烤鴨。食落真係有d失望，個皮一d都唔脆，d肉又韌...黑醋小排骨，覺得有d太甜。上湯蒜子浸翡翠苗，我自己本身就好鍾意食翡翠苗，所以覺得唔錯，但有屋企人唔鍾意佢陣草青味，所以食完就扁晒咀。總括而言，就係性價比唔高，菜式好一般，但價錢就比較貴，當然係尖沙咀食野就一定偏貴，如果想食上海菜，可以有更好既選擇。

隔左成個月先食個朋友既生日飯朋友話想食皮片鴨，有日行過見過依間片皮鴨，佢就話想食餐紙有啲頹大閘蟹既季節可惜6樣入面嗌左3樣，都係唔好食咖先上嘢飲嘢，蘋果果同水果茶都偏甜雞絲粉皮($74)身為冷盤既佢唔夠凍，吸引力少左大半雞絲得幾條，我會話食十幾廿條既粉皮先有一條雞絲咁囉唔講我以為依碟雞絲粉皮係素菜嚟麻醬又唔夠多，都做唔到條條都有醬好失望北京烤鴨($378)係真係好食既個醬每塊皮都有紙隔住，可以好易拎不過啲鴨好瘦，肉仲多過皮個醬就真係無得頂，調味調得好好如果點完仲可以問佢拎過兜糖醋松子桂魚($160)，本身唔特別鐘意，所以都唔識講蟹粉炒蝦仁($180)無蟹粉既都同普通一個就咁炒蝦仁無分別蟹粉小籠包(2隻 $48)都係嗰句啦，無蟹味既，同普通小籠包無分別蟹粉海皇炒飯($165)好難食賣相係零分一上枱就已經擺到咁，比少少心機堆返好都好呱味道先係重點，好難食好難食好難食又係無蟹味，係普通菜餐廳炒飯既難食版蜜汁火方餅夾響鈴($128)個蜜汁好味甜甜地再配返金華火腿最後加多返脆片，用包夾住食口感同味道都一流仲嗌左炸饅頭同金華火腿扒娃娃菜，味道都還算尚可以4個人埋單$1600左右唔特別平，又唔特好食

記得多年前霸王山莊是有很多分店的。不知道是否租太貴的原因，慢慢霸王山莊已經越來越少分店。今天在尖沙咀出席完座談會之後，想起這裏有霸王山莊，便來回味一下。這裏的裝潢，相比我多年來食的時候，已經變得不同了。（証明太耐無幫襯😂）醉雞的水準只是一般。大部分的上海店整也比這好。雞也上算是嫩滑的，但酒味不算太入味；不過不失，但算不上回味。賽螃蟹不錯 。有些店舖混的是蝦肉；這裏是蟹肉，所以感覺比較嫩滑一些。蛋白雖炒得不是很滑很幼，但我感覺可以接受，因為味道不錯。霸王小籠包，是中上的味道。皮薄，餡又不錯，不肥，不會吃到成口油；但是夾的時候皮破了，有點可惜。 雖巿面有很多比他好吃的小籠包，但是我認為這個也算是過得去了。這個上海菜肉餛飩，反而是我今天最驚喜的項目。蔥花湯的蔥味很香，很清；而餛飩的皮薄餡也很好，也是沒有一點的肥，而肉香依然四溢。霸王炒飯：雖然有櫻花蝦，但是我感覺他和一般的蝦米分別不是太大。沒有特別的蝦香， 所以在我心中這只是一個簡單的蝦米蛋白炒飯。黑醋小排骨是另外一個有意外驚喜的食物。 黑醋汁稠而不油膩；更值得一讚的是，小排骨的肉很鬆化很香口。這個上海豆沙鍋餅，有滿滿的芝麻，和外面吃的很不一